نشاهد اليوم
برنامج من جديد
و الذى يذاع على قناة ONTV
تقديم شريهان أبوحسن
شارك الخبر مع اصدقائك على الفيس بوك و تويتر و جوجل +1 من اعلى الصفحة
مع تمنياتى بمشاهدة ممتعة
و لنبداء
برنامج من جديد تقديم شريهان ابو حسن و حلقة الثلاثاء 30 اكتوبر 2012 من قناة ONTV يوتيوب كاملة
من جديد: إحتفالات المصريين بالعيد لا تخلو من التحرش
السلام والتحية على حضراتكو ..أهلا بيكو معانا، كل سنة وحضراتكو طيبين .. غبنا عنكوا بمناسبة أجازة عيد الأضحى وحشتونا ونتمنى اننا نكون وحشناكو.. وفي الفترة اللي احنا غبنا عنكوا فيها وبالرغم من ان مصر ما بيبقاش فيها أخبار في الاجازات إلا أن العيد السنة ديه وزيه زي اي عيد.. حوادث التحرش هي العنوان الرئيسي في شوارع مصر ..ظاهرة للاسف بقت عاملة زي الامراض المتوطنة زي انفلونزا الطيور كدة ..حاجة للاسف تكسف وحاجات زي ديه هي اللي بتخلي صورة مصر بره زي الزفت وتخلي السياح يفكروا ألف مرة قبل ما يروحوا مصر المحروسة .. وبالرغم من تحرك الكتير من المنظمات الحقوقية إلا ان حوادث التحرش نسبتها تقريبا زي ما هي ده إن كانت ما زادتش بالرغم من الدوريات الأمنية. معانا نهاد أبوالقمصان رئيس المركز المصري لحقوق المرأة
من جديد: التحقيقات تكشف خطة لتفجير الكاتدرائية
من ضمن الحاجات اللي كانت ظهرت خلال الأيام اللي قبل العيد وفي العيد هي خلية مدينة نصر اللي تمكنت أجهزة الامن من ضبطها وكل يوم بنلاقي جديد في القضية ومتهمين جداد .. رئاسة الجمهورية النهاردة اعلنت على لسان الدكتور ياسر علي المتحدث الرسمي بإسم الرائسة أنه التحقيقات مع أقراد الخلية الإرهابية بمدينة نصر اللي تم القبض عليها مازالت جارية وسيتم الاعلان عن نتائجها عقب الانتهاء منها، لكن أخطر حاجة اشار ليه المتحدث الرئاسي هو ان الخلية كانت بتستهدف شخصيات سياسية، من ناحية تانية نيابة امن الدولة مستمرة في التحقيق مع المتهمين .. اللي كشفت التحقيقات معاهم عن تخطيطهم لتفجير الكاتدرائية بالعباسية وسفارتى أمريكا وإسرائيل.
من جديد: تأجيل مليونية تطبيق الشريعة الإسلامية
النهاردة أعلنت عدد من القوى الإسلامية بما فيها حزب الحرية والعدالة تاجيل المليونية اللي كان مقرر ليها يوم الجمعة الجاية اللي هيا المليونية المتعلقة بتطبيق الشريعة الإسلامية .. القوى االإسلامية قرروا تأجيلها ليوم الجمعة اللي بعده الموافق 9 نوفمبر ... لكن في نفس الوقت شباب القوى الإسلامية اعلنوا انهم بردوا هينزلوا يوم الجمعة اللي جايه من اجل الإعداد والتأهيل لمليونية الشريعة اللي زي ما قولنا لحضراتكو اتحدد ليها 9 نوفمبر ..
من جديد: وقفة إحتجاجية للمطالبة بإقالة النائب العام
النهاردة كمان نظم عدد من المنتميين للحركات والتيارات الاسلامية وقفة احتجاجية امام دار القضاء العالي للمطالبة بإقالة النائب العام واتهموا النائب العام المستشار عبد المجيد محمود بالتواطؤ مع رموز النظام السابق والتستر على فسادهم خلال عصر الرئيس السابق حسني مبارك .
واعتبروا إن النائب العام الحالى لا يعبر عن الثورة المصرية، ولا يحقق أهدافها .
من جديد: القوى السياسية ترفض دعوات إقالة النائب العام
من ناحية تانية أعلن عدد كبير من الأحزاب والقوى السياسية رفضهم لدعوات اقالة النائب العام واعتبروه مساسا بالسلطة القضائية ، كمان اعلن نادي قضاة مصر استنكاره الشديد لهذه الدعوات والتظاهرات .
