نشاهد اليوم
برنامج بلدنا بالمصرى
تقديم ريم ماجد
على قناة OTV
تقديم ريم ماجد
يأتيكم من الأحد للخميس في الساعة 8:30 مساءا
الإعلامية المتميزة صاحبة الرؤية الثاقبة ريم ماجد تقدم برنامج بلدنا بالمصرى الذى يمزج السياسة بالقضايا الاجتماعية … يناقش القضايا التى تهم المصريين بوجهة نظر مصرية خالصة و يعبر عن رأى رجل الشارع … البرنامج يعيش مشاكل الشارع المصرى و يتكلم بلسانه، يشاغب الضيوف و يحاورهم و يجادلهم و يعبر عن رأى كل المصريين …ريم تكشف المستور من خلال فقرة كلام فى سركم و تقتحم الاسلاك الشائكة لعالم السياسة و تناقش الكبار … بلدنا بالمصرى … لسان المصريين
شارك الخبر مع اصدقائك على الفيس بوك و تويتر و جوجل +1
ONtv Livestreaming - البث الحي
اتمنى مشاهدة ممتعة
و نبدا
برنامج بلدنا بالمصرى الاحد 9/6/2013 ONTV حلقة يوتيوب كاملة
Promo: الروائي الكبير صنع الله إبراهيم .. في بلدنا بالمصري
رواياته بانوراما كاملة لتاريخ مصر وتاريخ الثورات العربية ومصائرها .. سجن في عهد عبد الناصر وسخر من سياسات السادات ورفض جائرة مبارك .. نصح مرسي بالرحيل وقال إن أمريكا تجهز بديلاً له .. قادماً من إعتصام المثقفين وشاهداً على كل العصور .. الروائي الكبير صنع الله إبراهيم مع ريم ماجد في بلدنا بالمصري
بلدنا بالمصري: هنستعين بـ صنع الله إبراهيم لمعرفة البلد دايحة على فين الليلة
يسعد مساكم وحلقة اول الاسبوع من بلدنا بالمصري واللي غالباً ما بنفكر فيها بصوت عالي على رد السؤال اياه: هي البلد ديه رايحة على فين؟!!! السؤال اللي شاغل بال اهالي المحروسة ومطير النوم من عينيهم.. وغالباً وبعد ما يسألوا السؤال بيقولوا في سرهم او في عقل بالهم او حتى بالفم المليان: ربنا يجيب العواقب سليمة ويجعل المخبي لطيف.. النهاردة هنفكر بصوت عالي مع الاديب والروائي الكبير صنع الله ابراهيم اللي طول عمره مشتبك بقلمه وحروف كلماته مع هموم البلد دي ودفع اتمان معتبرة مش اقلها السجن.. هنفكر معاه بصوت عالي في رد السؤال وان كان صنع الله ابراهيم غيته السؤال واكره ما عليه الاجابة، ومحبب على قلبه العقل يشتغل.. وهو دة بالظبط اللي هنستعين عليه بصنع الله ابراهيم بعد اخر اخبار بلدنا
بلدنا بالمصري: الإحتفال بالعيد القومي للسويد
بلدنا بالمصري: بيان عمرو عبدالهادي لأعضاء جبهة الضمير
اما اخر اخبار بلدنا فهنبدأها بحاجة ليها العجب.. ولو صحت تبقى جريمة يعاقب عليها القانون.. عدد كبير من الصحفيين والاعلاميين اللي زي حالاتي كدة، وغيرنا من الفنانين ومن الباحثين السياسيين والله اعلم مين تاني.. اتفاجئوا ما بين الساعة ١٢ والساعة ١٢:١٦، بميل عنوانه: السادة الزملاء اعضاء جبهة الضمير والراسل الاستاذ عمرو عبد الهادي المتحدث باسم جبهة الضمير... قبل ما تقرا مضمون الرسالة والتكذيب، لان جبهة الضمير رجعت كذبت مل اللي فيها.. لازم بس ناخد بالنا من التوقيتات
بلدنا بالمصري: الحقيقة وراء رسالة عمرو عبدالهادي للأعضاء جبهة الضمير
ومعنا عبر الهاتف عمرو عبدالهادي عضو جبهة الضمير: الجبهة لا تعرف شئ عن التكذيب لأن إيميلي الذي تعرض للسرقة. إلى الآن لم أقرأ البيان المزعوم علشان لما أحلف أكون صادق. عرفت بإختراق الإيميل بعد اتصال مع صحفي الساعة 11:50 مساء أمس. إيميلي مخترق منذ فترة ومن يقوم بذلك شخص يقود تحالف ثوري. المستفيد من إختراق إيميلي حملة تمرد. أطالب بمعاقبتي على التحريض لو صح البيان المذكور أو معاقبة من اخترقه أمس. مضمون تويتاتي دليل براءة وليس إدانة ومن كتب البيان جمعها من تويتاتي. أنا محلل سياسي ومن حقي تقييم القنوات الفضائية في تويتاتي أو غيرها. أنا ضد تقديم بلاغات ضد الصحفيين لكن الإعلام دخل حرب ضد النظام.
