نشاهد اليوم
برنامج بلدنا بالمصرى
تقديم ريم ماجد
على قناة OTV
تقديم ريم ماجد
يأتيكم من الأحد للخميس في الساعة 8:30 مساءا
الإعلامية المتميزة صاحبة الرؤية الثاقبة ريم ماجد تقدم برنامج بلدنا بالمصرى الذى يمزج السياسة بالقضايا الاجتماعية … يناقش القضايا التى تهم المصريين بوجهة نظر مصرية خالصة و يعبر عن رأى رجل الشارع … البرنامج يعيش مشاكل الشارع المصرى و يتكلم بلسانه، يشاغب الضيوف و يحاورهم و يجادلهم و يعبر عن رأى كل المصريين …ريم تكشف المستور من خلال فقرة كلام فى سركم و تقتحم الاسلاك الشائكة لعالم السياسة و تناقش الكبار … بلدنا بالمصرى … لسان المصريين
شارك الخبر مع اصدقائك على الفيس بوك و تويتر و جوجل +1
ONtv Livestreaming - البث الحي
اتمنى مشاهدة ممتعة
و نبدا
برنامج بلدنا بالمصرى الاثنين 4/3/2013 ONTV حلقة يوتيوب كاملة
بلدنا: النيران مازالت مشتعلة داخل مديرية أمن بورسعيد
معنا على الهاتف . مراسل أون تي في - محمد الخولي
بلدنا بالمصري: الغضب يتصاعد وبورسعيد تشيع شهدائها
بنمسي على حضراتكوا وحلقة جديدة من بلدنا بالمصري.. هنختمها على حس عمال وفلاحين بلدنا وملح ارضها.. اللي حالهم من حال الثورة وحال الثورة من حالهم.. واللي مالوش خير فيهم مالوش خير فيها.. لكن هم اللي فيهم الخير والبركة والثورة مالهاش بركة الا هم.. مسك الختام هيكون على حس اتنين عاشقين تراب البلد ديه وغرمن بيها صبابة بالفعل وبالمواقف وبتاريخ النضال الطويل بطول عمرهم وربنا يديهم طولة العمر ويعيشوا ويشوفوا اليوم اللي عاشوا يحلموا بيه ويناضلوا عشانه ومازالوا.. عم كمال خليل المناضل طول عمره فين ما يكون النضال ومهما كان التمن.. وعم اسحق تادرس المواطن المصري الاصيل ولسان حال الفلاح صاحب العلة والداء بس كمان اللي عنده الدوا.. هيخطوا عتبتنا خطوة عزيزة بعد اخر اخبار بلدنا.. واللي هنبداها من بورسعيد اللي شيعت النهاردة جنازة شهداءها التلاتة اللي سقطوا في احداث امبارح بعد قرار وزارة الداخلية امبارح نقل المتهمين في قضية مذبحة استاد بورسعيد في السر في انصاص الليالي لمكان مش معلوم.. نفس الاحداث اللي راح ضحيتها اتنين من مجندين الامن المركزي غير مئات الاصابات من ضمنهم عقيد في القوات المسلحة على ايد مجهولين حسب التاكيدات الرسمية للقوات المسلحة ووزارة الداخلية اللي بيتهموا الاتنين عناصر مجهولة بالنسبة لهم هم الاتنين بتطلق النيران بشكل عشوائي على الحيش والشرطة في ساعة واحدة بهدف الوقيعة بينهم... على اي حال، الحال في بورسعيد لسة ماجاش على قد كدة والاشتباكات بين المتظاهرين وقوات الشرطة لسة على اشدها خاصة قدام مبنى المحافظة ومديرية الامن اللي نابهم النهاردة من ازايز المولوتوف نصيب كبير
بلدنا بالمصري: عمل توكيلات لوزير الدفاع قانوني
زي ما احنا عارفين ان قصة تحرير توكيلات في الشهر العقاري لتفويض المؤسسة العسكرية او وزير الدفاع بادارة شؤون البلاد، هي في الاصل اختراع بورسعيدي اتنقلت عدواه لعدد من المحافظات التانية.. وكان فيه جدل واسع حوالين مدى قانونية الاجراء دة وامتنع عدد من مكاتب الشهر العقاري في المحافظات عن تخرير التوكيلات وفيه منهم اللي اضطر يقفل ابوابه زي ما خصل في بورسعيد.. لكن النهاردة على ما يبدو درت تعليمات من وزارة العدل بانه مافيش مانع قانوني من ان اي مواطن يحرر النوع دة من التوكيلات سواء للمؤسسة العسكرية او للفريق عبد الفتاح السيسي وزير الدفاع شخصياً
عمل توكيلات لوزير الدفاع قانوني
لقطات حية للاشتباكات المستمرة بالقصر العيني
بلدنا بالمصري - غانم: أحد المعتقلين طفل عمره 14 عاماً
في المنصورة يبقى الحال على ما هو عليه لكن اللي زاد الطين بلة واضطر اهل شهيد المنصورة لقطع الطريق النهاردة، تقرير الطب الشرعي المبدئي لاسباب الوفاة..
