برنامج اون تيوب
ON Tube
و الذى يذاع على قناة ONTV
تقديم رامى رضوان
برنامج اون تيوب برنامج يقوم علي الصحافة الشعبية التي بدات في الانتشار حيث اصبحت بديلا هاما للاعلام الرسمي و يساعد علي انتشارها الشبكات الاجتماعية لذلك يهتم اون تيوب بعرض محتويات اللقطات التي يصورها المواطنون بأنفسهم كما يهتم البرنامج بمساعدة المواطنين الراغبين في توثيق لحظات بعينها و نشرها علي الانترنت بل و عرضها علي شاشة اون تي في لايف
شارك الخبر مع اصدقائك على الفيس بوك و تويتر و جوجل +1 من اعلى الصفحة
مع تمنياتى بمشاهدة ممتعة
و لنبداء
برنامج اون تيوب حلقة الاربعاء 26 ديسمبر 2012 تقديم رامى رضوان من قناة ONTV يوتيوب كاملة
ONTube: سحل قُطًاع طرق على الدائري
نبدا من مصر .. وفيديو التقطه سائق تاكسي من اعلى الطريق الدائري .. وهو لمجموعة من المواطنين ومعاهم ضباط شرطة .. اثناء القبض على عدد من قطاع الطرق وبحوزتهم عدد من الاسلحة.
المواطنين مش بس قبضوا على قطاع الطرق .. إنما كمان سحلوهم على الارض وربطوهم ونزلوا فيهم ضرب .. لدرجة ان رجال الشرطة كانوا مش عارفين يخدوا الجناة للسيارة اللي حتنقلهم للحبس.
الفيديو أمام حضراتكم دلوقت .. ونعتذر عن الغاء الصوت .. ولكن كم السباب اللي موجود ف الفيديو اضطرنا لذلك.
تعليقات الناس على الفيديو كان معظمها بيصب في اتجاه .. "يستاهلوا .. عشان يبقوا عبره لغيرهم". لكن الحقيقه إن المنظر ده يحزن ويخوف. مفيش شك إن المحرم لازم يتعاقب وياخد جزاءه ويبقى عبره لغيره .. إنما لازم ده يكون بالقانون .. مش بالدراع. يكون من خلال قوات الشرطه مش المواطن. الشكل الوحشي واللا انساني اللي تعامل بيه الناس مع المجرمين عمرنا ماكنا بنشوفوه بالكم والفجاجه دي قبل كده. يمكن الغلط يكون على المواطن اللي مشحون وغضبان ومش طايق عيشته بسبب اللي بيحصل في البلد .. انما يمكن يكون الغلط الأكبر كمان .. على اللي حسس المواطن بعدم الأمان .. ودفعوا لإنه يكون بالشكل ده .. لإنه ياخد حقه بدراعه .. لأنه مالقاش حد يحميه .. وبجبلوا حقه. للأسف المنظومه كلها فيها خلل عميق .. ومحتاجه خطه محنكه عشان تقدر تدفع مصر والمصريين الى الصواب.
ONTube: إطلاق أعيرة نارية في جمعة القائد إبراهيم
من مصر ايضا ولكن نروح للاسكندرية .. وفيديو أرسله بيتر جرجس. الفيديو بيرصد جزء من احداث مسجد القائد ابراهيم اللي وقعت يوم الجمعة الماضي .. والاشتباكات اللي حصلت بين مؤيدي الدستور من ابناء التيار الاسلامي .. و المعارضين له .. ضمن احداث جمعة انقذوا المحلاوي .. واللي وقع بسببه ما يزيد عن 60 مصاب.
الفيديو اللي جاي متصور من فوق نفق قناة السويس .. بالقرب من قسم باب شرق بالاسكندرية .. اللي الاحداث اتنقلت عنده يومها بسبب اشاعات عن اقتحامه. وبنشوف في الفيديو بعض المؤيدين بحوزتهم رشاش الي .. وقيام احدهم باطلاق النيران على المعارضين للدستور.
ONTube: قصف مطار منغ العسكري
الي سوريا الجريحة. فمع اقتراب عام 2012 من الانتهاء .. قام المرصد السوري لحقوق الإنسان بالإعلان عن احصائية خسائر الارواح في سوريا .. حيث ارتفعت حصيلة القتلى بسبب النزاع السورى المستمر منذ 21 شهر .. إلى أكثر من 45 ألف شخص.
وقال مدير المرصد رامى عبد الرحمن .. إن 45 ألف و48 شخص قتلوا منذ منتصف مارس 2011 .. تاريخ اندلاع الاحتجاجات المطالبة بإسقاط نظام الرئيس بشار الأسد .. واللى قمعتها السلطات بقوة وعنف .. حتى تحول الأمر إلى نزاع دامي.
من بين القتلى 31 ألفا و544 مدني. وبيدرج المرصد بين المدنيين .. أولئك الذين حملوا السلاح إلى جانب الجنود المنشقين عن الجيش الأسدي. كما قتل 1511 جندي منشق .. و11217 شخص من عناصر القوات النظامية.
الاحصائات دي اولية .. وبيتوقع المرصد ان الاعداد اكبر من ذلك بكثير .. الى جانب استمرار نزيف الدماء وسقوط أعداد من القتلى كل يوم.
وبخصوص الصراع العسكري هذه الأيام .. فالجيش الحر بيحاول انه يسيطر على اكبر عدد ممكن من القواعد العسكرية التابعة لبشار الاسد. في الفيديو التالي بنشوف عناصر من الجيش الحر .. اثناء قصفهم لقاعدة مطار منغ العسكري بحلب .. بقذائف الهاون.
