نشاهد اليوم
برنامج من جديد
و الذى يذاع على قناة ONTV
تقديم شريهان أبوحسن
شارك الخبر مع اصدقائك على الفيس بوك و تويتر و جوجل +1 من اعلى الصفحة
مع تمنياتى بمشاهدة ممتعة
و لنبداء
برنامج من جديد تقديم شريهان ابو حسن و حلقة الاثنين 12 نوفمبر 2012 من قناة ONTV يوتيوب كاملة
من جديد: المفاجأة السارة من الرئيس مرسي
السلام والتحية على حضراتكو أهلا بيكو معانا، امبارح مصر كلها نامت وما سمعتشي الخبر الحلو اللي قال عليه الدكتور محمد محسوب وزير الشون البرلمانية والمجالس النيابية واحنا واللي زي حالتنا كدة من البرامج قعدنا نخمن ونسأل هل ممكن يكون الخبر ده او الخبر ده هو اللي قصد الدكتور محسوب عليه النهاردة.. ولحد النهاردة الصبح الرياسة ما كانشي عندها رد ومش عارفة ايه الخبر الحلو اللي الدكتور محسوب قصده عليه..ود اللي حط مؤسسة الرئاسة في حرج كبير، لكن الدكتور ياسر علي، المتحدث الرسمي باسم رئاسة الجمهورية، على الساعة 5 المغرب طلع في تصريح على بواة الأهرام وقال إنه قام بسؤال الدكتور محمد محسوب، وزير الدولة للشئون القانونية، حوالين قصده من المفاجأة السارة اللي قال إن الرئيس محمد مرسي حيعلنها، فأكد له الوزير أنه كان بيقصد القانون الخاص بتشديد العقوبة على مهربي السلع البترولية. . يا سلام اكيد كلنا فرحنا بهذا الخبر السعيد وكل واحد فرحان دلوقتي بعد الخبر ده اللي كلنا اكيد كنا مستنينه .. الحمد لله خلال العقوبة حتتشدد على مهربي السلع البترولية .. الواحد مش مصدق من كتر الفرحة.. اكيد لو حد ما فرحشي بالخبر د يبقى المشكلة عنده.. لاننا مش حنعرف ايه اللي يفرحنا اكتر من الحكومة.. رغم ان القانون صدق عليه الدكتور مرسي من يومين.. والدكتور ياسر علي أضاف ، أن الوزير أخبره بأن الحوار تم معه قبل صدور هذا القانون، ولكن موعد نشر الحوار جاء متأخرًا مما جعل الناس تعتقد أن هناك شيئًا جديدًا في الطريق.. احنا اسفين يا دكتور ياسر احنا اسفين يا دكتور محسوب.. معانا جمال فهمي عضو مجلس نقابة الصحفيين .
من جديد: حزب النور ينتقد موكب مرسي
من ناحية تانية انتقد الدكتور يسرى حماد، نائب رئيس حزب النور والمتحدث الرسمى باسم الحزب، الموكب الكبير لزيارة الرئيس محمد مرسى إلى ميناء الدخيلة بالإسكندرية، وقال في حسابه على الفيس بوك:" عذرًا يا سيادة الرئيس ما على هذا.. بايعناك على أن تعطينا درسًا فى التواضع وإنكار الذات والتضحية بالنفس لتحيا هذه الأمة وأهلها، وعلى أن تخوض الصعاب لا تخشى فى الله لومه لائم".
وقال حماد: هالنى بشدة موكب البذخ الذى شاهده الجميع والدكتور مرسى يزور ميناء الدخيلة بالإسكندرية، حيث يتعارض تمامًا مع الصورة الذهنية التى تعلمتها وتعلمها معى سيادة الرئيس من موكب النبى محمد صلى الله عليه وسلام وهو يفتح مكة، وما كان عليه من التواضع الجم والتذلل الواضح لرب العباد".
من جديد: لقاء مرسي مع رموز العمل النسائى بمصر
من ناحية تانية الدكتور محمد مرسي رئيس الجمهورية عقد اجتماع مع 14 سيدة من رموز العمل النسائى فى مصر، تم تناول خلال اللقاء أهم المستجدات اللى بتشهدها الساحة ملاحظات الجمعيات النسائية حول بعض مواد الدستور. وأكد الرئيس على أهمية التوافق حول الدستور .. معانا السفيرة ميرفت التلاوي رئيس المجلس القومي للمرأة
من جديد: مسيرة لرفض التفاوض مع صندوق النقد الدولي
النهاردة الإتحاد المصري للنقابات المستقلة والحملة الشعبية لإسقاط ديون مصر وعدد من الأحزاب والحركات الثورية نظموا مسيرة انطلقت من امام البورصة وحتى مقر مجلس الوزراء لرفض التفاوض مع صندوق النقد الدولي للحصول على قرض من الصندوق وأكدوا وجود وسائل أخرى لحل الأزمة الأقتصادية غير الأقتراض من الخارج
من جديد: البدء بإصدار رخص القيادة الجديدة
امبارح ناقشنا مع حضراتكو خبر اصدار رخصة القيادة الجديدة خلال اتصالنا مع اللواء مصطفى راشد مدير الإدارة العامة للمرور والنهاردة بالفعل بدأت الإدارة العامة للمرور في اصدار الرخص الجديدة واللي بتحقق مزيد من معايير التأمين وصعوبة التزوير من خلال ربطها بالرقم القومي ..
