نشاهد اليوم
برنامج من جديد
و الذى يذاع على قناة ONTV
تقديم شريهان أبوحسن
شارك الخبر مع اصدقائك على الفيس بوك و تويتر و جوجل +1 من اعلى الصفحة
مع تمنياتى بمشاهدة ممتعة
و لنبداء
برنامج من جديد تقديم شريهان ابو حسن و حلقة الاحد 27 مايو 2012 من قناة ONTV يوتيوب كاملة
من جديد: الثورة أعلى الأصوات في انتخابات الرئاسة
السلام والتحية على حضراتكم وأهلا بيكم معانا .. بالتأكيد ناس كتير زعلانة لان مرشحها ما جاش في الاعادة .. طبعا انا قصدي بالناس دولا الناس اللي كانت بتأيد مرشحي الثورة في الاعادة .. طبعا لان لما نتيجة الانتخابات تطلع ويكون مرشحي الثورة واخدين اكتر من الي مرشح من الاتنين سواء الدكتور محمد مرسي أو الفريق أحمد شفيق يبقى من حقهم يزعلوا .. لكن من حقهم يفرحوا لانهم عرفوا حجمهم الحقيقي واستفادوا درس جديد في تعريف المصلحة العامة واللي لو كان مرشحي الثورة كانوا حطوا النقطة ديه قدامهم كانت حاجات كتير حتتغير، ونرجع نخش في حسبة اختيارات كلاهما اصعب من التاني، على أية حال باقي اقل من 3 أسابيع ونرجع تاني عشان نقف قدام صندوق الانتخابات ونختار رئيس مصر القادم، اللي بتأكيد حيبقى ايا كان مين .. حيكون قدامه تحديات كتيرة جدا وصعوبات اكتر، فخلونا نروح نشوف مصر حصل فيها ايه النهاردة ونرجع نبتدي من جديد.
من جديد: مفاجأة شفيق الأول ومرسي الثاني
مفاجآت الجولة الاولى من الانتخابات الرئاسية لم تنتهي بعد وآخر هذه المفاجأت والكلام على عهدة اليوم السابع هو حصول الفريق أحمد شفيق على المركز الأول بفارق نسبة اصوات بينه وبين الدكتور محمد مرسي مرشح جماعة الإخوان المسلمين 160 ألف صوت ... وزي ما حضراتكم عارفين ان خلاص المؤشرات الأولية للنتائج النهائية بتاكد الإعادة ما بين الفريق شفيق والدكتور مرسي لكن ان الفريق يكون هو في المركز الأول يتجاوز مرشح جماعة الإخوان المسلمين هو دا اللى ممكن يكون فعلا مفاجأة حقيقة سنعلمها خلال ساعات لما اللجنة العليا تعلن عن النتيجة النهائية والرسمية ... لكن على بوابة الأهرام أكد المستشار حاتم بجاتو، أمين عام اللجنة العليا لانتخابات الرئاسة، إن اللجنة لم تنته من حصر جميع النتائج الخاصة باللجان العامة بشكل نهائي، نافيًا ما تردد من أن الحصر النهائي أظهر احتلال المرشح أحمد شفيق المركز الأول متقدمًا على بقية المرشحين.
من ناحية تانية النهاردة اللجنة العليا للانتخابات الرئاسية نظرت الطعون المقدمة على نتائج الجولة الأولى للانتخابات الرئاسية للجان الفرعية والعامة ومن ضمن الطعون اللى نظرتها اللجنة الطعنين اللى اتقدم بيهم الدكتور عبد المنعم أبو الفتوح المرشح الخاسر واللى اكد فيهم على إن الانتخابات شابها العديد من عمليات التلاعب والتزوير وطالب بوقف اعلان النتيجة النهائية لحين استبعاد الصناديق اللى شهدت عمليات التزوير ، كمان الطعن المقدم من حمدين صباحي وعمرو موسى التفاصيل حنعرفها من ابراهيم قاسم الصحفي باليوم السابع
من جديد: شروط القوى السياسية أمام مرسي وشفيق
زي ما قولنا لحضراتكم ان خلاص النتائج كلها بتاكد إن جولة الإعادة حتكون ما بين الفريق أحمد شفيق اللى بيتهمه البعض بالإنتماء للنظام السابق والدكتور محمد مرسي مرشح جماعة الإخوان المسلمين وبدأت عمليات التفاوض بين الأحزاب والقوى والسياسية بشأن دعم مرشح على حساب الآخر، والنهاردة الجماعة الاسلامية مبادرة تحت مسمى " لم الشمل لمواجهة الفلول " لحشد القوى الوطنية والتيارات الإسلامية لدعم الدكتور محمد مرسى مرشح حزب الحرية والعدالة الذارع السياسية لجماعة الإخوان المسلمين، لمواجهة الفريق أحمد شفيق، من ناحية تانية النهاردة أعلنت 30 حركة وحزب سياسي مجموعة من الشروط اللي حيعرضوها على المرشحين سواء الفريق أحمد شفيق او الدكتور محمد مرسي واللى حيتبنى هذه الشروط ويوافق عليها حيعلنوا عن دعمه في الجولة الثانية من الانتخابات تفاصيل اكتر في التقرير.
