برنامج بلدنا بالمصرى
تقديم ريم ماجد
على قناة ONTV
يوتيوب كاملة
تقديم ريم ماجد
يأتيكم من الأحد للخميس في الساعة 8:30 مساءا
الإعلامية المتميزة صاحبة الرؤية الثاقبة ريم ماجد تقدم برنامج بلدنا بالمصرى الذى يمزج السياسة بالقضايا الاجتماعية … يناقش القضايا التى تهم المصريين بوجهة نظر مصرية خالصة و يعبر عن رأى رجل الشارع … البرنامج يعيش مشاكل الشارع المصرى و يتكلم بلسانه، يشاغب الضيوف و يحاورهم و يجادلهم و يعبر عن رأى كل المصريين …ريم تكشف المستور من خلال فقرة كلام فى سركم و تقتحم الاسلاك الشائكة لعالم السياسة و تناقش الكبار … بلدنا بالمصرى … لسان المصريين
شارك الخبر مع اصدقائك على الفيس بوك و تويتر و جوجل +1
اتمنى مشاهدة ممتعة
ونبدا
برنامج بلدنا بالمصرى تقديم ريم ماجد على قناة ONTV حلقة الاربعاء 21 مارس 2012 يوتيوب كاملة
بلدنا: أ. عصام سلطان وحقيقة اختفاء ملف موقعة الجمل
نروح لآخر أخبار بلدنا، وآخر خبر ماهواش بعيد عن الشهدا وأهالي الشهدا واحلامهم اللي لسة ما اتحققتش وحقهم اللي لسة رايح هدر.. وهو الحقيقة خبر فيه جزء حلو أو يعني معقول وجزء مش مفهوم وجزء كارثي انصح.. الجزء المعقول هو ان المستشار عبدالمعز إبراهيم رئيس محكمة استئناف القاهرة حدد جلسة 8 أبريل لاستئناف جلسات محاكمة المتهمين في القضية المعروفة اعلامياً بـ "موقعة الجمل"، والمتهم فيها مجموعة لا باس بيها ابدا من كبارات النظام السابق والمحسوبين عليه.. دة الجزء المعقول، اما الجزء اللي مش مفهوم _ودة من امبارح_ هو الجزء الخاص باختصاصات المستشار عبد المعز ابراهيم اللي احنا مش فاهيمين هو تنحى او تنازل عنها ولا لأ ولا تنازل ورجع في كلامه.. ولو تنازل ييبقى ايه اللي من اختصاصه وايه اللي خارج اختصاصه ويفضل عضو في اللجنة العليا لانتخابات الرئاسة ولا لأ.. ولو كان تنازل وبعدين رجع في التنازل اللي شهد عليه عدد كبير من القضاة ورئيس المجلس الاعلى للقضاء شخصيا، يبقى دة معناه ايه؟!!!! كل ديه اسئلة مالهاش اجابات!!!!! اما الجزء الكارثي_ان صح_ هو اللي فجره النائب عصام سلطان في تصريحاته من امبارح عن اختفاء ملف قضية "موقعة الجمل" عن دايرته الأصلية. ولمزيد من التفاصيل إحنا معانا أ. عصام سلطان النائب بالبرلمان
بلدنا: دعوى قضائية لإلغاء النص بالنص في التأسيسية
زي ما فيه أصوات وافقت واصوات تانية ايدت قرار الجلسة المشتركة لمجلس الشعب ومجلس الشورى بان التمثيل داخل الجمعية التأسيسية لصياغة الدستور يكون النص بالنص بين البرلمانيين وغير البرلمانيين.. لسة فيه اصوات رافضة للقرار _مع ان الجمعية التاسيسية هيتم انتخابها يوم السبت اللي جاي على هذا الاساس_.. عملية الرفض ديه واخدة اشكال مختلفة زي التصريحات الصحفية والبيانات الرسمية والدعوة لوقفة احتجاجية يوم السبت قدام مجلس الشعب... لكن النهاردة الرفض خد شكل قانوني برفع دعوى قضائية من اكتر من 100 مواطن مصري من ضمنهم اساتذة قانون ودستور واساتذة جامعيين وشخصيات عامة وادباء وفنانين، للمطالبة بالغاء القرار.. و لمزيد من التفاصيل إحنا معانا د. جابر نصار أستاذ القانون الدستوري بجامعة القاهرة
بلدنا بالمصري: شباب الإخوان يتظاهرون أمام مقر الجماعة
الجدل هو سيد الموقف حاليا في المشهد السياسي ايا كان البطل: يطلع بقة الدستور بجمعيته التأسيسية أو انتخابات الرئاسة بقانونها بلجنتها العليا بقراراتها، ناهينا عن مين توافقي ومين بينسق مع مين ومين بيربط مع مين ومين هيدعم مين...وهكذا... لكن اليومين دول بالتحديد الجدل واخد حده داخل جماعة الاخوان المسلمين حوالين اسم المرشح اللي هتدعمه الجماعة وهل هو من الأسماء المطروحة ولا هيكون اسم جديد، لكن اللي زاد حدة الجدل هو الكلام مؤخرا عن احتمال ان الجماعة تتراجع عن قرارها ويكون لها مرشح للرئاسة من داخل الجماعة.. والاسم اللي بيتردد عادة هو اسم: المهندس خيرت الشاطر نائب المرشد العام.. والجواب النهائي للجماعة مش هيظهر ولا يبان على الاقل قبل اجتماع مجلس شورى الجماعة يوم الجمعة اللي جاية.. لكن الجديد النهاردة ان فيه عدد من شباب الاخوان نظموا وقفة احتجاجية قدام مقر الجماعة في المقطم, لتقديم عدد من المطالب لمكتب الإرشاد وأولها مطالبة الجماعة بالوفاء بوعدها بعدم ترشيح قيادات منها في الانتخابات. ولمزيد من التفاصيل إحنا معانا د. محمد صالح الحديدي عضو جماعة الأخوان المسلمين
