نشاهد اليوم
برنامج من جديد
و الذى يذاع على قناة ONTV
تقديم شريهان أبوحسن
شارك الخبر مع اصدقائك على الفيس بوك و تويتر و جوجل +1 من اعلى الصفحة
مع تمنياتى بمشاهدة ممتعة
و لنبداء
برنامج من جديد تقديم شريهان ابو حسن و حلقة الاحد 25 نوفمبر 2012 من قناة ONTV يوتيوب كاملة
من جديد: تعليق العمل في بعض محاكم المحافظات
السلام والتحية على حضراكوا أهلا بيكو معانا.. 30 مليار جنيه خسائر بسبب فرمانات الرئيس مرسي خلال يوم واحد بس في قطاع واحد بس هو البورصة المصرية.. التلاتين مليار دولا جوم في انهيار تاريخي للورصة المصرية واول انهيار للبورصة في عهد الرئيس مرسي من ساعة توليه السلطة..
يا ترى ذنب الناس ايه في الخساير ديه يا ترى البلد مستحملة خساير على خسايرها اللي الفلوس ولا في البشر ولا في حالة الانقسام اللي عمر ما المصريين عرفوها على مدار تاريخهم ..
في خلال اليومين دولا الرئيس اتكلم وكلامه زود حدة الانقسام باختياره الحديث إلى أهله وعشيرته قدام قصر الاتحادية في الوقت اللي كانت الناس مستنية الخطاب يكون على التليفزيون يخاطب المصريين كلهم هو صحيح الخطاب كان متذاع على التليفزيون لكن الرئيس في الأساس كان بيخطب فئة وسايب باقي الشعب اللي هوه مسئول عنهم.. لأن الرئيس مرسي هو رئيس جمهورية مصر العربية مش رئيس جمهورية الإخوان..
دلوقتي وبعد ما وصلنا للي وصلناله الرئاسة .. وكأننا في وادي والرئاسة في وادي تاني .. الرئاسة سايبة كل اللي بيحصل وأكدت النهاردة في بيان ليها انها ملتزمة بالحوار مع "كافة القوى السياسية" للتوصل الى توافق عام على الدستور ... هو حد جاب سيرة الدستور دلوقتي ... هو ليه ديما بنحس اننا في بلدين بلدهم وبلدنا.. غير النقطة بتاعة الحوار ديه .. الكلام اللي بيخص الإعلان الدستوري جه بنفس المبررات اللي كانت بتتقال من المجلس العسكرية عن المحاكمات الثورية .. ساعتها المجلس قال عشان نعرف نرجع الفلوس تاني.. نفس المبرر بيصاغ بطريقة تانية .. وبالبيان بيقول الاعلان ضروري من أجل محاسبة المسؤولين عن الفساد إضافة الى الجرائم الأخرى التي ارتكبت أثناء النظام السابق والفترة الانتقالية..
البيان شدد على "الطبيعة المؤقتة" للإعلان الدستوري اللي بيوسع سلطات الرئيس محمد مرسي.. اللي بيدي للرئيس السلطة التشريعية والسلطة التنفيذية والسلطة القضائية والسلطة التأسيسية.. واللي أثار رفض جميع القوى السياسية وكمان رفضه القضاه في جمعيتهم العمومية امبارح.. واللي طالبوا فيها بوقف العمل بالمحاكم.. وهو اللي حصل في بعض المحاكم.
من جديد: تأجيل محاكمة الشريف ونجليه إلى 26 يناير
وقف العمل بالمحاكم ما كنشي في كل المحاكم والقضايا اللي منظورة بالفعل وبيتحاكم فيها متهمين واصلت عملها لعدم تعطيل مصالح المواطنين.. وسرعة الفصل في القضايا، ومنها القضية الخاصة بصفوت الشريف الخاصة بالكسب غير المشروع واللي اتأجلت لجلسة 26 يناير اللي جاي.
من جديد: الرئيس مرسي يجتمع مع مستشاريه
في محاولة لاحتواء الأزمة النهاردة اجتمع الدكتور مرسي مع مستشاريه عشان يبحث تداعيات اصداره للإعلان الدستوري.. معانا هشام المياني الصحفي ببوابة الأهرام .
