نشاهد اليوم
برنامج من جديد
و الذى يذاع على قناة ONTV
تقديم شريهان أبوحسن
شارك الخبر مع اصدقائك على الفيس بوك و تويتر و جوجل +1 من اعلى الصفحة
مع تمنياتى بمشاهدة ممتعة
و لنبداء
برنامج من جديد تقديم شريهان ابو حسن و حلقة الاحد 21 اكتوبر 2012 من قناة ONTV يوتيوب كاملة
من جديد: وقفة الصحفيين ضد تدخل الشورى
النهاردة يوم المسيرات والوقفات الاحتجاجية بامتياز في اكتر من مكان وزمان نلاقي وقفات احتجاجية لاسباب كتير، ما فيش حاجة تجمعها غير انها بتعكس ان فيه حاجة غلط.. حاجة غلط من وجهة نظر منظمي كل مسيرة أو وقفة احتجاجية شايفين ان حقهم ضايع وبيطالبوا بيه.. ممكن يكون عندهم حق ويمكن ما يكونشي عندهم حق.. احنا معانا كل وجهات النظر وفي الاخر حضراتكوا الحكم.. واولها الصحفيين اللي نظموا وقفة مسيرة ووقفة احتجاجية امام مجلس الشورى للتنديد بقرار الدكتور احمد فهمي رئيس مجلس الشورى ورئيس المجلس الأعلى للصحافة بإيقاف جمال عبد الرحيم من منصبة كرئيس تحرير جريدة الجمهورية بعد نشر خبر في الجريدة بمنع المشير طنطاوي والفريق سامي عنان من السفر وهو طبعا الخبر اللي كان غير صحيح .. وشارك في الوقفة عدد من أعضاء مجلس نقابة الصحفيين واللي كانت دعت الصحفيين بالصحف القومية والحزبية والمستقلة للنزول والمشاركة لمواجهة ما سموه بالهجمة الشرسة على حرية الصحافة .
من جديد: السلطة التشريعية أيضاً مستقلة
أما نواب مجلس الشعب فلسه في منهم اللي شايف ان حل البرلمان كان غير قانوني والنهاردة عقد حوالي 30 نائبا بساقية الصاوى مؤتمر، تحت عنوان "السلطة التشريعية أيضاً مستقلة" شارك فيه ممثلون عن أحزاب الحرية والعدالة والنور والوسط.
من جديد: جلسة النواب على رصيف البرلمان
بعد المؤتمر اتوجه بعض النواب لمجلس الشعب لعقد جلسة رمزية اليوم لكن حرس مجلس الشعب، منعهم من الدخول لعدم وجود صفة ليهم، وده تجنبا لوقوع أى مشاكل فى حال رغبتهم فى الاعتصام داخل المجلس، فقرر النواب وعددهم 5 ممن حضروا عقب انتهاء مؤتمر ساقية الصاوى أن يعقدوا جلسة رمزية أمام البرلمان.
من جديد: وقفة الرياضيين لأجل عودة الدوري
تداعيات قرار تأجيل انطلاق الدوري العام لسة مستمرة والنهاردة نظم عدد كبير من الرياضيين وقفة مسيرة ووقفة احتجاجية أمام قصر الاتحادية للمطالبة بعودة الدوري والنشاط الكروي .. وشارك في الوقفة عدد من رموز الكرة المصرية.. وبعد الوقفة ديه اتوجه المشاركين لفندق البارون لمحاصرة فريق صن شاين وصلت مصادمات بين الالتراس وبين المشاركين في الوقفة اللي كانت بتطالب بعودة الدوري.
من جديد: الأطباء مستمرون في ثورتهم
الأطباء لسة في ثورتهم ضد وزارة الصحة والنهاردة نظموا وقفة احتجاجية امام مقر الوزارة اعتراضا على تجاهل الحكومة لمطالبهم واللي على رأسها رفع الميزانية المخصصة لوزارة الصحة لــ15 % وإقرار كادر للأطباء ورفع درجة تأمين المستشفيات ... وأكدوا خلال الوقفة على انهم مستمرين في اضرابهم .. وشارك معاهم عدد من الحركات السياسية زي حركة 6 أبريل وحركة الاشتراكيون الثورييون.
