نشاهد اليوم
برنامج من جديد
و الذى يذاع على قناة ONTV
تقديم شريهان أبوحسن
شارك الخبر مع اصدقائك على الفيس بوك و تويتر و جوجل +1 من اعلى الصفحة
مع تمنياتى بمشاهدة ممتعة
و لنبداء
برنامج من جديد تقديم شريهان ابو حسن و حلقة الاربعاء 31 اكتوبر 2012 من قناة ONTV يوتيوب كاملة
من جديد: الحكومة تقر غلق المحلات في العاشرة مساء
السلام والتحية على حضراتكو واهلا بيكو معانا ... خلاص تم الإعلان رسميا عن تطبيق قرار غلق المحلات التجارية من العاشرة مساء بداية من يوم السبت اللي جاي.. ودا وسط اعتراضات كتير من قبل أصحاب المحلات والتجار ووسط ايضا تساؤلات من نوعية هو ازاي هيتم تطبيق القرار دا ؟ وهل ياترى الحكومة استعدت بشكل لكامل لتنفيذ هذا القرار خلال الفترة اللي فاتت دي ؟ خصوصا ان الأعتراضات اللي بنشوفها دلوقتي قد تسبب في مشاكل واحداث عنف مع اصحاب المحلات والتجار زي ما كتير متوقع ... كمان ياترى في فيدة فعلية من تطبيق هذا القرار زي ما يقال ان الهدف منه ترشيد استهلاك الطاقة ... طب ماهو لو الهدف ترشيد استهلاك الطاقة زي ما بيقولوا ... والمفروض ايضا الدكتور هشام قنديل رئيس مجلس الوزراء يعمل على ترشيد استهلاك الطاقة ويقلل من استخدام الكهرباء داخل مجلس الوزراء نفسه بدل ما هو سايب نجفة زي اللي حضراتكو شايفنها دي مفتوحه ليل نهار ودا وفقا لتأكيد كتير من اللي دخلوا مجلس الوزراء وشافوا كمية الكهرباء والنجف اللي بيشتغل ليل نهار ... اظن من المفترض ان الدكتور قنديل يبتدي بنفسه ويقولنا مجلس الوزرا بيستهلك بكام كهربا وحيقدر يوفر منها كام، قبل ما كان يقفل المحلات اللي فاتحة بيوت الناس.
منالمفترض ان فيه لقاء تم من ممثلين عن اتحاد الغرف التجارية برئاسة أحمد الوكيل، التقوا بوزير التنمية المحلية اللواء أحمد زكى عابدين فى محاولة أخيرة من التجار لإقناع الحكومة بالتراجع عن القرار، حيث أبلغ الاتحاد الحكومة رفضه رسميا لتنفيذ القرار قبل انتهاء الحوار المجتمعى حوله، ودراسته بشكل جيد ومعنا عبر الهاتف محمود الداعور رئيس شعبة الملابس بإتحاد الغرف التجارية
من جديد: حزب مصر القوية ينضم للحياة السياسية
نروح لأخبار الأحزاب والنهاردة حزب مصر القوية قدم اوراق تأسيسيه للجنة شئون الأحزاب بحضور الدكتور عبد المنعم أبو الفتوح مؤسس الحزب والمئات من الوكلاء واعضاء الحزب ... وسلموا للجنة 8الاف و 500 توكيل بزيادة 3الاف و500 توكيل لأن زي ما حضراتكو عارفين ان قانون الأحزاب السياسية اشترط تقديم ما لا يقل عن 5 الاف توكيل ... تهانينا للدكتور أبو الفتوح ولكل مؤسسي واعضاء الحزب وان شاء الله يكون لية دور كبير في الحياة السياسية في مصر خصوصا الفترة اللي جاية ... تعالوا نشوف التقرير اللي جاي .
من جديد: فشل إقناع الحكومة بشان إغلاق المحال
غير أزمة المحلات فيه أزمة تانية وهي أزمة أصحاب المقطورات اللي كانوا أعلنوا انهم حيضربوا بعد العيد بسبب المشاكل اللي بيواجههوا واللي حيواجههوها بعد انتهاء فترة السماح للمقطورات بالعمل قبل تحويلها لتريلات خصوصا وان معظم أصحاب المقطورات ما لحقوش يحولوها لتريلات، وامبارح بالليل التقى الدكتور محمد رشاد المتيني وزير النقل بمجموعة من أصحاب المقطورات والتريلات لبحث مشاكلهم .