بلدنا: البرلمان يهدد الحكومة بسحب الثقة انشالله
نروح تحت قبة مجلس الشعب اللي قرر النهاردة رفع جلساته مرتين بسبب تأخر الحكومة عن الحضور حتى بعد ما حضرت وهدد بسحب الثقة منها ان شاء الله. لمزيد من المعلومات إحنا معانا النائب أ/ محمد شبانة العضو بالبرلمان
بلدنا بالمصري: التماثيل حرام شرعاً ووزير الثقافة وافق
لحد دلوقتي ولحين اشعار آخر، مجلس الشعب لسة مش قادر على الحكومة اللي مازالت بتمارس مهامها رغم كل اللي شفناه واللي لسة بنشوفه منها وحاجة واحدة بس منهم كانت كفيلة بانها تطيح باجدعها حكومة في الدنيا.. ومع ذلك فيه عدد من نواب مجلس الشعب قدروا على وزير الثقافة وعلى تمثال محمد كريم أبو السينما في بلدنا.. الحكاية وما فيها هنعرفها من المنتج و عضو جبهة الأبداع المصرية د. محمد العدل
بلدنا بالمصري: عمال النقل العام يستأنفون إضرابهم
العاملين في هيئة النقل العام وبعد ما علقوا اضرابهم لمدة يوم واحد بس امبارح كرامة لجنازة البابا شنودة، رجعوا النهاردة تاني لإضرابهم ولوقفاتهم الاحتجاجية لحين الاستجابة لمطالبهم.
بلدنا بالمصري: تعمل إيه الناس مع زيادة تذاكر المواصلات
طب العاملين في النقل العام لما يحسوا ان حقوقهم ضايعة من حقهم يضربوا عن العمل.. لكن المواطنين اللي بيتشحططوا في وسائل النقل العام والجماعي، يعملوا ايه لما اسعار التذاكر ترتفع كدة فجأة وعلى غفلة ومن غير سبب.
بلدنا بالمصري: لماذا تم إخلاء السفارة الإسرائيلية ؟
وزارة الخارجية الإسرائيلية أعلنت إخلاء ما تبقى من محتويات في مقر السفارة الإسرائيلية في القاهرة والمقر القديم في الجيزة و النهاردة كان في حالة طواريء في المطار .. السؤال هل هذا ليه علاقة بالعلاقات المصرية الإسرائيلية أو مطالب مجلس الشعب.. هانعرف معلومات أكتر من اللواء سامح سيف الليزل
بلدنا بالمصري: الأمم المتحدة وشباب الثورات العربية
لولا الشعوب ما كانت الثورات.. ولولا الشباب ما كانت الشعوب قامت وشدت الحيل.. ولان الشباب هم كلمة السر فيما يسمى بالربيع العربي اللي لسة ما زهرش، الأمم المتحدة نظمت ندوة النهاردة للاعلان عن مجهوداتها وانجازاتها لصالح الشباب العربي بعد الثورات.
بلدنا بالمصري: فقد الاتصال بدورية حرس الحدود بالجنوب
أفاد مصدر عسكري مسئول بأنه تمَّ فقد الاتصال بإحدى دوريات حرس الحدود على خط الحدود الدولية الجنوبية، مشيرًا إلى أنه تم قطع جميع خطوط الاتصال اللا سلكي فجأةً. وقال المصدر: إنه جار أعمال البحث وتحقيق الاتصال بالتنسيق مع دول الجوار في هذا الشأن، وهي دول: السودان وليبيا وتشاد.
بلدنا بالمصري: قوانين الهانم .. باللي ليها واللي عليها
من هنا لحد آخر الحلقة هنحاول نناقش باكبر قدر من الموضوعية قوانين الاحوال الشخصية باللي ليها واللي عليها خاصة وان بعضها متهم مرة بانها قوانين الهانم ومرة بانها مخالفة للشريعة في حين ان فيه آراء تانية بتأكد انها من مكتسبات المرأة المصرية اللي حصلت عليها بعرق جبينها بعيد عن افضال الهوانم وانها من صميم الشريعة الاسلامية.. لكن لإن قوانين الاحوال الشخصية على بعضها كدة موضوع شرحه يطول ومحتاج اكتر بكتير من حتة حلقة مهما طالت، فاحنا هنركز النهاردة على قانونين بعينهم عشان نقدر نوفيهم حقهم في المناقشة: الخلع والرؤية وربنا بس يقدرنا عليهم.. وهنستعين على الشقا بالله وبضيوفنا النهاردة:
د. آمنة نصير: أستاذ العقيدة والفلسفة وعميد السابقة كلية الدراسات الإنسانية بفرع جامعة الأزهر بالإسكندرية سابقاً
أ. نهاد أبو القمصان: رئيس المركز القومي للمرأة
أ. سامح محروس: رئيس ائتلاف الاسرة المصرية
ليست هناك تعليقات:
إرسال تعليق