نشاهد اليوم
برنامج من جديد
و الذى يذاع على قناة ONTV
تقديم شريهان أبوحسن
شارك الخبر مع اصدقائك على الفيس بوك و تويتر و جوجل +1 من اعلى الصفحة
مع تمنياتى بمشاهدة ممتعة
و لنبداء
برنامج من جديد تقديم شريهان ابو حسن و حلقة الثلاثاء 9 اكتوبر 2012 من قناة ONTV يوتيوب كاملة
من جديد: عام على مذبحة ماسبيرو .. والمجرم حر
السلام والتحية على حضراتكو واهلا بيكو معانا زي النهاردة من سنة فاتت من 365 يوم فاتوا الآلاف من الأقباط خروجوا في مسيرة عشان يعبروا عن غضبهم من هدم كنيسة الماريناب بأسوان .. واستقرت المسيرة عند مبنى ماسبيرو عشان تتحول بعد كدة لمجزرة راح ضحيتها 28 مصري منهم 26 مسيحي ومجند من أفراد الجيش ومسلم بالإضافة طبعا لاكتر من 320 مصاب من المدنين والعسكريين .. النهاردة هيا الذكرى الأولى لأحداث ماسبيرو واللي لحد دلوقتي معرفناش مين المتهم؟ مين صاحب البداية لإشعال الفتنة بين قوات الجيش اللي كانت بتامين المبني والأقباط المعتصمين وضاع دماء القتلى والمصابين بين الطرف التالت اللي كنا كل شوية بنسمع عنه ومنعرفش مين هوا .
الغرياني يجتمع بقضايا الدولة والنيابة الإدارية
نروح لأزمة الجميعة التأسيسية مع أعضاء هيئة قضايا الدولة والنيابة الإدارية والنهارة المستشار حسام الغرياني رئيس الجمعية أعلن انه سيجتمع مع أعضاء هيئتي قضايا الدولة والنيابة الإدارية لمناقشة اوضاعهما من ناحية النيابة أعضاء الهيئتين بدؤا في تعليق اعمالهم بدءا من اليوم اعتراضا على محاولات عدم وضع نص خص بيهم في الدستور الجديد.
من جديد: مسيرة لماسبيرو في الذكرى الأولى للمذبحة
احياء للذكرى الأولى للأحداث النهاردة نظم عدد الالاف مسيرة من دوران شبرا إلى مبنى ماسبيرو بمشاركة عدد كبير من الأحزاب والأئتلافات الثورية وارتدى بعض المشاركين في المسيرة تي شيرتات سودا وبيضاء وطالبوا بإعادة التحقيق ومحاكمة المتسببن في المجزرة .. معانا مينا ثابت عضو اتحاد شباب ماسبيرو
من جديد: خبراء العدل والطب الشرعي معتصمون بالشورى
اما خبراء وزارة العدل والطب الشرعي فاعلنوا النهاردة دخولهم في اعتصام مفتوح داخل الجميعة التأسيسية لوضع الدستور بمجلس الشورى لوضع نص لهم في الدستور الجديد مفاداه خبراء العدل والطب الشرعى يتمتعون بالاستقلالية والضمانات اللازمة لإدارة عملهم بما يحقق مصلحة المتقاضين والعدالة الناجزة .
من جديد: تأجيل نظر طعون حل التأسيسية
من ناحية تانية محكمة القضاء الإداري بمجلس الدولة نظرت النهاردة الطعون اللي بتطالب بحل الجميعة التاسيسية لوضع الدستور وقررت التأجيل لجلسة التلات اللي جاي وطبعا أعضاء هيئة قضايا الدولة اللي المفروض يحضروا الجلسة للدفاع عن الجمعية التاسيسية انسحبوا من الجلسة تنفيذا لقرار تعليق اعمالهم ، والمحكمة قررت التأجيل حتى يتمكن الطاعنين من تقديم كشف بأسماء جميع أعضاء الجمعية التأسيسية .
