نشاهد اليوم برنامج السادة المحترمون
تقديم يوسف الحسينى
الذى يذاع على قناة ONTV
السادة المحترمون برنامج مش عادي
برنامج للمحترمين فقط ومش بالضرورة يكون عن المحترمين
السادة المحترمون سيتابعونه أما السادة اللي لمؤاخذة مش محترمون .. بغيظهم سيموتون
شارك الخبر مع اصدقائك على الفيس بوك و تويتر و جوجل +1 من اعلى الصفحة
و لنبداء مع تمنياتى بمشاهدة ممتعة
برنامج السادة المحترمون الاحد 9/6/2013 من قناة ONTV يوتيوب كاملة
يوسف الحسيني: اللي هيستفز شباب 30 يونيو يا ريت ميعيطش بعد كده
السادة المحترمون: تظاهر العشرات من المصريين أمام السفارة المصرية في السعودية
عموما ، ندخل فى أولى موضوعاتنا معاكم النهاردة عن كرامة المصريين فى الخارج .. معاناة المصريين فى الداخل فى زمن الإخوان جراء حكم الدكتور مرسي وفشله فى إدارة مصر الكل شايفها ، وامتهان كرامة المصريين فى الداخل وضياع حقوقهم انعكس على المصريين فى الخارج خاصة فى دول الخليج وعلى رأسها المملكة العربية السعودية ، المصريين هناك اعتقدوا بعد الثورة أن الدولة المصرية "دا لو بقى فى دولة أصلا" ، هتهتم بيهم وتخلى السفارات والقنصليات المصرية فى هذة الدول شغلها الشاغل مراعاة المصريين هناك وحقوقهم والعمل على تخفيف معاناتهم من نظام الكفيل هناك ، الكفيل اللى بيخلى المصريين يشتغلوا عنده كالعبيد وكمان بياكل حقوقهم ، لكن يبدو أن الوضع كما هو ، فإن كانت حقوق المصريين ضايعة فى الداخل وازدادت معاناتهم من حكم الإخوان فما بالك بالخارج .. ما يزيد عن 2000 مصرى فى المملكة العربية السعودية يعانون الأمرين ، 2000 مصرى ويزيد بقالهم شهرين عاوزين يرجعوا مصر ومش عارفين ، معتصمين أمام القنصلية المصرية فى جده على أمل ان السفارة ترجعهم مصر، الناس متكفله بكل حاجة بتذكرة السفر ومش عاوزين حاجة من السفارة غير أنها تسهل رجوعهم..
واحد اتنين السفير المصرى فين ، السفير المصرى مش فاضى ، السفير المصرى كان ممكن يتدخل ويتابع لو كان الناس دى من الأهل والعشيرة ، لو اننا فى دولة محترمة كانت الدولة كلها تتهز لغاية ما الناس دى ترجع مصر معززه مكرمة ، الغريب فين وزارة الخارجية من المصريين دول ، طب سيبنا من وزارة الخارجية اللى أصبحت دكانه تابعة للإرشاد ، فين عصام الحداد وزير الخارجية الفعلى الأن ، ولا لازم يكونوا إخوان علشان يتحرك ، اعتبر المصريين دول إخوان ياعم عصام .
السادة المحترمون: مصريين بالسعودية يطالبون بالعودة لمصر وسط تجاهل من السفارة المصرية
مرسى ما عملناش أى حاجة واحنا عاوزين نروح احنا نايمين فى الشارع وجوازتنا جوه السفارة وكل يوم يقولنا بكرة بعده - دى كلمات واحد من المصريين المعتصمين أمام القنصلية المصرية بجدة .. تابعونا على https://www.facebook.com/alSadahalMo7...
السادة المحترمون: معاناة المصريين في السعودية وتجاهل السفارة المصرية لهم
عموما المصريين هناك شايفين أن السفارة دايسة عليهم ولا بتعملهم أى حاجة رغم أنهم نايمين في الشارع .. ده رأى المصريين فى السعودية ، المصريين ملهمش أى كرامة وكل ده علشان مرسي والإخوان اللى مش مشغولين بأى حد ولا بمعاناتهم ، مرسي اللى مش شاغل باله فقط إلا بالصوابع اللى داخلة وخارجه من مصر واللى عاوز يقطعها ، أكيد مش هيفرق معاه كتير المصريين فى السعودية ، ناس نايمة فى الشارع ومش عارفين يعملوا ايه .. تابعونا على https://www.facebook.com/alSadahalMo7...
متحدث جماعة الإخوان جاب التايهة و يدعو وزير الثقافة لإدارة الوزارة من مسجد عبدالعزيز
قبل ما نروح لسؤال الفيس بوك ، أحمد عارف المتحدث الرسمى باسم جماعة الإخوان المسلمين متخيل نفسه عايش فى عصر الدولة الفاطمية ولا الأموية ولا أيام سينا عمرو بن الخطاب رضى الله عنه ، عارف خرج يوم الجمعة الماضية بيدعو وزير الثقافة لإدارة الوزارة من مسجد عبدالعزيز المجاور لقصر الإتحادية ، وبيقول المثقفين لا يعتصمون بالمساجد .. تابعونا على https://www.facebook.com/alSadahalMo7...
