نشاهد اليوم
برنامج اون تيوب
ON Tube
و الذى يذاع على قناة ONTV
تقديم رامى رضوان
برنامج اون تيوب برنامج يقوم علي الصحافة الشعبية التي بدات في الانتشار حيث اصبحت بديلا هاما للاعلام الرسمي و يساعد علي انتشارها الشبكات الاجتماعية لذلك يهتم اون تيوب بعرض محتويات اللقطات التي يصورها المواطنون بأنفسهم كما يهتم البرنامج بمساعدة المواطنين الراغبين في توثيق لحظات بعينها و نشرها علي الانترنت بل و عرضها علي شاشة اون تي في لايف
شارك الخبر مع اصدقائك على الفيس بوك و تويتر و جوجل +1 من اعلى الصفحة
مع تمنياتى بمشاهدة ممتعة
و لنبداء
برنامج اون تيوب تقديم رامى رضوان و حلقة الاحد 7 اكتوبر 2012 من قناة ONTV يوتيوب كاملة
ONTube: تهديد لطلاب طب المنيا
نبدا من مصر .. و فيديو ارسلته لنا (جهاد محمد) من خلال صفحتنا علي تويتر .. بيظهر فيه رد دكاترة كلية طب جامعة المنيا وعميد الكلية .. على الطلاب و مطالبهم. وإتسبب هذا الرد او التهديدات في إضراب الطلبة و إمتناعهم عن حضور المحاضرات .. مطالبين بابسط حقوقهم .. كرامة وتعليم محترم.
وقالت جهاد .. اللي ارسات لنا الفيديو .. ان الأمور تفاقمت في الكلية .. بعد ما حصل مشاجرة بين احد طلاب كلية طب المنيا .. ووكيل الكلية لشئون الطلبة .. بسبب مطالب بعض الطلاب. و قام الوكيل بضرب أحد الطلاب .. علي حد قولها.
و هنشوف في الفيديو كلام الدكاترة وعميد الكلية .. أو تهديداتهم اللي وجهوها للطلبة .. زي ( اللي فاكر ان أساتذة الكلية خايفة من أي حد هنفرمه).
و (يا سيادة العميد اللي مش عاجبه الكلية يسيبها) .. و غيرهم من التهديدات .. و الله أعلم إيه تاني اللي إتقال ومتصورش.
ONTube: إشتباكات المسجد الأقصى
من الارض المحتلة .. فلسطين .. فيديو من ساحة المسجد الاقصى الشريف .. بيوضح قيام الشرطة الإسرائيلية بالقاء قنابل صوت و قنابل غاز .. لتفريق عشرات المحتجين اللي رشقوهم بالحجارة .. بعد صلاة الجمعة الماضية.
وقال المتحدث باسم الشرطة الصهيونية .. إن شخصين أصيبا بجروح طفيفة .. واعتقل شخص لمحاولته طعن رجل شرطة .. بينما كان يحاول إلقاء القبض عليه.
و قد تصاعدت حدة التوتر الأسبوع الماضي .. بعد ما توجه مجموعة من اليهود المتطرفين لزيارة الحائط الغربى .. اللى بيعرف لدى المسلمين بحائط البراق .. وحاول المصليين منعهم من الوصول .. فبدات اشتباكات بين الطرفين .. و بالطبع وقفت خلالها الشرطة الاسرائيلية بجانب المتطرفين اليهود.
ONTube: جمعة إنقاذ الوطن
من فلسطين نروح الي المملكة الاردنية. و فيديو بيوضح تظاهر الاف الأردنيين فى وسط العاصمة عمان يوم الجمعة الماضي .. تلبية لدعوة أطلقتها (الحركة الإسلامية المعارضة) تحت عنوان (جمعة إنقاذ الوطن) .. من أجل المطالبة بإصلاحات .. برغم قرار الملك عبد الله حل البرلمان .. والدعوة لإجراء انتخابات نيابية مبكرة.
وإتجمع المتظاهرين عقب صلاة الجمعة أمام المسجد الحسينى بوسط العاصمة .. ورفعوا الأعلام الأردنية ولافتة كبيرة مكتوب عليها شروط الإصلاح السبعة .. اللي بتتضمن .. قانون انتخاب ديمقراطى يمثل إرادة الشعب .. إصلاحات دستورية تمكن الشعب من أن يكون مصدر للسلطات .. وحكومة برلمانية منتخبة تحقق تداول السلطة على المستوى التنفيذى .. والتأكيد علي دولة القانون .. والمواطنة على أساس الحقوق والواجبات.. والفصل بين السلطات وتحقيق استقلالية القضاء .. ومكافحة الفساد.
و رفع المتظاهرين لافتات أخرى كتبوا عليها (صار لنا عشرين شهر نطلع بمسيرات ولسه ما فهمتم) وأخرى تقول (لسنا هواة مسيرات ولكننا نهوى الأردن).
وهتف المتظاهرين و هم بينادوا علي اسم الملك عبد الله .. وقالوا مطالبهم زي .. (بدنا تعديل الدستور قبل ما هالشعب يثور) .. و(الشعب يريد إصلاح النظام).. و(لا ولاء ولا انتماء إلا لرب السماء).
ONTube: القصف على حلب
نروح لسوريا نفسها .. اللي الاوضاع فيها بتتأزم أكتر كلما مرت الايام .. خصوصا مع دخولها منعطف جديد .. بعد التوتر اللي بتشهده حدود سوريا الشمالية مع تركيا .. و توقعات البعض بوقوع حرب بين الطرفين.
