نشاهد اليوم برنامج السادة المحترمون
تقديم يوسف الحسينى
الذى يذاع على قناة ONTV
السادة المحترمون برنامج مش عادي
برنامج للمحترمين فقط ومش بالضرورة يكون عن المحترمين
السادة المحترمون سيتابعونه أما السادة اللي لمؤاخذة مش محترمون .. بغيظهم سيموتون
شارك الخبر مع اصدقائك على الفيس بوك و تويتر و جوجل +1 من اعلى الصفحة
و لنبداء مع تمنياتى بمشاهدة ممتعة
برنامج السادة المحترمون حلقة الاحد 17/3/2013 من قناة ONTV يوتيوب كاملة
السادة المحترمون: أفراد الشرطة لا تقف أمام الثوار
باختصار مهما كانت المبررات ما نقدرشي نوصف اللي حصل امبارح عند مكتب الارشاد غير بالبلطجة ، بالسفالة، بعد ما نلاقي بنت واقفة في الشارع وواحد داخل عليها كأنها رافعة عليه سلاح آلي ويقوم نازل عليها بكف ايده وينزلها على الأرض
سعد خيرت الشاطر: حاسب على قفاك
طبعا مشهد البنت غطا على كل المشاهد اللي احنا شوفناها قبل كدة او بعد كدة واللي كان منها الاعتداء على الصحفيين والمصوريين الصحفيين عند مكتب الارشاد وعلى كمان ناس من اللي كانوا عاصرين لمون على نفسهم وهو الناس احمد دوما اللي من كتر ما كان بيقف في مظاهرات بتاعة الاخوان ايام مبارك لما كانوا محبوسين في السجن الناس كانت بتقول عليه انه اخوان، ابودومة ناله من الحب جانب وكان حاضر وشاهد على كرم الاخلاق الاخوانية.
يوسف الحسيني: هي قيادات الجماعة مش فاضية تربي عيالهم ؟
الصراحة من ضمن كرم الاخلاق الاخوانية .. هو تعبيرهم الراقي عن اراؤهم للناس المعارضة ليه وازاي كانوا بيحتووهم وهما بيعبروا عن رأيهم وازاي ناس منهم كان بتعبر بالطريق الاسكندراني عن رأيها، ومش مهم طريقة التعبير المهم انها برضوة قدام بنت
يوسف الحسيني لإبن الشاطر: أوعى تركب الهوا
عموما كرم اخلاق الاخوان كانت مع الصحفيين المصريين والاجانب ومنهم فريق روسيا اليوم وغيرهم من الصحفيين المصريين من المصري اليوم ومن الوطن ومن كتير من الجرايد
يوسف الحسيني: الكلام ده تعملوه في الحارة المزنوقة بتاعة مرسي
انا ما عنديش مشكلة الصراحة في كل اللي فات عادي الاخوان اخلاقهم عالية وبيعرفوا ربنا، ولو حد غلط منهم اكيد حيعتذروا زي ما حصل قبل كدة لما حاولوا يقتحموا التحرير لكن، الصراحة كرم اخلاق الاخوان ديما بيفاجئنا وبدل ما نقول عيب على اللي عملتوه ..بيقنا نقول عيب اللي بتبرروه.
يوسف الحسيني: اللي عنده دم احسن من اللي عنده دقن
مرسى اليوم اجتمع مع الرياضيين ورؤساء الأندية الرياضية وبدأ كلاتمه معاهم أنه"بيحب الرياضة" وأنه بتألم جدا لخروج المنتخب الوطنى من كأس افريقيا سنه1974 ، الدمعه كانت هتفر من عينى ياريس.. بس في حاجة بسيطة يا ريس كاس افريقيا فضل مكمل واحنا اخدناه في 2006 و2008 ما وقفشي عند سنة 74 ، وممكن كدة يا ريس يكون ده الكاس الوحيد اللي حضرتك شفته بس احنا كده عرفنا احنا خسرنا ليه.
من كتر كرهكوا للمرأة ، ولدورها وانها تبقى موجودة، في المجتمع وتنهض بيه، عاوزين تكمموا الناس، زي اللي حصل للمناضله شاهنده مقلد اللي ضفرها بميه منكو في احداث الاتحادية.
