برنامج بلدنا بالمصرى
تقديم ريم ماجد
على قناة ONTV
يوتيوب كاملة
تقديم ريم ماجد
يأتيكم من الأحد للخميس في الساعة 8:30 مساءا
الإعلامية المتميزة صاحبة الرؤية الثاقبة ريم ماجد تقدم برنامج بلدنا بالمصرى الذى يمزج السياسة بالقضايا الاجتماعية … يناقش القضايا التى تهم المصريين بوجهة نظر مصرية خالصة و يعبر عن رأى رجل الشارع … البرنامج يعيش مشاكل الشارع المصرى و يتكلم بلسانه، يشاغب الضيوف و يحاورهم و يجادلهم و يعبر عن رأى كل المصريين …ريم تكشف المستور من خلال فقرة كلام فى سركم و تقتحم الاسلاك الشائكة لعالم السياسة و تناقش الكبار … بلدنا بالمصرى … لسان المصريين
شارك الخبر مع اصدقائك على الفيس بوك و تويتر و جوجل +1
ONtv Livestreaming - البث الحي
اتمنى مشاهدة ممتعة
ونبدا
برنامج بلدنا بالمصرى تقديم ريم ماجد على قناة ONTV حلقة الاحد 9 سبتمبر 2012 يوتيوب كاملة
بلدنا بالمصري: رفض شعبي لإقامة مباراة هيبة الدولة
يسعد مساكم وحلقة جديدة من بلدنا بالمصري، هيكون بطلها بامتياز الفلاح المصري الفصيح والفلاحة المصرية الفصيحة بمناسبة عيدهم ال60.. من غير تنظير وكتر كلام ومن غير لف ولا دوران، هتكون مناقشتنا بالفم المليان بعد آخر أخبار بلدنا مع اصحاب الشأن بذات نفسهم، هم اللي هيشخصوا العلل وهيقلبوا المواجع، لكن هم كمان اللي هيوصفوا الدوا اللي فيه الشفا لعل وعسى يلاقلهم صاحب ما تبقاش ودانه لا من طين ولا من عجين.. يحط كلامهم حلقة في ودنه ويحط ايده على كتفهم.. أما احنا فما علينا الا البلاغ وتوفير البراح اللازم للفلاحين في يوم عيدهم يقولوا ما بدالهم ويشوروا على من يهمه الامر..
بس خلونا نبدأ أولاً بالحدث اللي مخلينا جميعاً حاطين ايدينا على قلبنا وبندعي ربنا يجيب العواقب سليمة ويجعل المخبي لطيف.. والقصد هنا تحديداً، ماتش السوبر بين الاهلي وانبي على استاد برج العرب، واللي اصرت السلطات المصرية على اقامته في معاده بحجة الحفاظ على هيبة الدولة وصورة مصر، على الرغم من كل المطالبات والدعوات والتحذيرات والغضب من اننا نرجع نلعب كورة قبل القصاص لدم الشهدا اللي دفعوه في حيالله ماتش كورة وقبل ما نعاقب المسؤول اللي دمهم في رقبته وقبل حتى ما نضمن ان مذبحة بورسعيد مش هتتكرر تاني.. صحيح ان البركة في التراس اهلاوي، هم راس الحربة لجبهة الرفض، الا ان الجبهة ديه كل مادى ما توسع وتكبر مش بس على المستوى الشعبي لكن كمان بين القوى السياسية والشخصيات العامة على اختلاف انتماءاتها السياسية والفكرية.. وديه مجرد عينات
بلدنا - شريف حسن: الألتراس اكتفوا بتوصيل رسالتهم
معنا على الهاتف أ/ شريف حسن - صحفي بموقع الجول للتعليق على أحداث الألتراس
بلدنا: الألتراس تراجعوا عن إقتحام الاستاد حقناً للدماء
من أمام استاد برج العرب معنا مراسلنا محمد الخولي للوقوف على أخر مستجدات الوضع هناك
بلدنا بالمصري: تواجد أمني مكثف داخل استاد برج العرب
معنا على الهاتف أ/ فتحي الشافعي - صحفي بجريدة اليوم السابع للوقوف على أخر مستجدات الوضع داخل الاستاد