و كالعادة .. مازال نظام بشار الاسد بيضرب بعرض الحائط جميع المواقف الدولية و العربية .. فقد أفادت الهيئة العامة للثورة السورية بمقتل 41 شخص اليوم .. معظمهم فى ريف دمشق .. على يد القوات النظامية.
وقالت مصادر بهيئة الثورة السورية .. إن عناصر الأمن والشبيحة أعدموا نحو 20 شخص .. بينهم عائلات كاملة .. فى مدينة (الهامة) بريف دمشق. كما قامت القوات النظامية بقصف عدة أحياء فى حمص وحلب .. وشنت حملة اعتقالات فى حماة.
الفيديو التالي من مدينة (منبج) بحلب .. اللي بتشهد اليوم قصف شديد. وبيظهر في الفيديو الحرائق اللي نتجت عن هذا القصف.
ONTube: قمع مسيرة جديدة بالبحرين
نروح الي البحرين عشان نتابع اخر اخبار موجة الاحتجاجات هناك. بدأ الناشط البحرينى فى مجال حقوق الإنسان .. نبيل رجب .. إضراب عن الطعام فى السجن .. احتجاجا على منعه من حضور جنازة وعزاء والدته .. اللى توفيت الخميس الماضي .. كما أفاد محاميه (محمد الجشى).
وقال الجشى عير حسابه على (تويتر) .. إن رجب أضرب عن الطعام منذ يوم الجمعة .. كرد فعل و احتجاج على مصادرة حقه القانونى والإنسانى فى المشاركة فى عزاء والدته.
و بالطبع ده اثار غضب العديد من المحتجين البحرينيين ضد النظام البحريني .. فخرجوا في تظاهرات متعددة.
الفيديو اللي جاي من بلدة المعامير .. و بيظهر فيه لقطات للاشتباكات اللي وقعت بين المحتجين البحرينيين و الامن الحمدي .. بعد قيام الامن بقمع مسيرة اطلق عليها (عذب..اقتل ..لن اخضع بالغازات السامة). وكالعادة اطلقت قوات الشرطة البحرينية العديد من قنابل الغاز المسيلة للدموع في اتجاه المتظاهرين.
ONTube: جولة في أخبار تويتر وفيسبوك اليوم 07/10/2012
ده كان أخر فيديو معانا .. قبل مانروح لفاصل .. هنروح لزياد سالم عشان نشوف معاه أخر التويتس و الهاش تاجز و الأخبار بصفة عامة اللي إنتشرت على المواقع الإجتماعية خلال اللحظات القليلة الماضية.
مساء الخير زياد إيه الجديد عندك؟
ONTube: حظوظ
في مثل شعبي عندنا في مصر بيقول .. قيرات حظ و لا فدان شطارة .. من منطلق إيمان البعض بإنك لو شاطر بس حظك وحش .. مش هتقدر تحقق نجاح زي الممكن يحققه شخص محظوظ.
هو الحظ مفيد جدا بصراحة.. خصوصا لما يخدم الواحد من الإصابة او الموت (رغم إن دي أقدار طبعا). بس اللقطات اللي حنشوفها دي .. هي لاكثر الناس حظ في العالم (زي ما قال صاحب الفيديو) و هو بيوصفه.
ONTube: سواقة السيدات
الستات نص المجتمع .. ومهميين جدا في حاجات كتير في الحياة .. ده مانقدرش ننكره .. لكن لما نتكلم عن السواقة .. مانقدرش ننكر الصورة النمطية اللي موجودة عند الرجالة و كمان ستات كتير .. و هي إنهم نادرا أما يكونوا بيعرفوا يسوقوا. و ده مش إتهام مني لا سمح الله.
و الصورة دي مش مرتبطة بالسيدات المصريات بس .. لأ ده غي كل حتة في العالم نفس الصورة موجودة. و لو فاكرين إنني بتبلى على الجنس اللطيف .. الفيديو اللي جاي هو المستند اللي بيوثق كلامي .. و كلام كل الرجالة.
يمكن الميزة اللي فيه .. هو أنه هيخلينا نحس إن سواقة الست المصرية زي الفل .. لما نقارنها بالستات اللي هنشوفهم دلوقت.
ONTube: أزمة تفاقم بين سوريا وتركيا
أكتر من 30 ألف فقدو حياتهم من ساعة ما بدأت الثورة السوريه و حتى الان. ده طبعا إلى جانب الاف الجرحى ومئات الالاف من اللاجئين في دول الحدود. وأخبار المجازر اللي بتقوم بيها القوات الاسدية .. كانت دايما جزء أساسي من الأخبار اليومية. وفجأة دخَل طرف جديد في الصراع .. وهي تركيا .. اللي معروف مساندتها للمعارضة السوريه. فبعد سقوط قذيفة سورية على منزل بقرية حدودية تركيه .. وإعلان البرلمان التركي موافقته على قيام الجيش التركي بعمليات خارج الحدود .. إذا إستدعى الأمر .. إزاي السوريين شايفين التطور ده؟ وهل كون تركيا على صف المعارضة السورية .. هل ده يفرق في حاجة في الصراع الديار بين القوات الأسدية و قوات الجيش السوري الحر؟ هنعرف تفاصيل الموضوع ده من الناشط السوري رامي الجراح
ليست هناك تعليقات:
إرسال تعليق