عموما ستات مصر اللي ارجل منكوا في المواقف ما كانوش مستنين منكوا حاجة وملا مستنين تدينوا ولا مستنيين حاجة لانهم بعدها دعوا لميونية دفاعا عن شرف المرآه فى مليونية أطلقوا عليها "مليونية حرائر مصر" ، عشان تخرج الشنبات والدقون. لكن الإخوان كان لهم رأى تانى ، فأمينه المرآه فى الحرية والعدالة "منال أبو الحسن" انتقدت المليونية واعتبرت نساء مصر اللى نزلوا يدافعوا عن شرف وكرامة المرآة المصرية ("ممولات من الخارج" )وحتى بعد كدة فضلتوا تحاربوا نزول الستات للشوارع، وزادت حوادث التحرش عشان الستات ما ينزلوش الشارع، وده اللى اكدته صحيفة الديلى ميل البريطانية فى فبراير الماضى ان جماعة الإخوان استأجروا بلطجية بغرض التحرش بالنساء اللاتى يتظاهرن فى التحرير ضد مرسى .
عموما تبرير اللي حصل موضوع متشابك ما بين الاعتداء على الصحفيين بعد الهزيمة المدوية للاخوان في الانتخابات، وما بين تعامل الاخوان مع المرأة ونظرتهم ليها ومش قادر برضوة افصله عن اللي حصل في الامم المتحدة لما كانوا بيرفضوا وثيقة الامم المتحدة ضد العنف واحناعمالين نسأل نفسنا هو فيه حد يبقى ضد العنف ضد المرأة ليه وازاي ..عموما الاجابة جت باسرع مما نتخيل بعد اللي شفناه ، عموما موقف الإخوان والتيار الإسلامي بصفة عامة مش وليد اللحظة ومش موقف جديد عليهم.. ديما اتعودنا عليه خلال السنتين اللي فاتوا لما ابتدينا نشوف الإخوان على حقيقتهم وهما وباقي تيار لإسلام السياسي، ولو حضراتكوا تتذكروا اللي حصل لست البنات في الشارع لما اتسحلت وبدل ما نلاقي حد بيدين ويشجب سمعنا العبارات الخايبة ايه اللي وداها هنا وايه اللي لبسها عباية من غير كباسين بدل ما يتكسفوا على دمهم.
أمر المستشار طلعت عبد الله، النائب العام، الأحد، بإحالة أحمد محمد عبد الله، الشهير بـ«أبو إسلام»، مالك قناة الأمة الفضائية، إلى محكمة جنح الوايلي، بتهمة ازدراء الأديان.
مرشد الجماعة اجتمع اليوم بالسفير الايطالى بالقاهرة ماريو مسارى ، وأكد له ان شعب مصر يسعى لاتمام "أهداف الثورة المباركة" !! - علق انت يايوسف
المحكمة الإدارية العليا ترفض الشق المستعجل فى طعن الرئيس على وقف الانتخابات يعني كدة مافيش انتخابات غير وعليكو خير على بعد رمضان .
امبارح تم تكريم زمليتنا العزيزة ريم ماجد من خلال حركة بهية مصر تقديرا لدورها، واعتبارها نموذج مشرف للمرأة المصرية.
النائب العام يأمر بضبط واحضار المتهم بضرب فتاة امام مكتب ارشاد جماعة الأخوان المسلمين.
محكمة النقض تلغى سجن العادلى في قضية غسيل الاموال بقولكلو شكلنا احنا كد اللي حنتسجن .
اول اخبارنا الطويلة وهي اللي كشف عنها العقيد أركان حرب، أحمد محمد علي، المتحدث الرسمي باسم القوات المسلحة، وهي قيام عناصر تابعة للجيش، من ضبط كميات من الأقمشة المستخدمة في الملابس العسكرية والشرطية، وطالبًا المواطنين بتوخي الحذر، تحسبًا لإمكانية «حدوث حالات انتحال صفة عسكرية»، في الفترة المقبلة ، وبعدين ضبطوها فين يا جماعة ضبطوها في نفق لغزة، سؤال كدة بيطرح نفسه هو مين اللي مسيطر على غزة .. مين .. بتقولوا مين .. ااااه حمااااس .. اااه حماس اللي كان قاعد قيادتها امبارح مع المرشد .. حسب المعلومات اللي اتبدت الجرايد تتكلم عنها وهي ان الجيش قبض على 2 من المتهمين عند النفق وبيتم البحث عن مجموعة تانية .. خدوا بالكوا يا جماعة شكل الجيش ابتدى يحط ايده على الطرف التالت... وحيتحطوا كلهم في الكلابوووش.