من جديد: تأجيل قضية جامعة النيل
النهاردة محكمة القضاء الإداري بمجلس الدولة نظرت الدعاوى اللي اقامها طلاب جامعة النيل لإلغاء قرار تحويل جامعة النيل من جامعة خاصة لجامعة أخلية وإلغاء تخصيص مباني الجامعة لمدينة زويل ... والنهاردة حضر الجلسة عددة كبير من الطلاب واولياء الامور وطالبوا بتمكينهم من استئناف دراستهم داخل الجامعة ، وبره الجلسة نظموا وقفة احتجاجية بمشاركة ممثلين من حزب المصريين الاحرار وحركة 6 ابريل الجبهة الديمقراطية والمحكمة قررت عقد جلسة خاصة يوم الأربع اللي جاي لأستئناف نظر القضايا .
من جديد: منع شفيق وبناته من التصرف في أموالهم
النهاردة جهاز الكسب غير المشروع قرر منع الفريق أحمد شفيق رئيس الوزراء الأسبق من وبناتة التلاتة من التصرف في اموالهم ومنعهم من السفر ووضع اسمائهم على قائمة الترقب والوصول بتهم تضخم ثرواتهم وطبعا زي ما حضراتكو عارفين ان الفريق شفيق مسافر بالخارج عقب خسارته في الانتخابات الرئاسية ..
من جديد: اتهام أبو إسلام بالإساءة للإسلام
محكمة جنحة مدينة نصر استانفت النهاردة محاكمة الشيخ ابو اسلام المتهم بتمزيق الإنجيل واستمعت المحكمة النهاردة لمرافعة النيابة العامة واتهمت الشيخ ابو اسلام بالإساءة للاسلام والأفتراء على الرسول ومس الوحدة الوطنية .. اما محامي الشيخ ابو اسلام فطلب رد المحكمة واللي قررت التأجيل لجلسة 4 نوفمبر اللي جاي لأتخاذ اجراءات طلب الرد ...
رجب هلال حميدة بعد تبرئته في موقعة الجمل .. في من جديد
دا كان المشهد يوم 2 و3 فبراير 2011 بعد الخطاب التاني للرئيس السابق حسني مبارك بعد اندلاع ثورة 25 يناير وهو الخطاب اللي ادي لحالة انقسام بين الشعب المصري حول بقاء مبارك او التمسك بخلعه من منصبه .. في المشهد اللي حضرتكم شوفتوه مات واتصاب المئات من المتظاهرين في القضية المعروفة بموقعة الجمل واللي بناءا على الحداث دي تم حبس عدد كبير من قيادات ورموز النظام السابق على ذمة القضية وبعد شهور طويلة فوجىء الجميع بحكم ببراءة كل المتهمين في القضية بما فيهم ضيفنا الكريم الأستاذ رجب هلال حميدة عضو مجلس الشعب الأسبق واللي في حوارنا معاه هنحاول نعرف منه -- يمكن هو اللي يقدر يجاوب على سؤال الملايين مننا -- امال مين اللي قتل المتظاهرين في موقعة الجمل ؟ ونعرف منه كمان كواليس وما يحدث في سجن طره اللي بيضم الآن وقبل ذلك عدد كبير من رموز النظام السابق بما فيهم رأس هذا النظام وهو الرئيس السابق حسني مبار ك ...
من جديد: التداعيات الأمنية لقرار إغلاق المحلات مبكراً
السلام والتحية علي حضراتكو.. مازلنا بنسأل هو صحيح الحكومة ناوية تطبق قرار غلق المحالات التجارية الساعة 10 بالليل؟ وهل هي فعلاً تقدر تنفذ القرار ده علي الأقل فى المناطق العشوائية.. والأهم من كده.. الناس كلها بتسأل هم لو فعلاً حبوا يقفلوا المحلات الساعة 10 بليل.. الدولة هتقدر تعالج مشكلة الانفلات الأمني.. اللي الكل بيقول إنه هيزيد فى حالة غلق المحلات بدري..
هنناقش انهارده التداعيات الأمنية فى حالة تطبيق قرار غلق المحلات الساعة 10 مع ضيوفنا إنهارده .. الاستاذ رفعت عبد الحميد الخبير الأمني .. و الاستاذ مصطفي عبد العزيز رئيس حي الازبكية
ليست هناك تعليقات:
إرسال تعليق