برنامج اون تيوب
ON Tube
و الذى يذاع على قناة ONTV
تقديم رامى رضوان
برنامج اون تيوب برنامج يقوم علي الصحافة الشعبية التي بدات في الانتشار حيث اصبحت بديلا هاما للاعلام الرسمي و يساعد علي انتشارها الشبكات الاجتماعية لذلك يهتم اون تيوب بعرض محتويات اللقطات التي يصورها المواطنون بأنفسهم كما يهتم البرنامج بمساعدة المواطنين الراغبين في توثيق لحظات بعينها و نشرها علي الانترنت بل و عرضها علي شاشة اون تي في لايف
شارك الخبر مع اصدقائك على الفيس بوك و تويتر و جوجل +1 من اعلى الصفحة
مع تمنياتى بمشاهدة ممتعة
و لنبداء
برنامج اون تيوب تقديم رامى رضوان و حلقة الخميس 27 سبتمبر 2012 من قناة ONTV يوتيوب كاملة
ONTube: الحملة الأمنية لإزالة الباعة الجائلين
نبدا من مصر .. وتحديدا من حلوان .. وفيديو بيظهر فيه رجال الامن اثناء ازالة بعض الاشغالات بسوق للباعة الجائلين في احد الميادين هناك .. استمرارا لحملة الامن الخاصة بازالة كل الاشغالات في القاهرة الكبري والجيزة.
بنشوف في الفيديو قيام قوات الامن باستخدام جرار لازالة اكشاك الباعة الجائلين. و بيظهر كمان احد البائعين وهو بيناقش احد الضباط في امر الازالة .. وبيعلل بالطبع ان (ده محل اكل عيشه) .. وانه بكده هيتضر بشكل كبير .. لكن الضابط بيحاول تهدئته و اقناعه بان ده ضروري .. و عليه هو و زملائه أن يلجأوا للجهات المختصة .. لحل ازمتهم.
ONTube: من داخل ميدان المعركة
والي سوريا .. و بعيدا عن الاخبار المستمرة اللي بتاتي من هناك .. واللي بنتابع من خلالها مجازر القوات الأسدية واعداد القتلي و الجرحي .. حنشوف فيديو تداوله الالاف علي مواقع التواصل الإجتماعي .. قامت بتصويره صحفية اسمها (تراسي شيلتون) .. أثناء تواجدها بمدينة حلب.
وتمكنت المصورة الصحفية من التقاط فيديو لمجموعة من رجال الجيش السوري الحر .. وهم بيقوموا بتنظيف المنطقة اللي هما معسكرين فيها. و أثناء التصوير .. وقع انفجار قوي .. بسبب قذيفة سقطت علي هؤلاء الرجال مباشرة .. راح ضحيتها 3 جنود .. وجندي واحد فقط كتب لي عمر جديد.
وقبل الإنفجار .. كانت المصورة الصحفية قد إستطاعت رصد يوم في حياة هؤلاء الجنود .. و صورت لقطات مختلفة بتوضح كيفية تعايشهم في هذه المنطقة.
ONTube: مسيرة من أجل أعراضنا
من سوريا نروح الي البحرين. و فيديو من بلدة الدراز لمسيرة (فلنمت من اجل اعراضنا) .. اللي خرجت مساء امس لتدعو الي حق البحرينيين في تقرير مصيرهم .. وانهم هيستمروا في مسيراتهم و مظاهراتهم .. الي ان يحصلوا علي كافة حقوقهم.
طافت المسيرة شوارع الدراز .. الي ان استقر المتظاهرين في احد الميادين .. وظلوا يهتفون ضد نظام الملك حمد بن عيسي ال خليفة .. الي ان جائت قوات الشرطة البحرينية. ومع اقترابها منهم .. بدأت صفوفهم تتشتت .. وتحركوا بعيدا عن الامن .. اللي قامت باطلاق القنابل المسيلة للدموع عليهم .. من أجل تفريق تجمهرهم .
ONTube: مسيرة جديدة في أسبانيا
من الشأن العربي نروح للشأن الدولي. من اسبانيا فيديو للقطات من مسيرة خرجت أمس في العاصمة مدريد .. ضمن مجموعة من المسيرات الغاضبة اللي خرج فيها عشرات الآلاف من المواطنين الأسبان يوم الثلاثاء و الاربعاء .. متجهين إلى مبنى البرلمان الإسبانى بوسط العاصمة .. للتعبير عن احتجاجهم على خطط التقشف الحكومية.
قوات مكافحة الشغب تصدت ليهم .. وحاولت تفريقهم بالقوة من أمام المبنى .. عن طريق استخدام الطلقات المطاطية والهراوات.
وأعلنت الشرطة الإسبانية عن اعتقال 38 شخص .. وإصابة 64 آخرين بجروح .. وده كان بسبب الاشتباكات اللى وقعت بين قواتها والمتظاهرين المحتجين.
ONTube: جولة في أخبار تويتر وفيسبوك اليوم 27/9/2012
ده كان أخر فيديو معانا .. قبل مانروح لفاصل .. هنروح لوائل عادل من موقع موجز.. عشان نشوف معاه أخر التويتس و الهاش تاجز و الأخبار بصفة عامة اللي إنتشرت على المواقع الإجتماعية خلال اللحظات القليلة الماضية.
مساء الخير وائل .. الجديد عندك؟
ONTube: مهرجان سينما الموبايل
ماحدش يقدر ينكر المساحة اللي اديتها التكنولجيا الرقمية لكل واحد مبدع في كل المجالات. فمن خلالها ظهر مطربين و مصورين و فنانين و مبدعين كتير .. يمكن ماكناش نسمع عنهم لولا وجود التكنولوجيا الرقمية. ولو بصينا على مجال زي تصوير الفيديو .. هنلاقي إنه شهد طفرة كبيرة. يعني إحنا مثلا في أون تيوب 99% من الفيديوهات اللي بنعرضها لحضراتكم .. صنعها المواطن .. اللي من غيره كان هيبقى صعب جدا إن احنا نتابع كم الاحداث اللي بتحصل في كل حتة في العالم .. واللي بتتجد كل ثانية. فبقي اعلام المواطن من أهم مصادر الأخبار.
السينما ماكنتش بعيد عن كل ده .. وبقي اللي عايز يعمل فيلم .. كل اللي محتاجه هو موبايل في كاميرا مناسبة. ومن هنا جت فكرة مهرجان القاهرة الأول لسينما الموبايل .. اللي بدأ فعالياته من حوالي شهرين .. وامبارح كان الحفل الختامي وإعلان أسامي الفائزين. هيكون معانا حالا عبر سكايب المخرج امير رمسيس .. وهو كان أحد أعضاء لجنة التحكيم .. هنرحب بيه معانا بعد ما نشوف الفيديو التالي .. وهو إعلان عن مهرجان القاهرة الأول لسينما الموبايل.
معانا أحمد فؤاد اسماعيل .. هو صاحب فيلم "المساحة" .. الحاصل على جائزة احسن فيلم للدورة الاولي لمهرجان Cinemobile لافلام المحمول .. من بين 22 فيلما روائي وتسجيلي .. تم اختيارهم للتنافس في المسابقة الرسمية للمهرجان. ال22 فيلم دول إختارتهم لجنة التحكيم من بين مايقرب من 350 فيلم تقدموا للمشاركة في المهرجان منذ بدء فعالياته في 12 يوليو الماضي وحتي 10 سبتمبر .. اللي اغلق فيه باب المشاركة.
ليست هناك تعليقات:
إرسال تعليق