نشاهد اليوم
برنامج من جديد
و الذى يذاع على قناة ONTV
تقديم شريهان أبوحسن
شارك الخبر مع اصدقائك على الفيس بوك و تويتر و جوجل +1 من اعلى الصفحة
مع تمنياتى بمشاهدة ممتعة
و لنبداء
برنامج من جديد تقديم شريهان ابو حسن و حلقة الاربعاء 20 يونيو 2012 من قناة ONTV يوتيوب كاملة
من جديد: تضارب الأنباء سيد الموقف
السلام والتحية على حضراتكو واهلا بيكو معانا ... مصر بتعيش الآن إحدى اللحظات الفارقة في تاريخها واللي حيتحدد عليها مستقبلها.. واهم ما يميز هذه اللحظة هو التضارب .. تضارب في نتائج الانتخابات الرئاسية اللى بنسمعها من حملة الدكتور محمد مرسي وحملة الفريق أحمد شفيق وتصميم كلا الفريقين على فوز مرشحهم ...
تضارب حول مصير وسلامة الإعلان الدستوري المكمل... واختلاف حول حكم حل البرلمان وتصميم البعض ان الحكم يعني حل الثلث الفردي فقط ... وأخيرا تضارب حول الأخبار والتصريحات المتعلقة بصحة الرئيس السابق حسني مبارك اللى تم نقله أمس من مستشفى سجن طره لمستشقى المعادي العسكري بعد تدهور حالته الصحية..
واللى بعدها بلحظات خرجت عليا وكالات الأنباء والتليفزيون المصري وأكد وفاة الرئيس السابق اكلنيكيا لكن النهاردة فوجئنا بتصريحات مختلفة تماما تؤكد أن مبارك فعلا يعاني من تدهور صحي لكن ودخل في غيبوبة لكن لم يصل لحد الوفاة اكلنيكيا وانه حاليا بدأت صحتة في التحسن مرة أخرى .. على كل حال تعالوا نشوف مصر حصل فيها اية النهاردة ونرجع عشان نبتدي من جديد.
من جديد: تظاهرات في الميادين لإسقاط الإعلان الدستوري
التظاهرات والمسيرات ضد الإعلان الدستوري المكمل لسة شغالة وميدان التحرير وعدد من الميادين الأخرى بيشهدوا تجمع الألاف لإسقاط هذا الإعلان الدستوري ومطالب تانية هنعرفها من الأستاذ طارق الخولي المتحدث بإسم حركة 6 ابريل
من جديد: مبارك في نفس المستشفى اللي استقبل السادات
أما فيما يتعلق بصحة الرئيس السابق محمد حسني مبارك اللي بيرقد حاليا في مستشفى المعادي العسكري بعد ما تم نقله امس اثر تعرضة لتدهور شديد في حالته الصحية فزي ما حضرتكوا تابعتوا معانا امبارح خرجت علينا وكالة الأنباء الرسمية وأكدت وفاة الرئيس السابق اكلنيكيا لكن النهاردة فوجئنا بصريحات جديدة منسوبة لمصادر عسكرية وأمنية بتأكد ان الرئيس السابق دخل في غيبوبة بس ، ووسط هذا التضارب وهذه التصريحات اللى منعرفش اذا كانت صحيحة ولا لاء فحتى الآن مخرجش عليا مسئول رسمي او بيان من المستشفى مثلا حول الحالة الصحية لمبارك للانتهاء من هذا الجدل .. ومع الجدل ده كله احنا قدام حقيقة واحدة هي ان مبارك دلوقتي موجود في مستشفى المعادي وهو المستشفى اللي كان استقبل الرئيس الراحل أنور السادات اللي تم اغتياله.
من جديد: أنباء عن تأجيل إعلان نتيجة الانتخابات
أما فيما يتعلق بالانتخابات الرئاسية فقالت أنها تحتاج لبعض الوقت في النظر للطعون المقدمة من المرشيحن الفريق أحمد شفيق والدكتور محمد مرسي اية اللى حصل في الطعون وقرارات الللجنة اية .. معانا الأستاذ إبراهيم قاسم الصحفي بجريدة اليوم السابع
من جديد: هل تشهد مصر ثورة جديدة - النائب مصطفى الجندي
من جديد اهلا بحضرتكوا ... يظهر اننا داخلين على مرحلة جديدة في تاريخ مصر .. ويمكن تكون مرحلة فارقة .. مرحلة ما بعد انتخاب الرئيس .. وبالتأكيد حضرتكم متابعين لحالة القلق .. والترقب .. والخوف . واحيانا الغضب اللى بيعيشها دلوقتي كتير من المصريين ..
مرحلة جديدة بدأنا ندخل فيها الايام اللى فاتت وهي مرحلة الشائعات ، كل شوية تطلع اشاعه وبعدين يتم نفيها، اخر الاشاعات دي كان خبر وفاة مبارك اكلينيكيا وبعدها بساعات تم نفى الخبر والتأكيد على انه حالتة مستقرة .. يا تري كان اية المقصود من دة وهل احنا داخلين على حرب الشائعات للتأثير على اعصاب المصريين اللي اعصابهم اصلا مبقتش ناقصة ..
على اي حال احنا هناقش في حورنا النهاردة مع ضيفنا نائب مجلس الشعب المنحل، النائب عن الثورة مستمرة مصطفي الجندي .. اية حكايات الشائعات دي وياترى بكرة هيكون شكلة اية.. اهلا بيك معانا في من جديد
ليست هناك تعليقات:
إرسال تعليق