نشاهد اليوم برنامج السادة المحترمون
تقديم يوسف الحسينى
الذى يذاع على قناة ONTV
السادة المحترمون برنامج مش عادي
برنامج للمحترمين فقط ومش بالضرورة يكون عن المحترمين
السادة المحترمون سيتابعونه أما السادة اللي لمؤاخذة مش محترمون .. بغيظهم سيموتون
شارك الخبر مع اصدقائك على الفيس بوك و تويتر و جوجل +1 من اعلى الصفحة
و لنبداء مع تمنياتى بمشاهدة ممتعة
برنامج السادة المحترمون حلقة الاثنين 18/3/2013 من قناة ONTV يوتيوب كاملة
مرسي ينتقد سياسة مبارك في علاقته بأمريكا
ومحدش عارف خالص سر الرضا السامي الامريكي على الحكم الإخواني، ده لما كان حد في مظاهرة الداخلية بتوجب معاه ايام مبارك كانت امريكا تطلع وتدين وتشجب وتعرب عن قلقها إزاء اللي بيحصل ، لكن المرة ديه زي ما قولتكوا.. سكوت وحتى برضوة قبل كدة في احدث تانية نلاقي امريكا بتعرب عن قلقها .. وهي مكسوفة..ومحدش عارف ليه الإخوان وامريكا بقوا ليه نايمين في حضن بعض على طرقة في الحلال يا ابو اشرف.. وكله بما لا يخالف شرع الله.. امريكا الفاجرة الكافرة ..الشيطان الاكبر حاطه ايدها في ايد الإخوان المسلمين اللي ديما كانوا بينتقدوها حتى الريس مرسي نفسه كان ينتقد مبارك وانه بيعقد صفقات مع امريكا .
جون كيري: أمن اسرائيل يضمنه الإخوان
لو امريكا هي الشيطان والوحشة ليه بتقعدوا معاها قبل الانتخابات، ساعتين متواصلين ايام المرشح الأصلي قبل ما المرشح الاستبن ينزل، وقعد الشاطر مع السفيرة الأمريكية ساعتين.
ايه التمن .. اقولوكو ايه التمن اكيد معروف ومش محتاجه كلام، اقولكو ايه التمن هو امن اسرائيل .. ايوا امن اسرائيل وهو ده اللي اكد عليه جون كيري في الكونجرس عندهم .. لما قالهم احنا اخدنا الضمانات الكاملة لامن إسرائيل .
السادة المحترمون: الكتاتني يدعو للجهاد لتدمير إسرائيل
الغريبة امن اسرائيل اللي ضمنه الاخوان .. حماس من ساعتها محدفتشي بومبة على اسرائيل بعد ما اتدخل الاخوان عشان يلموا الليلة مع اسرائيل، ويبقوا كويسين مع بعض، بس الغريبة االلي ضمنوا امن اسرائيل هما نفسهما اللي كانوا عاوزين يروحوا يجاهدوا ضد إسرائيل ومنها المجاهد الكبير سعد الكتاتني اللي كان بيهتف بفتح الجهاد لتدمير إسرائيل .
السادة المحترمون: باترسون جابت من الأخر وإتصلت بالمرشد
امبارح قبل ما نخش الهوا جاتلنا معلومة وما حبناش نقولها غير لما نتأكد منها وهي ان في اتصال تم امبارح ما بين السفيرة الأمريكية ان باترسون وما بين مرشد الإخوان محمد بديع ومش حنخش في تفاصيل اشمعنى هوه واصلهابتتصل بالكبير بتاع البلد، وهي بتجيب مالاخر وبتكلم اللي عنده الخلاصة لا مش حنتكلم في الكلام ده حنتكلم في نقطة .. ان فيه اتصال وسألنا السفارة الأمريكية عن حقيقة الاتصال وجاتلنا الرد sorry **** I didn't get an answer until now
ومن امبارح مستنيين اي انسر مافيش، ولا حتى قال اي حاجة ولا حتى حد اتكلم ولا حتى اتكلموا فيه ايه سكوت تام... ولا حد اتكلم، لو حصل اتصال ما بين السفيرة وما بين بديع عاوزين نعرف ايه اللي تم في الاتصال لان ديه دولة اجنبية وده مواطن مصري وهل سفارة امريكا مش لاقية حد تتكلم معاه في مؤسسات لدولة غير بديع في ظرف زي اللي احنا شايفينه بعدساعات من ضرب الستات قدام مكتب الارشاد وسحل الصحفيين ، وفي نفس الوقت نلاقي امريكا قصاد المشهد دوه ساكتة خالص ، ولا حتى بنعرب عن قلقنا ولا حتى يا جدعان عيب ايه اللي وداها هناك ... ولا تطالب حتى بضبط النفس على اساس انها على الحياد .. قال يعني.
