نشاهد اليوم
برنامج من جديد
و الذى يذاع على قناة ONTV
تقديم شريهان أبوحسن
شارك الخبر مع اصدقائك على الفيس بوك و تويتر و جوجل +1 من اعلى الصفحة
مع تمنياتى بمشاهدة ممتعة
و لنبداء
برنامج من جديد تقديم شريهان ابو حسن و حلقة الاثنين 15 اكتوبر 2012 من قناة ONTV يوتيوب كاملة
ريم ماجد ولبنى وشريف متهمين بإهانة القضاء
السلام والتحية على حضراتكو واهلا بيكو معانا تداعيات أزمة النائب العام والقضاة بشكل عام مع مؤسسة الرئاسة لسه مستمرة زي ما تداعيات أحداث الجمعية الماضية لسه مستمرة كمان وواضح ان مرحلة تخليص الحسابات بدأت خصوصا اننا النهاردة فوجئنا بعشرات البلاغات سواء من القضاة ضد بعض المسئين ليهم أو بلاغات متعلقة بأحداث الجمعة اللي فاتت واللي سميت بجمعة الغدر ...
مش بس كدا واضح كمان ان لسة في مئات البلاغات اللي هتقدم خصوصا بعد ما أعلن نادي القضاة انه هيحصر الوقائع اللي تضمنت سبا وقذفا في حق القضاة وتطاول على السلطة القضائية وتقديم بلاغات ضد مرتكبيها بما فيهم الإعلاميين نفسهم وانهم شكلوا لجنة لحصر المعتدين عليهم ... وهو دا اللي بالفعل شوفناه النهاردة بعد ام تم التحقيق مع عدد من الزملاء الإعلاميين من ضمنهم الزميلة ريم ماجد مقدمة برنامج بلدنا بالمصري على قناة اون تي في وزملاء آخرين من ضمنهم شريف عامر ولبنى عسل .. معانا علي حسن نائب رئيس تحرير وكالة أنباء الشرق الأوسط
من جديد: النائب العام يبدأ التحقيق في جمعة كشف الحساب
اما بخصوص احداث الجمعة اللي فاتت فالنائب العام المستشار عبد المجيد محمود أرسل خطابات رسمية لكل من جهاز المخابرات العامة والمخابرات الحربية ووزارة الداخلية للحصول على تسجيلات كاميرات المراقبة المنتشرة بالمتحف المصرى بميدان التحرير واللى صورت الأحداث .. كمان اخطر نيابة وسط القاهرة للتحقيق مع الداعية الدكتور صفوت حجازى وكل من الدكتور عصام العريان ومحمد البلتاجى القياديين بجماعة الإخوان المسلمين بتهم التحريض على الاعتداء على المتظاهرين في البلاغات المقدمة ضدهم .. معانا محمود المملوك الصحفي باليوم السابع يقولنا تفاصيل البلاغات والتحقيقات وكمان نسأله عن نفي وضع مراد موافي على قوائم الممنوعين من السفر
من جديد: محاكمة الشيخ عبدالله بدر بسب إلهام شاهين
النهاردة محكمة جنح الزاوية الحمرا بدأت محاكمة الشيخ عبد الله بدر في قضية سبه للفنانة إلهام شاهين من خلال برنامجه على قناة الحافظ ..... وشهت جلسة المحاكمة حالة من الفوضى بسبب تدافع المحامين والمؤيدين سواء للشيخ عبد الله او للفنانة إلهام شاهين .. وبره المحكمة حضر العشرات من انصار الشيخ عبد الله بدر ونظموا وقفات احتجاجيه تأييدا له ... وقررت المحكمة التأجيل لجلسة 19 نوفمبر.
خالد أبو بكر: القضاة أصبحوا يتهموا كبار الإعلاميين
طب ليه في بعض الزملاء يخرجوا لانهم شهود وزميلتنا ريم ماجد تخرج بإخلاء سبيل بكفالة , وبعض زمايلنا معانا في المحطة خرجوا بضمان محل الاقامة , طب ايه الفرق مع ان الواقعة واحدة .. معانا خالد أبو بكر عضو الاتحاد الدولي للمحامين .
من جديد: رد الإسلاميين على جمعة مصر مش عزبة
امبارح قولنا لحضراتكو على خبر الدعوة لمليونية يوم الجمعة الماضية تحت عنوان مصر مش عزبة .. مصر لكل المصريين واللي دعا ليها عدد من القوى والأحزاب المدنية من ضمنهم التيار الشعبي وحزب الدستور .. ومن ساعة ما تم الاعلان عن المليونية نقدر نقول ان بعض رموز التيار الاسلامير انتفضوا ودعوا للرد على الدعوات ديه حيعملوا ايه ده اللي حنعرفه من حامد مشعل المتحدث الإعلامى باسم الجبهة السلفية بمصر
من جديد: حبس فتحي سرور 15 يوم على ذمة التحقيق
النهارده كمان قرر جهاز الكسب غير المشروع حبس الدكتور فتحي سرور رئيس مجلس الشعب السابق 15 يوم على ذمة التحقيقات وزي ما حضرتكوا عارفين بعد ما تبرء من موقعة الجمل كان جهاز الغير مشروع طلب انه يحضر للتحقيق معاه بسبب تهم تضخم ثروته وتحقيق كسب غير مشروع .