ومعنا عبر الهاتف خالد البلشي رئيس تحرير موقع البداية: تويتات عبدالهادي تؤكد حقيقة الإيميل
بلدنا بالمصري: فين الميليشيات المسلحة اللي شفناها في المنصورة يا نيابة
اما عن اللي حصل في دمنهور يوم الجمعة.. بالتأكيد اقتحام بيت اي بيت بغض النظر هو بيت مين وابن مين في مصر والاعتداء على ممتلكات اياً كانت ملك مين، تصرفات ما نقدرش ننكر انها مش مقبولة ومالهاش اعذار اوي يعني، وبالتاكيد بتمثل جريمة يعاقب عليها القانون.. لكن كمان محاولة اقتحام بيت الدكتور جمال حشمت عضو مجلس الشورى وعضو الهيئة العليا لحزب الحرية والعدالة والقيادي في جماعة الاخوان المسلمين، ما هواش الحاجة الوحيدة اللي حصلت يوم الجمعة في دمنهور، عشان النيابة تقرر حبس المتهمين باقتحام البيت ٤ ايام على ذمة التحقيقات وشكراً... طب فين اللي اعتدوا على المتظاهرين قدام النقابة وفين اللي شفناهم بحباب عينينا بالخوذات والعصيان والجنازير والسلاح الابيض وحاجة مافيش بعد كدة فشر اجدعها ميليشيا ناقصهم الزي العسكري!!!!!
محمد عبدالعزيز: اختصمنا مدير أمن البحيرة لأنه على علاقة قوية بجماعة الإخوان
ومعنا عبر الهاتف محمد عبدالعزيز المحامي: كان مفترضاً استدعاء المجني عليهم لسماع أقوالهم والبلاغات لم تتحرك. اختصمنا مدير أمن البحيرة لأنه على علاقة قوية بجماعة الإخوان
خالد صلاح: رسالة عمرو عبدالهادي جزء من مخطط لمواجهة 30 يونيو
ومعنا عبر الهاتف خالد صلاح رئيس تحرير جريدة اليوم السابع: هذه الرسالة جزء من مخطط لمواجهة 30 يونيو. الدعم الإعلامي والشعبي لحركة تمرد يخيف الكثيرين
بلدنا بالمصري: راية تمرد على قمة جبل دينالي في ألاسكا
ومع كل دة.. راية تمرد رفرفت امبارح عالية خفاقة على اعلى قمة في امريكا الشمالية بحالها.. قمة جبل دينالي في الاسكا في اخر الدنيا والبركة في عمرو سمرة
بلدنا بالمصري: مشروع نهضة الوادي .. الجندي في رحلة لدول حوض النيل
سبق وقلنا ان يمكن البركة تكون في الدبلوماسية الشعبية لحل ازمة سد النهضة او على الاقل احتواءها او على الاقل وسيلة من ضمن وسائل الحل بعيد عن التخريب والتظبيط والتدخل في الشأن الداخلي
بلدنا بالمصري: ابن عم مفتي الإخوان يطعن عضو حركة تمرد
صح الكلام دة او طلع فشنك: حرص ولا تخونش والحرص واحب.. صح الكلام دة او طلع فشنك قال يا هبر بفلوس بكرة يبقى ببلاش والمية تكدب الغطاس.. صح الكلام دة او طلع فشنك، المؤكد ان الاعتداءات عى اعضاء حملة تمرد في القاهرة والمحافظات عى اشده.. بعد محاولة حرق النقر في وسط البلد واللي حصل في دمنهور ومن قبلهم عضو الحملة اللي اختفى في ظروف غامضة في اسيوط، دة غير الاعتداءات اليومية اللي بتعدي من غير لا حس ولا خبر.. امبارحركان الدور على المنصورة وبدل الاعتداء اتنين
