نشاهد اليوم برنامج السادة المحترمون
تقديم يوسف الحسينى
الذى يذاع على قناة ONTV
السادة المحترمون برنامج مش عادي
برنامج للمحترمين فقط ومش بالضرورة يكون عن المحترمين
السادة المحترمون سيتابعونه أما السادة اللي لمؤاخذة مش محترمون .. بغيظهم سيموتون
شارك الخبر مع اصدقائك على الفيس بوك و تويتر و جوجل +1 من اعلى الصفحة
و لنبداء مع تمنياتى بمشاهدة ممتعة
برنامج السادة المحترمون حلقة السبت 16/3/2013 من قناة ONTV يوتيوب كاملة
بدايتنا من سوهاج واللي كان فيها الرئيس محمد محمد مرسي عيسى العياط بيبفتتح مصانع مكرونة افتتحها الرئيس المخلوع مبارك من حوالي 5 سنين وكمان الريس مرسي وزع عقود الشقق اللي كان وضع حجر اساسها الرئيس مبارك برضوة نهضة نهضة الصراحة .. الريس بيبرشط على انجازات مبارك
زيارة الرئيس مرسي كانت طبعا وش السعد على اهالي سوهاج لان وزارة البترول بقالها يومين عمالة تضخ في سولار عشان الطوابير تختفي في محطات سوهاج، لكن ده طبعا ما منعشي ان الكهربا تقطع في كام حتة كدة عالماشي.. يعني يجوا يظبطوا البنطلون الجاكتة تضرب.
زيارة وش السعد، ادت لمواجهات بين المواطنين بتوع سوهاج اللي كانوا عاوزين يحضروا كلمة الريس في الاستاد من اولاد التيار الاسلامي واللي تم منعهم لصالح رموز الحزب الوطني والامن الوطني واللي كان ليهم افضلية في الدخول والاشتباكات بين المؤيدين والمعارضين.
السادة المحترمون .. ليهم مش بالضرورة عنهم
مقدمة يوسف للتعريف بالبرنامج
عموما يا ريس انت قدوتنا وعشان كدة نفسنا انك ما ترجعشي في كلامك وتكون قدوة لينا كلنا زي ما اكيد حضرتك قدوة لابنك ربنا يحميه اللي ما شاء اخلاقة الحميدة سبقاه على صفحته على الفيس بوك لما اتكلم على موضوع تعيين
الرئيس محمد مرسي، اكد في كلمته إن كل مشاكل ومطالب أهل الصعيد مشروعة ومطلوب تحقيقها، وإن أهل الصعيد ومحافظاته اتحرموا من الخدمات لسنوات طويلة ونحن هنا لإعادة الحقوق إلى أصحابها الغريب ان الريس مرسي في الفترة الأخيرة .. كان حريص على استخدام العاطفة في كلامه للجماهير المصرية احضنوا بعض .. حبوا بعض .. حتى مع اهل بورسعيد اللي قال عليهم انتوا بلطجية وعاوزين توقعوا طيارة عسكرية الريس عبرلهم عن مشاعره ومش هما بس دولا كمان اهل الصعيد الريس عبر لهم عن مشاعره، وحتى جنود الامن المركزي بتوع قنابل الغاز والعصيان الريس كان مرهف الاحساس معاهم .. الريس حنين مع الكل ولازم كلنا نطمن عشنا كلنا في القلب والعين.
الغريب يا سيادة الريس طالما دولا في العين والقلب واهالي الصعيد في العين والقلب امال المصري اللي مات في ليبيا بعد اتهامه بالتبشير ده مش في العين والقلب ولا ايه ده مثلا في الزايدة الدودية .. ولا عشان ده مش من الاهل والعشيرة، عموما يا ريس احنا متعودين انك تقولنا كلام وبعد كدة يطلع عليه النهار يسيح.
