برنامج اون تيوب
ON Tube
و الذى يذاع على قناة ONTV
تقديم رامى رضوان
برنامج اون تيوب برنامج يقوم علي الصحافة الشعبية التي بدات في الانتشار حيث اصبحت بديلا هاما للاعلام الرسمي و يساعد علي انتشارها الشبكات الاجتماعية لذلك يهتم اون تيوب بعرض محتويات اللقطات التي يصورها المواطنون بأنفسهم كما يهتم البرنامج بمساعدة المواطنين الراغبين في توثيق لحظات بعينها و نشرها علي الانترنت بل و عرضها علي شاشة اون تي في لايف
شارك الخبر مع اصدقائك على الفيس بوك و تويتر و جوجل +1 من اعلى الصفحة
مع تمنياتى بمشاهدة ممتعة
و لنبداء
برنامج اون تيوب تقديم رامى رضوان و حلقة الثلاثاء 25 سبتمبر 2012 من قناة ONTV يوتيوب كاملة
ONTube: لحظة إنفجار مطعم في الأسكندرية
نبدا من مصر .. وفيديو صوره احد المواطنين من امام مطعم (ابو ربيع) المتواجد في شرق محافظة الاسكندرية. طبعا أكيد حضراتكم سمعتوا عن المطعم ده إمبارح .. اللي شهد حادث إنفجار مؤسف. في الفيديو التالي بنشوف المطعم و ألسنة اللهب بترتفع من داخله .. مش بس كده .. إنما الفيديو بيرصد كمان لحظة وقوع انفجار بالمطعم.
نجم عن هذا الحادث المؤسف خسائر كبيرة. فالإنفجار أدى لاصابة 4 من العاملين و2 من أفراد الحماية المدنية .. بالحروق و الكسور .. والحريق إلتهم كل محتويات المطعم.
ووجهت نيابة الرمل بالاسكندرية تهمة الإهمال الجسيم لصاحب المطعم .. بعد ما كشفت التحريات انه قام بتخزين 15 انبوبة بوتاجاز داخل المطعم .. و بسبب إرتفاع درجة الحرارة انفجرت 5 منهم .. بينما تم السيطرة على الحريق قبل إنفجار باقي الاسطوانات.
ONTube: عرض صامت في المترو
مازلنا في مصر .. و فيديو تداوله العديد من مستخدمي المواقع الإجتماعية .. وهو لمجموعة من الشباب و الشابات اللي قرروا يقدموا عرض حر في محطة المترو. والعرض ده هو (رقص المايم) او البانتوميم .. اللي بيبقى عبارة عن حركات استعراضية صامتة .. بيتفاعل فيها الراقص مع الفراغ. ده بالنسبة لعروض المايم و عروض الشوارع الحرة اللي بنتمني انها تنتشر اكتر في مصر .. علي غرار الدول الاوروبية.
لكن اللي استوقفنا في الفيديو ده غير فن المايم .. هو اسم الفيديو أو عنوانه .. فصاحب الفيديو كتب عليه انه عرض صامت ضد التحرش. إنما الحقيقة إن الفيديو واداء الراقصين لا يعبر عن اي نوع من انواع الاعتراض علي التحرش .. وده اللي ادي الي ان كل تعليقات اللي اتفرجوا علي الفيديو .. بتعبر عن ان الناس مش فاهمه الفيديو وانه مالوش علاقة بالتحرش.
ONTube: مجزرة القصور صباح اليوم
من مصر نروح الي سوريا. أعلنت الهيئة العامة للثورة السورية عن مقتل 57 شخص برصاص القوات الموالية للرئيس السورى بشار الأسد .. كحصيلة أولية لليوم.
وأعلنت القوات السورية انهاردة .. استعادتها السيطرة على حى العرقوب الكبير فى شرق مدينة حلب .. فى وقت أفاد فيه المرصد السورى لحقوق الإنسان عن استمرار الاشتباكات فى الحى بين المقاتلين المعارضين والقوات النظامية.
