برنامج بلدنا بالمصرى
تقديم ريم ماجد
على قناة ONTV
يوتيوب كاملة
تقديم ريم ماجد
يأتيكم من الأحد للخميس في الساعة 8:30 مساءا
الإعلامية المتميزة صاحبة الرؤية الثاقبة ريم ماجد تقدم برنامج بلدنا بالمصرى الذى يمزج السياسة بالقضايا الاجتماعية … يناقش القضايا التى تهم المصريين بوجهة نظر مصرية خالصة و يعبر عن رأى رجل الشارع … البرنامج يعيش مشاكل الشارع المصرى و يتكلم بلسانه، يشاغب الضيوف و يحاورهم و يجادلهم و يعبر عن رأى كل المصريين …ريم تكشف المستور من خلال فقرة كلام فى سركم و تقتحم الاسلاك الشائكة لعالم السياسة و تناقش الكبار … بلدنا بالمصرى … لسان المصريين
شارك الخبر مع اصدقائك على الفيس بوك و تويتر و جوجل +1
ONtv Livestreaming - البث الحي
اتمنى مشاهدة ممتعة
ونبدا
برنامج بلدنا بالمصرى تقديم ريم ماجد على قناة ONTV حلقة الاثنين 22 اكتوبر 2012 يوتيوب كاملة
بلدنا: التحقيق مع منى الشاذلي بتهمة إهانة القضاة
من ناحية تانية كان الدور النهاردة على الزميلة الاعلامية منى الشاذلي في اطار التحقيقات اللي بتتم مع مجموعة كبيرة من الاعلاميين والمحامين والقضاة والشخصيات العامة في البلاغ المقدم من اكتر من ١٠٠٠ قاضي بيشتكوا من اللي وصفوه باهانة القضاء في وسائل الاعلام
بلدنا بالمصري: الرئيس مرسي يلتقي وفد رؤساء الصحف
رئيس الجمهورية قابل النهاردة كمان وفد من الاعلاميين ورؤساء تحرير الصحف
تفاصيل أمتر هنعرفها من د. أيمن الصياد - عضو الفريق الإستشاري لرئيس الجمهورية
بلدنا بالمصري: شفيق يقدم مستندات فوزه بالرئاسة
يسعد مساكم وحلقة جديدة من بلدنا بالمصري.. هنختمها على حس اطفال بلدنا اللي كانوا النهاردة في حضرة الجمعية التاسيسية بيطالبوا بحقوقهم على داير المليم في دستور بلدنا.. اما اخر اخبار بلدنا فهنبداها باللي ماكانش لا على البال ولا على الخاطر لحد امبارح بالليل.. الا وهو انه بعد ماعدى اكتر من ١٠٠ يوم بشويتين على تولي رئيس الجمهورية المنتخب في انتخابات اتوصفت بشهادة الشهود جميعاً على اختلافهم بانها كانت نزيهة وشفافة، اذا بالفريق احمد الشفيق المرشح المنافس على رئاسة الجمهورية للدكتور محمد مرسي رئيس الجمهورية في جولة الاعادة يعلن رسمياً شكه في نتايج الانتخابات ويتقد ببلاغ للنائب العام-طبعاً من خلال محاميه- حيث انه مش موجود في مصر من بعد نتيجة الانتخابات اللي كان اقر بيها وهنى الدكتور مرسي علناً بالفوز.. البلاغ اللي تقدم بيه الفريق شفيق بيطالب فيه بالتحقيق في نتيجة الانتخابات عشان يعرف كل صوت في البلد راح فين على حد تعبيره في مداخلة تليفونية امبارح مع الزميل معتز الدمرداش في برنامجه مصر الجديدة تعليقاً على قرار جهاز الكسب غير المشروع بمنعه وكريماته من التصرف في اموالهم ووضع اسماءهم على قوائم ترقب الوصول.. وقد كان والنائب العام امر فعلاً باحالة البلاغ لنيابة الاستئناف لبداية التحقيق فيه.. واللي نصه كالاتي زي ما نشره موقع حريدة المصري اليوم
تفاصيل أكتر هنعرفها من
د/ يحيي قدري - عضو هيئة الدفاع عن الفريق أحمد شفيق
بلدنا بالمصري: محمود مكي يلتقي شباب القوى السياسية
نرجع تاني لقصر الاتحادية، والمرة ديه اللقاء كان بين نائب رئيس الجمهورية المستشار محمود مكي ومجموعة من شباب الاحزاب والقوى والحركات السياسية بناءاً على دعوة اتوجهت لهم جميعاً من مؤسسة الرئاسة
معنا على الهاتف
خالد تليمة - عضو المكتب التنفيذي للتيار الشعبي
بلدنا بالمصري: الرئيس مرسي يجتمع بوفد المعاقين
لكن لحين ما العدالة تاخد مجراها والحقيقة تظهر وتبان، الدكتور محمد مرسي هو رئيس الجمهورية ومقره قصر الاتحادية اللي بيباشر منه مهامه وعلى راسها من فوق تلبية مطالب المواطنين المصريين اللي بيجروا ورا حقوقهم وواقفين على بابه.. متحدي الاعاقة واقفين على بابه بقى لهم ١٢ يوم اتعرضوا فيها لاعتداءات معتبرة من قوات الامن ، لدرجة ان المستشار القانوني لرئيس الجمهورية، المستشار محمد فؤاد جادالله شخصيا حلم لهم بنفسه حلم وحش وبلغهم بدة ونصحهم يلموا حالهم ومحتالهم من هنا لحسن الحلم يتفسر كفالله الشر، حسب روايتهم.. لكن النهاردة وبعد مسيرة التضامن معاهم امبارح والبي شارك فيها عدد من القوى والحركات الثورية تم المراد من رب العباد وقابل وفد منهم الرئيس مرسي ومستشاره القانوني وانشالله يارب ما يكون الحلم اتفسر.