من جديد: تأجيل نظر دعاوى حل جماعة الإخوان
مجلس الدولة أيضا نظر النهاردة الطعو اللي بتطالب بحل جماعة الإخوان المسلمين واغلاق جميع مقراتها بمحافظات الجمهورية وإلزام الجماعة بتقنين اوضاعها وفقا لقانون الجمعيات الأهلية والمحكمة قررت التأجيل لجلسة 20 نوفمبر المقبل .
من جديد: التحقيق مع حسن حمدي وإبراهيم نافع للتربح
النهاردة المستشار يحيي جلال مساعد وزير العدل للكسب غير المشروع أصدر قراره بضبط واحضار إبراهيم نافع رئيس مجلس إدارة وتحرير جريدة الأهرام الأسبق، للتحقيق معه فى عدد من البلاغات المقدمة ضده لتحقيقه كسبا غير مشروع أثناء رئاسته لمجلس إدارة الأهرام ، من ناحية تانية جهاز الكسب غير المشروع قرر ايضا اخلاء سبيل حسن حمدى رئيس مجلس إدارة النادى الأهلى بكفالة 2 مليون جنيه لأتهامه باستغلال النفوذ والحصول على كسب غير مشروع وتضخيم ثروته عشان نعرف تفاصيل اكتر عن الموضوعين معانا إبراهيم قاسم الصحفي بجريدة اليوم السابع
من جديد: الصحة تنظم حملة قومية للتبرع بالدم
النهاردة أعلنت وزارة الصحة عن تنظيم حملة قومية استثنائية للتبرع بالدم، وده لتعويض العجز فى الرصيد الإسترتيجى المترتب عن إضراب الأطباء .. تفاصيل اكتر معانا الدكتورة عفاف أحمد مدير المركز القومي لخدمات نقل الدم
محافظا القاهرة والجيزة يبحثان نتائج المائة يوم
النهاردة عقد محافظ القاهرة الدكتور اسامة كمال ومحافظ الجيزة الدكتور على عبد الرحمن ومحافظ القليوبية الدكتور عادل زايد عقدوا اجتماع تنسيقى مشترك لأستعراض اهم الإنجازات والسلبيات فى خطة المائة يوم وتقييمها على مستوى المحافظات الثلاث وتحديد المعوقات اللى واجهت المحافظات فى تنفيذها والتنسيق ما بين المحافظات الثلاثة خصوصا في موضوع المرور والتموين .
من جديد: رأي الشارع في المرور بعد المائة يوم
بمناسبة خطة الـ100 يوم ..المرور بالنسبة لكتير مننا هو العنصر المطلوب تنفيذه بشده هل يا ترى اتنفذت وعود الرئيس بالنسبة للمرور تعالوا نشوف التقرير وبعدها فاصل وبنرجع ننقاش بعدها اخبار الجمعية التأسيسية ايه وايه يا ترى ايه هي المواد اللي فيها اتفاق وايه يا ترى المواد اللي فيها خلاف
من جديد: المواد الجدلية في الدستور المرتقب
من جديد اهلا بحضراتكو .. النهارده الدكتور محمد البلتاجي مقرر لجنة المقترحات بالجمعية التأسيسية للدستور، أعلن عن انتهاء الجمعية من الثلاث أبواب الأولي في مسودة الدستور الجديد، وقال أن الابواب الثلاث دول هيبدأ من بكره عرضهم للحوار المجتمعي... تصريحات البلتاجي دا زي ما حضرتكوا متابعين جاءات بالتوزاري مع تقرير صادر لمنظمة هيومن رايتس وتش الأمريكية ، بينتقد فيه الدستور الجديد وبيأكد مخالفته لعدد من الاتفاقيات والمواثيق الدولية الموقعة عليها مصر وخاصة المتعلقة بحقوق المراة والمساواة بين الجنسين .
احنا النهاردة هناقش مع ضيوفنا الكرام ، المواد الجدلية في الدستور الجديد بنرحب الدكتور صلاح حسب الله رئيس حزب المواطن المصري وعضو الجمعية التأسيسية، والدكتور صلاح عبد المعبود عضو الجمعية التأسيسية والقيادي بحزب النور
ليست هناك تعليقات:
إرسال تعليق