نشاهد اليوم
برنامج بلدنا بالمصرى
تقديم ريم ماجد
على قناة ONTV
يوتيوب كاملة
تقديم ريم ماجد
يأتيكم من الأحد للخميس في الساعة 8:30 مساءا
الإعلامية المتميزة صاحبة الرؤية الثاقبة ريم ماجد تقدم برنامج بلدنا بالمصرى الذى يمزج السياسة بالقضايا الاجتماعية … يناقش القضايا التى تهم المصريين بوجهة نظر مصرية خالصة و يعبر عن رأى رجل الشارع … البرنامج يعيش مشاكل الشارع المصرى و يتكلم بلسانه، يشاغب الضيوف و يحاورهم و يجادلهم و يعبر عن رأى كل المصريين …ريم تكشف المستور من خلال فقرة كلام فى سركم و تقتحم الاسلاك الشائكة لعالم السياسة و تناقش الكبار … بلدنا بالمصرى … لسان المصريين
شارك الخبر مع اصدقائك على الفيس بوك و تويتر و جوجل +1
ONtv Livestreaming - البث الحي
اتمنى مشاهدة ممتعة
ونبدا
برنامج بلدنا بالمصرى تقديم ريم ماجد على قناة ONTV حلقة الثلاثاء 27 نوفمبر 2012 يوتيوب كاملة
ريم ماجد: يا دول ودول .. بصوا كويس وفتحوا عنيكوا
يسعد مساكم وحلقة جديدة من بلدنا بالمصري.. مش قادرة ابداها -ومتاكدة ان دة يمكن يتاخد علي- لكن مش قادرة اقول يا هادي يارب من غير ما اقول انه بجد وبحق وحقيقي للثورة شعب يحميها.. اللي يقول علي مش موضوعية على راسي.. اللي يقول علي مش حيادية اهلاً وسهلاً.. اللي يقول علي منحازة كتر الف خيره.. لاني فعلاً منحازة وباعلن انحيازي اللي اعلنته وباعلنه تاني اهوه وافتخر.. انا منحازة لناس البلد ديه واهلها وفين ما يكونوا هاكون.. مش قادرة اقول يا هادي يا رب من غير ما اقول "والله زمان".. وبعودة اللمة الحلوة في الشوارع وفي الميادين العمرانة والمنورة بناسها واهلها من ناس المحروسة، من قبلي ومن بحري، نازلين برده وكالعادة لوجه الله ولوجه الوطن لا طالبين سلطة ولا طالبين جاه.. وعندي كلمتين بس لبتوع السلطة وبتوع الجاه.. يا اهل الله يا بتوع السلطة ويا بتوع الجاه اياكم تستهونوا بالشعب دة.. اياكم تراهنوا على تصوراتكم عنه: انه شعب جاهل او شعب غلبان او شعب عايز بس ياكل ويشرب وينام حتى لو هيغمس اللقمة بالذل وبالقهر او هينام جنب الحيط.. او انه شعب مغفل وممكن يتضحك عليه بكلمتين حلوين عن الدنيا والدين.. او بكلمتين من اياهم عن الاصابع الخفية والمؤامرات الكونية.. عن مؤامرات او انه شعب مهاود وعلى حسب الريح ما توديه اهوه رايح.. لو راهنتوا على كدة ذنبكوا على جنبكوا.. دة اولاً.. ثانياً: حذاري من قولة مصر مش ميدان التحرير.. او ان مصر مش ميادين التحرير.. احسبوها صح وما تحسبوهاش زي السابقون.. ما تحسبوهاش كماً، مع ان الاعداد النهاردة تسد عين الشمس وتخزي العين.. لكن بغض النظر عن الاعداد ، بصوا كويس وفتحوا عنيكوا وما تدفنوش راسكوا في التراب زي السابقون.. اللي في الشوارع وفي الميادين النهاردة عينة طويلة عريضة، وبينة وممثلة لشعب مصر.. واللي مايشفش النهاردة من الغربال يبقى الحق عليه.. دة ثانياً.. ثالثاً: اياكم وقولة اصل دول فلول .. اصل دول اعداء الثورة.. لو كل دول اعداء الثورة بجد، كانوا فين والثورة بتقوم عشان يوئدوها ويدفنوها بالحيا.. لو كل دول اعداء الثورة بجد ما كانت الثورة ديه قامت لها قومة ولا شافت النور في يوم من الايام.. دة ثالثاً.. اما رابعاً: فكلمتين للقوى والاحزاب السياسية ورموز الامة والشخصيات العامة، سواء المحسوبة على الثورة او المحسوبة على النظام القديم يحطوها حلقة في ودنهم، الشعب دة فراز وعارف مين معاه ومين اللي عليه.. مين اللي واقف في صفه ومين اللي هيسيبه في نص السكة بعد ما ياخد شوقه منه وحيالله هيحطه في عروة الجاكتة ويتباهى بانه في يوم الايام كان ليه الفضل في ان الناس فاقت او قامت او خرجت او ثارت.. الشعب دة عارف راسه من رجله وعارف هو عايز ايه وشايل نفسه للشدة وللعوزة.. وهو دايماً اللي هيكون في المقدمة والكل وراه تابع وماحدش ليه فضل عليه.. الشعب دة هو صاحب ثورته وهو اللي هيحميها