وقال مصدر عسكرى إن (العمليات انتهت فى منطقة العرقوب .. وإن عناصر القوات المسلحة يقومون بتفتيش الأبنية) .. وأضاف (أنهم يقومون بمداهمات ويفتشون شقة وراء شقة للتحقق من عدم وجود متمردين) علي حد قوله.
و في غير حلب مازالت مجازر القوات الأسدية مستمرة. فعلى سبيل المثال لا الحصر .. هنشوف فيديو من محافظة دير الزور .. بيظهر فيه اللقطات الاولي لمجزرة جديدة ارتكبها الجيش النظامي في حي القصور بالمحافظة عصر اليوم .. و لم ترد بعد أي أخبار عن الحصيلة النهائية للضحايا.
ONTube: مسيرة جنوبية باليمن
من سوريا نروح الي اليمن ..و اخر الفيديوهات اللي بيتم تحميلها علي المواقع الاجتماعية .. في محاولة من ابناء اليمن تسليط الضوء علي قضية الجنوب و الحراك الجنوبي.
الفيديو التالي بيرصد جزء من الفعاليات الاسبوعية للثورة الجنوبية السلمية .. وبيوضح خروج مسيرة جماهرية امس في عدن .. انطلقت من ساحة الشهيد الجنوبي بمدينة التواهي .. وطافت بعض شوارع المدينة. و رفع المشاركين اعلام دولة الجنوب .. وصور الزعيم باعوم والرئيس الجنوبي السابق علي سالم البيض .. وكالعادة رددوا الشعارات الثورية الجنوبية .. اللي بتطالب بالتحرير والاستقلال.
ONTube: جولة في أخبار تويتر وفيسبوك اليوم 25/9/2012
ده كان أخر فيديو معانا .. قبل مانروح لفاصل .. هنروح لأية عبدالله من جريدة المصري اليوم.. عشان نشوف معاه أخر التويتس و الهاش تاجز و الأخبار بصفة عامة اللي إنتشرت على المواقع الإجتماعية خلال اللحظات القليلة الماضية.
مساء الخير أية .. الجديد عندك؟
ONTube: ضد الفيلم المسئ
والي بعض الشئون الدولية .. ومع هتاف (لبيك يا رسول الله) .. تظاهر الاف المواطنين النيجيريين امس فى مدينة (كادونا) بشمال البلاد .. احتجاجا على الفيلم المسيىء.
وفي الفيديو التالي بنشوف لقطات للمتظاهرين اثناء هذه المسيرة .. اللي بتأتى بعد العديد من التظاهرات اللى شهدتها شمال نيجيريا الأيام السابقة ضد الفيلم المسيىء .. اللي بيمثل المسلمين فيها الغالبية العظمى من السكان. جدير بالذكر إن كل التظاهرات اللي خرجت هناك التزمت بالسلمية.
ONTube: إستمرار مسلسل الفيلم المسئ
مازالت اصداء الفيلم المسئ بتجتاح انحاء العالم. فمن (سري لانكا) بنشوف فيديو للمسيرات اللي خرجت في هذه الجزيرة الواقعة شمال المحيط الهندي.
احتج آلاف المسلمين في سريلانكا على الفيلم المسىء .. مطالبين الولايات المتحدة بمنع عرضه ومعاقبة منتجيه.
خرجت المسيرة امس فى العاصمة كولومبو .. وكانت بتضم أكتر من خمسة آلاف متظاهر .. وتواجدهم فى واحد من الطرق الرئيسية، أدى الى عرقلة حركة المرور. وكان المشاركين بيحملوا لافتات مكتبوب عليها (يا أمريكا امنعى عرض الفيلم على موقع يوتيوب) و (العقاب للمتورطين).
ودعا منظم الاحتجاج .. كامل حسين .. الولايات المتحدة إلى حظر عرض الفيلم .. وإزالته من موقع يوتيوب .. و قال (إهانة نبينا ليس من حرية التعبير فى شىء).
ONTube: طفل معجزة
و الحقيقة إن النهاردة يوم أسيوي في الفقرة دي .. و حنبتديه بموهبة عبقرية و مبهرة .. فالمواهب اللي زي دي لازم دايما نقف لها تقديرا واحتراما.
