برنامج اون تيوب
ON Tube
و الذى يذاع على قناة ONTV
تقديم رامى رضوان
برنامج اون تيوب برنامج يقوم علي الصحافة الشعبية التي بدات في الانتشار حيث اصبحت بديلا هاما للاعلام الرسمي و يساعد علي انتشارها الشبكات الاجتماعية لذلك يهتم اون تيوب بعرض محتويات اللقطات التي يصورها المواطنون بأنفسهم كما يهتم البرنامج بمساعدة المواطنين الراغبين في توثيق لحظات بعينها و نشرها علي الانترنت بل و عرضها علي شاشة اون تي في لايف
شارك الخبر مع اصدقائك على الفيس بوك و تويتر و جوجل +1 من اعلى الصفحة
مع تمنياتى بمشاهدة ممتعة
و لنبداء
برنامج اون تيوب حلقة الخميس 20 ديسمبر 2012 تقديم رامى رضوان من قناة ONTV يوتيوب كاملة
ONTube: النائب العام .. والضغط الشعبي في عصر النهضة
أول خبر معانا .. بيؤكد إستمرار الاهتزاز في بلدنا .. شعار المرجيحة اللي كنت كلمت حضراتكم عنه الخميس اللي فات.
النائب العام .. يتراجع عن استقالته.
لا والسبب إيه .. خلوني أقرأ لحضراتكم جزء من الخبر.
أعلن المستشار طلعت عبد الله، النائب العام، أن أسباب العدول عن قرار الاستقالة من منصبه .. أنها جاءت في ظروف غامضة وغير عادية .. وتحت إكراه من قبل أعضاء النيابة العامة. وأنه لا يقبل أن يسجل تاريخ مصر .. نجاح مجموعة من أعضاء النيابة بهذا الأسلوب الذي حدث في دار القضاء يوم الإثنين الماضي .. بالضغط عليه لتقديم استقالته.
و من أبرز التعليقات اللي جت على لسان عدد من مستخدمي المواقع الاجتماعية .. تغريدات بتقول .. مانفرج بقة عن مبارك .. ماهو تنحى بعد ضغط .. و تحت إكراه.
ولا هو الضغط الشعبي قبل النهضة كان بيمشي .. وبعدها بقة مابيمشيش؟
ONTube: تعديل إسم المعبد اليهودى
نروح لخبر تاني. أصدر الدكتور هشام قنديل، رئيس الوزراء، قرارا جديدا لتعديل اسم معبد اليهود الكائن بشارع عدلى، والمعروف باسم معبد بوابة السماء.
وأوضحت الجريدة الرسمية، أن قرار الدكتور هشام قنديل يقضى بتصويب عنوان العقار رقم 19 شارع عدلى- المعبد اليهودى، والمُدرج بسجل حصر المبانى والمنشآت ذات الطراز المعمارى المتميز لمحافظة القاهرة، ليصبح بدون مسمى "المعبد اليهودى".
و ده طبعا بيعبر عن ماجاء في مشروع الدستور .. اللي مفترض إنه بيحترم الديانات السماوية. ولا هو عشان الدستور لسة لم يمرر؟
عامة الموضوع مالوش علاقة لا بدستور ولا بقوانين .. إنما بمبادئ إحترام الأخر. المبادئ اللي في بلدنا بيتكلموا عنها بس .. إنما في القرارات .. تلاقوا العكس.
بينما هناك من لا يتكلمون .. إنما أفعالهم و مواقفهم .. بتدل على إحترام الأخر.
ONTube: تأبيين أطفال حادث كونيتيكت
لو فاكرين .. مدينة نيو تاون في ولاية كونيكتيكت الامريكه .. شهدت من عدة أيام حادث مؤسف .. حيث قام مختل بقتل 27 شخص في مدرسة .. من بينهم 18 طفلا.
وزي ماشفتوا .. في بلد غير مسلمه .. الولايات المتحده الأمريكية .. طفل صغير مسلم بيقوم بقرأة القرأن الكريم على المنصة الرئاسيه .. خلال حفل تأبين الضحايا .. وطبعا شارك في التابين اطفال من ديانات مختلفة. هي دي المبادئ .. هو ده إحترام الأخر.
ONTube: أوباما في تأبيين أطفال حادث كونيتيكت
خلونا نبص على الموضوع من زاويه تانيه كمان .. حادث راح ضحيته 18 طفل .. فرئاسة الجمهورية أقامت خفل تأبين .. حضره الرئيس أوباما .. وأسر الضحايا. لأ وشوفوا كمان رئيس الدوله وهو بيلقي كلمته .. كان عامل ازاي.
