برنامج اون تيوب
ON Tube
و الذى يذاع على قناة ONTV
تقديم رامى رضوان
برنامج اون تيوب برنامج يقوم علي الصحافة الشعبية التي بدات في الانتشار حيث اصبحت بديلا هاما للاعلام الرسمي و يساعد علي انتشارها الشبكات الاجتماعية لذلك يهتم اون تيوب بعرض محتويات اللقطات التي يصورها المواطنون بأنفسهم كما يهتم البرنامج بمساعدة المواطنين الراغبين في توثيق لحظات بعينها و نشرها علي الانترنت بل و عرضها علي شاشة اون تي في لايف
شارك الخبر مع اصدقائك على الفيس بوك و تويتر و جوجل +1 من اعلى الصفحة
مع تمنياتى بمشاهدة ممتعة
و لنبداء
برنامج اون تيوب تقديم رامى رضوان و حلقة الثلاثاء 30 اكتوبر 2012 من قناة ONTV يوتيوب كاملة
ONTube: علقة ساخنة للمتحرشين
اول فيديو من مصر. مع دخول العيد علينا .. كلنا كنا بنتكلم وشايلين هم الشارع المصري هيكون عامل إزاي .. لأن ماحدش فينا نسي شكله خلال عيد الفطر اللي فات .. وحالات التحرش المؤسفة اللي إتكررت في كذا مكان. و عليه قرر مجموعة من الشباب المحترم .. انهم يعملوا حملة ضد التحرش .. في محاولة منهم إنهم يتصدوا من خلالها .. لاي شاب يقرر انه يتحرش ببنت.
هنشوف في الفيديو اللي جي الشباب دول .. بعد ما مسكوا واحد من الشباب المتحرش .. في محيط ميدان عبد المنعم رياض بوسط البلد .. وقاموا بضربه و صفعه .. وكمان قاموا برش سبراي على وشه .. لتميزه بانه متحرش. والله كان يستاهل أكتر من كده مكان.
الفيديو ده كان عليه العديد من التعليقات .. من بينها معلومة .. اكدها العديد من شهود العيان .. و هي ان اي شاب كان بيتمسك وهو بيتحرش .. كانوا شباب المبادرة .. بيحاولوا يكتبوا علي وشه بالاسبراي .. كلمة (متحرش).
ONTube: رجم حمد بالأحجار
من مصر نروح للبحرين .. اللي مع دخول عيد الاضحي المبارك .. هدأت نسبيا موجة التظاهرات فيها .. لكن مازال العديد من المحتجين البحرينيين .. بيوجهوا رسالة الي الملك حمد بن عيسى ال خليفة .. بتعبر عن رفضهم لسياساته .. وتندد بعدم التزامه بالوعود الاصلاحية اللي كان وعد بيها.
الفيديو التالي قام احد المواطنين البحرينيين بتصويره .. وبنشوف فيه قيام احد المعارضين بعمل عروس على شكل ملك البحرين .. وقيامه برجمه بالاحجار.
الفيديو انتشر علي يوتيوب .. وكان عليه تعليقات كتيير ما بين مؤيد لهذا الموقف و معارض له. وده شئ طبيعي لما تشهده البحرين من احتجاجات ضد نظام الخليفة .. اللي بيؤيدها البعض وبيرفضها البعض الاخر.
ONTube: مسيرة جنوبية بالتواهي
الي اليمن .. و أخر اخبار الحراك الجنوبي. خرج امس ابناء الجنوب في عدن بمسيرة جماهرية طافت شارع كورنيش الساحل الذهبي في منطقة التواهي.
بنشوف في الفيديو التالي هذه المسيرة .. اللي بتعد استمرار للنهج الثوري السلمي خلال ايام عيد الاضحى المبارك. طافت المسيرة شارع الكورنيش وكذلك الساحل .. وكالعادة رفع خلالها المشاركين اعلام دولة الجنوب .. مرددين الشعارات الثورية الجنوبية المطالبة بالتحرير والاستقلال .. وموجهين رسالة لقوات دولة اليمن .. بان وجودهم في ارض الجنوب غير مرحب به .. وان شعب الجنوب لن يهدأ حتى ينال مراده.
