نشاهد اليوم
برنامج من جديد
و الذى يذاع على قناة ONTV
تقديم شريهان أبوحسن
شارك الخبر مع اصدقائك على الفيس بوك و تويتر و جوجل +1 من اعلى الصفحة
مع تمنياتى بمشاهدة ممتعة
و لنبداء
برنامج من جديد تقديم شريهان ابو حسن و حلقة الاحد 24 يونيو 2012 من قناة ONTV يوتيوب كاملة
من جديد: د. محمد مرسي رئيساً منتخباً لكل المصريين
السلام والتحية على حضراتكو ، اهلا بيكو معانا، خلاص رسميا الدكتور محمد مرسي ، هو الرئيس المنتخب لجمهورية مصر العربية، حسم سباق الانتخابات بعد تغلبه على الفريق شفيق في الانتخابات، اعلنت النتائج النهاردة في يوم كات فيه المشاعرمختلطة، بالفرح والخوف ، بالتفاؤل والتشاؤم، ونقدر نقول إلى حد ما ان النتيجة ريحت ناس كتير، وواجبنا من النهاردة ومن اللحظات دي اننا نتجمع تاني ونرضي بالنتيجة الرسمية اللى هيا بالتأكيد نتيجة الصندوق ... كمان واجب على الرئيس المنتخب الدكتور محمد مرسي ان يعرف كويس انه من دلوقتي أصبح رئيسا لكل المصريين سواء اللى انتخبوه واللي ماانتخبهوش، وزي ما بنقول علطول النتيجة اتحسمت، لكن لسه حاجات كتير ما اتحسمتشي، عندنا الدستور هو المعركة الرئيسية اللي اكيد مش لازم ننساها.
من جديد: انتهى صراع الأشخاص وبدأ صراع المؤسسات
يمكن باعلان النتيجة نقدر نقول ان صراع الأشخاص انتهى وحنبتدي صراع المؤسسات، صراع ما بين المؤسسة الرئاسة والحكومة من ناحية وعلى الناحية التانية حيكون المجلس العسكري واللي لسه محتفظ بالسلطة التشريعية، يمكن الصراع ده مش حيبان جزء كبير منه للإعلام زي اللحظات الأخيرة أو الأيام الأخيرة اللي سبقت إعلان النتيجة في مصر اللي ممكن نعرف منها حاجات الأيام اللي جاية، لكن المهم في الصراع ده ان القوى المدنية تستفيد منه وتعرف ازاي تحقق أكبر مصلحة ليها خلال الأيام اللي جاية، الإخوان قدامهم فرصة تاريخية للمصالحة الوطنية، لو ضاعت الفرصة ديه كلنا خسرانين والإخوان حيخسروا اكتر. بالرغم من ان القوى المدنية ممكن يكون وزنها النسبي مش زي الإخوان وأكيد مش زي المؤسسة العسكرية إلا أنها زي الريشة اللي ممكن ترجح كفة عن كفة ، وهنا الجيم حيكون بين الإخوان والعسكري على مين اللي حيكسب القوى المدنية، لإن الإخوان عاوزين يأكدوا ان مرسي رئيس عنده شرعية تآييد الشارع والصندوق وتآييد القوى المدنية، وفي المقابل المجلس العسكري حيكون في مصلحته وجود القوى المدنية جانبه ، عشان معركة الدستور وشكل الدولة اللي اكيد حتكون معركة كبيرة حنشوفها كلنا خلال الأيام اللي جاية.
