نشاهد اليوم
برنامج من جديد
و الذى يذاع على قناة ONTV
تقديم شريهان أبوحسن
شارك الخبر مع اصدقائك على الفيس بوك و تويتر و جوجل +1 من اعلى الصفحة
مع تمنياتى بمشاهدة ممتعة
و لنبداء
برنامج من جديد حلقة الاربعاء 12 ديسمبر 2012 تقديم شريهان ابو حسن من قناة ONTV يوتيوب كاملة
من جديد: بدء الإستفتاء على الدستور للمصريين في الخارج
النهاردة بدأت عمليات التصويت على الدستور الجديد بالنسبة للمصريين المقيمين بالخارج في الوقت اللي بيتم فيها اتخاذ اجراءات تانية بخصوص الاستفتاء في داخل مصر، خلونا نعرف الاول ازاي تمت عملية الاستفتاء في الخارج
من جديد: إرجاء لقاء القوات المسلحة مع القوى السياسية
السلام والتحية على حضراتكوا أهلا بيكو معانا، بالرغم من الحالة الإيجابية اللي اتوجدت امبارح من ناحية القوى السياسية المختلفة بعد إعلان وزير الدفاع عن توجيه دعوة لكل القوى السياسية للحضور في اجتماع بين قوسين عائلي او لقاء اجتماعي او اي مسمى بعيد عن تناول قضايا سياسية وبالرغم من حالة التخبط ما بين جناحين داخل مؤسسة الرئاسة جناح بيأكد وجناح بينفي إلا ان كل الناس كانت متفائلة من ان اللقاء ممكن يوصل لحاة تخرجنا من اللي احنا فيه.. إلا أن اللقاء تم إلغاؤه أو إرجاؤه لأجل غير مسمى بعد ما أعلن عدد كبير من الأحزاب والشخصيات العامة بما فيهم الشخصيات والأحزاب اللي كانت رفضت الحوار مع الرئيس محمد مرسي .. اعلنوا عن حضور الإجتماع..
العقيد أركان حرب أحمد على المتحدث العسكرى، قال إن الفريق أول عبد الفتاح السيسى القائد العام للقوات المسلحة وزير الدفاع والإنتاج الحربى يشكر كل من تجاوب مع دعوة الحوار المجتمعى، ويعلن إرجاء التنفيذ إلى موعد لاحق ، نظراً لردود الأفعال التى لم تأت على المستوى المتوقع
ومن الواضح كدة اننا أمام مشهد ما بيبينشي إلا حاجة واحدة بس هي إن فيه خلاف حقيقي بين مؤسسة الرئاسة والقوات المسلحة، بسبب اللي بيوصفه البعض بضغوط أدت لتأجيل اللقاء وهو اللي أدى لإحراج الجيش وإضعاف صورته بشكل واضح قدام المجتمع.
الرياسة من ناحيتها أكد أن القوات المسلحة هى اللى وجهت الدعوة وهى اللى أجلت اللقاء، وقال بكل وضوح : لا دخل للرئاسة فى هذا الأمر.
من جديد - مأمون فندي: إرجاء مبادرة السيسي فرصة ضائعة
معانا مأمون فندي مدير معهد الدراسات الإستراتيجية بلندن للتعليق على إرجاء لقاء القوات المسلحة مع القوى السياسية .
العشيري: المصريين بالخارج .. المرة الجاية إن شاء الله
معانا السفير على العشيري مساعد وزير الخارجية للشئون القنصلية والمصريين بالخارج
عادل سليمان: ردود الفعل هي سبب إرجاء مبادرة السيسي
معانا الدكتور عادل سليمان مدير المركز المصري للدراسات المستقبلية والإستراتيجية .. للتعليق على إرجاء لقاء القوات المسلحة مع القوى السياسية .
من جديد: سر إنقسام عمليات الإستفتاء داخل مصر لمرحلتين
اما في الداخل فالدكتور محمد مرسي رئيس الجمهورية أصدر قرارا حمهوريا بأن تجرى عمليات الإستفتاء في الداخل على مرحلتين المرحلة الأولى حتكون يوم السبت اللي جاي بمحافظات القاهرة والإسكندرية والدقهلية والغربية والشرقية وأسيوط وسوهاج وأسوان وشمال سيناء وجنوب سيناء والمرحلة التانية حتكون السبت اللي بعده 22 ديسمبر بمحافظات الجيزة والقليوبية والمنوفية والبحيرة وكفر الشيخ ودمياط والإسماعيلية وبورسعيد والسويس ومطروح والبحر الأحمر والوادى الجديد وبنى سويف والفيوم والمنيا والأقصر وقنا ، من ناحية تانية اللجنة العليا المشرفة على الإستفتاء مستمرة في عملها وأعلنت عن تحديث قاعدة بيانات الناخبين وأكدت ان عدد من لهم حق الأدلااء بأصواتهم 51 مليون 332 ألف و 375 شخص .. معانا الأستاذ إبراهيم قاسم الصحفي بجريدة اليوم السابع .
د. عمرو هاشم: عدد القضاة قليل بالنسبة للجان والناخبين
معانا الدكتور عمرو هاشم ربيع الخبير في الشئون السياسية .. للتعليق على عمليات الإستفتاء داخل مصر .
من جديد: 5151 لمعرفة مكان لجنة الإستفتاء
طبعا مش محتاجين نقول لحضراتكو ان عشان تعرفوا أماكن لجنتكو ممكن تبعتوا رسالة لـ5151 فيها الرقم القومي أو تتصلوا ب140 دليل.