وبعد انتهاء المسيرة .. قام مسلحين منوطين بحراسة منزل مندوب الدولة اليمنية في عدن (وحيد رشيد) .. قاموا بالاعتداء على بعض المشاركين في المسيرة .. وهم بيهموا للمغادرة والعودة الى منازلهم. وقام المسلحين بإنتشال اعلام الجنوب من ايدي المتظاهرين .. وتهديدهم بإطلاق النيران عليهم إذا حاولوا المقاومة. و إنتهى الإشتباك دون وقوع أي اصابات بين الجنوبين.
ONTube: إشتباكات في أنقره
من الشأن العربي نروح لبعض الشئون الدولية .. ونبداها من تركيا .. اللي تظاهر الآلاف من أبنائها امس في شوارع أنقرة بمناسبة عيد الجمهورية .. في تحدٍ صريح للحظر اللي فرضته الحكومة لأسباب أمنية.
ورفع المتظاهرين أعلام بلادهم .. وهتفوا (تركيا حرة بالكامل) .. و(نحن جنود مصطفى كمال أتاتورك) .. مؤسس الجمهورية التركية.
التجمع ده .. اللي دعت إليه عشرات الجمعيات ودعمته احزاب معارضة .. كان امام مبنى البرلمان في حي اولوس التاريخي .. اللي كان محاط بحوالي 3 ألاف رجل شرطة .. بعد ما منع مكتب محافظ انقرة التجمع بمناسبة عيد الجمهورية.
الفيديو اللي هنشوفوا دلوقتي متصور من قلب المظاهرة .. اللي تخللتها بعض اعمال العنف والشغب. وبنشوف فيه قوات الشرطة واستخدامها لقنابل الغاز المسيل للدموع لتفريق المتظاهرين .. اللي حاولوا اقتحام حاجز للشرطة.
جدير بالذكر إن قرار الحظر تعرض لانتقادات من بعض الاحزاب المعارضة والعديد من العلمانيين .. اللي أعربوا عن استيائهم الشديد لإعتبار الاحتفال بالعيد الـ 89 للجمهورية التركية جريمة. واعتبر العديد من المحللين ان ذكري تاسيس الجمهورية .. تسبب في ازمة مابين الاسلاميين و العلمانيين في تركيا.
ONTube: إعصار ساندي من الفضاء
من تركيا نروح للولايات المتحدة الامريكية .. اللي بتشهد واحد من أقوى و أسوأ الاعاصير .. اعصار (ساندي). فقد أعلن الرئيس الأمريكي باراك أوباما اليوم .. ان ولايتي نيويورك ونيوجرسي يعتبروا (منطقة كارثة) .. بسبب الإعصاراللي بيضرب الساحل الشرقي للولايات المتحدة .. واللي بدأ أمس ومستمر الي اليوم .. واللي أدى الى الأن لسقوط حوالي 33 قتيل.
ووقع أوباما على مرسوم خاص بإعلان حالة الطوارئ في فيرجينيا وفيرجينيا الغربية .. وتعهد بتقديم المساعدات اللازمة للمتضررين من هذا الإعصار.
الفيديو اللي جاي قامت وكالة ناسا بتحميله علي يوتيوب .. وبيظهر فيه لقطات لتطور اعصار ساندي من المحيط الاطلنطي .. وحتي بداية دخوله علي الساحل الشرقي للولايات المتحدة
الأمريكية
ONTube: جولة في أخبار تويتر وفيسبوك اليوم 30/10/2012
ده كان أخر فيديو معانا .. قبل مانروح لفاصل .. هنروح لزياد سالم عشان نشوف معاه أخر التويتس و الهاش تاجز و الأخبار بصفة عامة اللي إنتشرت على المواقع الإجتماعية خلال اللحظات القليلة الماضية.
مساء الخير زياد إيه الجديد عندك؟
ONTube: هروب عجل قبل ذبحه
بمناسبة عيد الاضحي .. حنشوف فيديو لي علاقة بالدبح .. أو محاولة دبح .. بس كوميدي.
هرب عجل من إيد الجزارين .. فبالتالي بدأوا يحاولوا يمسكوه. بنشوف جزار وهو داخل علي عجل عشان يمسكه و يدبحه .. بس العجل الحقيقة طلع أنصح منه و فلسع. وطبعا لما الجزار لقي العجل بيجري عليه.. طلع يجري ووقع .. والعجل كمل طريقه في الشارع .. والناس كلها طلعت تجري وراه.
ONTube: بالعكس
نبدا الفقرة النهاردة (بالعكس)..ومش بالعكس دي يعني حنغير ترتيب الفيديوهات..لكن حنبداها بفيلم قصير متصور كله بالعكس..و الفيلم ده كان في مهرجان للافلام في عام 2008.
