شارك مع اصدقائك

01 مايو 2012

برنامج من جديد تقديم شريهان ابو حسن و حلقة الاثنين 30 ابريل 2012 من قناة ONTV يوتيوب كاملة - فين تأمين مرشحي الرئاسة - القط والفار بين العسكري والإخوان - في تعديل وزاري ولا مفيش - أحداث العباسية الثانية .. من المسئول - البرلمان ومحاكمة المصريين في لبنان عسكرياً .......



نشاهد اليوم
برنامج من جديد
و الذى يذاع على قناة ONTV
تقديم شريهان أبوحسن

برنامج سياسي يومي يعرض على قناة اون تي في لايف, هدفه الرئيسي هو زيادة الوعي السياسي عند الجمهور المصري من خلال عرض وجهة نظر مختلفة, أيضًا سيقوم البرنامج بقراءة الأخبار المختلفة والتي ليست مرتبطة ببعضها البعض وذلك لكشف جميع الحقائق ووضعها امام المشاهدين , ويهدف البرنامج أيضًا إلى ان يكون له موقف اجابي في معالجة المسائل.

شارك الخبر مع اصدقائك على الفيس بوك و تويتر و جوجل +1 من اعلى الصفحة
مع تمنياتى بمشاهدة ممتعة
و لنبداء

برنامج من جديد تقديم شريهان ابو حسن و حلقة الاثنين 30 ابريل 2012 من قناة ONTV يوتيوب كاملة

من جديد: فين تأمين مرشحي الرئاسة


سؤال لمن يتولون حكم البلاد الآن والمسئولين عن أمننا .. ايه الاجراءات اللي مفروضة لمرشحي الرئاسة .. بعد اللي حصل النهاردة من جانب الحاضرين في المؤتمر الانتخابي لعمرو موسى ومن كام يوم اتمنع حمدين صباحي من دخول الشيخ زويد وقبلهم اتعرض الدكتور ابوالفتوح للسرقة.
ليه ما بيحصلشي تأمين لكل مرشح خصوصا وانه من المفروض لو الانتخابات أجريت حيكون واحد من ال13 مرشح هو رئيس مصر القادم .. ازاي بيتم التعامل مع مرشحي الرئاسة واحنا بنشوف في كل الدنيا تأمين للمرشحين !! .. النهاردة اتحدف عمرو موسى بازايز المية المعدنية وابوالفتوح اتثبت بالآلي .. وحمدين اتهدد بالاربي جي .. احنا مستنين ايه لما يبقى فيه دم !!!! .. ده سؤال حيكون معانا النهاردة استنونا بعد ما نشوف اهم احداث النهاردة ونرجع نبتدي من جديد





من جديد: القط والفار بين العسكري والإخوان


لعبة القط والفار لسه مستمرة بين المجلس العسكري وجماعة الإخوان المسلمين ابتدت بالتلويح بسحب الثقة من الحكومة ولكن الحكومة تيجي وتأكد انها باقية .. اصدار قانون العزل والقاءه في ملعب العسكري اللي يضطر يقر القانون.. لقاء بين المجلس العسكري والقوى السياسة لبحث التأسيسة ومن ثم رفضها من جانب البرلمان مش كدة وبس المجلس قام بتعليق جلساته والكشف عن تلقي المجلس تهديد بحله.. فيرد المجلس العسكري بالاستجابة والإشارة إلى تعديل وزاري ثم مناورة تانية يقوم بتحويل مشروع قانون خاص بأمناء الشرطة أثناء رفع جلسات البرلمان وقد يضطر المجلس لعقد جلسة طارئة ويرجع في كلامه.
هجوم من الإسلاميين على المعتصمين اللي راحوا عند وزارة الدفاع في أحداث العباسية الأولى والآن دعوة من الإسلاميين للاعتصام في العباسية.
فترة انتقالية غير عادية كل يوم فيها جديد وكل يوم فيها تغير مواقف وحبابيب النهاردة أعداء بكرة .. والضرب تحت الحزام في انتخابات الرئاسة بنرحب بيك أستاذ سعد هجرس ..
وبالتأكيد حيكون أول كلامنا عن لعبة القط والفار بين المجلس والإخوان حتودينا على فين ؟




من جديد: في تعديل وزاري ولا مفيش


الجدل دلوقتي ابتدى تاني بعد ماكان امبارح الكلام عن تعديل وزاري لكن النهاردة تم سحب الكلام تاني ووزيرة التعون الدولي طلعت وقالت على بوابة الأهرام انه مافيش بتعديل وزارى؟
في الوقت نفسه المهندس أشرف ثابت، وكيل مجلس الشعب، أكد في تصريحات ليه على أنه سيتم إجراء تعديل وزارى خلال الـ 48 ساعة المقبلة؟
من ناحية تانية وصلت عدد التوقيعات لنواب البرلمان الرافضين لقرار الدكتور محمد سعد الكتاتني بتعليق جلسات البرلمان حتى يوم الحد 6 مايو لـــ 158 توقيعا.