السادة المحترمون - متولى موسى: الكفيل السعودي يعامل المصري كعبد عنده
على أى حال معانا على الهاتف متولى موسى واحد من المصريين المعتصمين أمام القنصلية المصرية بجده يكلمنا عن تفاصيل اللى حصل معاه وكيف تتجاهلهم السفارة معاناتهم .. تابعونا على https://www.facebook.com/alSadahalMo7...
يوسف الحسيني: مرسي معملش حاجة للي في مصر هيعمل للي بره مصر ؟
السادة المحترمون: الكتاتني يتحدث عن إدانته للعنف بعد ما الإخوان سحلوا وعذبوا وقتوا
الإخوان والأهل والعشيرة والموالاه نظموا اجتماع ومؤتمر صحفي يوم الأربعاء الماضي ، الكتاتنى ألقى بيان أكد فيه احترامهم للتعبير السلمي عن الرأى أى والله وكمان بيدينوا أى استخدام للعنف للتعبير عن الرأى سواء حاليا أو في 30 يونيو القادم - خيار وفقوس الكتاتنى نشوف ونعلق بعدها
الكتاتنى عضو متكتب الارشاد ورئيس حزب الحرية والعدالة بيكلم عن التعبير السلمى عن الرأى وادانه أى استخدام للعنف ، أيوه هو الكتاتنى بتاع الإخوان ، ايوه الإخوان اللى عندهم ميليشيات اتورطوا فى مجازر أمام الاتحادية وفى التحرير والمقطم وسحلوا وعذبوا الشباب الثورى .
لكن الغريب فى الكتاتنى والأهل والعشيرة والموالاه ، ما شفناش منهم أى ادانه للإعتداء على مقر حملة تمرد بوسط القاهرة ، ومحاولة حرق المقر
الإخوان وصل بهم الرعب والخوف أنهم يحاولوا يحرقوا مقر حملة تمرد وسط القاهرة ، متخيلين أنهم لما يحرقوا استمارات حمله تمرد اللى جمعوها لسحب الثقة من مرسي أن خلاص كدة الناس مش هتنزل يوم 30 يونيو تطالب برحيلة وانتخابات رئاسية مبكرة ، لكن صحيح فى الكتاتنى يدين اللى حصل فى مقر حملة تمرد ، ده مش عنف برضه ياسيد كتاتنى ولا ايه ، هو العنف عندك خييار وفقوس ، الأهل والعشيرة يمارسوا العنف والبلطجة ضد الثوار والشباب عادى ، انما لو الشباب دافعوا عن نفسهم من ميليشياتكم يبقى ده عنف
السادة المحترمون: إعتداء أعضاء الإخوان على القوى الثورية بالشوم والسلاح الأبيض في دمنهور
وطالما أكلمنا عن العنف ، من محاولة حرق مقر حملة تمرد بوسط القاهرة ، للاعتداء على أعضاء الحملة فى المنصورة امبارح زى ما قلنالكم ، كمان ميليشيات الجماعة المدججة بالشوم والعصى والخوذ والحجارة والأسلحة البيضاء أعتدوا على الشباب الثوررى فى دمنهور بالبحيرة
ده كان يوم الخميس اللى فات ، فين الكتاتنى "خيار وفقوس" يكلمنا عن التظاهر السلمى وادنه العنف ، شباب القوى الثورية والمدنية راحوا يحضروا مؤتمر عن النقابات العمالية فى نقابة المحامين ، ميليشيات الإخوان منعوهم واشتبكوا معاهم ، وشكلهم كانوا محضرين نفسهم ، شوم وخوذ وسلاح أبيض ، حتى الفتيات ما اترحموش منهم ، تحرشوا بالفتيات ، زى اللى حصل مع ميرفت موسى أمام المقطم ولا علا شهبة امام الاتحادية ولا موع الرائعة شهندة مقلد اللى اخوانى كلب صفعها على وشها.
السادة المحترمون: شهادات المصابين في دمنهور جراء إعتداءات الإخوان عليهم
اشتباكات دمنهور اللى شفناها ، وهجوم ميليشيات الإخوان على شباب القوى المدنية والثورية أمام نقابة المحامين فى دمنهور نتج عنه اصابات عديدة ، خلونا نسمع شهادات المصابين فى المستشفى جراء هجوم واتداء ميليشيات الجماعة عليهم فى دمنهور
يوسف الحسيني لـ مرسي: عايزين شهادتك في المحكمة ياريس .. علشان انت بالقانون هارب من السجن
على أى حال اللواء محمود وجدي وزير الداخلية الأسبق شهد امبارح فى قضية الهروب الكبير من سجن وادي النطرون واللي بتشهدها جنح مستأنف الاسماعيلية ، وجدى أكد أن اقتحام سجن وادي النطرون وهروب المساجين منه تم بالمشاكة مع حماس وحزب الله -- عاوزين شهادتك فى المحكمة يادكتور مرسي ، ياريت بسرعة لانك بالقانون انت هارب من السجن.