الفيلم عبارة عن مجموعة من المشاهد اللي اتصورت..و بعد كده اتعملها مونتاج عشان تبقي فيلم متصور بالعكس.
ONTube: مقالب المتزوجون
المقالب حلوة..مفيش كلام..بالذات بقي لو واحد عملها في مراته.و قرر انه يصور المقلب و ينزله علي يوتيوب.
الفيديو اللي جاي ..هو مقلب زوج عمله في زوجته..وببساطة كدة المقلب يتلخص في انه حط بودرة تلج في السيشوار ..بحيث ان اول ما مراته تستخدمه تغرق في البودرة..لا و اللطيف ان الفيديو عمل 2 مليون مشاهدة علي يوتيوب..يعني اداها بودرة تلج..و شردلها كمان.
ONTube: أسرع حركة يد
اسرع استخدام لليد في العالم..موهبة من ربنا طبعا..حصل بيها طفل اسيوي علي رقم قياسي في استخدام الايد في تكوين اشكال في ثواني معدودة.
الفيديو اللي حنشوفه دلوقتي..فيه الصبي ده و هو بيكون اشكال مختلفة بكوبايات بلاستيك في 6 ثواني فقط..وطبعا وسط ذهول كل من شاف الفيديو.
ONTube: سكان النوبة مقيمين ومغتربين
ناس كتير فاكرة إن قضية تهجير أهل النوبة بدأت أيام بناء السد العالي .. لكن الحقيقة إنها بدأت فعليا من قبل كده بكتير.
أوائل القرن اللي فات .. وتحديدا سنة 1902 .. كانت أراضي النوبة مساحتها حوالي 350 كيلومتر مربع .. تواراثها النوبيين أبا عن جد .. واللي إمتدت من الشلال الأول عند قرية بتسمى "دابود" في الشمال .. وحتى الشلال الثاني عند قرية إسمها "أدندان" في الجنوب عند وادي حلفا. وكان بيسكنها حوالي 17700 أسرة نوبية.
قصة التهجير بدأت فعليا عام 1902. فمع بناء خزان أسوان .. إرتفع منسوب مياه النيل .. فغرقت 10 قرى نوبية. وتحمل آهالي القرى دي آثار الدمار لوحدهم .. و بدأوا يهاجروا طواعية الى قرى في البر الغربي والى مختلف محافظات الجمهورية.
ومع التعلية الأولى للخزان عام 1912 .. إرتفع منسوب مياه النيل مرة تانية .. وغرق 8 قرى أخرى .. وبدأ برضو سكانها يغادروا طواعية .. متحملين النتائج لوحدهم.
التعلية الثانية والأخيرة للخزان كانت عام 1933 .. وغرقت 10 قرى جديدة .. ليصبح مجموع القرى اللي تضررت من أول بناء الخزان .. 28 قرية نوبية .. كلهم تحمل سكانهم كافة العواقب.
وفي 1963 .. بدأت دراسات لبناء السد العالي .. وتم تهجير النوبيين بالغصب ورا السد الى هضبة كوم أمبو .. لينتقلوا من أراضيهم اللي توارثوها .. اللي كانت مساحتها 350 كيلو متر مربع .. الى أراضي مساحتها 50 كيلو متر مربع فقط. وتم نقل 42 قرية نوبية بأسمائها الى هضبة كوم أمبو .. وبنيت منازل تتكون من أربع غرف كحد أقصى .. وبعض المرافق .. ومجموعة من المدارس.
في الوقت ده .. قامت الدولة بتقسيم سكان النوبة الى قسمين: مقيمين ومغتربين. تم تسكين المقيمين في منازلهم وقراهم الجديدة في هضبة كوم أمبو. أما المغتربين .. فهم النوبيين اللي ساكنيين خارج أسوان .. واللي إستمر تأجيل بناء منازلهم لفترات طويلة .. وإنتهى الأمر ببناء و تسكين 50% فقط منهم، و تُرك الباقي لمصائرهم.
هيكلمنا أكتر عن مشاكل النوبيين و قضية النوبة و هل هناك جديد بخصوصها بعد ثورة يناير .. الأستاذ حسين عبدالمجيد .. منسق لجنة المتابعة للقضية النوبية بالاسكندرية.
ليست هناك تعليقات:
إرسال تعليق