نشاهد اليوم
برنامج من جديد
و الذى يذاع على قناة ONTV
تقديم شريهان أبوحسن
شارك الخبر مع اصدقائك على الفيس بوك و تويتر و جوجل +1 من اعلى الصفحة
مع تمنياتى بمشاهدة ممتعة
و لنبداء
برنامج من جديد تقديم شريهان ابو حسن و حلقة الاثنين 26 نوفمبر 2012 من قناة ONTV يوتيوب كاملة
من جديد: الإخوان يأجلون مليونية الغد لأجل غير مسمى
أما عن الاستعدادات لمليونية بكرة سواء للقوى الثورية أو المليونية اللي دعت ليها جماعة الإخوان .. ففي أنباء عن تأجيل مليونية الإخوان .. معانا أحمد سبيع المستشار الإعلامي لحزب الحرية والعدالة .
من جديد: لقاء مرسي مع مجلس القضاء الأعلى
النهاردة عقد الدكتور محمد مرسي لقاء مع مجلس القضاء الأعلى لبحث تداعيات الإعلا الدستوري اللي أصدره الرئيس وبسببه أعل نادي القضاة تعليق العمل في المحاكم واليابات وهو اللي تم بالفعل في جميع أنحاء الجمهورية .. الاجتماع من المفترض انه بدأ الساعة 6 ونص وحسب تصريح للدكتور ياسر علي المتحدث باسم رئيس الجمهورية فإن الرئيس م المفترض انه حيوضح لأعضاء مجلس القضاء أنه لم يكن هناك أي تغول على السلطة القضائية، وأن الأزمة سببها لبس عند البعض. . معانا هشام المياني الصحفي ببوابة الأهرام .
من جديد: تشييع جثمان الشهيد إسلام مسعود
أما في دمنهور ومعانا على التليفون ياسر شميس مدير مكتب جريدة المصري اليوم بالبحيرة .
من جديد: تشييع جثمان الشهيد جابر صلاح " جيكا "
السلام والتحية على حضراتكو.. اهلا بيكم معانا .. فتنة الفرمان الرئاسي بتحصد أرواح المصريين من اخوتنا .. الشهيد إسلام اللي كنا اتكلمنا عه امبارح الهاردة كانت جنازته هو وجيكا اللي اللي استشهد في ذكرى أحداث محمد محمود .. الفرق بين إسلام وجيكا 4 سنين إسلام عنده 15 سنة يعني لسه مطلعشي بطاقة وجيكا عنده 19 سنة.. إسلام من الإخوان وجيكا من 6 أبريل والاتنين كل حلمهم في بلد تصونهم وتصون كرامتهم .. كل حلمهم كان في بلد تبقى حقيقي بتاعتهم .. ممكن تكون طريقة موت كل واحد فيهم مختلفة لك في النهاية هما اتنين مصريين ماتوا على ايدين مصريين زيهم..
جيكا هو أول شهيد في عهد الرئيس مرسي وإسلام هو الشهيد التاني في عهد الرئيس مرسي .. والغريب برضوة الدكتور عصام العريان مصمم انهم ضحايا نظام مبارك .. ازاي يا دكتور عصام .. ارجوك يا دكتور عصام دم المصريين اغلى من المتاجرة بيه .. دم المصريين اغلى من البرلمان اللي حضرتك طالبت اه يرجع بعد حادثة أسيوط والاعتداء الاسرائيلي على غزة .. دم المصريين أغلى من ان حضرتك تستغله لاهداف الاهل والعشيرة.. وتعمله فزاعة نظام مبارك .. فزاعة زي ما كان عامل الإخوان فزاعة .. الحقيقة اللي مافيهاش خلاف ان اسلام وجيكا ماتوا عشان بلدهم .. يادكتور عصام .. يا دكتور عصام ارجوك فلتقل خيرا أو لتصمت، لأن الكل مترقب لمظاهرات بكرة وحاطط ايده على قلبه لان المصريين مش مستحملين شهدا تانين بسبب فرمانات الرئيس وإعلانه الدستوري الأخير اللي حط المصريين في مواجهة بعض في منظر عمرنا ما كا حنحبه ولا نتمنى نشوفه.... بدايتنا حتكون التحرير مراسلنا هناك .. وحد يكلمنا على جنازة جيكا .. معانا مراسلنا محمد الخولي
من جديد: 4 ديسمبر النظر في طعون إلغاء الإعلان الدستوري
النهاردة محكمة القضاء الإداري في مجلس الدولة حددت جلسة 4 ديسمبر اللي جاي لنظر الطعون اللي بتطالب بإلغاء الإعلان الدستوري الجديد... واللي كان اتقدم بيها نادي القضاة وعدد من المحاميين .. معانا محمد أسعد الصحفي بجريدة اليوم السابع .
