نشاهد اليوم
برنامج من جديد
و الذى يذاع على قناة ONTV
تقديم شريهان أبوحسن
شارك الخبر مع اصدقائك على الفيس بوك و تويتر و جوجل +1 من اعلى الصفحة
مع تمنياتى بمشاهدة ممتعة
و لنبداء
برنامج من جديد تقديم شريهان ابو حسن و حلقة الاحد 6 مايو 2012 من قناة ONTV يوتيوب كاملة
من جديد: ولسه المصريين بيموتوا
السلام والتحية على حضراتكو .. أهلا بيكو معانا.. مزيد الدم مزيد من الضحايا مزيد من المحاكمات ..مزيد من المسيرات .. مزيد من المؤتمرات .. مزيد من التخوفات نحو امكانية انهاء المرحلة الانتقالية بسلام.. ديه.. مزيد الضيق مزيد من الشعور بالإحباط .. بالتأكيد في ناس كتيرة .. اكيد ناس كتير من اللي شايفانا متضايقة من اللي بيحصل .. متضايقة ومش عارفة تاخد موقف .. متضايقة ومش عارفة تتعاطف ..
متضايقة وشايفة اننا وصلنا لكدة نتيجة لاخطاء من الكل .. سواء من اصغر واحد وقف في الشارع لحد المجلس العسكري .. او حتى المعسكر الإسلامي كله من أقصله لاقصاه .. الناس شايفة باختصار انه لم ينجح احد.
لم ينجح احد لان .. لسه فيه ناس مصرية بتموت .. لم ينجح احد لان فيه ناس لسه بتتمسك في مظاهرات وتتحول للمحاكم العسكرية.. لم ينجح أحد عشان حال البلد اللي واقف .. وفي الاخر نلخص كل مشاكلنا في حكومة الجنزوري .. الناس ما بقتشي عارفة راسها من رجليها ما تخلونا نخلص من الفترة الانتقالية بهمها وقرفها عشان نعرف نبتدي من جديد
من جديد: ٢٠ نائباً يرفضون تعديلات الثانوية العامة
شهدت جلسة مجلس الشعب، اليوم، خلال اتخاذها موقفها النهائى من قانون إلغاء نظام العامين فى الثانوية العامة واقتصارها على عام واحد رقم 139 لسنة 1981، خلافاً بين شعبان عبد العليم، رئيس لجنة التعليم، وبين الدكتور عمرو حمزاوى الذى تقدم بطلب إلى الدكتور سعد الكتاتنى بتوقيع 20 نائباً حول رفضهم التعديلات التى طرحت على القانون من قبل اللجنة.
البرلمان والحكومة وأحداث العباسية - د. عمرو حمزاوي
النهاردة رجع البرلمان لاستكمال جلساته اللى علقاها على مدار اسبوع بسبب أزمته مع الحكومة ..وخلال الاسبوع ده زي ما حضرتكوا تابعتوا حصلت احداث وازمات كان اخرها مجزرة العباسية اللي راح ضحيتها عشرات القتلي والمصابين ..
وفي الوقت اللى برلمان الثورة كان يفترض انة يكون في مقدمة الصف الاول لحل الازمة ويقوم بدور كبير في الاحداث ويعمل جلسات طارئة على الاقل لمناقشة الوضع، لكن للاسف استمر المجلس في تعليق جلساته واكتفى بعقد جلسة طارئة لبعض لجانه لمناقشة الازمة ..
احنا النهاردة هناقش مع ضيفنا الدكتور عمرو حمزاوي عضو مجلس الشعب واستاذ العلوم السياسية العديد من القضايا المتعلقة بمجلس الشعب وتأسيسية الدستور ومجزرة العباسية والعديد من القضايا الاخرى .. اهلا بيك معانا في من جديد
البرلمان يحمل العسكري والحكومة مسئولية العباسية
بخصوص أحداث العباسية فتحت القبة .. قبة البرلمان ... شهد خلافات ساخنة بين النواب بعضهم البعض حول تحميل المجلس العسكري ووزارة الداخلية المسئولية الكاملة عن الأحداث اللى أسفرت عن وفاة عدد من المتظاهرين وإصابة المئات واعتقال ما يزيد عن 300 متظاهر.
