نشاهد اليوم
برنامج من جديد
و الذى يذاع على قناة ONTV
تقديم شريهان أبوحسن
شارك الخبر مع اصدقائك على الفيس بوك و تويتر و جوجل +1 من اعلى الصفحة
مع تمنياتى بمشاهدة ممتعة
و لنبداء
برنامج من جديد تقديم شريهان ابو حسن و حلقة الاربعاء 6 يونيو 2012 من قناة ONTV يوتيوب كاملة
من جديد: ساعات وتنتهي مهلة العسكري للأحزاب
السلام والتحية على حضراتكم واهلا بيكو معانا خلاص باقي ساعات قليلة وتنهي المهلة اللى اداها المجلس العسكري للاحزاب والقوى السياسية للأتفاق حولين تشكيل الجمعية التأسيسية أو إعادة العمل بدستور 71 والنهاردة ولحد اللحظة دي ملقناش حد طلع علينا يوقلنا احنا خلاص اتفقنا وبكرة هنقدم للمجلس العسكري نتائج ما توصلنا إليه وكان محدش فارق معاه ولا دستور ولا انتخابات رئاسية ولا صلاحيات رئيس عموما تعالوا نشوف الدنيا حصل فيها اية النهارة ونرجع لحضراتكم من جديد
من جديد: الحكم في دستورية قانون العزل ١٤ يونيو
المحكمة الدستورية العليا حددت جلسة 14 يونيو الجاري لنظر قانون العزل السياسي اللى أحالته ليها اللجنة العليا للانتخابات الرئاسية وقانون مجلس الشعب واللى قد يهدد ببطلان وحل البرلمان في حالة إصدار حكم ببطلان القانون وفي كلام عن ان هيئة المفوضين أوصت بعدم دستورية قانون العزل السياسي وعدم دستورية قانون مجلس الشعب ، عشان نعرف مدي صحة الكلام دا اية ونفهم اكتر من الأستاذ إبراهيم قاسم الصحفي اليوم السابع
من جديد: الذكرى الثانية لوفاة خالد سعيد
زي النهاردة 6 يونيه شاب مصري كان عنده 28 سنة مقيم بالأسكندرية فقد حياته بعد ما تم تعذيبه في وضح النهار وامام اعين الناس على ايدي مخبرين تابعين للشرطة ، الشاب دا هو خالد سعيد اللى الكل اجمع على أن يطلق عليه ايقونه الثورة المصرية ، والنهاردة هيا الذكري التانية لوفاته... ربنا يرحم لخالد سعيد وويرحم كل شهداء الثورة .. ثورة 25 يناير
من جديد: هل يتم نقل مبارك لمستشفى عسكري
أما عن صحة الرئيس السابق حسني مبارك اللى موجود حاليا بسجم طره فالنائب العام الناهردة أصدر قرارا بتشكيل لجنة لفحص امكانية نقله من سجن طرة لإحدى المستشفيات العسكرية بعد تدهور حالته الصحية .. معانا الأستاذ يسري البدري رئيس قسم الحوادث بالمصري اليوم
من جديد: البراءة برضه في قتل متظاهري كرداسة وإمبابة
حكم جديد بالبراءة في قضايا قتل المتظاهرين .. النهاردة محكمة جنايات الجيزة أصدرت حكمها ببراء 13 ضابط وأمين شرطة من تهم القتل والشروع في قتل 18 متظاهرا في كرداسة وإمبابة يوم جمعة الغضب.
من جديد: محاولة لفهم حيثيات الحكم على مبارك وشركاه
محكمة جنايات شمال القاهرة برئاسة المستشار أحمد رفعت اودعت حيثيات حكمها اللي اصدرته يوم السبت اللى فات على الرئيس السابق حسني مبارك ووزير داخليته حبيب العادلي ومساعديه ونجلي الرئيس ورجل الاعمال الهارب حسين سالم ...الحيثات جت في 130 ورقة تضمنت الأسباب اللي استندت عليها المحكمة في ادانة الرئيس السابق والعادلي في قضية قتل المتظاهرين وبراءة مساعدي العادلي وانقضاء الدعوى المتعلقة باستغلال النفوذ المتهم فيها مبارك ونجليه علاء وجمال ورجل الاعمال الهارب حسين سالم ... كمان ضمنت أسباب براءة مبارك في الجزء المتعلق بتصدير الغاز لأسرائيل ...
