نشاهد اليوم
برنامج من جديد
و الذى يذاع على قناة ONTV
تقديم شريهان أبوحسن
شارك الخبر مع اصدقائك على الفيس بوك و تويتر و جوجل +1 من اعلى الصفحة
مع تمنياتى بمشاهدة ممتعة
و لنبداء
برنامج من جديد تقديم شريهان ابو حسن و حلقة الثلاثاء 19 يونيو 2012 من قناة ONTV يوتيوب كاملة
من جديد: الاتنين كسبوا الرئاسة والشعب في حيرة
السلام والتحية على حضراتكو واهلا بيكو معانا ... واضح ان المصري ديما مكتوب عليه الحيرة حتى لما كان محتار ما بين الفريق أحمد شفيق والدكتور محمد مرسي حيرته مانتهتش لما اخد القرار وراح انتخب سواء دا او دا او قرر المقاطعة ... لأ الحيرة كمان لسة موجودة لحد دلوقتي بعد ما خرج عليها الفريقين سواء التابعين للدكتور محمد مرسي أو التابعين للفريق أحمد شفيق واكد كل واحد منهم فوز مرشحهم وانه خلاص اصبح رئيس الجمهورية ...وكل طرف فيهم بقى يحتفل بفوز مرشحه ... وطبعا مطلوب مننا اننا نفضل في هذه الحيرة وهذا الجدل اللى نقدر نسميه عبث لحد يوم الخميس اللى جاي بعد ما اللجنة العليا للانتخابات الرئاسية تعلن عن النتيجة بشكل رسمي ... ووقتها واجب على الفريق الأخر اللى هيخسر المعركة ان يتقلبها ويعلن بصراحة اعتذاره لكل مصري بسبب الحيرة اللى كلنا فيها واللي جابتلنا مفهوم جديد في علم السياسة وهو الرئيس المحتمل.
على كل حال تعالوا نشوف مصر حل فيها اية النهاردة ونرجع عشان نبتدي من جديد ...
من جديد: مبارك يصاب بجلطة بالمخ ويخضع لصدمات كهربائية
وأحدث الأخبار عن صحة الرئيس مبارك , تدهور الحالة الصحية للرئيس السابق في محبسه في مستشفى سجن طره , أصيب بجلطة بالمخ ويخضع لصدمات كهربائية .. معانا الأستاذ عمر حسانين رئيس تحرير المصري اليوم
من جديد: حازم أبو إسماعيل يشارك في مليونية رفض الوصاية
تداعيات اصدار المجلس الأعلي للقوات المسلحة للأعلان الدستوري المكمل مستمرة والنهاردة ودلوقتي ميدان التحرير وعدد من ميادين مصر بيشهددوا احتشاد الألاف سواء من المستقلين أو التابعين للأحزاب أو الجماعات السياسية وشباب الثورة للمشاركة في مليونية "رفض الوصاية"لإسقاط الإعلان الدستورى المكمل وإلغاء قرار وزارة العدل بمنح الشرطة العسكرية سلطة الضبطية القضائية فى التعامل مع جرائم المدنيين.
من جديد: حملة د. مرسي تطبع نتائج الفرز في كتاب
في الوقت اللي حملة الدكتور محمد مرسي مرشح جماعة الإخوان المسلمين اعلنت فوز مرشحها بمنصب رئيس الجمهورية وخلاص تعاملوا على أساس انه بقى الرئيس .. رئيس مصر المنتخب .. حملة الفريق أحمد شفيق لأيضا اعلنت فوز مرشحها ... فردت حملة الدكتور محمد مرسي وأصدرت كتاب موثق فيه نتائج جولة الإعادة للانتخابات الرئاسية وبيتضمن صور للمحاضر الرسمية لفرز جولة الإعادة واللى بتاكد فوز مرسي بنسبة 52%.
من جديد - حملة شفيق لمرسي: بلوه واشربوا ميته
طبعا حملة الفريق أحمد شفيق مسكتتش وعقدوا هما كمان مؤتمر صحفي أكدوا فيه على أن مرشحهم متقدم على الدكتور مرسي بأكتر من نص مليون صوت بنسبة 51.5% ... وعلقوا على الكتاب اللى أصدرته حملة الدكتور مرسي بــ" بلوه واشربوا ميته.
من جديد: نفي تعيين رئيس لديوان رئيس الجمهورية
ناقشنا مع حضراتكو امبارح ما تردد عن قرار تعين اللواء أركان حرب عبد المؤمن فودة رئيساً لديوان رئيس الجمهورية والنهاردة مصدر عسكرى مسئول أكد أنه لا صحة لما تردد عن تعيين اللواء فودة رئيساً لديوان رئيس الجمهورية وأكد أنه فقط تم تكليفه للإشراف على لجنة الشئون المالية والإدارية بالرئاسة...
من جديد: إعلان نتيجة الرئاسة بعد الفصل في الطعون
ما بين الاتنين فاللجنة العليا للانتخابات الرئاسية دعت في بيان رسمي ليها بإعلاء مصلحة الوطن وطالبت الفريقين بعدم عرض نتائج الإنتخابات وإذاعة الأرقام لحين الفصل في الطعون والإعلان بشكل رسمي على النتيجة النهائية ....
من جديد: منع النواب من دخول البرلمان
نروح لموضوع تاني وهو تداعيات حل البرلمان والنهاردة للمرة التانية منع رجال الأمن أعضاء مجلس الشعب المنحل من دخول المجلس من بينهم امحمد العمدة وأنور البلكيمي
معانا الأستاذ محمد العمدة عضو مجلس الشعب المنحل
من جديد: تأجيل دعوى حل جماعة الإخوان
مجلس الدولة النهاردة نظر عدة دعاوى بتطالب بحل جماعة الإخوان المسلمين وحل حزبها حزب الحرية والعدالة لبطلان موقف الجماعة القانوني والمحكمة قررت التأجيل لجلسات 1 و4 سبتمبر المقبل ...
من جديد: سجن عهدي فضلي ٥ سنوات
النهاردة محكمة جنايات شمال القاهرة أصدرت حكما بمعاقبة عهدى فضلى رئيس مجلس إدارة أخبار اليوم السابق بالسجن 5 سنوات وغرامة قدرها 16 ملليون وقضت بمعاقبة هانى كامل، مدير قطاع الإعلانات بالمؤسسة سابقا بالسجن 5 سنوات مع إلزامه بغرامة قدرها 24 مليون، وإلزام المتهمين برد مبلغ 9 ملايين لأستغلال وظائفهم في الكسب غير المشروع
من جديد: الإرتباك السياسي قبل إعلان الرئيس
مرات كتير قلنا قبل كده إننا عايشين في حالة إرتباك في كل المجالات , إرتباك سياسي إرتباك تشريعي إرتباك قانوني إرتباك وصل دلوقتى لحالة إرتباك رئاسي أو إرتباك نتائج , شوية حملة أحمد شفيق تقول انه هو اللى كسب , وشوية حملة الدكتور محمد مرسي تقول انه هو اللى كسب , وهو إرتباك جديد يضاف للحالة التى نعيشها , قضايا مطروحة على الساحة وميدان التحرير مليان بالمتظاهرين للمطالبة بإسقاط الإعلان الدستوري التكميلي , أمور كتيرة وملفات كتيرة فيها حالة إرتباك هنحاول نناقشها مع ضيفنا الدكتور أسامة الغزالي حرب المفكر السياسي ومؤسس ورئيس حزب الجبهة الديمقراطية السابق .
ليست هناك تعليقات:
إرسال تعليق