من جديد: بطلان العقد الموقع بين منجم السكري والحكومة
حكم مهم جدا أصدرته اليوم محكمة القضاء الإداري .. الحكم بخصوص
منجم السكري المحكمة قضت ببطلان العقد الموقع بين الشركة الفرعونية والحكومة المصرية .. واللي بناءا عليه بقوم الشركة الفرعونية بالتنقيب عن الذهب والمعادن بالمنجم .. المحكمة رأت ان عقد الاستغلال شابهه العديد من اوجه البطلان وانه أدى لإهدار ملاييين الدولارات على الأقتصاد المصري
من جديد: وقفة احتجاجية للتضامن مع جمال عبد الرحيم
أزمة وقف جمال عبد الرحيم عن رئاسة تحرير جريدة الجمهورية انتقلت للقضاء ودا لن النهاردة كانت أولى جلسات نظر الدعوى اللي اقامها عبد الرحيم ضد قرار مجلس الشورى بإيقافه عن العمل بسبب نشر الجريدة خبر يفيد التحقيق مع المشير طنطاوي والفريق عنان وهو الخبر اللي تم نفيه بعد كدة وبعدها تمت الاطاحة بجمال عبد الرحيم .. والنهاردة تضامن مع عبد الرحيم عدد من الصحفيين وأعضاء مجلس النقابة لكن النقيب ما حضرشي، ونظموا وقفة احتجاجية امام مجلس الدولة وقررت المحكمة التأجيل لجلسة التلات اللي جاي
من جديد: إفتتاح فرع جامعة برلين في الجونة بالبحر الأحمر
جامعة برلين التقنية افتتحت النهاردة أول فرع دولي ليها بقرية الجونة بمحافظة البحر الأحمر لتطوير البحث العلمي وتطبيقاته في مجالات الطاقة والمياه والتنمية العمرانية فى مصر ومنطقة الشرق الأوسط ، شارك في حفل الافتتاح وزير الخارجية محمد كامل عمرو والسفير نبيل العربي الأمين العام لجامعة الدول العربية واللواء محمد كامل محافظ البحر الأحمر والسفير الألماني بالقاهرة ميشائيل بوك والمهندس سميح ساويرس عضو مجلس أمناء مؤسسة ساويرس للتنمية الاجتماعية وصاحب فكرة إنشاء هذا الفرع بالإضافة إلى عدد من المتخصصين .تعالوا نشوف التقرير اللي جاي وبعد
من جديد: الحكم ببطلان عقد منجم السكري - أ. حمدي الفخراني
من جديد أهلا بحضراتكو ... منجم السكري واحد من مناجم الذهب والمعادن اللي مرشح بقوة انه يكون ضمن أهم 10 مناجم على مستوى العالم .. في 2004 تم توقيع اتفاقية مع شركة سنتامين وهي شركة استرالية للتنقيب واستخراج واستغلال الذهب والمعادن ومنح الشركة حق استغلال المنجم لمدة 30 عاما قابلة للتجديد ... وخلال الفترة اللي فاتت وخصوصا بعد ثورة 25 يناير هب عدد كبير من العمال وانتفضوا ضد استغلال المنجم واتهموا الحكومة والشركة وبعض القيادات الفاسدة بنهب وسرقة واهدار المال العام في هذا المنجم العملاق .. وتابعنا مع حضراتكم الوقفات الاحتجاجية ديه .. كمان لوحضراتكو تفتكروا مجلس الشعب المنحل وما حدث به من مشادات بسبب هذا المنجم الى ان تم تشيكل لجنة قامت بزيارته للتأكد من صحة اهدار المال العام .. والنهاردة محكمة القضاء الإداري قالت كلمتها وقالت ان عقد الاستغلال باطل وان العقد اهدر ملاييين الدولارات على مصر بنرحب بضيفنا المهندس حمدي الفخراني عضو مجلس الشعب السابق وضيفنا النهاردة في من جديد
من جديد: التحديات التي ستواجه البابا الـ 118
انتهت بالأمس المرحلة الأولي من الانتخابات البابوية، واللي نجح فيها 3 مرشحين لتولي منصب بابا الكنيسة 118، وحنستنى يوم الأحد المقبل لإجراء القرعة الهيكلية واسدال الستار علي أياً من الأنبا روفائيل والأنبا تاوضروس والقمس روفائيل أفامينا ليكون البابا 118..
تحديات كتير بتواجه البابا الجديد خاصة إنه جاى فى وقت فى حالة سيولة، ومشكلات سياسية كبيرة بتواجه مصر، وتحديات بتواجه قضية المواطنة وحقوق الأٌقباط.. وأزمة الدستور.. ومواقف تيارات الإسلام السياسي من قضية المواطنة والحقوق الكاملة لكل المواطنين.. ودور الأقباط فى المرحلة الراهنة اللى بتشهد تحول سياسي كبير.. ده غير القضايا اللى بتواجه الكنيسة من الداخل زى المطالب بتعديل لائحة انتخاب البطريرك وقانون الأحوال الشخصية.
أسئلة كتير وتحديات كبيرة بتواجه البابا القادم .. هيجاوبنا عليها المفكر القبطي الكبير كمال زاخر أهلاً وسهلاً بيك
ليست هناك تعليقات:
إرسال تعليق