نشاهد اليوم
برنامج من جديد
و الذى يذاع على قناة ONTV
تقديم شريهان أبوحسن
شارك الخبر مع اصدقائك على الفيس بوك و تويتر و جوجل +1 من اعلى الصفحة
مع تمنياتى بمشاهدة ممتعة
و لنبداء
برنامج من جديد حلقة الاثنين 24 ديسمبر 2012 تقديم شريهان ابو حسن من قناة ONTV يوتيوب كاملة
من جديد: عبدالله بدر .. والهجوم على الشخصيات العامة
السلام والتحية على حضراتتكوا اهلا بيكو معانا ، كم من الجرائم ترتكب باسم الدين في مصر، والسبب غياب دولة القانون، وعم وجود ردع لمرتكبي الجرائم باسم الدين، مش كدة وبس لا ده بطل الواقعة هو هو وهو عبد الله بدر اللي بعد أيام من إدانته في من سب وقذف الفنانة إلهام شاهين، أطلق عبدالله بدر قذائفه المرة ديه ضد الزميل عمرو الليثي مقدم برنامج 90 دقيقة وكمان مستشار رئيس الجمهورية، هجوم عبد الله بدر تم بألفاظ يعاقب عليها القانون .. واحنا ما نقدرشي نكررها، احتراما لجمهورنا، الهجوم ما اقتصرشي على عمرو الليثي ده كمان وصل للكاتب الكبيرة سكينة فؤاد.. عبدالله بدر قال نصا : حد يقول إن سكينة فؤاد تبقى مستشارة رئيس الجمهورية، تحبوا أقولكم تاريخ سكينة فؤاد؟"، هذه المرة هجوم عبد الله بدر المتضرر الاول منه هي مؤسسة الرئاسة، لانه بكدة مش عاجبه اختيارات الرئيس وبيضع مؤسسة الرئاسة في حرج لان هؤلاء من حسبوا على مؤسسة الرئاسة حتى لو استقالوا فهناك مسئولية ادبية على مؤسسة الرئاسة في الرد على الكلام ده، طبعا زميلنا عمرو الليثي اتقدم ببلاغ للنائب العام للتحقيق فيما ورد على لسان عبدالله بدر .. معانا الدكتور صفوت العالم أستاذ الإعلام بجامعة القاهرة .
من جديد: تأجيل إعلان نتائج الاستفتاء على الدستور
نروح لأخبار الاستفتاء على الدستور والنتيجة اللي عمالة تتأخر كل يوم وكان من المفترض انها تعلن النهاردة لكن اللجنة العليا للانتخابات المشرفة على استفتاء الدستور، قررت تأجيل إعلان نتائج الاستفتاء على الدستور، وده بسبب فحص الطعون المقدمة إلى اللجنة، وكمان علشان ترصد نتائج المحافظات وتجمعها... معانا ابراهيم قاسم الصحفي بجريدة اليوم السابع .
من جديد: منظمات حقوقية ترصد خروقات الاستفتاء
ده بالنسبة للجنة أما بالنسبة للمنظمات الحقوقية اللي تابعت فبعض المنظمات المحسوبة على تيار الإسلام السياسي واللي تابعت عملية الاستفتاء تحت مسمى ائتلاف مراقبون لحماية الثورة اعترفت واقرت بوجود خروقات في عملية الاستفاتاء لكن ده مش معناه بطلان الاستفتاء، مش كدة وبس ده الإئتلاف رصد عدد من المخالفات التي تمثلت فى الدعايا المخالفة للتصويت بـ"لا" فى بعض محافظات المرحلة الثانية زي السويس والقليوبية وبورسعيد.
من جديد: مرسي يدعو لإنعقاد جلسة للشورى الأربعاء القادم
زي ما حضرتكوا عارفين ، انه وفقاً للدستور الجديد، اللي هيتم تطبيقه بعد الموافقة علية في الاستفتاء، فإن سلطة الشتريع هتنتقل من الرئيس الى مجلس الشورى، وعلشان كده الرئيس مرسي رئيس الجمهورية أصدر النهاردة ، القرار رقم 435 لسنة 2012 بدعوة مجلس الشورى للانعقاد ابتداء من يوم الأربعاء 26 ديسمبر 2012 الساعة الحادية عشرة صباحا لافتتاح دورة الانعقاد الثالثة والثلاثين.. معانا الدكتور نور فرحات الفقيه الدستوري .
من جديد: مرسي يصدر قراراً بإنشاء مدينة زويل
لسة بنتكلم عن قرارت الرئيس ، والنهاردة كمان الدكتور مرسي ، رئيس الجمهورية، أصدر "قرار بقانون" بإنشاء مشروع مصر القومى للنهضة العلمية والمعروف إعلاميًا بـ"مدينة زويل للعلوم والتكنولوجيا
من جديد: تعديل بعض أحكام قانون البنك المركزي
غير القرار ده النهاردة الرئيس مرسي أصدر قرارات بتعديلات في قانون البنك المركزي في الوقت اللي خفض فيه تصنيف بلومبرج الاقتصادي وضع مصر لـبي سالب واللي بيتشابه مع وضع اليونان .. معانا الدكتور عبد الخالق فاروق مدير مركز النيل للدراسات الاقتصادية والاستراتيجية .
