نشاهد اليوم
برنامج بلدنا بالمصرى
تقديم ريم ماجد
على قناة OTV
تقديم ريم ماجد
يأتيكم من الأحد للخميس في الساعة 8:30 مساءا
الإعلامية المتميزة صاحبة الرؤية الثاقبة ريم ماجد تقدم برنامج بلدنا بالمصرى الذى يمزج السياسة بالقضايا الاجتماعية … يناقش القضايا التى تهم المصريين بوجهة نظر مصرية خالصة و يعبر عن رأى رجل الشارع … البرنامج يعيش مشاكل الشارع المصرى و يتكلم بلسانه، يشاغب الضيوف و يحاورهم و يجادلهم و يعبر عن رأى كل المصريين …ريم تكشف المستور من خلال فقرة كلام فى سركم و تقتحم الاسلاك الشائكة لعالم السياسة و تناقش الكبار … بلدنا بالمصرى … لسان المصريين
شارك الخبر مع اصدقائك على الفيس بوك و تويتر و جوجل +1
ONtv Livestreaming - البث الحي
اتمنى مشاهدة ممتعة
و نبدا
برنامج بلدنا بالمصرى تقديم ريم ماجد على قناة ONTV حلقة الخميس 17 مايو 2012 يوتيوب كاملة
شخصية الرئيس .. بلدنا بالمصري يفتح الصندوق الأسود
شخصية الرئيس صندوق أسود ظل مغلقاً لعقود طويلة، بلدنا بالمصري يفتح الصندوق في أول اختبار نفسي لشخصية الرئيس القادم تحت إشراف مجموعة من الاستشاريين في الطب النفسي وعلم النفس. الجمعة والسبت ٧:٠٠ مساءاً بتوقيت القاهرة والأحد ٨:٣٠ مساءاً بتوقيت القاهرة
لأول مرة في مصر .. بلدنا بالمصري يختبر شخصية المرشحين
يسعد مساكم وحلقة جديدة من بلدنا بالمصري، قبل ما نبدأها باخر اخبار بلدنا، محتاجين نلفت عناية حضراتكم الى ان بلدنا بالمصري وبشكل استثنائي جدا هيكون لكم معاه معاد استثنائي جدا ايام الجمعة والسبت (يعني بكرة وبعده) الساعة 7 بالدقيقة ولمدة 3 ساعات.. ليه بقة؟!!! لاننا في بلدنا بالمصري وعلى مدار التلات حلقات اللي جايين: الجمعة والسبت الساعة 7 والحد في معادنا المعتاد الساعة 8 ونص، هنستعين على الشقا بالله ونقدم للمواطن المصري تجربة مختلفة تماما، نقدر نقول بقلب جامد انها الاولى من نوعها في بلدنا.. وجديدة لانج على كل من شارك فيها من اول مرشحين الرئاسة اللي وافقوا مشكورين يخوضوها معانا لحد فريق بلدنا بالمصري اللي فكر فيها وبذل كل جهده عشان تشوف النور بالشكل الامثل.. مرورا بمجموعة المتخصصين والاستشاريين في علم النفس والطب النفسي اللي تمت التجربة ديه على ايديهم وبمجهودهم وعلمهم وتحت اشرافهم، وباصرار شديد من الجميع على انها تشوف النور باقصى قدر ممكن من المهنية والشفافية والاحترام لاخلاقيات المهن التلاتة اللي تمت التجربة بالتعاون ما بينهم: اخلاقيات علم النفس والطب النفسي والاعلام.. التجربة باختصار على قد ما اقدر _ومؤقتا_ لانه لسة هيكون لنا عنها كلام شرحه يطول في فقرتنا اللي جاية: هي اختبار، اختبار بمعنى الكلمة واختبار بمعناه العلمي لشخصية كل مرشح من مرشحين الرئاسة اللي وافقوا على انهم يخوضوا التجربة ويخضعوا لاختبار مش هين ابدا _والشهادة لله ان كل اللي وافقوا، وافقوا بلا قيد او شرط_ بالتاكيد بعد شرح مستفيض للتجربة وقواعد اللعبة، اللي من حق الراي العام يكون على بينة منها.. كل ما يخص القواعد العلمية للتجربة من اول اختيار الاختبار للعوامل اللي بيقيسها لقواعد القياس لطريقة تصحيح الاختبار والوصول للنتايج ثم التحليل زائد اخلاقيات المهنة الواجب احترامها وايه اللي ممكن اعلانه والافصاح عنه وايه اللي لا يجوز اخلاقيا اعلانه او الافصاح عنه حتى ولو بموافقة المرشح كل دة هناجله للفقرة اللي جاية
بلدنا: طنطاوي والجنزوري يبحثان تجهيزات الانتخابات
نروح بقة سريعا لاخر اخبار بلدنا وهتكون النهاردة على قد ما اوسم وما قل منها ودل عشان يكون عندنا وقت كفاية لشرح قواعد التجربة من الناحية العلمية والاخلاقية.. واول اخبارنا، الاجتماع اللي ضم النهاردة المشير حسين طنطاوي، القائد العام ورئيس المجلس الأعلى للقوات المسلحة، والفريق سامي عنان، نائب رئيس المجلس، وعدد من أعضاء المجلس، والدكتور كمال الجنزوري، رئيس مجلس الوزرا وعدد من الوزرا لبحث الترتبات المتعلقة بانتخابات الرئاسة واللي هنعرف تفاصيله ونتايجه من المحرر العسكري بجريدة الوطن - أ/ أحمد البهنساوي
بلدنا بالمصري: تزوير مبكر للانتخابات لصالح شفيق
أما النائب عصام سلطان، فدعا لعقد جلسة طارئة لمجلس الشعب يوم السبت اللي جاي، واستدعاء الدكتور كمال الجنزوري رئيس مجلس الوزراء ووزراء الداخلية والإعلام لسؤالهم عن اللي وصفه بعمليات تزييف وتزوير مبكر للانتخابات الرئاسية لمصلحة المرشح الفريق أحمد شفيق، تقوم بيها الحكومة. تفاصيل أكتر هنعرفها من النائب عصام سلطان
بلدنا بالمصري: توافقوا .. أو كفوا عن حديث هموم الوطن
طالب أكثر من 400 كاتب، ومثقف وأستاذ جامعي وفنان، وسياسي كلا من أبو العز الحريري، حمدين صباحي، هشام البسطويسي، خالد على " الذين أطلقوا عليهم مرشحي اليسار والديمقراطية " بالإتفاق علي مرشح وأحمد من بينهم لدعمه في الانتخابات الرئاسية القادم ".