من جديد: رأي المواطنين في قرارات الرئيس مرسي
يا ترى الناس شايفة قرارات الرئيس مرسي الأخيرة ازاي .. تفاصيل اكتر في التقرير اللي جاي.
من جديد: إتفاقية مع مستشفى 57357 لعلاج سرطان الأطفال
النهاردة .. وقعت شركة هوواي العالمية اتفاقية تعاون مع مستشفى 57375 لعلاج سرطان الأطفال في مبادرة بهدف دعم علاج الأطفال.
من جديد: الرئيس يدعو لإجتماع بمجلس القضاء الأعلى
من ضمن المطالب للقضاة في جمعيتهم طالبوا المجلس الأعلى للقضاء ببيان اكتر قوة من البيان اللي اصدره للتعلق على الاعلان الدستوري.. والنهاردة مجلس القضاء الأعلى دعا الرئيس محمد مرسي إلى أن يقتصر الإعلان الدستوري على "الأعمال السيادية" فقط.. وكمان دعا القضاة إلى الاستمرار في العمل بينما كان نادي قضاة مصر دعاهم يوم السبت إلى تعليق العمل.. في الوقت اللي تم الإعلان كمان عن لقاء الرئيس مرسي بكرة بالمجلس كاملا.. معانا علي حسن نائب رئيس تحرير وكالة أنباء الشرق الأوسط .
من جديد: حاجز خرساني بشارع القصر العيني
نروح لميدان التحرير النهاردة استقبل اللواء أحمد جمال الدين، وزير الداخلية، مجموعة من النشطاء بهدف العمل على بحث احتواء الأزمة، وتهدئة المتظاهرين المتواجدين بميدان التحرير وشارعى محمد محمود وقصر العينى.. يا ترى الميدان عامل ازاي ده اللي حنعرفه من زميلنا محمد الحداد .
أول قتيل في إشتباكات المتظاهرين والإخوان بالبحيرة
معنا ناصر جودة مراسل اليوم السابع بالبحيرة حيث يؤكد أن هناك عشرات المصابيين بين المتظاهرين والإخوان بالبحيرة .
من جديد: أسباب إشتباك الصحفيين في جمعيتهم العمومية
من جديد اهلا بحضراتكوا .. يظهر ان حالة الانقسام والاختلاف اللى بتشهدها مصر امتدت لكل شئ حولينا، حتى الصحفيين اللى طول الوقت كلمتهم واحده ورأيهم واحد ، النهاردة الصحفيين في جمعيتهم العمومية الطارئة ، انقسموا واختلفوا لدرجة وصلت لحد الاشتباك ، بين الصحفيين الرافضين لسياسية النقيب الحالي -- المحسوب على الاخوان- وصحفيين تانيين محسوبين على جماعة الاخوان المسلمين ،..
لكن بغض النظر عن الانقسام والاختلاف اللى كان واضح في صفوف الصحفيين النهاردة، الا انهم نجحوا ولأول مرة انهم يعقدوا جمعيتهم العمومية من أول جلسة وده بسبب الاقبال الكبير من جموع الصحفيين سواء شباب او شيوخ المهنة، وده ان دل على شئ بيدل على شغف اصحاب المهنة وحرصهم على اتخاذ قرارت تفيدهم وتعبر عن رأيهم ..
احنا النهاردة هنحاول نفهم اية اللى حصل في الجمعية العمومية للصحفيين النهاردة، وايه سبب الاشتباكات، وكمان نستعرض القرارت الجرئية اللى قررتها الجمعية النهاردة واللي ابرزها رفض الاعلان الدستوري الجديد للرئيس والتهديد بحجب الصحف والإضراب العام في حالة الإصرار علي الإعلان الدستورى، والاعتصام بميدان التحرير .. بنرحب بضيوفنا الكرام -- الكاتب الصحفي الكبير الاستاذ سعد هجرس ، والاستاذ جمال فهمي وكيل نقابة الصحفيين .. اهلا بكم في من جديد
ليست هناك تعليقات:
إرسال تعليق