من جديد: الدستورية الأسبانية ترفض تسليم حسين سالم لمصر
النهاردة المحكمة الاسبانية قررت رفض تسليم حسين سالم لمصر والحكم ده وفقا للقضاء الأسباني غير قابل للطعن .. في المقابل بقا المستشار أحمد سعد، عضو اللجنة القضائية لاسترداد أموال مصر، كشف أنه بعد صدور قرار رفض تسليم حسين سالم لمصر، أصبح الأخير مخلى سبيله، وقال أن المستشار يحيى جلال مساعد وزير العدل لشئون الكسب غير المشروع، تقدم بطلب النهاردة، للسلطات الإسبانية للتحفظ على مبلغ 5 ملايين يورو، وأوضح أن المبلغ ده يمثل قيمة الكفالة التى دفعها صديق سالم للإفراج عنه عقب صدور قرار المحكمة الإسبانية بتسليمه لمصر، ومن المنتظر أن تقوم السلطات الإسبانية بالرد على الطلب المصرى خلال الأسبوع الحالى.
من جديد: أسباب رفض مؤتمر مصابين الثورة
النهاردة مصابين الثورة كان المفروض ينظموا مؤتمر في مقر المجلس القومي لرعاية اسر الشهداء والمصابين، لكن المؤتمر تم رفضه .. ايه الاسباب دا اللي هنعرفه من التقرير وبعدها هنطلع فاصل ونناقش اهم التحديات اللي بتواجه الرئيس مرسي وهما ملف القضاة وملف التوافق الوطني.
أزمة القضاء والتحديات أمام الرئيس مرسي .. في من جديد
من جديد أهلا بحضراتكم .. وزي ما قلنا تحديات كتير بتواجه الدكتور محمد مرسي بعد الإنتهاء من الإستفتاء وقرار هذا الدستور , طبعا معندناش نتيجة نهائية لحد دلوقتى , ولكن خلاص عارفين والبشائر واضحة .. عايزين نشوف العجلة وهي بتدور .. ابرز هذه التحديات هو ملف القضاء , إزاى هيتعامل الدكتور مرسي ومؤسسة الرئاسة مع القضاة المعترضين على قرارات الدكتور مرسي وشايفين انها تحدي واقف لإستقلال القضاء وشايفين انها تصفية حسابات , التحدي التانى هو كيفية التعامل مع التيار المدني أو القوى المعارضة أو عدد من التيارات السياسية المعارضة له .. احنا عايزين نعرف هو احنا هنوصل لفين في علاقة مؤسسة الرئاسة مع مؤسسة القضاء .. امبارح شفنا تعدي على القضاة اللى كانوا متضامنين مع وكلاء النيابة العامة والرافضين قرار رجوع النائب العام , نرحب بضيوفنا المستشار زكريا شلش رئيس محكمة جنايات الجيزة والدكتور حلمي الجزار القيادى بجماعة الإخوان المسلمين .
علاء عبد المنعم: التوازن والقانون .. فين مطالب الشعب ؟
علاء عبد المنعم: أنا عايز من الرئيس خطة برنامجه
علاء عبد المنعم: الإنقسام والقتل والدم هو الواقع
د. حلمي الجزار: من لا يشارك في الحوار يقصي نفسه
علاء عبد المنعم: حوار وطني ؟ .. لا إلعب لوحدك
علاء عبد المنعم: دعوة للحوار يبقى إنت كنت كداب
عبد المنعم: هل مصر بقت كدابين وأنتم أصحاب الطريق الصحيح
د. حلمي الجزار: من يرفض الحوار يعرف قيمته في الشارع
عبد المنعم: الإخوان والتيار المدني ولادي ، أتعامل إزاى
علاء عبد المنعم: الإخوان والتيار المدني أولادي .. أتعامل إزاى ؟
بين المؤيدين والرافضين لنتائج الاستفتاء .. في من جديد
انتهى الاستفتاء وفى انتظار النتائج النهائية وإقرار الدستور الجديد.. حالة الاستقطاب بدأت تقل شوية بعد أنقسامات حادة شهدها الشارع المصري بسبب الدستور.. لكن يبقى الخلاف حول الدستور ومرحلة ما بعد إقرار الدستور .. الرئيس مرسي جدد دعوته للحوار الوطني مع كل القوى الرافضة للدستور اللى بيتزعمها جبهة الإنقاذ الوطني.. واللي سبق ورفضت الحوار قبل الاستفتاء وكانت بتطلب تأجيل الاستفتاء أولاً .. دلوقتي موقف الجبهة إيه من الحوار؟ هل هيعترفوا بنتائج الاستفتاء ولا لأ؟ موقف الإخوان المسلمين ومؤسسة الرئاسة من القوى الرافضة اللي أظهرت النتائج إنها مش أقل من الثلث رغم ضعف الإقبال .. كل ده هنعرفه من ضيوفنا اليوم عضو الجبهة الاستاذ علاء عبد المنعم عضو مجلس الشعب الأسبق .. والدكتور حلمي الجزار القيادى بجماعة الإخوان المسلمين .. أهلاً بكم وسهلاً..
ليست هناك تعليقات:
إرسال تعليق