من جديد: ٣ حلول لأزمة البرلمان والحكومة
من ناحية تانية النهاردة وفد برلماني ترأسه الدكتور سعد الكتاتني رئيس مجلس الشعب إجتمع مع عدد من أعضاء المجلس العسكري لمناقشة الأزمة بين الحكومة والبرلمان واللى كان بسببها مجلس العشب قرر تعليق جلساته، وفي كلام اتقال على انه تم الأتفاق على 3 حلول للخروج من هذه الأزمة إما إقالة حكومة الدكتور كمال الجنزورى أو تشكيل حكومة تسيير أعمال أو إجراء تعديل وزارى فى الحكومة الحالية..
القوى الثورية تحمل العسكري مسئولية أحداث العباسية
النهاردة عقدت أكتر من 40 حركة وحزب سياسي مؤتمر صحفي حملوا فيه المجلس العسكري المسئولية الكاملة عن أحداث العباسية وطالبوا بسرعة الأفراج عن جميع المعتقلين اللي تم القبض عليهم أثناء فض الإعتصام امام وزارة الدفاع ...
من جديد: استعدادات متابعة الصحفيين للانتخابات
هل هتسمح للجنة العليا للانتخابات للصحفيين بدخول اللجان لمتابعه الانتخابات وهل تم تنسيق بين اللجنة والنقابة .. سمعنا ان النقابة هتشكل غرفة عمليات لتلقي شكاوي الصحفيين اثناء الانتخابات ؟
من جديد: مصر تبحث عن رئيس - د. حسن نافعة
ايام قليلة وهتشهد مصر -- ان ربنا اراد -- اول انتخابات حرة ونزيهة في تاريخها .. ولكن يمكن تكون احداث العباسية بتطرح مخاوف عند البعض حول نية العسكري لاطالة الفترة الانتقالية وتأجيل الانتخابات الرئاسية خاصة بعد الخطوة اللى اخذها بفرض حظر التجول بمنطقة العباسية ومحيط وزارة الدفاع بعد الاشتباكات اللى حصلت هناك..
الاجراء الاستثنائي ده يمكن البعض بيشوفه أنة الحل الافضل والانسب للتعامل مع الموقف وكان المفروض ياخده الجيش منذ اللحظات الاولي لتصاعد حدة العنف عن وزارة الدفاع .. لكن ناس تانية رافضة اي اجراء استثنائي مهما كان الدافع وشايفين ان ده مقدمة لاطالة المرحلة الانتقالية مع كثير من التشكيك في نية العسكري لتسليم السلطة لرئيس مدني ...
احنا النهاردة هناقش الموضوع ده مع ضيفنا الدكتور حسن نافعة استاذ العلوم السياسية .... ونستعرض معاه فرص وبرامج مرشحي الرئاسة ونحاول نشوف في ضوء اللي بيحصل دلوقتي اية هي اهم الموصفات اللي لازم تبقا موجوده في الرئيس الجاي اللى المفروض هتبقا اولى مهامه هي اعادة بناء مصر الجديدة .
من جديد: اعتقال الصحفيين والإعلاميين في العباسية
بالتأكيد كتير شايفين ان المجلس العسكري كان معاه كل الحق في منع المتظاهرين من الوصول لمقر وزارة الدفاع .. لكن بالتأكيد كمان مافيش حد ينكر على الصحفيين والإعلاميين حقهم في التغطية .. وحقهم في الحماية مش التعرض للاعتداء والضرب والسحل، نرحب بيكي استاذة عبير السعدي وكيل نقابة الصحفيين وبالتأكيد اول اسئلتنا ازاي شايفة الأحداث ؟
ليست هناك تعليقات:
إرسال تعليق