السادة المحترمون: وقفة احتجاجية أمام مكتب النائب العام للمطالبة بالإفراج عن أحمد دومه
عموما ، حركة شباب من أجل العدالة والحرية ومجموعة من القوى الثورية نظموا النهاردة وقفة احتجاجية أمام مكتب النائب العام "الملاكي" للمطالبة بالإفراج عن الناشط السياسى والصحفى أحمد دومة ، دومة اللى محتجز الأن في سجون النهضة
عموما نورهان دومة زوجة الناشط والصحفى الرائع هتكون ضيفه حلقتنا النهاردة فى السادة المحترمون .
يوسف الحسيني لـ مرسي: تفتكر ياريس لو دومه هرب من السجن ممكن نقول ده حقه يهرب ؟
حاجة أخيرة قبل ما نروح لكلام وكلام -- والكلام ده للدكتور مرسي اللى فى رأيى ورأى كثيرين هارب من السجن ومطلوب شهادته فى قضية الهروب الكبير من سجن وادي النطرون بمساعده حماس ، تفتكر ياريس لو دومه "اللى هو فعلا مظلوم" هرب من السجن الأن ممكن نقول ده حقه يهرب ؟ هنقول لأ لأن فى النهاية في قانون دومة واحنا بنحترمه ، انما سيادتك هربت من السجن انت و33 من قيادات الإخوان وهنسألك تانى انت ازاى هربت وايه دور حماس ، ولو انت فعلا مظلوم ما تروح تشهد فى المحكمة ،
كلام وكلام: التكفيريون يمارسون نشاطهم في سيناء من خطف واختراق حدود واقتحام سجون
كلام وكلام
ثمينة الحصري
ابانوب
احمد سرحان
ابو ادهم
عبد الرحمن عز
احمد المغير
احمد خليل
"قنوات تشجعهم"
جمال حشمت: الشباب الثوري بلطجية ومرتزقة وبيجيبوا معاهم "سيدات سيئة السمعة"
الغريب فى كل اللى شفناه من جرائم الإخوان وبلطجة ميليشياتهم ضد الشباب فى البحيرة ، هو خروج جمال حشمت القيادى الإخوانى وعضو الهيئة العليا لحزب الحؤية والعدالة يقول ان شباب القوى المدنية هم اللى اعتدوا على الإخوان ومنعوهم من دخول النقابة ، لأ وبيدعى أن الغخوان معوا اقتحام النقايه - الكذب والتدليس الغخوانى فى أوضح صوره
الإخوانى جمال حشمت بينفى اعتداء الإخوان أو على شباب القوى المدنية اللى قال عليهم ما هم الا بلطجية ومرتزقة ، لأ وكمان بيقول أن اللى بيتظاهروا بيجيبوا معاهم "ستات سيئة السمعة" تتحرش بالناس ، الوقاحة والكذب والتدليس الإخواني وصل لمرحلة عفنه ووقحة ، محاولة اتقان الكذب ، كل المشاهد اللى شفناها ورتنا ازاى ان الإخوان كانوا مستعدين بالشوم والخوذ والسلاح الأبيض لضرب الشباب الثورى ، ويطلع جمال حشمت المدعي يقول على الشباب أنهم مرتزقة وبلطجية ، البلطجية والمرتزقة يدكتور حشمت هم الإخوان ، البلطجية والمرتزقة هم اللى بيتم سحبهم من المحافظات كالنعاج والخرفان ليقوموا بالاعتداء على مصريين سلميين
خبر مضروب: مرسى يقيل حكومة هشام قنديل بالكامل ويدعو لفتح تحقيق فى أحداث الإتحادية
الدكتور مرسى يقيل حكومة هشام قنديل بالكامل ويدعو لفتح تحقيق فى أحداث الاتحادية 5 ديسمبر 2012 مع إعلان لاأسماء المتورطين من قبل النيابة
الطريق إلى 30 يونيو .. الإعلامية بثينة كامل أيها السادة المحترمون
السلام عليكم ورحمة الله بركاته أيها السيدات المحترمات أولاً والسادة المحترمون خلونا نرحب بضيفتنا المحترمة الإعلامية بثينة كامل
زوجة الناشط السياسي المحبوس أحمد دومه مع يوسف الحسيني .. في السادة المحترمون
السلام عليكم ورحمة الله وبركاته أيها السادة المحترمون والسيدات المحترمات خلونا نرحب بضيفتنا في هذه الفقرة وهي نورهان حفظي زوجة الناشط السياسي المحبوس أحمد دومة
السادة المحترمون: الأحد 09 يونيو 2013