تفاصيل اللقاء حنعرفها من الدكتور محمد رشاد المتيني وزير النقل
من جديد: النائب العام يستقبل عدداً من ممثلي الأحزاب
النهاردة وفي مشهد ممكن نكون بنشوفه لأول مرة النائب العام المستشار عبد المجيد محمود استقبل عدد من ممثلي الأحزاب والقوى السياسية وبعض الشخصيات العامة في مكتبه للوقوف على آخر تطورات قضايا الرأي العامة ومناقشة الأزمة اللي حصلت مؤخرا مع مؤسسة الرئاسة والمظاهرات اللي خرجت للمطالبة بإقالته ...وكان من ضمن اللي استقبلهم الناءب العام مصطفى بكري عضو مجلس الشعب السابق ورئيس تحرير جريدة الأسبوع ورفعت السعيد رئيس حزب التجمع وغيرهم
تفاصيل اللقاء مع وليد إسماعيل الصحفي بجريدة التحرير
من جديد: بيان الداخلية بشأن خلية مدينة نصر
وزارة الداخلية اصدرت النهاردة بيان صحفي كشفت فيه كتير من التفاصيل حوالين خلية مدينة نصر واللي تبين ان فيه اكتر من خلية مرتبطة بيها وكانت بتستعد لتنفيذ العديد من العمليات الإرهابية في مصر .. بيان الداخلية كشف عن حجم كبير من المضبوطات من الابرة للصاروخ .. وناشدت الداخليةالمواطنين التعاون مع الأمن وسرعة الإبلاغ عن اي أحد يشتبه في حيازته لأسلحة نارية او قذائف أو انتماءه لأي عناصر أو جهات تخريبية .. احنا عارضين على الشاشة أرقام التليفونات اللي طلبت الداخليةالتواصل معاها عن طريقها ... ولتفاصيل أكتر
مداخلة مع عمر حسانين مساعد رئيس تحرير جريدة المصري اليوم
نفي إحالة العريان للجنح في واقعة سب جيهان منصور
حقيقة إحالة العريان لمحكمة الجنح في واقعة سب جيهان منصور .. معانا وليد إسماعيل الصحفي بجريدة التحرير
الداخلية تناشد المواطنين بسرعة ضبط أفراد الخلية
معنا عبرالهاتف عمار علي حسن مساعد رئيس تحرير جريدة المصري اليوم والذي يتحدث عن أن الداخلية تناشد المواطنين التعاون معها لسرعة ضبط باقي أفراد الخلية
رئاسة الجمهورية تنفي تعامل 30 شاباً في سيناء مع إسرائيل
من ناحية تانية الدكتور ياسر علي المتحدث الرسمي لرئاسة الجمهورية نفى الكلام اللي كان قاله منتصر الزيات خلال استضافته في أحد البرامج التليفزيون حولين وجود 30 شاب في سيناء بيتعاملوا مع الومساد الإسرائيلي .. كمان الشيخ أبو فيصل أحد قيادات التيار السلفي بمحافظة شمال سيناء نفي الكلام دا تمام واكد انه هيتقدم ببلاغ للنائب العام ضد منتصر الزيات لأنه نسب لية هذا المعلومات
من جديد: وقفة للضباط الملتحين للمطالبة بعودتهم للعمل
الضباط الملتحين لسة مصممين على مطالبهم بالعودة للعمل مرة أخرى ونظموا النهاردة وقفة احتجاجية امام مقر وزارة الداخلية واتهموا الوزارة بالتميز والعنصرية ضدهم ، رغم ان محكمة القضاء الإدارى رفضت الاستشكال المقدم من الداخلية، على الحكم الصادر بعودة الضباط للعمل، واتهموا وتم تغريم الوزارة، ورغم ذلك سياسة الوزارة لم تتغير حتى الآن.
