برنامج اون تيوب
ON Tube
و الذى يذاع على قناة ONTV
تقديم رامى رضوان
برنامج اون تيوب برنامج يقوم علي الصحافة الشعبية التي بدات في الانتشار حيث اصبحت بديلا هاما للاعلام الرسمي و يساعد علي انتشارها الشبكات الاجتماعية لذلك يهتم اون تيوب بعرض محتويات اللقطات التي يصورها المواطنون بأنفسهم كما يهتم البرنامج بمساعدة المواطنين الراغبين في توثيق لحظات بعينها و نشرها علي الانترنت بل و عرضها علي شاشة اون تي في لايف
شارك الخبر مع اصدقائك على الفيس بوك و تويتر و جوجل +1 من اعلى الصفحة
مع تمنياتى بمشاهدة ممتعة
و لنبداء
برنامج اون تيوب تقديم رامى رضوان و حلقة الثلاثاء 2 اكتوبر 2012 من قناة ONTV يوتيوب كاملة
ONTube: إضراب أطباء مصر
نبدا من مصر .. ومن امام قاعة المؤتمرات بجامعة القاهرة .. فيديو بيظهر فيه طلاب كلية الطب .. في الوقفة اللي نظموها امس تضامنا مع اضراب الاطباء المفتوح اللي بدا امس علي مستوي الجمهورية.
ورفع الطلبة لافتات كتبوا عليها (علشان ابن بلدى يتعالج أحسن) و (إقرار ميزانية الصحة التى تخدم المريض قبل الطبيب) و(نطالب بكادر مالى وإدارى للأطباء).
ولليوم التانى على التوالى .. بيواصل أكتر من 35 ألف طبيب بـ500 مستشفى بوزارة الصحة .. إضرابهم الجزئى عن العمل بالعيادات الخارجية بالمستشفيات .. باستثناء أقسام الطوارئ والاستقبال والعناية المركزة والحالات الحرجة والحضانات. و بيأتي إضرابهم من أجل المطالبة بإقرار كادر خاص بيهم .. وزيادة موازنة الصحة لـ15% .. بالإضافة إلى تأمين المستشفيات ضد عمليات البلطجة واعتداءات بعض أهالى المرضى على الاطباء.
ONTube: وقفة قطاع الرياضة
من مصر ايضا .. وتحت شعار (يا ريس الكورة اكل عيش..مش لعب عيال) .. خرج العديد من العاملين بالقطاع الرياضي في مسيرة .. مطالبة بعودة النشاط الكروي في مصر .. وعدم الغاء الدوري العام للموسم الجديد.
شارك في المسيرة العديد من رموز الرياضة و بعض لاعبي الدوري الممتاز لكرة القدم .. زي الكابتن احمد حسن .. و تجمهروا عند مقر وزارة الرياضة في منطقة ميت عقبة .. هاتفين (الشعب يريد عودة النشاط).
و بتأتي هذه الوقفة كرد على مطالبة الألتراس بإلغاء مسابقة الدوري العام و تعليق النشاط الرياضي في مصر .. الى ان يتم القصاص لشهداء مذبحة بورسعيد.
ONTube: طرد المستوطنين من الأقصى
من مصر نروح لفلسطين المحتلة .. وفيديو من امام المسجد الاقصي .. تم تصويره النهاردة الصبح .. بيظهر فيه مجموعة من المصليين من الرجال و النساء .. وهما بيهتفوا (بالروح بالدم نفديك يا اقصي) .. بعد وقوع اشتباكات بالأيدى بين المصلين المسلمين .. وعناصر الوحدات الخاصة بشرطة الاحتلال الإسرائيلى .. عقب أداء عدد من المستوطنين اليهود وبعض الحاخامات .. طقوس دينية فى ساحات المسجد .. بمناسبة (عيد العرش اليهودى).
وكانت الشرطة الإسرائيلية استخدمت العصى الكهربائية ضد المصلين .. اللي معظمهم من كبار السن .. بعد قيامها بطرد من تقل أعمارهم عن 45 عاما.
ومازال المسجد الأقصى وبواباته الخارجية ومحيطه .. بيشهد أجواء شديدة التوتر .. فى ظل الاقتحامات المتتالية للمستوطنين اليهود .. والتضييق على دخول المصلين للمسجد.
الفيديو التالي بنشوف فيه لحظات ما بعد الإعتداء على كبار السن .. اللي بيظهروا أثناء هتافهم .. إعتراضا على إعتداء الشرطة الإسرائيلية عليهم.
ONTube: صد محاولة إقتحام حي العامرية
الي سوريا و تحديدا حلب .. اللي اشتدت فيها المعارك بين قوات الجيش السوري الحر المعارض لبشار الاسد .. وقوات الجيش النظامي السوري. وقالت مصادر إن الرئيس السورى بشار الأسد .. أصدر أوامر لقوات .. يقدر قوامها بحوالي 30 ألف جندى و2000 ناقلة جنود ودبابة .. بالانتقال إلى مدينة حلب على الحدود مع تركيا .. لقتال مسلحى المعارضة.
و اكد بعض شهود العيان .. ان الأسد توجه إلى أكبر مدينة فى سوريا فجر اليوم .. للإشراف على المعركة المحتدمة بين قواته ومقاتلى الجيش الحر .. اللي تدفقوا على المدينة فى يوليو الماضى .. وانه اكد .. بعد معاينته لمواقع القتال .. ان المعركة اصبحت صعبة جدا.
الفييديو التالي التقط صباح اليوم من احد شوارع حي العامرية بحلب ..و بيظهر فيه قوات الجيش الحر اثناء محاولتهم لصد هجوم القوات الاسدية لاقتحام الحي.