ONTube: شرطي بحريني يصفع مواطن على وجهه
الي البحرين. طبعا حضراتكم عارفين اننا تقريبا بنعرض بشكل يومي فيديوهات للمظاهرات والاشتباكات اللي بتحصل في هذه المملكة الخليجية .. بين قوات الامن البحريني ومعارضي نظام الملك حمد بن عيسى ال خليفة.
وعلى مدار اسابيع .. بل شهور .. سقط اعداد كبيرة من الجرحي .. بالاضافة الي اكتر من 90 شهيد .. ناهيكم عن كم الإعتقالات. وغم محاولات البعض الوصول الى تهدئة بين النظام و المعارضة .. الا إن قوات الامن مستمره في اتستخدم اساليبها القمعية المعتادة ضد المعارضين.
الفيديو التالي .. تم نشره من يومين .. وزادت اعداد مشاهدته على يوتيوب عن اكتر من 200 الف مشاهدة. وهو بيرصد نموذج لانتهاك حقوق الانسان والعنف والإهانه اللي بتستخدمه قوات الامن البحرينية ضد المعارضين .. حتى ولو كانوا سلميين.
ONTube: الإعتداء بوحشية على مواطن بحريني
مازلنا في البحرين .. وفيديو من بلدة العكر. وبرضو بنشوف فيه درجة من درجات الاهانة والتعذيب اللي بتمارسه قوات الامن البحرينية مع المواطنين المعارضين.
بنشوف في الفيديو مجموعة من الضباط .. وهما بيعتدوا بالضرب على احد المواطنين .. بمنتهى القسوة.
ONTube: الإعتداء على المعتصمين في اليمن
والي اليمن وبالتحديد من محيط دار الرئاسة في ميدان السبعين بصنعاء .. حيث قامت قوات مكافحة الشغب.. بالأعتداء على معتصمي مسيرة "الحياة الثانية" .. بالقنابل المسيلة للدموع وخراطيم المياة والرصاص.
وأوضحت العديد من المصادر أن قوات الأمن أطلقت مسيلات للدموع وتعاملت بالهراوات .. مع عدد من المؤيدين لاعتصام شباب دار الرئاسة في ميدان السبعين .. مما تسبب في اصابة العديد منهم .
فاستقبل المستشفى الميداني ست مصابين باختناق من الغاز .. وأخرين مصابين بكدكات وجروح بسبب ضرب الهراوات. فيما ذكرت بعض الأنباء أنه تم دهس الشاب فهمي مغلس من قبل إحدى المصفحات .. مما دفع عدد من الحقوقييون والصحفيين للهجوم على حكومة الوفاق في اليمن.
الفيديو التالي من محيط ميدان السبعين .. وبنشوف فيه المعتصمين اثناء هروبهم من قوات الامن .. اللي كانت بتطاردهم بالطلقات والقنابل المسيلة للدموع والهراوات.
ONTube: جولة في أخبار تويتر وفيسبوك اليوم 26/12/2012
نروح لأحمد يحي عشان نتابع معاها ردود فعل مستخدمي المواقع الإجتماعية على ما تشهده مصر هذه الأيام.
ONTube: وسائل الإعلام بعد إقرار الدستور
من مطلق إنه يمكن يحصل مفاجأة ..أو فكرة إنه لازم نتابع لحظة زي ده .. كلنا تابعنا امبارح إعلان نتيجة الإستفتاء على الدستور .أول دستور لمصر بعد الثورة . الدستور اللي المفروض يجبلنا العيش والحرية والعدالة الإجتماعية.
على مدار الاسابيع اللي فاتت .. كل وسائل الاعلام .. سواء الاجتماعي أو التقليدي انقسمت .. بالضبط زي ماكان الشارع منقسم .. بين مؤيد لمشروع الدستور ومعارض ليه كله أو لبعض مواده. ومش سر إن كان فيه انتهاكات لا تعد ولا تحصى في عملية الإستفتاء بمرحلتيها الأولى والتانية. ولا هو سر إن الدستور لم يكن بأي حال من الأحوال توافقي. لكن بما إن الاستفتاء تم .. ونتيجته طلعت نعم .. فالدستوردلوقتي بقى أمر واقع .. لازم نتعامل معاه .
طيب .. احنا كلنا مصريين .. ولن يتم تهميش أي منا .. أو التعدي على حريته وحقوقه كمواطن مصري تحت أي مسمى .. أو من أي جهة مهما كانت. فهل هنتعامل في الفترة اللي جاية كمصريين.. ولا هيفضل الإنقسام قائم في كل الجوانب الحياتية .. اللي منها الاعلام؟ يعني هل الفترة اللي جاية .. المفروض نشوف حيادية اعلامية؟ ويعني إيه أصلا حيادية .. في وقت بيصنع فيه مستقبل وطن؟ وفي وقت اصبح الاعلام فيه بيصنف كاعلام فلول أو اسلامي أو ثوري؟
طب بعيدا عن التصنيفات .. وغير الحديث عن ماهو متوقع .. إيه الشكل والدور اللي المفروض الاعلام يكون عليه الفترة اللي جاية ؟ ده السؤال اللي هتجاوبنا عليه الدكتورة رشا عبداللة أستاذ الإعلام بـال جامعة الأمريكية بـالقاهرة
ليست هناك تعليقات:
إرسال تعليق