من جديد: العاطلين واقفين على باب مجلس الوزراء
رصيف مجلس الوزراء لسه هو المجطة الرئيسية لكل الاضرابات والاعتامات والنهاردة نظم العشرات من اعضاء حركة لكل العاطلين وقفة احتجاجية للمطالبة بتشغيل العاطلين في مصر ومحاربة تعيين ابناء العاملين في الوظائف الحكومية، وبالتأكيد رصيف مجلس الوزرا .. ماكانشي العاطلين بس هما اللي واقفين هناك .. ناس تانية كتيرة زميلتنا كريستين رياض نزلت وسمعت من المتظاهرين عاوزين ايه.
من جديد: تدشين الجبهة الوطنية للدفاع عن حقوق العمال
الاتحاد المستقل للنقابات العمالية عقد النهاردة مؤتمر صحفي بمركز اعداد القادة للاعلان عن تدشين الجبهة الوطنية للدفاع عن حقوق العمال ووقف التعسف ضدهم، والمؤتمر كان بحضور عدد من الشخصيات العامة والمهتمين بملف العمال من بينهم أحمد البرعي نائب رئيس حزب الدستور ووزير القوى العاملة والهجرة السابق وعبد الغفار شكر رئيس حزب التحالف الشعبى الاشتراكى وكمال أبو عيطة رئيس الاتحاد المصرى للنقابات المستقلة.
من جديد: تأجيل الدوري الممتاز لأجل غير مسمى
مجلس إدارة اتحاد الكرة الي ترأسه جمال علام قرر رسميا تأجيل انطلاق الدورى اللي كان مقرر ليه بعد بكرة لحين وصول موافقات رسمية من الجهات المسئولة مثل وزارة الداخلية بشأن عودة الدوري ... معانا محمد القاعود نائب رئيس القسم الرياضي بجريدة الشروق
التجار يشنون الحرب على قرار غلق المحلات .. في من جديد
من جديد أهلا بحضراتكو .. على مدار الأيام اللي فاتت كتير من أصحاب المحلات والمواطنين العاديين مالهومشي سيرة غير قرار إغلاق المحلات الساعة 10 بالليل .. اللي كشف عنه وزير التنمية المحلية اللواء أحمد زكي عابدين .. فيه ناس شايفة القرار حيحاربها في أكل عيشها لان دلوقتي معظم الناس بقت تشتغل لوقت متأخر ولما بتنزل تشتري حاجة اكيد بيكون بعد 10 بالليل وعلى الناحية التانية كان وزير التنمية المحلية معانا على التليفون من كام يوم واكدلنا ان القرار محدش حيتضرر منه وانه تم بعد استطلاع بعض اصحاب المحلات وانهم ما ابدوش رفض للقرار.. اذن احنا امام رأين الاول مؤيد والآخر معارض .. بنرحب بضيوفنا المستشار عادل البرلسي المستشار الهندسي محافظ القاهرة .. ومحمود الداعور رئيس شعبة الملابس باتحاد الصناعات.
أهل القرية التي أعلنت استقلالها عن دمياط في من جديد
من جديد اهلا بحضراتكوا .. موضه جديدة بقينا بنسمع عنها كتير اليومين اللى فاتو ، وهي موضة الانفصال واعلان الاستقلال ،كاحد الوسائل للضغط على الحكومة لتحقيق المطالب..، يعني بدل مااحنا عندنا 27 محافظة ، نصحي الصبح نلاقيهم بقوا 28 أو 29 ... لان فيه قرية أو مدينة اعلنت الاستقلال وبقت محافظة جديدة ... الموضوع دا بدأ من فترة لما قرية اسمها التحسين بمحافظة الدقهلية اعلنت استقلالها عن المحافظة لحين تحقيق مطالبها .. وبعيدين من يومين فوجئنا أن فيه مدينة تانية بمحافظة دمياط اسمها السرو عدد سكانها حوالي 50 الف مواطن وبتبعد 7 كيلو مترات عن محافظة الدقهلية، اعلنت استقلالها عن المحافظة واعلان نفسها محافظة جديدة باسم محافظة السرو المتحدة .. ودا كله طبعا بسبب سوء الخدمات وتجاهل المسؤلين لشكواهم ومطالبهم، وعلشان يبقا كله بالقانون اخطروا رئيس الجمهورية بالفاكس باستقلالهم عن محافظة دمياط ..
احنا النهاردة هناقش مشاكل القرية ونعرف اية اسباب اعلنهم الاستقلال ، وايه ردود فعل المسؤلين بالمحافظة على القرار ده ... مع ضيفونا الاستاذ محمد جمعة رئيس الحملة الشعبية للدفاع عن حقوق اهالي السرو، والى جواره المحافظ الجديد لمحافظة السرو المتحدة الاستاذ عمار فؤاد المنسق العام للحملة الشعبية للدفاع عن حقوق اهالي السرو واللى نصب نفسه محافظا للمحافظة المستقلة ... اهلا بيكم في من جديد ..
ليست هناك تعليقات:
إرسال تعليق