تفاصيل أكتر معنا
أ/ أسامة طايع - ناشط في مجال ذوي الإحتياجات الخاصة
بلدنا بالمصري: مصر طلبت تعديل المعاهدة وإسرائيل رفضت
لكن الحقيقة واحنا لسة في عز الصدمة والغم من خطاب اعتماد السفير المصري في تل ابيب الودي بزيادة وكان اسرائيل باللي فيها من بقية اهلنا، نقلت صحيفة اسرائيل حاييوم تصريحات لنائب رئيس الوزراء الاسرائيلي موشه يعلون بيقول فيها الاتي: اولاً ان مصر طلبت تعديل اتفاقية السلام واسرائيل ردت بان الامر مش وارد.. وان المصريين فهموا انهم لازم يقبلوا الموقف الاسرائيلي عشان ما يفقدوش المساعدات الامريكية وقال بما معناه حسب الصحيفة الاسرائيلية ان "مرسي" اللي هو الرئيس المصري مضطر يسكت عشان خاطر عيون قرشينات الامريكان.. يعني ايه بقة الكلام دة؟! وايه اصله وفصله ومدى صحته وهنسكت عليه ولا هنرد ولا ايه بالظبط؟!
تفاصيل أكتر
اللواء/ عادل سليمان - مدير مكتب الدراسات المستقبلية والإستراتيجية
بلدنا بالمصري: مهند سمير لسه مشافش النور
لحد دلوقتي، لسة مهند سمير المصاب اولاً في احداث مجلس الوزرا والمتهم ثانياً على ذمة القضية هو الوحيد اللي ما تمش الافراج عنه على الرغم من قرار محكمة الجنايات باخلاء سبيل كل المتهمين في القضية والبي تم فعلاً اخلاء سبيلهم تنفيذاً لقرار المحكمة
بلدنا - تامر جمعة: مهند سمير منتظر موافقة الأمن الوطني
معنا على الهاتف حول قضية مهند سمير
أ/ تامر جمعة - محامي الطالب المعتقل - مهند سمير
مهند سمير على الأسفلت .. هاتفياً في بلدنا بالمصري
في وسط الإخبار العصيبة اللي قولناها .. في بشرة خير أن مهند سمير مسك الأسفلت
وهو معانا على الهاتف
بلدنا بالمصري: الستات يرفضن مسودة الدستور
النهاردة في نقابة الصحفيين وقفوا الستات المصريات يرفضن مسودة الدستور
بلدنا بالمصري: جابو أجل مصطفى عيد في ميدان الجيزة
الاسبوع اللي فات، نزلت قوات الداخلية مدججة بالسلاح قي حملة امنية لتطهير ميدان الجيزة من الباعة الجائلين والاشغالات .. لكن ماحدش كان ممكن يخطر على باله ولا في اسود الكوابيس ان حملة التطهير تجيب اجل مصطفى عيد لمجرد انه واحد من الباعة الجائلين
بلدنا بالمصري: سريحة السويس طلعوا من هدومهم
اما الباعة الجائلين في السويس فطلعوا النهاردة من هدومهم.. وبجد وبحق وحقيقي ومش مجازاً
التفاصيل هنعرفها من
سيد نون - مراسل جريدة الشروق بالسويس
بلدنا: الحجاج العالقون يمنعون عبارتين من دخول ميناء
تطورات أوضاع الحجاج المحتجزين .. واللي مجموعة منهم منعوا دخول عبارتين الميناء
بلدنا بالمصري: صندوقه .. امال الثورة قامت ليه
لكن قبل الفاصل وصحيح ان الكلام عن القرض اياه بتاع صندوق النقد نزل في بركة هس وانكفى عليه ماجور وربنا يجيب العواقب سليمة ويجعل المخبي لطيف.. لكن دة ما يمنعش اننا نسال على حس ياسر المناوهلي ورفاقه: امال الثورة ديه قامت ليه؟!!!
أطفال مصر في التأسيسية .. في بلدنا بالمصري
على حس زيارة اطفال بلدنا النهاردة للجمعية التاسيسية، هو سؤال واحد مافيش غيره اللي هنحاول نجاوب عليه: الا هي حقوق اطفال بلدنا فين من دستور بلدنا؟! وعلى الله تكون الاجابة تليق بمقام بلدنا ودستور بلدنا واطفال بلدنا اللي هم ضناها ونن عنيها وبكرة اللي جاي.. بس اسمحوا لي اولاً ارحب بضيوفنا اللي مخطيين عتبتنا النهاردة خطوة عزيزة
شروق اسامة من القاهرة
محمد رجب من شمال سينا
الدكتور/ محمد مصيلحي: المستشار القانوني للائتلاف المصري لحقوق الطفل
الدكتورة منار الشوربجي: استاذ العلوم السياسية وعضو الجمعية التاسيسية
ليست هناك تعليقات:
إرسال تعليق