ONTube: غازات سامة في سيارات العامة في البحرين
نروح للبحرين لنتابع اخر تطورات الاوضاع هناك. قامت محكمة التمييز .. وهى أعلى محكمة بحرينية .. بتأييد الأحكام بالسجن الصادرة ضد 9 أطباء .. لدورهم فى الاحتجاجات المطالبة بالديمقراطية .. اللي خرجت العام الماضى.
ورفضت محكمة التمييز كل الطعون المقدمة من المتهمين .. وأيدت الأحكام الصادرة ضدهم بالسجن فترات تصل إلى 5 أعوام.
و في نفس الوقت مازالت قوات الامن البحرينية بتسئ التصرف و التعامل مع موجة الاحتجاجات هناك .. و بتقمع المحتجين بوسائل مختلفة .. الامر اللي بيؤدي الي وقوع العديد من الخسائر .. زي ما هنشوف في الفيديو التالي .. اللي بتظهر فيه سيارة احد المواطنين بعد ما اخترقتها قنبلة غاز .. اثناء تعامل قوات الأمن مع إحدى المظاهرات في بلدة صدد. وبالطبع تسببت القنبلة في إحتراق السيارة من الداخل بالكامل.
ONTube: تشييع شهداء العوامية
من البحرين الي المملكة العربية السعودية .. وفيديو بيوضح خروج عشرات الآلاف في بلدة العوامية بمدينة القطيف مساء أمس .. للمشاركة في تشييع جثامين الشهداء ال3 (خالد البراك.. محمد المناسف.. حسن الزاهري) .. اللي قتلوا برصاص مباشر من قوات الأمن .. أثناء اجتياح البلدة يوم الأربع الماضي.
وانطلق موكب التشييع وسط أجواء محتقنة وعواطف مشحونة .. وشارك فيه العشرات من علماء الدين. و ردد الأهالي هتافات ضد الدولة . .وضد ملك السعودية وولي العهد.
وطالب المشيعين بالإفراج العاجل عن الشيخ نمر النمر وبقية سجناء الرأي والسجناء المنسيين .. اللي مضى على اعتقال بعضهم أكتر من 17 عام.
ONTube: جولة في أخبار تويتر وفيسبوك اليوم 02/10/2012
ده كان أخر فيديو معانا .. قبل مانروح لفاصل .. هنروح لأية عبدالله من جريدة الصحفية بجريدة المصري اليوم عشان نشوف معاه أخر التويتس و الهاش تاجز و الأخبار بصفة عامة اللي إنتشرت على المواقع الإجتماعية خلال اللحظات القليلة الماضية.
مساء الخير أية وإيه الجديد عندك؟
ONTube: الحوت الأزرق
أول فيديو معانا هو عن الحوت الازرق .. اللي بيعتبر اكبر حيوان علي وجه الكرة الارضية. وزنه بيكون في حدود ال200 الف كيلو جرام .. وطوله بيوصل لاكثر من 30متر. والدراسات بتقول ان قلبه في حجم العربية .. و إن أوعيته الدموية ضخمة وواسعة جدا .. لدرجة ان ممكن الانسان يسبح داخلها.
الفيديو اللي جاي هنشوف فيه لقطات للحوت الازرق .. وهو فيديو قديم تم إنتاجه سنة 2009 ..لكن يستاهل إن حضراتكم تشوفوه.
ONTube: ظهور الحوت الأزرق
أكبر حيوان على وجه الأرض .. وطبقا لإحصائيات عام 2009 .. بيقدر تعداد الحوت الازرق في العالم برقم يتراوح مابين 5 الاف و 12 الف حوت.
بس سبكوا من كل ده .. و عايز حضراتكوا تتخيلوا لو القدر جمعكوا بحوت زي ده .. لو فجأة لقيتوه قدام عينيكم ..... ممكن تعملوا إيه و هيكون إيه إحساسكم؟ أعتقد مش هتكونوا بثبات الناس اللي هنشوفها دلوقت.
ONTube: مبادرة بوصلتك .. دليل الطلاب
دايما بعد مرحلة الثانوية العامة .. وبغض النظر عن المجموع .. الطالب المصري بيبقى في حيص بيص .. مش عارف يدخل كلية إيه .. وعلى أي أساس يقدر يقرر. يعني طالب عنده 16 -17 سنة.. مطلوب منه إنه ياخد قرار هيعتمد عليه مستقبلة كله . وبما إنه ميعرفش عن أي مجال أو كلية إلا اسمها ..بقي اوتوماتيك كده اللي يجيب مجموع كلية من الكليات اللي بيسموها كليات القمة .. بيدخلها حتى لو ملهاش علاقة بميوله.. والباقي يقدم في التنسيق واللي يجيبه ربنا كويس.
طيب إيه رأيك لو لقيت اللي يدلك؟ لو لقيت اللي ممكن يساعدك في تقرير مصيرك و مستقبلك؟ مش هيقولك خش كلية كذا أو إدرس كذا .. إنما هيفتحلك كل الطرق و المجالات و هيعرفك عليها .. و ساعتها بقة مالكش حجة .. تقدر تقرر أنت عايز إيه .. و إيه المجال اللي أنت حبوه وعايز تدرسه و تشتغل فيه.
بوصلتك هو مشروع مجموعة من المبرمجين الشباب.. اللي قرروا يستثمروا مهاراتهم التقنية.. في إنشاء موقع لمساعدة الطلبة في اكتشاف ميولهم .. وتنمية مواهبهم ..عشان يساعدهم في اختيار مساراتهم التعليمية والوظيفية. هيكون معانا حالا على سكايب أحمد النشوأتي .. أحد مؤسسي موقع بوصلتك .
ليست هناك تعليقات:
إرسال تعليق