من جديد: 20 ألف تصريح لمتابعة الإستفتاء
النهاردة المجلس القومى لحقوق الإنسان أعلن عن مشاركته في متابعة ومراقبة الإستتفاء وأكد على استعداده لتوفير كل الفرص والتسهيلات لإتمام العملية ، وأن المجلس حيحصل على 20 ألف تفويض بالمراقبة يتم توزيعها على المنظمات والهيئات الحكومية.
مستشارو النيابة الإدارية يرفضون الإشراف على الإستفتاء
أما بالنسبة للإشراف على الاستفتاء فالنهاردة انضم مستشارى النيابة الإدارية لطابور الرافضين من القضاة للاشراف على الاستفتاء على الدستور .
من جديد: جبهة الإنقاذ الوطني تدعو للتصويت بـ لا
أما بالنسبة عن عمليات الحشد للتصويت سواء بنعم او لاء ومواقف القوى السياسية اية فالنهاردة جبهة الإنقاذ الوطني أعلنت رسميا في مؤتمر صحفي عن مشاركتها في الإستفتاء ودعت المصريين بالمشاركة والتصويت بلا على الدستور الجديد ، وأكدت على أن هذا الإستفتاء ليس نهاية المطاف للوصول إلى دستور توافقي يحقق نتائج الثورة .
من جديد: النائب العام ينقل المستشار مصطفى خاطر
خبر اخر يثير علامة استفهام وتعجب كبيرة متعلق بقرار صدر من النائب العام الحالي المستشار عبد الله طلعت واللي أمر بإنهاء ندب المستشار مصطفى خاطر المحامي العام الأول لنيابات شرق القاهرة الكلية للعمل محامي عام لنيابات استئناف بني سويف .. وهو القرار اللي اثار عجب العديد سواء من القضاء أو غيرهم خصوصا بعد الكلام اللي اتقال بأن السبب هو عدم استجابة المستشار خاطر لتعليمات النائب العام بحبس المتهمين في احداث الإتحادية واللي كان تم اخلاء سبيلهم ..من ناحيتهم دعا أعضاء النيابة العامة لجمعية عمومية والأحتشاد غدا بنادي القضاة للاجتجاج على قرار نقل المستشار مصطفى خاطر ... في الوقت اللي قرر فيه المستشار مصطفى خاطر، تقديم مذكرة للنائب العام أكد فيها أنه اكتفى من العمل بالنيابات، وطلب عودته إلى ساحة القضاء ، معانا الأستاذ وليد اسماعيل الصحفي بجريدة التحرير .
من جديد: وفاة الصحفي الحسيني أبو ضيف وتشييع جثمانه
النهاردة توفى الزميل الصحفي الحسيني أو ضيف الصحفي بجريدة الفجر واللي كان اصيب في احداث الإتحادية الأخيرة وتم نقله للمستشفى في حالة حرجة والنهاردة لفظ أنفاسه الأخيرة .. وعلطول تجمع عدد كبير من الصحفيين داخل مستشفى قصر العينى أمام مركز رعاية الحالات الحرجة، في انتظار خروج الجثمان.
حمزاوي: عملية الإستفتاء باطلة والرئيس يتصرف بإنفرادية
عمرو حمزاوي: عملية الإستفتاء باطلة والرئيس يتصرف بإنفرادية
عمرو حمزاوي: هنصوت بـ لا للدستور بشروط
عمرو حمزاوي: نحن لا نعترف بشرعية هذا الدستور
عمرو حمزاوي: نحاول إسقاط الدستور بصورة سلمية
الإستفتاء وصراع في الشارع .. عمرو حمزاوي في من جديد
انهارده بعد ما جبهة الإنقاذ الوطني وأغلب القوى السياسية الرافضة للاستفتاء ما اعلنت موقفها بالتصويت بلا .. وبعد إلغاء وزير الدفاع للحوار الاجتماعي اللى كان دعا إليه كل الأطراف علي الغداء انهارده.. نقدر نقول إن خلاص الاستفتاء هيتم فى ميعاده يوم السبت الجاي، والإخوان والسلفيين هيفكوا حصار المحكمة الدستورية ومدينة الانتاج الإعلامي ،، بس الغريب بئه إن الاستفتاء هيكون علي يومين منفصلين .. يعنى بدل مايكون يومين ورا بعض زى مانعرف واتعودنا.. لا المرة دى الاستفتاء على هيكون كل يوم سبت على أسبوعين .. مش فاهمة ليه .. وليه يوم السبت والسبت اللى بعده.. ليه مش السبت والحد يعنى ولا السبت والثلات ولا الأربعاء .. ليه بعدها أسبوع.. هل يا تري يوم الجمعة هيكون فيه تحضيرات خاصة من المساجد مثلاً ونرجع تانى نسمع فى خطب الجمعة أن نعم هتدخل الجنة ولا هتدخل النار .. ونرجع لاستخدام المساجد فى الصراع السياسي وحرية التعبير عن الرأي؟
ما علينا .. هنشوف هيحصل إيه ونحاول نجاوب على علامات استفهام كتيرة من ضيفنا انهارده الدكتور عمرو حمزاوى عضو جبهة الإنقاذ الوطني وأستاذ العلوم السياسية بجامعة القاهرة.. أهلا وسهلاً بيك يا دكتور..
ليست هناك تعليقات:
إرسال تعليق