من جديد - البرادعي: الدستور هو المعركة
زي ما شفنا في التقرير ان في مجموعة من القوى اعلنت شروطها لدعم احد المرشحين غير كدة كمان كان هناك حديث عن تأسيسية الدستور واللي من الواضح ان فيه تخوفات كتيرة جدا من ان الإخوان يسيطروا عليها في تشكيلها التاني .. ويمكن ده اللي دفع الدكتور محمد البرادعي الي التأكيد على ان المعركة هي الدستور وليست الرئيس"، وطالب بضرورة التوافق علي لجنة تأسيسية لوضع دستور ديمقراطى يضمن الحقوق والحريات كما وردت في دستور 1954.
ودعا البرادعى، إلى التوافق علي حكومة إنقاذ وطني تضم شخصيات ذات كفاءة عالية ومصداقية يفوضها الرئيس المنتخب بكامل الصلاحيات، لحين الانتهاء من وضع الدستور.
مداخلة مع جابر نصار .. ونسأله هل الحريات أفضل في دستور 54 ولا دستور 71
من جديد: رصد وتقييم الإعلام في سباق الرئاسة
من ضمن الحاجات المهمة اللي لازن نعرف انها اجادت ولا اخطأت هي وسائل الإعلام اللي تابعت الانتخابات والنهاردة لجنة المتابعة ورصد وتقييم الدعاية الإعلامية والإعلانية للانتخابات الرئاسية أصدرت تقريرها التاني .. تفاصيل أكتر .. في التقرير اللي جاي.
من جديد: الحكم بسجن زكريا عزمي ٧ سنوات
محكمة جنايات القاهرة أصدرت حكم بالسجن 7 سنوات لزكريا عزمى رئيس ديوان رئيس الجمهورية السابق وتغريمه 36 مليون جنيه وإلزامته هو وزوجته برد مبلغ 36 مليون جنيه أيضا في قضية الكسب غير المشروع ، كمان قضت بحبس شقيق زوجته رجل الأعمال جمال عبد المنعم حلاوة بالحبس غيابيا سنة مع الشغل
من جديد: هل قدم الإخوان ضمانات كافية للقوى السياسية
من جديد اهلا بحضرتكم .. لسة الجدل شغال في الساحة السياسية بسبب نتيجة الانتخابات ويا عالم رئيس مصر هيكون مين ؟ ..ويا ترى هيكون اية شكل الدولة : دينية ولا عسكرية .. ولا اية بالضبط ؟ .. كل دا هنعرفة الايام الجاية
ومع حالة الجدل دي مازالت النخب والقوى السياسية بتحاول تبحث عن ضمانة لمرحلة ما بعد الرئيس خاصة من جماعة الاخوان المسلمين اللى هتبقا مهيمنة على جميع السلطات حالة فوزها بمنصب الرئيس ..
احنا النهارده هنشوف مع ضيفنا الدكتور عمرو الشوبكي عضو مجلس الشعب والخبير بمركز الاهرام للدراسات السياسية والاستراتيجية .. اية تحليلة لنتيجة الانتخابات وايضا قرأتة للضمانات اللى طرحتها جماعه الاخوان المسلمين للقوى السياسية .. ويا ترى هيكون اية شكل وملامح الدولة المصرية بعد انتخاب رئيسها؟
ليست هناك تعليقات:
إرسال تعليق