من جديد: ردود أفعال التحرير بعد خطاب د. مرسي
شفنا ردود أفعال كتيرة النهارده , عايزين نعرف رد الفعل في الميدان بعد خطاب الدكتور محمد مرسي هنعرفها من مراسلنا بهاء الطويل الذي أكد أن الألاف في ميدان التحرير من أنصار محمد مرسي يحتفلون بفوزه , تجاوب أنصار مرسي مع خطاب محمد مرسي , إعتصام مفتوح في التحرير لحين عودة الشرعية
من جديد: اللجنة العليا وطعون المرشحين في الرئاسة
كمان في قراءة للبيان هنلاقي ان اللجنة تطرقت في بيانها لعدة نقاط مهمة شغلت الرأي العام بعد اجراء جولة الإعادة في الانتخابات زث مثلا ما يتعلق بتسويت بطاقات الانتخابات بمطابع الأميرية والكلام الكتير اللى اتقال عن الموضوع كمان المستشار فاروق سلطان رئيس اللجنة نفى تمام الكلام اللى اتقال عن منع بعض من المسيحيين من التصويت في الصعيد .
من جديد: النقاط التي لم يتحدث عنها د. مرسي
معنا الأستاذ جمال فهمي وكيل نقابة الصحفيين : العاطفية تملئ خطاب محمد مرسي , الرسائل المطمئنة هو الجزء الخاص بالخارج والعالم الخارجي , ولم يتحدث عن العالم الداخلي , لم يتحدث عن الاستقرار السياسي في الفترة القادمة .
من جديد: رد فعل أنصار شفيق على خسارته
أما رد الفعل من قبل مؤيدي وأنصار الفريق أحمد شفيق اللى احتشد عدد منهم أمام منصة الجندي المجهول بمدينة نصر فطبعا ذهب البعض منهم في البكاء الشديد وحدثت بعض المشات والمناوشات ما بينهم وبين بعض المارة وتدخل الجيش واطلق الأعيرة النارية لفض تجمعهم ، بمناسبة الحديث عن انصار الفريق أحمد شفيق فالجماعة الاسلامية اطلقت النهاردة مبادرة رائعة طالبت فيها الدكتور محمد مرسي الرئيس المنتخب بمقابلة وعقد لقاء مع الفريق أحمد شفيق منافسه في جولة الإعادة لطمانة انصار الفريق شفيق بأننا كلنا ابناء وطن واحد وأن الدكتور مرسي رئيس لكل المصريين، أما ردود الأافعال في الشارع فحنعرفها في التقرير اللي جاي.
من جديد - عزب مصطفى: خطاب د. محمد مرسي ليس تفصيلي
تحديات كبيرة إتكلم عنها الدكتور محمد مرسي إلا أنه لم يتحدث عن رسائل واضحة في خطابه .. معانا الأستاذ عزب مصطفى القيادي بحزب الحرية والعدالة
من جديد: تحديات أمام الرئيس محمد مرسي - د. حسن نافعة
من جديد اهلا بحضرتكوا .. اخيرا مصر انتخبت رئيسها بعد ساعات طويلة من القلق والترقب والخوف .. مصر حبست انفاسها على مدار اليومين اللى فاتوا علشان تعرف مين اول رئيس لها بعد الثورة وسط جو ملغم بالشائعات .. صحيح مصر انتخبت رئيسها وصحيح الرئيس الجاي فيه حوالي نص الشعب مش عايزينة، لكن جميع فئات الشعب هتلتف حولة وتدعمة وايضا تنقده وتقومه لما يخطئ...مصر انتخب رئيسها ولكن لازم يعرف الجميع ان اللحظات الجميلة اللى عيشناها النهاردة لحظة اعلان النتيجة مجتش من فراع وانما جت برعاية 1200 شهيد و 6000 مصاب وحوالي 12 الف معتقل .. لازم ما ننساش كل دا وفي النهاية تحية للشهدا والمصابين اللى لولهم مكناش ابدا وصولنا للمرحلة دي ... احنا النهاردة قراءتنا لنتيجة الانتخابات حتكون في معرفة ابرز التحديات اللى حتواجه الرئيس المنتخب .. دا هيكون محور حوارنا مع ضيفنا الدكتور حسن نافعة استاذ العلوم السياسية
ليست هناك تعليقات:
إرسال تعليق