من جديد: طالب بالإبتدائي يقضي حاجته بالفصل
نوع تاني من العقاب نشوفه في الدقهلية بمدرسة الشهيد حمدي الحنفي الأبتدائية متمثل في اي المدرسة رفضت السماح لأحد الطلاب الذهاب للحمام فقام بالتلميذ بقضاء حاجته داخل الفصل .
مداخلة مع نعمان سمير مراسل أون تي في الدقهلية
من جديد: مصري يتعرض للإهانة في قسم شرطة بالكويت
إذا كان ده الوضع في مصر ان ولادها يتهانوا فيها فالعادي إنهم بره يتهانوا لان مالهومشي كرامة في بلدهم.. وده اللي حصل فعلا في الكويت بعد تعرض مواطن مصري للتعذيب والضرب والإهانة في احد مراكز الشرطة بالكويت على يد عدد من ضباط الشرطة ، وتهديده بوضع الحذاء في بقه لإجباره على التنازل عن حقه بعد تعرضه لحادث مروري .. والشرطي قاله حسب بيان لمركز أخبار حقوق الإنسان في الكويت: " تأخذون بالجزمة في بلدكم وتأتون هنا لعمل مشاكل مع أبناء البلد".
من جديد: لجنة تبرئ فيلم عبده موته من إزدراء الأديان
من ضمن الحاجات اللي كانت ظهرت خلال اليومين اللي فاتوا هي الحرب الكبيرة على فيلم "عبده موته" اللي بتقوم ببطولته دينا وكان كلام اتردد عن ان الفيلم فيه ازدراء للأديان وبيسخر من الحسن والحسين احفاد النبي ، وبسبب حالة الجدل ديهوزير الثقافة شكل لجنة لبحث إذا ما كان الفيلم فعلا مسيء للحسنوالحسين يا ترى اللجنة توصلت لإيه ده اللي حنعرفه من الناقدة خيرية البشلاوي عضو اللجنة
من جديد: مدرسة تجبر طالباً مسح حذائها لعدم آداء الواجب
تجاوزات المعلمين داخل المدارس مستمرة ... وايضا طرق واشكال هذه التجاوزات مستمرة في اختلافها من فترة شوفنا مدرسة حلقت شعر تلميذتين واللنهاردة مدرسة بالأسكندرية أجبرت احد الطلاب بمسح حذائها .. مسج جزمتها عقابا له على عدم اداء الواجب المدرسي ..
مداخلة مع محمد مجلي مراسل جريدة التحرير بالأسكندرية
من جديد: هل أصبح التحرش مرض شعبي - د. يحيي الرخاوي
من جديد أهلا بحضراتكوا .. هل اصبح التحرش الجنسي مرض لدى بعض المصريين .. لية بتزيد نسب التحرش الجنسي بالفتيات في الاعياد والتجمعات بالرغم اننا مجتمع متدين بطبعه، ولا دا ملوش علاقة بالتدين ؟.. لو حضراتكوا ملاحظين أن كل عيد بيمر علينا بتزيد نسب وحالات التحرش واخرها كان في العيد اللى فات كانت أكتر من 700 حالة تحرش وتعرض لانثى في الطريق العام وفقا لارقام وزارة الداخلية، ودا طبعا غير الحالات اللى لم تصل اليها ايدي الداخلية ...
على اي حال احنا هناقش النهاردة مع ضيفنا الدكتور يحيى الرخاوي استاذ الطب النفسي ، ايه هي الدوافع النفسية للمتحرش ، وهل اصبحنا شعب متحرش فعلا، واية علاقة دا بحالة التدين الظاهري اللى مسيطرة على المجتمع ... دا طبعا غير حديثنا حولين اخلاق المصريين بشكل عام بعد الثورة واية اللي طرأ عليها ، وليه طول الوقت فيه حالة اختلاف وانقسام بين المصريين بتوصل في اغلب الأحيان لدرجة الخناق والتراشق بالالفاظ .. بنرحب بضيفنا الدكتور يحيى الرخاوي استاذ الطب النفسي بجامعة القاهرة .. اهل بيك معانا في من جديد .
ليست هناك تعليقات:
إرسال تعليق