الغريب يا سيادة الريس طالما دولا في العين والقلب واهالي الصعيد في العين والقلب امال المصري اللي مات في ليبيا بعد اتهامه بالتبشير ده مش في العين والقلب ولا ايه ده مثلا في الزايدة الدودية .. ولا عشان ده مش من الاهل والعشيرة، عموما يا ريس احنا متعودين انك تقولنا كلام وبعد كدة يطلع عليه النهار يسيح.
لانك في 8 يوليو وانت بتجرب زرار القرارات رجعت البرلمان وكان قرار لا ممكن ينزل الارض ابدا ..
بعدها علطول المحكمة الدستورية قالت كلمتها ونزلت كلمتك بس مش عشان اي حاجة لانها قالت كلمتها بقوة القانون.
في 11 اكتوبر طلعت قرار بتعيين عبد المجيد محمود سفيرا في الفاتيكان
وبعدها بيومين النيابة قالت كلمتها وفضل النائب العام في مكانه وماراحشي الفاتيكان.
بعدها 40 يوم في 21 نوفمبر طلعت الاعلان الدستوري الشؤوم واللي لبسنا في حيطة وخرج النائب العام وجه النائب العام طلعت عبد الله .
برضوة قرر غلق المحلات واللي صدر في اكتوبر واتقال انه حيتنفذ بعد العيد وطلع وزير التنمية المحلية احمد زكي عابدين وقال حيتنفذ يعني حيتنفذ
ولكن عادي لا اي اندهاش عادي جدا في ديسمبر اترجع في القرار زيه زي اخواته.
في 27 يناير الريس كشر عن انيابه وهددنا بصباعه حافعل وسأفعل وفرض حظر التجوال (صورة خبر مرسي يعلن الطوارئ) واللي استجاب ليه المواطنين بشكل بديع وسريع ونظموا بطولات كرة قدم ظهرت فيها ابهى صور الوحدة بين الجيش والشعب اللي نزل يلعب كورة مع المواطنين.
يا راجل حتى الراجل بتاعك اللي كنت عاوز تكرمه وتوديه الفاتيكان الراجل
المستشار اللي كانت كلمته واحدة .. حكمت المحكمة يبقى حكمت المحكمة .. هو كمان اتعدى ورجع في كلمته ورفض انه يتعين سفير في الفاتيكان بعد 3 شهور من طلوع القرار.
قرارات الرئيس والرجوع طبعا
كلمة الريس مرسي ما بتنزلشي ولا بتنزل سؤال ومستني اجابتكم وحنقول النتيجة في اخر الحلقة على صفحتنا على الفيس بوك .
رجعنالكوا تاني ايها السادة المحترمون اخبار كير مهمة شافتها مصر غير زيارة الرئيس لسوهاج حناخدها مع بعض عالسريع
وفد أمنى من حركة حماس برئاسة مشعل" يجتمع مع "بديع" و"الشاطر" بالمقطم . مش عارفين ليه الزيارة ديه
اشتباكات واعتداءات على المتظاهرين والصحفيين امام مكتب الارشاد في المقطم.
ميلشيات الإخوان تعتدي على البنات و النشطاء في الشوارع
ضياء رشوان نقيبا للصحفين بعد تغلبه على عبد المحسن سلامة، وهزيمة للإخوان في انتخابات مجلس النقابة
ارتفع عدد الشهداء أحداث بورسعيد "26 ,27 يناير" إلى 48 شهيدًا بعد وفاة محمود فاروق "24 سنة"، النهاردة ، فى مستشفى الأحرار بمدينة الزقازيق هو ده مش في القلب يا ريس ولا ده ايه بالظبط.
بالإجماع إقرار وثيقة مناهضة العنف ضد المرأة بالأمم المتحدة، وهي ديه للي كان الاخوان بيقولوا انها ضد الشريعة وناسين ان اعضاء الامم المتحدة فيهم مسلمين كمان ومش حيكونوا اكتر حرص على الاسلام منهم.. عموما تم التوافق على الوثيقة الجديدة اللي كانوا عمالين يشتموا فيها.