قراءة اكتر للحيثيات وعشان نفهمها اكتر من الأستاذ على حسن نائب رئيس تحرير وكالة أنباء الشرق الأوسط
الأحزاب السياسية تتوافق مع معايير تأسيسية الدستور
الأحزاب السياسية تتوافق مع معايير تأسيسية الدستور
الإتفاق يتضمن تمثيل 5 من الآزهر و 4 من الكنائس وواحد للشرطة والجيش
الإتفاق يتضمن تمثيل 16 عضواً من خبراء القانون و 16 من الإخوان
الإتفاق يتضمن تمثيل 37 عضواً من الأحزاب السياسية
الإتفاق يتضمن 16 عضواً من حزب الحرية والعدالة و 7 أعضاء من حزب النور
من جديد: حكومة الجنزوري والانتخابات الرئاسية
النهاردة الدكتور "الجنزورى" رئيس الحكومة عرض كشف حساب لحكومته فى ال 180 يوما اللي فاتو .. ووصف الدكتور الجنزوري مهمته خلال الفترة اللي فاتت بالمهمة الانتحارية وكمان استعرض خلالها عدد اللى استشهدوا من رجال الشرطة .. وهم 36 شهيد شرطة ، وكمان عدد الوزراء اللى دخلوا المستشفيات بسبب ضغط العمل وهم 6 وزراء دخلوا المستشفيات..
مش عارفين هل الدكتور الجنزوري يقصد يقدم رسالة للرأي العام من خلال كشف الحساب اللى قدمة .. ولا يا ترى عندة احساس ان ايام في الوزارة قربت على النهاية، خاصة مع قدوم الاسلاميين فقال الحق نفسي واقدم كشف حساب .. تفاصيل اكتر وتحليل لخطاب الجنزوري مع ضيفنا الكاتب الصحفي سعد هجرس .. اهلا بيك في من جديد
من ضمن ما تناوله الدكتور الجنزوري كان حديثه عن الانتخابات اتكلم عن تضحيات الحكومة عشان اراء الانتخابات تعلوا نروح نشوف الدكتور الجنزوري قال ايه ونرجع تاني
من جديد: حكومة الجنزوري والوضع الأمني
الوضع الأمني كان حاضر بقوة عند الجنزوري واتكلم عما شهدته الفترة الماضية من جهود لإعادة الأمن.
هل الوضع الامني تحسن في حكومة الجنزوري عن حكومة شرف ..؟
من المسؤل من وجه نظرك عن الانهيار والانفلات الامني اللى عايشينة منذ الثورة .. ولمصلحة من يصب هذا الانفلات ؟
هل نقدر نحمل رجال العادلي المسؤلية عن تدني الوضع الامني .. ولا عدم رغبة الداخلية في القيام بعملهم في ظل حالة عدم الثقة مع المواطنين ؟
تفسر باية انتشار السلاح في الفترة الاخيرة .. وهل في جهات بتتعمد زعزعة الاستقرار في مصر ؟
من جديد: الجنزوري ومطالبات تشكيل مجلس رئاسي
من ضمن ما تناوله الجنزوري كان تعليقه على الحكم على مبارك وعلى اقتراحات القوى الثورية بتشكيل مجلس رئاسي تعالوا نروح نشوف الجنزوري قال ايه ونرجع تاني
اما عن رأيه في الحكم على مبارك والعادلي .. واقتراح القوى الثورية بتكشيل مجلس مدني رئاسي .. تعالوا نشوف قال ايه عنه الدكتور الجنزوري :
خليني قبل ما خد تعليقك حضرتك على رأي الدكتور الجنزوري عايزة اعرف الاول اية رأي حضرتك في فكرة تشكيل مجلس رئاسي لقيادة البلاد .. وهل تتوقع توافق القوى الثورية عليه ؟
ممكن يتقال بردة يا استاذ سعد للقوى الثورية وتحديدا ابو الفتوح وحمدين .. ليه رفضتوا تتحدوا قبل الانتخابات .. ودلوقتي بعد الخسارة تقولوا عايزين نتحد ... وهل اللى بيحصل دا زي فكرة اللى بيخسر ماتش كورة ويرجع يقول مش هلعب ؟
من جديد: حكومة الجنزوري والمعجزة الاقتصادية
استاذ سعد حضرتك متخصص في الشان الاقتصادي .. بصراحة هل فعلا اللى عملة الجنزوري في الوضع الاقتصادي نقدر نقول عليه معجزة زي مهو بيقول ولا دا كلام مبالغ ؟
بس انخفاض الدين الخارجي وارتفاع النقد الاجنبي .. دي مش مؤشرات حقيقة على تحسن الوضع اللى الكل كان بيقول عليه انه منهار ؟
واية ابرز الطرق اللى ممكن من خلالها يمكن تحسين الوضع الاقتصادي ؟
احنا محتاجين وقت اد اية علشان يستقيم وضعنا الاقتصادي ؟
فكرة القروض الخارجية هل دي ممكن تؤثر على مستقبل اولادنا .. وهل كان فية مخرج تاني ممكن تلجأ له الحكومة غير اللجوء للقروض ؟
بما اننا داخلين علي احتمالية تولى الاسلاميين الحكم والدخول فيما يسمى بالاقتصاد الاسلامي .. عايزة اعرف من حضرتك اية مميزات وعيوب هذا النظام اللى بيتحدث عنه الاسلاميين طول الوقت ..وتفتكر هل هيتأثر الوضع الاقتصادي بقدوم الاسلاميين للحكم ؟
ليست هناك تعليقات:
إرسال تعليق