وحذر الموقعون على البيان المرشحين الأربعة من أنهم إذا فوتوا الفرصة، وفضل كل منهم التشبث بالتطلع إلي كرسي الرئاسة، فعليهم ألا يتحدثوا بعد ذلك مطولا عن اليسارية والديمقراطية وهموم الوطن، وأن كل ذلك علي المحك الآن
بلدنا بالمصري: آخر أيام تصويت المصريين بالخارج
النهاردة آخر يوم لتصويت المصريين في الخارج في الجولة الاولى من الانتخابات الرئاسية، مراكز الاقتراع يا اما قفلت فعلا او هتقفل الساعة تمانية مساءا بتوقيت كل دولة مع السماح للمتواجدين داخل اللجنة بالتصويت وهتبدا عمليات الفرز في اللجان الفرعية بمجرد الاغلاق. حسب احدث بيانات وزارة الداخلية، فيه زيادة ملحوظة في اقبال المصريين في الخارج على التصويت في الساعات الاخيرة وعلى آخر لحظة.
بلدنا بالمصري: البراءة في قتل متظاهري المرج وشبرا
في وسط صراخ وعويل اهالي الشهدا وامهاتهم، حكمت المحكمة النهاردة ببراءة كل المتهمين في قضية قتل المتظاهرين يوم جمعة الغضب في شبرا والمرج.
بلدنا بالمصري: إضراب عن الطعام مع معتقلي العباسية
بالنسبة لمعتقلي العباسية، تم النهاردة اخلاء سبيل 6 منهم من ضمنهم 4 مهندسين وتجديد حبس حوالي 96 15 يوم على ذمة التحقيقات.. لكن من ناحية تانية وبعد بيان المعتقلين اللي اعلنوا فيه عن الاضراب عن الطعام ابتداءا من يوم السبت 20 مايو لحين الاستجابة لمطالبهم
النهاردة 30 صحفي من مؤسسات صحفية مختلفة بيان اعلنوا فيه اضرابهم عن الطعام تضامنا مع المعتقلين.
بلدنا بالمصري: إبراهيم اتقتل في العباسية
كان فيه امتحان شفوي في كلية طب عين شمس.. وقف المراقب ينادي على الطلبة بارقامهم والكل حاضر والحمد لله.. جه عند رقم 10، ينادي وما حدش بيرد عليه.. فقرر ينادي على الطالب باسمه يمكن يرد، فنطق اسم "ابراهيم ابو الحسن".. في اللحظة ديه بس جاله الرد وبدل الصوت الواحد اصوات وكلها بتقول كلمة واحدة: "ابراهيم اتقتل في العباسية".. الشهيد ابراهيم ابو الحسن الطالب في سنة تالتة في كلية الطب استشهد يوم 2 مايو بطلق ناري في الراس.. وعشان اللي هيجي له قبل يسال "هو اللي كان وداه هناك"؟!!! ابراهيم كان بيساعد في اسعاف المصابين بحكم انه كان "طبيب محتمل" عن قريب لولا ان الشهادة مكتوبة له.. اما مصير اللي قتلوه فيفضل في علم الغيب لحين اشعار اخر ومش بعيد يكون البراءة دة اذا اتحاكموا اصلا.. لكن عزاءنا الوحيد حتى الان هي الكلمات الاخيرة للشهدا اللي بتفتح لنا طاقة النور لكن في نفس الوقت بتوصينا وصية وبتامنا امانة لا عشنا ولا كنا لو ماكناش قدها او نسينا او فرطنا.. اخر كلمات الشهيد ابراهيم ابو الحسن كانت: "بكتب بدمي حياة تانية لأوطاني
بلدنا بالمصري: علشان نعرف مين هيحكم مصر
مع الدكتورة منال عمر استشاري الطب النفسي وشرح يطول لتجربة هي الاولى من نوعها استعنا على الشقا بالله وقررنا نخوضها على امل نكون جميعا على بينة من امرنا ومن امر اللي عايز يحكم مصر؟!!!
ليست هناك تعليقات:
إرسال تعليق