وزير البترول بيتعهد بتوفير البترول للمزارعين في موسم الحصاد وبيأكد في تصريحات لوكالة الاناضول توفير 130 مليون لتر للمزارعين ( افلح ان صدق)
الرئيس مرسي يقرر حل جماعة الأخوان المسلمين ومصادرة اموالها لانها مخالفة للقانون والدستور والجماعة تقررر تقنين أوضاعها لاننا في دولة القانون.
مظاهرات للالتراس قدام محكمة القضاء العالي والنائب العام يخرج من الجراج
براءة جرانة والمغربي من الاستيلاء على اراضي الغردقة والعين السخنة موسم البراءات بيزيد كل يوم عن يوم
الشيخ حازم ابو اسماعيل عقد خلال مؤتمر جماهيري عقده "تحالف الأمة الإسلامي"، الذي يضم سبعة أحزاب، تنتمي غالبيتها للتيار السلفي، مساء الجمعة
الشيخ حازم فتح النار على الجميع بكلامه
الصراحة الفيديو اللي جاي ده مش حنتكلم عنه كتير لانه نظرية بيقدم نظرية جديدة خالص .. نظرية طبية واكتشفهلنا فضيلة الشيخ ابو اسلام (تقرير ابواسلام بتاع البول ) وبعدها تعليق يوسف
الغريب بقة ان الريس مرسي كان حاضر برضوة في كلمة الشيخ عبد الله بدر واللي اكد عبد الله بدر ان الريس مرسي بق ومابيعرفشي يحكم عيشة واللي بيقولو عليهم شهداء ماتوا كفرة .. (كلمة عبدالله بدر) وبعدها تعليييق
وقعت إدارة إعلام رئاسة الجمهورية في خطأ أثار استياء محرري شؤون مؤسسة الرئاسة، حيث وصلهم خبرا عن زيارة الرئيس إلى سوهاج تضمن جملة «ده الخبر يا باشا ومعاه 4 صور.. ابعت للشروق واليوم السابع أولا ثم الصحفيين».
ويوضح البريد المرسل أن العبارة المكتوبة من أحمد حسن، أحد العاملين في رئاسة الجمهورية، موجهة لأحمد المحمدي المنوط بإرسال البيانات الصحفية لمراسلي وسائل الإعلام، الذي أعاد توجيه الرسالة للصحفيين من بريده الشخصي
برنامج السادة المحترمون يسعد ويتشرف أن هناك رجل محترم وهو ضيفنا في هذه الحلقة المخرج السينمائي خالد يوسف .. وتنظيم الإخوان المسلمين أو تيارات الإسلام السياسي بشكل عام هي بتحتكر لنفسها حتى فكرة الإيمان لأنهم شايفيين إن هما الجماعة المسلمين وما دونهم مش زيهم , وبالتالي هما اللي بيشكلوا ما يسمى بالحقيقة المطلقة للإسلام الحقيقي , فأي حد دونهم هو مالوش نفس الحقوق وده فكرهم من زمان , وفكرة جماعة الإخوان المسلمين بتنفي عن اي جماعة تانية إنها حتى تكون مسلمة , وحتى فكرة الإسلام هو الحل ده من منظوري خطأ لإنهم لو فشلوا يبقى الإسلام هو اللي فاشل , وأنا بقول فهمي للإسلام هو الحل , ولاحتكارهم لفكرة الإسلام فأي ضحايا من جواهم هم شهداء واي ضحايا تانيين ليسوا بشهداء , ورأي المخرج خالد يوسف في كلمة الرئيس مرسي الاخير لأهل بورسعيد.
الحلقة الكاملة لبرنامج السادة المحترمون مع يوسف الحسيني .. السبت 16 مارس 2013
ليست هناك تعليقات:
إرسال تعليق