من جديد: أحداث العباسية الثانية .. من المسئول


النهاردة تم القبض على 6 أشخاص بحوزتهم أسلحة وبنادق آلية كمان وزارة الداخلية أعلنت أنها عثرت على قنبلتين ناسفيتن بالقرب من مسجد النور بالعباسية وإمبارح بليل اتجددت الإشتباكات بين المتظاهرين وعدد من البلطجية حتى ظهر اليوم وأسفرت عن إصابة أكتر من 65 متظاهر




من جديد: البرلمان ومحاكمة المصريين في لبنان عسكرياً


ما لحقناش نخلص من أزمة الجيزاوي طلعت أزمة المصريين في لبنان وتم القبض على مجموعة من المصريين وإحالتهم إلى القضاء العسكري وهو الامر اللي رفضته لجنة حقوق الإنسان بمجلس الشعب الاسباب حنعرفها من النائب مع انور عصمت السادات




من جديد: رأي الشباب في مرشحي الرئاسة وبرامجهم


نروح لسباق الرئاسة .. وبالتأكيد من المهم اننا نعرف رأي الشباب اللي هما أساس ثورة 25 يناير في مرشحي الرئاسة وبرامجهم في التقرير اللي جاي




من جديد: موقف السلفيين من الاعتصام عند وزارة الدفاع


ولوحضرتك تتذكر ايام الأحداث الأولى كان شيوخ السلفيين بيهاجموا المعتصمين وكانت الكلمة اللي بتتقال ايه اللي موديهم عن وزارة الدفاع .. والآن هم من ذهبوا إلى وزارة الدفاع ويدعون المواطنين إلى الاحتشاد هناك ؟



من جديد: هجوم على مؤتمر عمرو موسى بأسيوط


السيد عمرو موسى اللي النهاردة كان في جامعة أسيوط وشهد مؤتمره الانتخابي هجوم من بعض الحاضرين




من جديد: الجماعة الإسلامية تدعم أبو الفتوح للرئاسة


الجماعة الإسلامية أعلنت النهاردة رسميا عن دعم الدكتور عبد المنعم أبو الفتوح كمرشح للرئاسة بعد حصوله على حوالي نسبة 63 % من إجمالى أصواتها، فيما حصل الدكتور محمد مرسى مرشح الإخوان على 36% من الأصوات... وبكدة يبقى ده تاني تجمع للإسلاميين يعلن دعمه لابوالفتوح بعد الهيئة الشرعية وحزب النور وبالتأكيد كمان حزب الوسط .. شايف ده ازاي يا أستاذ سعد ؟




من جديد: مفيش السنة دي المنحة يا ريس


أقام الأتحاد العام لنقابات عمال مصر إحتفالا بعيد العمال حضره اللواء محسن الفنجرى واللواء محمد مصيلحى، عضوا المجلس الأعلى للقوات المسلحة، والدكتور فتحى فكرى، وزير القوى العاملة، وعلى صبرى، وزير الإنتاج الحربى .
مافيش السنة ديه ..المنحة يا ريس !!!



من جديد - عمرو موسى: يسقط حكم الفوضى


رغم الهجوم اصر عمرو موسى عل استكمال المؤتمر الانتخابي وهتف يسقط يسقط حكم الفوضى




من جديد: حكومة الجنزوري .. صدام العسكر والبرلمان


يظهر كده ان حدة الصدام هتزيد في الايام الجاية بين العسكري والحكومة من ناحية، والبرلمان والاخوان من ناحية تانية .. وده طبعا على خلفية رفض العسكري اقالة حكومة الجنزوري وتكليف الاغلبية البرلمانية بتشكيل حكومة ائتلافية، خاصة وان دة مطلب طالما نادى به حزب الاغلبية داخل البرلمان ...
وزي ما حضرتكوا تابعتو امبارح رئيس البرلمان قرر تعليق جلساته لمدة اسبوع احتجاجا على عدم استقالة الحكومة، وبعدها بساعات فوجئنا بتصريحات لقيادات من الاخوان عن اتصال المشير برئيس المجلس الدكتور الكتاتني واخبارة باجراء تعديل وزاري خلال ساعات ..
لكن مرت الساعات وفوجئنا بتصريحات تانية اخرها من اللواء محسن الفنجري النهاردة في احتفالية عيد العمال بأن مفيش تعديل وزاري وأن اللي صرح بوجود تعديل وزارى خلال الأيام الجاية هو المسئول عنه ..
اخر اللخبطة في موضوع التعديل الوزاري كانت صادرة من شوية على لسان اشرف ثابت وكيل المجلس اللى بيقول فيها ان وردت له معلومات جديدة بشأن الاتصالات بين البرلمان والحكومة والمجلس العسكرى، ومفادها أن الدكتور الكتاتنى تلقى اتصالات هاتفية من المجلس العسكرى، وتم التأكيد خلالها على السير نحو إجراء تعديل وزارى مرتقب خلال الـ 48 ساعة المقبلة...
هل هيكون فية تعديل وزاري ولا مفيش ... محدش عارف ؟ ... هل المشير وعد الدكتور الكتاتني بتغيير الحكومة ولا لا ... برده محدش عارف ؟ .. المحصلة في الموضوع كله ان قصة التعديل الوزاري هتبقا لغز جديد بينضاف للالغاز الكتير اللي موجودة في حياتنا ومش مفهومة ؟
اسمحولنا نرحب بضيوفنا الدكتور أحمد أبو بركة -- المستشار القانوني لحزب الحرية والعدالة- ، والناشط الحقوقي صلاح سليمان مدير مؤسسة النقيب .. اهلا بيكم في من جديد




ليست هناك تعليقات:

إرسال تعليق