مركز ابن خلدون للدراسات عمل استطلاع للرأى عن عودة الجيش للحكم مرة أخرى - المفاجئة ان 82 % من اللى تم استطلاع ارائهم أكدوا على رغبتهم فى عودة الجيش "مؤقتا" ليخلصهم من حكم الإخوان ، العينة شملت ٢٠٠٠ مواطن يمثلون خلفيات سياسية واجتماعية وثقافية مختلفة؛ وكانت أغلب العينة من الشباب تحت ٣٥سنة بنسبة ٦٣%.
اخر حاجة معانا في اخبارنا الطويلة وهي تصريحات المتحدث باسم الرئاسة وتبريره ان الريس برشط على انجازات مبارك، وكد ان الريس افتتح حاجات جديدة وما كانشي فيه حاجات قديمة ولا حاجة. ماشي يا سيدي بس هوالمشروع ده طلع مرة واحدة كدة في 6 شهور ولا ده كان حاطط حجر اساسه مبارك ، من المفترض ان المتحدث بالرئاسة ميدافعشي كدة عالفضي وبعدين هو مشروع الاسكان القومي ده ايه مش اسمه مشروع الاسكان القومي، وبعدين من ضمن الحاجات اللي تشل في تصريحات المتحدث باسم الرئاسة انه يقولك ان زيارة مرسي لسوهاج تهدف لتنمية الصعيد .. لأ... بجد جديدة انا افتكرت ان زيارة الريس لسوهاج حتهدف لتنمية دولة جنوب السودان الشقيق فعلا المتحدث باسم الرئاسة، بيقدملنا جديد، مش جايبين متحدث باسم الرئاسة على طريقة حمادة هلال شهداء 25 يناير ماتوا في احداث يناير.
يوسف الحسيني: دي اسمها نهقة مش نهضة يا ريس
يوسف الحسيني: أرشح حمادة هلال لرئاسة الجمهورية
وسيبنا من كل ده المتحدث باسم الرئاسة نفى انه تكون حصلت مظاهرات، ضد الرئيس اصلا في سوهاج ، يا عم الحج ..يا سيادة السفير اللي مايشفي من الغربال يبقى .... ايه امال ايه ديه
بمناسبة الضبطية اقضائية وغياب دولة القانون في عصر النهضة .. النهاردة .. قام المئات من أهالي قرية «محلة زياد» ديه قرية في الغربية، قام اهلها بسحل شابين وقتلهما، بعد ضبطهما بعد اختطافهما طفلين بالقرية داخل «التوك توك»، ثم قام الأهالي بتعليقالشابين بموقف سيارات القرية بواسطة حبال، لحد ما ماتوا ، ومنع الأهالي سيارة الإسعاف من نقل المسحولين إلى المستشفى في البداية، ولكنهم سمحوا لها في النهاية، حيث تم نقل جثتيهما إلى مستشفى سمنود العام.
نحن في زمن النهقة مش النهضة وحاسس أننا راكبين عربية ومش عارفين مين اللي بيسوق ولازم حد يمسك القيادة و يكون بيعرف يسوق .. أعتقد أن في حد هيظهر ويقود البلد لآن العملية أصبحت شبيهة بالإحتلال وبحس لما بقرأ تويتات الإخوان أنهم من بلد تانية " عيال الاشة" .. نحن أمام جماعة محزورة و " محصورة " وتفتقر لأي إبتكار ولا بيعرفوا يكتبوا خطبة ولا بيعرفوا يمنتجو .. ضكح بما لا يخالف شرع الله .. رسام الكاركتير الساخر عمرو سليم ضيف يوسف الحسيني في السادة المحترمون
الحلقة الكاملة لبرنامج السادة المحترمون مع يوسف الحسيني .. الأحد 17 مارس 2013
ليست هناك تعليقات:
إرسال تعليق