بلدنا - الشاطر: أري أن يعتذر رئيس تحرير الحرية والعدالة
صحيفة الحرية والعدالة تنشر صفحة كاملة ضد الألتراس ولكن في نفس الوقت م.خيرت الشاطر كان ليه رد أخر عبر تويتر
تراجع سيارة شرطة بعد دوي ألعاب نارية بشارع محمد محمود
معنا مراسلنا محمد الحداد من شارع محمد محمود لمعرفة أخر التفاصيل
بلدنا بالمصري: تأجيل لعب الكورة لحد القصاص مطلبهم
اما اللي ما قدرش يسافر لحد اسكندرية من اصحاب نفس المطلب بتاجيل الماتش وتاجيل لعب الكورة لحد القصاص، فكان معادهم الساعة 6 في شارع محمد محمود
بلدنا بالمصري: زيادة أعداد مؤيدي الألتراس بمحمد محمود
مباراة السوبر بدأت وفي نفس الوقت زيادة أعداد مؤيد الألتراس بمحمد محمود .. وعرفنا أيضاً وتأكدنا أن صوت الألعاب النارية كانت بسبب تفريق تجمهر كان على سيارة شرطة
بلدنا بالمصري: وقفة فلاحين مصر أمام مجلس الشورى
صحيح اننا هنتكلم باستفاضة عن مشاكل الفلاحين ومطالبهم بعد آخر أخبار بلدنا، لكن دة ما يمنعش اننا نوصل لحد وقفتهم الاحتجاجية النهاردة قدام مجلس الشورى لمطالبة الجمعية التاسيسية بعدم الغاء نسبة العمال والفلاحين في الدستور الجديد.
بلدنا بالمصري: وسطية وسطية، لا سلفية ولا اخوانية
"وسطية وسطية، لا سلفية ولا اخوانية"، الهتاف دة كان بيجلجل النهاردة قدام وزارة الاوقاف.. ويمكن على عكس ما يبدو اللي كانوا بيهتفوا بيه النهاردة بعلو صوتهم لا هم ليبراليين لا سمح الله ولا علمانيين لا قدر الله.. دة لسان حال مجموعة من ائمة المساجد من كل المحافظات جم يلبوا دعوة الحركة الشعبية لاستقلال الأزهر لمطالبة الوزارة بتبني منهج الوسطية الأزهرية.
بلدنا بالمصري: النبي دانيال، والحجة استعادة النظام
هنرجع تاني، بس المرة ديه هنوصل لشارع النبي دانيال، كعينة بينة على لما المحافظة والجهات الامنية تتشطر مش بس على الغلابة، لكن كمان على الكلمة وعلى التاريخ وعلى التراث بحجة قال "استعادة الامن والنظام في الشارع السكندري".
فلاح مصري من ضهر راجل .. دور على الناس في بلدنا بالمصري
قبل الفاصل وبمناسبة عيد الفلاح .. هندور على الخير في قلب فلاح مصري من ضهر راجل
هموم ومطالب الفلاح المصري في بلدنا بالمصري
من اكتر من 4000 سنة كان "الظلم" شكوى الفلاح المصري الفصيح و"العدل" مطلبه.. أما النهاردة، وبعد مرور 60 سنة بالتمام والكمال على صدور قوانين الاصلاح الزراعي اللي المفروض انها نصفت الفلاح وردت عنه المظالم، يمكن وياللعجب يكون الظلم لسة هو شكوى الفلاح المصري والعدل لسة هو مطلبه.. علماً بإن_ولو انها يعني مش محتاجة قوالة_ إن صلاح حال البلد ديه من صلاح حال فلاحينها.. ينصلح حالهم والمايلة تتعدل، هتنصلح معاهم احوال ياما من احوالنا.. عن شكاوى الفلاحات والفلاحين المصريين في يوم عيدهم وعن همومهم التقيلة واحلامهم البسيطة ومطالبهم الممكنة، هتكون قعدتنا الليلة ديه مع ضيوفنا اللي مخطيين عتبتنا النهاردة خطوة عزيزة، وهم اللي بيعانوا من العلة وهم اللي عندهم دواها:
رجاء عبده
اسحق تادرس
عبد الناصر راتب
ليست هناك تعليقات:
إرسال تعليق