الفيديو اللي جاي حنشوف فيه طفل أسيوي .. سنه ما يزيدش عن خمس سنيين .. لكنه عبقري و فذ في العزف علي البيانو .. بيعزف بإحتراف شديد جيدا .. يمكن ناس أكبر منه مايعرفوش يوصلوا للمستوى ده.
اسيبكم مع بيتهوفين القادم.
ONTube: Gangnam Style
نروح لفيديو تاني .. و بالمناسبة الفيديو ده ضرب الرقم القياسي في اعلي نسبة مشاهدة لفيديو علي اليوتيوب في التاريخ. بلغ عدد مشاهديه إنهاردة اكثر من 275 مليون شخص. و أمبارح كان 200 حاجة و 50 .. و أول إمبارح 200 حاجة و 40 .. يعني بيشوفوه كل يوم حوالى 10 مليون شخص جديد. و يمكن على ما نخلص كلام يكون وصل ل 280 مليون.
الفيديو هو عبار عن فيديو كليب لأغنية اسمها (جاجنام ستايل) لاحد المطربين الكوريين.
و جاجنام هو إسم حي الأغنياء في العاصمة الكورية سيول.
و فيه جدل كبيير قوي على الأغنية بسبب نسبة المشاهدة العالية اللي محققاه . فيه ناس رجحت وصول الفيديو لنسبة المشاهدة دي بسبب الرقصات الجديدة اللي فيه .. اللي بدا البعض يتبناها على غرار رقصة (ماكارينا) اللي كسرت الدنيا زمان. وفيه اراء تانية بتقول ان سبب نجاحها المبهر ده .. هو إن فيها رسالة ضد الرأسمالية العالمية .. و حرص البعض على إظهار ثرائهم أمام الأخرين .. على طريقة جاجنام.
ONTube: أغنية عودوني في أندونسيا
نروح لمسك الختام الاسيوي .. و فيديو لاغنية اندونيسية .. وبالرغم ان محدش فينا بيعرف اندونيسي .. بس الأغنية دي حتى الجاهل سهل يفهمها .. ركزوا بس في كلماتها.
الصراحة يعني الهضبة عمرو دياب .. لي اغاني كتيير اوي .. اتقلدت الحانها .. واتركبت علي اغاني من دول تانية .. لكن الجميل في المطربة الاندونيسية الرقيقة دي .. انها عجبتها الاغنية .. فقررت تقتبص اللحن والكلمات .. اللي معرفش هيه فهماها ولا لأ اصلا .. وحتي الرقصة اللي خاصة بالأغنية حاولت تقلدها بس بالإندونيسي.
ONTube: مبادرة 100 يوم
كلنا بنسمع كل يوم عن شخصيات عامة ومشاهير زي بييل جاتس واوبرا وينفري .. اللي وهم في قمة نجاحهم .. بيقرروا إنه يكون ليهم بصمة في العمل الخيري والتنموي .. وبيبقوا شايفين إن ده واجب عليهم تجاه بلدهم ومجتمعاتهم .. اللي كانوا جزء رئيسي في النجاح اللي هم وصلوله .
المهندس زياد علي .. رئيس مجلس الإدارة السابق لشركة الزواد للتنمية الاقتصادية وتطبيقات المحمول .. احتفل بـعيد ميلاده الخمسين امبارح .. ومن قبلها بـكام شهر حس إنه على الرغم من نجاحه على المستوى العملي والشخصي .. إن لسة في حاجة ناقصة .. وإنه محتاج يبدأ بمبادرة تنموية تساعد في تحسين حياة ناس كتير في بلده و مجتمعه . و لما وقف مع نفسه و فكر و تخيل و حلم .. قرر إنه مايرجعش لأرض الواقع منغير مايحقق الصورة اللي خلته يبتسم. المهندس زياد علي هيكون معانا حالا .. لكن في الأول خلينا نروح نشوف فيديو عن مؤسسة 100 يوم ونرجع نتكلم عنها.
ليست هناك تعليقات:
إرسال تعليق