بلدنا بالمصري: المثقفين مستمرون في اعتصامهم لحين إقالة الوزير
الفنانين والمثقفين المصريين لسة مصممين وراسهم الف سيف ليستمروا في اعتصامهم في عقر دار وزارة الثقافة لحد اقالة الوزير او استقالته او لحد ٣٠ يونية
نعيش ونفتكر الكاتب والمفكر د. فرج فودة - بلدنا بالمصري
وقبل الفاصل: نعيش ونفتكر المفكر المصري الكبير الدكتور فرج فودة، اللي عدت علينا امبارح ذكرى اغتياله على ايد الجهل والتطرف من ٢١ سنة.... وبعد ٢١ سنة وللاسف الشديد ما اشبه اللية بالبارحة
صنع الله: عصر مبارك انتج قيادات فاسدة ومنافقة حتى وزارة الثقافة
صنع الله: الإخوان خرجوا من مسار الدعوة الدينية إلى السياسة والعنف
صنع الله: أتوقع تكرار مشهد 11 فبراير وإرادة الشعب هس الأساس
صنع الله: فكرة القائد الزعيم الملهم انتهت ولن تتكرر
الأديب والروائي الكبير صنع الله إبراهيم في بلدنا بالمصري
هو المواطن المصري اليساري طول عمره ومن ساسه لراسه.. وهو سجين الرأي في الستينات على ايد جمال عبد الناصر في حين ان جمال عبد الناصر لساه لحد النهاردة صورة في برواز في عقر داره والستينات لساها بالنسبة له من اروع مراحل تاريخ مصر الحديث، ومع ذلك هو ابعد ما يكون عن القط اللي بيحب خناقه او الضحية اللي بتقع في غرام الجلاد.. هو اللي اكتشف في الزنزانة وعلى طول سنين السجن بانه ما يقدرش يكون مناضل- دة على حد قوله- فصبح الكاتب، اللي ما كتبش ولا كلمة ولا حرف الا وكانوا- سواء بصريح العبارة او بين السطور- الا وكانوا تمرد وكانوا مقاومة، وكانوا افعال تحريضية من الطراز الاول، لكن على التفكير وعلى تشغيل المخ واعمال العقل اللي هو نعمة من نعم ربنا علينا ساعات بنضيعها هدر واحنا داريانين او مش داريانين.... بيكره الابطال ومش مصدق انهم موجودين اصلاً، لكن ايمانه كبير بالشخص الضعيف العادي اللي ممكن يكون بطل في حد ذاته لمجرد انه بس لسة عايش، لكن مش بالضرورة ابداً ينتصر له في اخر المطاف.. في البداية دايماً سؤال هيفضل مفتوح ومالوش رد.. او بمعنى اصح ليه الف حلال، لكن هو ما يمتلكش الاجابة النموذجية ولا الحقيقة ولا اليقين المطلق... وبالتالي احنا هنفكر معاه النهاردة بصوت عالي في اللي صار واللي كان واللي ممكن يصير وممكن يكون يمكن نقدر نفتح سكك نوصل بيها لاجابة هي بالضرورة مش نموذجية لسؤال: هي البلد ديه رايحة على فين؟!
فاسمحوا لي نقول يا هادي يارب باننا نمسي اولاً على ضيفنا العزيز جداً
الاديب والروائي الكبير: صنع الله ابراهيم
ليست هناك تعليقات:
إرسال تعليق