ONTube: مرسي في تأبيين ضحايا قطار أسيوط
بيبكي .. متأثر بالحدث .. حاسس بمشاعر كل أب وأم فقدوا ابنائهم .. فقدوا متعة إنهم يشوفوا أولادهم بيتخرجوا وبيشتغلوا وبيتجوزوا وبيشقوا طريقهم في الحياة.
وده بيفكرني بالحادث المأسوي اللي شهدنا في مصر .. واللي فقدنا في أكتر من 50 طفل من أبنائنا. وهنا عايز افكركم .. وأخليكوا تقارنوا بنفسكوا موقف الرئاسه في بلدنا .. مع موقف رئاسة الولايات المتحده.
أعتقد انني مش محتاج اعلق .. المقارنه واضحه وضوح الشمس. دقيقة ونص تقريبا .. كانت كل ما إستطاعت رئاسة بلدنا انها تعملوا. وسيبكم من التعويضات والكلام ده .. مال الدنيا مايعوضش أهل عن أبنائهم.
ONTube: الصحة في الدستور
كنا عرضنا الاسبوع اللي فات مجموعة فيديوهات ضمن الحملة اللي عملتها مجموعة (مصريين) باسم اعرف دستورهم .. واللي بيستعيوا فيها ببعض الخبراء في المحالات المختلفه .. عشان يعلقوا و يقولوا رأيهم في مواد مشروع الدستور اللي في ناس طلها بيه السما .. وبيقولولك إنه مالوش زي .. لأ وإنه هيحتزى به.
بمناسبة دخولنا على المرحلة التانية من الاستفتاء .. اللي هي السبت اللي جي .. تعالو نشوف مزيد من الفيديوهات دي .. وبعض الاسباب الأخرة .. اللي يجب ان تدفع المواطنين لرفض هذا الدستور.
قالك ان الصحة في مشروع الدستور ده (متشالة على الراس) .. عشان الناس اللي مش لاقية تتعالج حيتعالجوا ببلاش .. وده طبعا حيكون بيسري على الطبقة المتوسطة. وماننساش حاجة تانية مهمة قوي وهي ان الدولة حتخصص ميزانية كافية كل عام لدعم الصحة في البلاد.
الفيديو اللي جاي حنشوف فيه الدكتورة منى مينا عضوة مجلس نقابة الاطباء .. والدكتور ايهاب الطاهر امين عام نقابة اطباء القاهرة .. ورايهم ايه في مايخص الصحة في مشروع الدستور.
ONTube: حرية المواطن في الدستور
سبب من اسباب قيام ثورة 25 يناير .. هو ان كرامة المصريين اتهانت .. لأن النظام القديم كان بيستخم وسائل تعذيب مختلفه. بس الثورة قامت .. يبقى المفروض خلاص مش حيبقى فيه لا تعذيب ولاإهانه. والمفروض إن دستور بلدنا .. يكون بيضمن ده. يعني سبب من الاسباب اللي تخلينا نوافق على مشروع الدستور .. هو انه يكون بيحدد اشكال واسباب الاعتقال .. وانه يضمن ان تعذيب وإهانة المواطن .. ده كان زمان .. إنما مش في مصر بعد الثورة.
قالولنا إن مشروع الدستور فعلا بيقول كده .. بس الدكتورة عايدة سيف الدولة .. من مركز النديم لتأهيل ضحايا العنف و التعذيب .. قرأت مواد الدستور .. وكان ليها رأي تاني.
يعني لا صحة مضمونه .. ولا الإهانة والتعذيب بقوا فعل ماضي في مشروع الدستور اللي عايزيين يمرروه
ONTube: السكن في الدستور
.. طب ايه أخبار السكن .. اللي هو كمان من الاحتياجات الساسيه لاي انسان.
بما إنهم بيمدحوا في مشروع دستورهم .. يبقى اكيد في خطط لتطوير السكن والحياة في المدينة .. وان كل مواطن محطوط في الإعتبار .. وإن الشباب اللي مش لاقيين سكن .. لازم هيلاقوا. معقوا هيكتبوا دستور مافيهوش الكلام ده؟
الفيديو اللي جاي حنشوف فيه المهندس المعماري كريم إبراهيم .. وهو بيتحدث عن مشروع الدستور الجديد .. وازاي أنه لايضمن للمصريين أبسط حقوقهم في سكن كريم وإنساني.
ONTube: جولة في أخبار تويتر وفيسبوك اليوم 20/12/2012
نروح لوائل عادل عشان نتابع معاها ردود فعل مستخدمي المواقع الإجتماعية على ما تشهده مصرهذه الأيام.