من جديد: مشادة بين عمرو موسى والغرياني بالتأسيسة
النهارده داخل الجمعية التأسيسية السيد عمرو موسى كانت فيه مشادة بينه وبين المستشار حسام الغرياني , فكان عمرو موسى بإلغاء البعد الأسيوي لمصر , وكان في مشادة أيضاً ما بين الدكتور عبد الجليل مصطفي وبين الدكتور عصام العريان .
من جديد: صخرة الدويقة أصبحت ساحة رياضية
النهاردة اللواء توحيد توفيق قائد المنطقة المركزية العسكرية والدكتور أسامة كمال محافظ القاهرة واللواء أسامة الصغير مدير أمن القاهرة وأعضاء مجلس الشورى افتتحوا ساحة رياضية بمنطقة الدويقة في مكان صخرة المقطم اللي كانت انهارت واسفرت عن وفاة واصابة العشرات من أهالي المنطقة.. فاحنا حنسيب حضراتكوا مع التقرير وبعدها حنروح لفاصل وبعد الفاصل حنعرف ايه هي مخاطر مرض السكر على المصريين..
تحديات أمام خروج دستور متوافق .. في من جديد
من جديد اهلاً بحضراتكو.... تحديات بتعوق خروج دستور متوافق عليه يمثل كل فئات الشعب.. التيار المدني رافض لأي مواد بيعتبرها مقدمة لقيام دولة دينية.. الجانب الأخر التيار السلفي رافض فكرة الدولة المدنية الحديثة وحقوق المواطنة الكاملة.. بين كل ده الجمعية التأسيسية هتصدر الدستور النهائي قبل يوم 12 ديسمبر الجاي.. يعنى أقل من شهر .. التيار المدني بيطلب مد عمل الجمعية .. والجمعية أخر ميعاد ليها يوم 12 حسب الإعلان الدستور وإلا هتكون ملغية.. تهديدات التيارات المدنية مستمرة بشكل يومي وكادوا ينسحبوا الأسبوع اللي فات.. الرئيس اتدخل ودعا للقاءات مع كل التيارات، لكن بدون نتيجة.. حالة الاستقرار السياسي اللى عيشناها كام شهر بدأت تنفلت.. أعمال عنف في سينا.. ومليونية إسلامية بميدان التحرير.. ومليونية جاية للتيار المدني.. المشهد السياسي مرتبك بالكامل.. عدم الخروج بدستور توافقي بينظر بكارثة ومتاهة جديدة.. إنهارده معانا الدكتور عمار علي حسن الباحث في شئون الجماعات الإسلامية.. يوضحلنا إيه اللى بيحصل داخل التأسيسية.
مخاطر مرض السكر على المصريين .. في من جديد
من جديد اهلا بحضراتكوا .. لسه متابعين مع حضرتكوا الملف الأهم والأخطر ، ملف صحة المصريين اللي في النازل يوم ورا التاني ، بدءنا مع حضرتكوا بلقاء عن فيرس سي وكيفية علاجه، وبعدين الاورام وسرطان الكبد، والنهاردة هناقش مع حضرتكوا مرض السكر واسباب انتشارة بين المصريين بالشكل المرعب ده،
النهارده وزارة الصحة أطلقت الحملة القومية للتوعية بمرض السكر بعد ما وصل عدد المصابين بالمرض الى 7 مليون مريض، وقالت انها هتقوم ببعض الاجراءات للتوعية منها تخصيص خط ساخن للاستفسار عن المرض، والقيام بحملة اعلانات بمختلف وسائل الاعلام للتوعية بخطورة المرض، بالاضافة لوسائل تانية جديدة منها ارسال رسائل تليفونية على المحمول عن المرض وكمان عرض افلام بأماكن التجمعات وفي المسشتفيات تشرح المرض وكيفية علاجة .. تفاصيل أكثر عن الحملة وكيفية العلاج من مرض السكر واكتشافه في مراحل مبكرة مع ضيفنا الدكتور محمد خطاب عضو اللجنة القومية العليا للسكر بوزارة الصحة واستاذ امراض السكر بالقصر العيني ... اهلا بيكم يا دكتور في من جديد.
ليست هناك تعليقات:
إرسال تعليق