معنا على الهاتف
المحامي - رامي غانم
ريم ماجد: امتى هيختفي مشهد سيارة دهس المتظاهرين
بلدنا بالمصري: صعيدي .. بطل العالم في الملاكمة
هنكتفي بهذا القدر من اخبار بلدنا وبعد الفاصل: اللي مالوش خير في عمال وفلاحين بلدنا وملح ارضها مالوش خير في ثورتها ولا في حد ولا في حاجة
لكن في السكة واحنا طالعين الفاصل خلونا نطل طلة على طاقة نور هلة علينا من الصعيد الجواني
بلدنا بالمصري: الإفراج عن 55 مصري من محتجزي ليبيا
متابعة لقضية المصريين الاقباط المحتحزين في ليبيا
معنا على الهاتف
السفير/ علي العشيري
رجاء / زوجة أحد المعتقلين في ليبيا
حلم الثورة بايدين عمالها وملح أرضها .. في بلدنا بالمصري
بعد سنتين من ثورة قامت تزعق بعلو صوتها على العيش وعلى العدالة الاجتماعية، لما يبقى حال العمال والفلاحين في بلدنا لسة لا يسر عدو ولا حبيب وكل مادى في النازل تبقى الثورة محلك سر وبيتدحدر بيها الحال.. غيرش بس ان اللي مالوش خير في العمال والفلاحين وبالتالي مالوش خير في حد، مش داريان ان الخير والبركة لسة في العمال والفلاحين وفي ملح ارض البلد ديه وان للثورة شعب بيحميها وهيحميها.. ضيوفنا النهاردة دليل وامارة كبيرة من الامارات اللي مالهاش عدد واللي بتبصم بالعشرة ان الحلم اللي شكله وكانه اتحول لكابوس لسة قادر يتحقق..
المناضل المهندس كمال خليل
عم اسحق تادرس
بلدنا بالمصري: أهل شهيد المنصورة يقطعون الطريق
في المنصورة يبقى الحال على ما هو عليه لكن اللي زاد الطين بلة واضطر اهل شهيد المنصورة لقطع الطريق النهاردة، تقرير الطب الشرعي المبدئي لاسباب الوفاة..
بلدنا بالمصري: بلطجية الداخلية بيفتحوا الميدان إزاي
نرجع مرجوعنا للقاهرة.. اخر مرتين تم فيهم فض أعتصام الميدان او فتح الميدان امام الحركة المرورية على حد تعبير بيانات وزارة الداخلية، ما كانش عندنا صور ولا لقطات لساعة الفض او فتح الميدان.. النهاردة والبركة في عدسة موقع البديل، عرفنا ازاي بيتم فتح الميدان قدام الحركة المرورية او على الاقل ديه الطريقة اللي تم بيها فتح الميدان امبارح.
أبو الدهب: رجال أمن بزي مدني قاموا بفض الاعتصام بالقوة
نرجع مرجوعنا للقاهرة.. اخر مرتين تم فيهم فض أعتصام الميدان او فتح الميدان امام الحركة المرورية على حد تعبير بيانات وزارة الداخلية، ما كانش عندنا صور ولا لقطات لساعة الفض او فتح الميدان.. النهاردة والبركة في عدسة موقع البديل، عرفنا ازاي بيتم فتح الميدان قدام الحركة المرورية او على الاقل ديه الطريقة اللي تم بيها فتح الميدان امبارح.
ليست هناك تعليقات:
إرسال تعليق