من ضمن الأخبار اللي بيتداولها المستخدمين ايضا خر بيقول:
لجأ حراس صينيون بإحدى حدائق الحيوان إلى وضع طائر فيتنامي داخل الحبس الانفرادي بعد إهانته لزوار الحديقة وتحية السياح بوابل من الشتائم والسباب.
ده في حديقة حيوان. طائر بيشتم حطوه في حبس إنفرادي. طب ياترى الطيور التابعة لطائر النهضة .. اللي بتطل على بشر من خلال شاشات التليفزيون .. ونزلة شتيمة ليل نهار .. دول المفروض يكون مصيرهم إيه؟
ONTube: رسالة تضامنية من لندن لثوار مصر
أول فيديو هو لوقفة احتجاجية مفاجئة او (فلاش موب) .. نظمها مجموعة من المصريين المقيمين في لندن.
بنشوف في الفيديو الفلاش موب اللي اتنفذ بشكل أكتر من رائع لفت إنتباه الجميع. وطبعا نقدر نقول ان عنوانه هو الرفض التام لمشروع الدستور الجديد .. و انه دستور حيقتل الحريات .. زي ما عبر المشاركون في الفلاش موب.
ONTube: كلمة للراحل الكاتب والمفكر فرج فوده
كلمه للراحل .. شهيد الكلمه .. الكاتب والمفكر فرج فوده .. حابب إني أقرأها لحضراتكم.
ONTube: عباس الضو بيقول لأه
أسيبكم مع أخر فيديو في حلقتنا وهو عمل من إنتاج مجموعة خرابيش.
ONTube: السياحة في عصر النهضة
طبعاً حضرتكم لسة فاكرين موضوع قرض صندوق النقد الدولي .. اللي على الرغم من حالة الإعتراض المجتمعي اللي كانت عليه .. والغموض اللي كان موجود حول شروطه .. اللي حتى هذه اللحظة محدش عرف هي كانت إيه .. ولا كان هيتعمل بي إيه .... المهم إن القرض ده تم تعليقه.
من جانب أخر .. كان فيه أخبار إن ألمانيا هتقوم بشطب ديون على مصر بقيمة 240 مليون يورو .. تشجيعاً منها لعملية التحول الديمقراطي في بلدنا. وطبعاً بعد القرارات الاخيرة .. وحالة التخبط الواضحة في السياسة المصرية .. تم تأجيل الخطوة دي. دة غير سعر الدولار اللي بقى في السما .. واللي وصل لمستوى لم يصل له من قبل خلال ال12 سنه الماضيه.
دة جزء بسيط من الأزمة الإقتصادية الواضحة اللي بتمر بيها مصر .. واللي كتير من المواطنين بدأو يحسو بيها .. على إختلاف مجالات عملهم .. حتى إن فيه ناس بقت شايفة إن دة من الأثار الجانبية للنهضة اللي احنا شايفينها في كل جوانب حياتنا.
طيب اللي أنا أفهمه .. هو إن لما يبقى في أزمة إقتصادية .. من المنطقي إن أي حكومة في الدنيا تعيد النظر في الموارد الموجودة .. وتشوف ازاي ممكن تستغلها وتستفيد منها أكبر إستفادة ممكنة. يعني على الأقل تشتغل على أهم الموارد اللي عندنا وتنميها. ربنا الحمد لله مدينا خير كتير في بلدنا .. جو معتدل، شواطئ بحر أبيض وبحر أحمر .. النيل .. وأثار تاريخية ليس لها مثيل .. بتمثل حوالي تلت أثار العالم. كل دة موجود وطول عمر السياحة في بلدنا مصدر دخل قومي مهم .. وقطاع فيه ملايين من العاملين. لكن فجأة اكتشفنا إن لا في تنميه للقطاع ده ..ولا غيره .. ولا حتى إنه إسترد جزء من عافيته بعد الثورة. مش بس الحجوزات في أدنى مستوياتها .. لأ .. ده تم وضع مصر على لائحة الأماكن الغير امنة في العالم .. يعني بالبلدي كدة بقت وكالات السياحة العالمية بتحذر الناس من انهم يروحوا مصر. يمكن خايفين عليهم يتعدوا من النهضة ولا حاجة.
في هذا الجزء .. هيكون معانا خبيرة التسويق السياحي الاستاذة ميار عبد العزيز .. عشان نفهم منها أكتر أهم التحديات والمشاكل اللي بتواجه قطاع السياحة في مصر .. ونحاول نلاقي حلول
ليست هناك تعليقات:
إرسال تعليق