بلدنا بالمصري: مسيرات مليونية للثورة شعب يحميها
الشعب دة هو صاحب ثورته وهو اللي هيحميها .. مسيرات النهاردة في التقرير اللي جي
انقطاع شبكة المحمول من الضغط ولا حركة من الحركات اياها
انقطاع شبكة المحمول من الضغط ولا حركة من الحركات اياها .. معنا مراسلنا من ميدان التحرير محمد الخولي
بلدنا بالمصري: استشهاد عم فتحي .. لسه بندفع شهداء
بس كل الحلو دة ما يكملش طول ما لسة بندفع شهدا.. اخرهم النهادة عم فتحي غريب عضو حزب التحالف الشعبي الاشتراكي
وهنعرف التفاصيل من د. منى عزت - المتحدث باسم حزب التحالف الشعبي الاشتراكي
بلدنا بالمصري: حصيلة أعداد مصابي مليونيات ميادين مصر
حصيلة أعداد مصابي مليونيات ميادين مصر .. هنعرف التفاصيل من
د. محمد سلطان - رئيس هيئة الإسعاف
بلدنا: قوى سياسية بتظاهرات حاشدة ضد قرارات الرئيس
عشان نعرف الأوضاع في بورسعيد .. معنا مراسلنا من هناك محسن العشري
بلدنا بالمصري: ٢٧ نوفمبر .. شوارع مصر تساع الكل
لكن مش بس شوارع القاهرة وميدان التحرير اللي طرحت النهاردة ناس مالهمش اول من اخر.. كل شوارع مصر وميادينها منورة النهاردة باهلها.. الفرق الوحيد بين القاهرة والمحافظات ان القاهرة كانت منورة بس بالمعارضين اما المحافظات فمنها اللي كان منور بالمعارضين وبالمؤيدين.. وماله.. المهم ان الشارع يساع الكل
بلدنا بالمصري: أكثر من 200 مصاب في أحداث المحلة
عشان نعرف الأوضاع في المحلة .. معنا مراسلنا من هناك عادل الدرة
بلدنا بالمصري: مسيرات بالإسكندرية ضد الإعلان الدستوري
عشان نعرف الأوضاع في الإسكندرية .. معنا مراسلنا من هناك وائل ثابت
بلدنا: تظاهرة طافت شوارع دمياط ضد الإعلان الدستوري
عشان نعرف الأوضاع في دمياط .. معنا مراسلنا من هناك معتز الشربيني
بلدنا بالمصري: انسحاب الإخوان في مظاهرات دمنهور
عشان نعرف الأوضاع في دمنهور .. معنا مراسلنا من هناك ياسر شميس
الإجابة لأ .. ريم ماجد تواجه مستشار الرئيس
الحقيقة أن من الصبح أن هناك بعض استقالات في مؤسسة الرئاسة ومنها استقالة لمستشار/ محمد فؤاد جاد الله - مستشار الرئيس
وهو معانا عشان يؤكد أو ينفي
بلدنا بالمصري: كيف ترى مؤسسة الرئاسة مليونية اليوم
الحقيقة أن من الصبح أن هناك بعض استقالات في مؤسسة الرئاسة ومنها استقالة لمستشار/ محمد فؤاد جاد الله - مستشار الرئيس
وهو معانا عشان يؤكد أو ينفي
بلدنا بالمصري: إقالة حكومة قنديل من مطالب الصعيد
عشان نعرف الأوضاع في صعيد مصر .. معنا مراسلنا من هناك مصطفى سالم
حمزاوي: ربما نصل للعصيان المدني إذا لم تحدث استجابة
معنا على الهاتف د. عمرو حمزاوي - أستاذ العلوم السياسية بجامعة القاهرة
بلدنا بالمصري: مبادرة د. أيمن الصياد للخروج من الأزمة
حول مبادرة د. أيمن الصياد للخروج من الأزمة .. واللي هنهرفها منه شخصياً
بلدنا: احتراق مقر حزب الحرية والعدالة بالمنصورة
حول احتراق مقر حزب الحرية والعدالة بالمنصورة معنا على الهاتف مراسلنا من هناك
بلدنا بالمصري: للثورة شعب يحميها .. مين وإزاي؟
برحب بحضراتكم وبرحب بضيوفي
المواطنة المصرية الفنانة أثار عبد الحكيم محمود
أ/ أيناس مكاوي .. أ/ عبد الغني هندي والحج محمد فرج
والسؤال اللي بيطرح دلوقتي كالعادة مين اللي في الشوارع وفي الميادين دول؟ وإيه اللي وداهم هناك؟ وعايزين إيه؟ وممكن يعملوا إيه؟ وبعدين؟!
ليست هناك تعليقات:
إرسال تعليق