من جديد: وقفة المحامين ضد نقيب المحاميين
من ناحية تانية نظم عدد من المحاميين وقفة احتجاجية على سلالم نقابة المحامين ضد سامح عاشور نقيب المحاميين بسبب تحالفه مع المستشار أحمد الزند رئيس نايد القضاة وجمعوا توقيعات لسحب الثقة من النقيب ..كمان عقدوا مؤتمر صحفي للإعلان عن تأييدهم للإعلان الدستوري الصادر من الدكتور مرسي.
من جديد: البابلي رئيساً لتحرير جريدة الجمهورية
من ضمن النتايج المباشرة لفرمان الرئيس الأخير .. واللي بيعصفا بدولة القانون .. مجلس الشورى وكأنه بيقول أنا مش أقل وطنية من الرئيس مرسي .. ومش حاحترم القضاء والقانون .. ومش حاحترم حكم المحكمة وقرر النهاردة تعيين تعيين عبد الفتاح البابلي رئيسا لتحرير الجريدة وعدم اعادة عبد الرحيم لمنصبه.. معانا جمال عبد الرحيم رئيس تحرير جريدة الجمهورية السابق .
من جديد: مؤتمر للثورة شعب يحمييها
احنا قبل ما نطلع فاصل حسيب حضراتكوا مع المؤتمر الصحفي اللي عقدته عقدت النهاردة مؤتمر صحفي بمقر حزب التحالف الشعبي الإشتراكري للأعلان عن مشاركتها في التظارهرات اللي بتطالب بإسقاط الإعلان الدستوري الجديد تحت شعار للثورة شعب يحمييها .
إستطلاع رأي حول أداء الحكومة - د. علي الصاوي في من جديد
من جديد اهلا بحضراتكوا .. هل قرارت الرئيس الأخيرة هتأثر على شعبيته، وايه حجم الرضا عن اداء الرئيس مرسي في الفترة الماضية خاصة في اوساط النخب .. والي اي مدى نجح الرئيس في تحقيق الامن بالمجتمع وتحسين الوضع الإقتصادي، وكمان ايه حجم الرضا عن اداء الحكومة الحالية .. دي كلها تساؤلات طرحها وأجاب عنها استطلاع رأي عمله الدكتور علي الصاوي أستاذ الاقتصاد والعلوم السياسية جامعة القاهرة.
الأستطلاع كشف عن حالة عدم الرضا العام عن أداء رئيس الجمهورية الدكتور محمد مرسي ، وقال 6% من اللي شملهم الأستطلاع أن لو الانتخابات اجريت دلوقتي هيختارو الرئيس مرسي، بينما 26% من العينية قالوا هيختارو الاستاذ حمدين صباحي والفريق شفيق ، و24% هيختارو السيد عمرو موسى .. دا بالاضافة لنتائج تانية كتير هنعرفها في حوارنا مع الدكتور على الصاوي استاذ العلوم السياسية بجامعة القاهرة والمشرف على الاستطلاع .. اهلا بيك في من جديد
من جديد: إرجاء مليونية الإخوان لدعم الإعلان الدستوري
من جديد اهلا بحضراتكوا .... ساعات وتبدأ مسيرات ومظاهرات ما بين مؤيد ومعارض للإعلان الدستوري اللى أصدره الرئيس مرسي، وتسبب فى انقسام حاد بين التيارات وفئات الشعب بأكمله.. ربنا يستر إن شاء الله وتكون مسيرات و مظاهرات تتسم بالطابع السلمي اللي كان عنوان ثورة يناير.. ما بين مؤيد ومعارض لقرارات الرئيس مصر تقف فى حالة ترقب
وبما أن الثورة فى الأصل ثورة شباب والخلاف الآن بين تيارين مؤيد ومعارض.. فضيوفنا أنهارده بيعبروا عن وجهتين النظر.. شباب من التيارين مؤيد ومعارض للقرار .. معانا محمد عواد مؤسس حركة شباب من أجل العدالة والحرية .. والدكتور أحمد عقيل - عضو أمانة شباب حزب الحرية والعدالة.
من جديد: موقف الفنانين الرافضين للإعلان الدستوري
من جديد اهلا بحضراتكوا .. لا تعديلات على الإعلان الدستوري , بمعنى أن الإعلان الدستوري كما هو ومليونية التحرير كما هي والمواقف الرافضة للإعلان الدستوري أكتر من إتجاه وأكتر من فئة ومنها موقف الفنانين المصريين .. بنرحب بضيفنا الأستاذ محمد العدل عضو مؤسس بجبهة الإبداع .
ليست هناك تعليقات:
إرسال تعليق