السادة المحترمون: مرسي يتنمى الرخاء لإسرائيل
الغريبة ان الريس مرسي للتأكيد على ضمان امن اسرئيل ، في اول رسالة ليه بعد انتخابه كان بيأكد لصديقه العزيز شيمون بيريز على تعبيره عن رغبته في تطوير علاقات المحبة بين بلدينا.. الصراحة رسالة مرسي لبيريز ما يبعتهاش الريس مرسي لاسماعيل هنية رئيس وزراء حكومة حماس، من كتر عبارات الحب والحميمية ..الريس كان ناقص يبعت لبيريز بوسة في هوا.. توصله مع فتح الرسالة.
الحسيني للكتاتني: خد سلاحك وشومتك وأطلع على الحدود
صفوت حجازي: مرسي هيعيد الخلافة الاسلامية
الغريب برضوة قبل الحكم كان شيوخنا الافاضل مشهورين بعبارة على القدس رايحين شهداء بالملايين.. ما فيش كلمة ولا حس ولا خبر عن اسرائيل رغم ان ايام الانتخابات وصلت التشبيهات ان الريس مرسي حيعيد الخلافة الاسلامية وحتكون عاصمة الدولة الإسلامية هي القدس
السبب اللي مخلي مرسي مش عايز يلغي الأنفاق
يوسف الحسيني : حد شاف جيش صفوت حجازي يا جدعان ؟
عصام العريان: الهولوكوست مجزرة والسلفيين متطرفين
عموما ده عادي جدا ولا اي اندهاش برضوا نلاقي ايام موضوع الهولوكوست مجرد ما البرادعي نطق بموضوع الهولوكوست قوموا الدنيا وقعدوها عليه، لكن الغريب ان الدكتر عصام العريان نفسه اكد عليها في حواره مع الواشنطن بوست.
ومش كدة وبس راح مدي السلفيين كتف وابتدى يرسخ لإعلام الغربي البعبع الجديد وهما السلفيين
يوسف الحسيني: الإخوان مرعوبين من الجيش والرئاسة بوشين
مرسي يتسلم شهادة الدكتوراه الفخرية بباكستان
أول اخبار ، وهي الزيارة المهمة اللي قام بيها الرئيس محمد مرسي النهاردة لباكستان واللي كانت وش السعد عليهم هناك ما بين زلزال وما بين انفجار خلص على 2 واتصاب 23 ، زيارة الرئيس مرسي اشتملت على توقيع اتفاقيات مهمة مع الجانب الباكستاني وكمان الريس تم تكريمه بمنحه الدكتوراه الفخرية في الفلسفة
الحسيني لمرسي: طويل العمر يطول عمره ينصره على من يعاديه
السادة المحترمون: قبول طلبة من الإخوان بالكلية الحربية
ومن ضمن الاخبار المهمة النهاردة وهو التصريح الخاص بمدير الكلية الحربية بإن تم قبول طلبة من الإخوان في دفعة السنة ديه في الكلية الحربية .
المتحدث بإسم حماس: القماش ده عشان بدل الأطفال
امبارح زي ما حضراتكوا عارفين ان القوات المسلحة، ضبطت في نفق قماش بتاع تصنيع ملابسها هي والشرطة، وبدل ما نلاقي الرجالة بتوع حماس يتنيلوا على عينهم ويسكتوا لا دولا بيبرروا لا وتبريرهما الصراحة عدا كل الحدود..لان المتحدث باسم حماس بيقولك ان القماش ده عشان بدل الاطفال
الإخوان ما بيسبوش الدين بس ممكن يشتموا
الاخوان مدرسة في التبرير الصراحة ديما عندها اجابة وتبرير، حتى في الشتيمة ، كانوا ديما يقولونا ان الاخوان متربين ومؤدبين واخلاقهم الكريمة اللي كانت واضحة جدا، ودخلنا في مرحلة جديدة من التبرير للعنف ، للتبرير للشتيمة،
وده حصل في ضيافة زمليتنا العزيزة ليليان داود، اللي اكد ضيفها الاخوان ان الاخوان ما بيسبوش الدين بس ممكن يشتموا بابن الكلب.
خبر مضروب .. الرئيس مرسي يدعو لانتخابات رئاسية مبكرة
الرئيس مرسي يدعو لانتخابات رئاسية مبكرا
علاقة أمريكا بالإخوان المسلمين - تهاني الجبالي
بمنتهى الإختصار نستضيف في هذه الليلة السيدة المستشارة التي علمت على الإخوان تهاني الجبالي .. قمنا بثورة ضد جمال عبد الناصر مع أننا كنا نعتبره أعظم من أنجبت مصر في العصر الحديث وجمال عبد الناصر قال أن الثورة التي تتناقض مع شبابها لا تستحق شرف أن تكون ثورة .. قمنا بمظاهرات حاشدة لتحرير مصر وشربنا النضال من قبل يوليو وتعلمنا معنى النضال .
السادة المحترمون: الأثنين 18 مارس 2013
الحلقة الكاملة لبرنامج السادة المحترمون مع يوسف الحسيني .. الأثنين 18 مارس 2013
ليست هناك تعليقات:
إرسال تعليق