برنامج من جديد
و الذى يذاع على قناة ONTV
تقديم شريهان أبوحسن
شارك الخبر مع اصدقائك على الفيس بوك و تويتر و جوجل +1 من اعلى الصفحة
مع تمنياتى بمشاهدة ممتعة
و لنبداء
برنامج من جديد تقديم شريهان ابو حسن و حلقة الاربعاء 18 ابريل 2012 من قناة ONTV يوتيوب كاملة
استبعاد ١٠ مرشحين هل كان متوقعاً؟
السلام والتحية على حضراتكوا أهلا بيكو معانا بعد أجازة غبنا عنكو فيها وحشتونا ونتمنى اننا كمان نكون وحشناكو .. وطبعا الايام اللي فاتت شهدت تطورات في الاحداث على اكتر من صعيد وبالتأكيد أهمها الانتخابات الرئاسية اللي تم فيها استبعاد 10 مرشحين من السباق واتبقى معانا 13 مرشح واحد منهم حيكون في شهر 7 اللي جاي رئيس مصر ده ان اجريت الانتخابات في معادها لان الكام يوم برضوة اللي فاتوا عن احتمالية تأجيل الانتخابات لحين كتابة الدستور وده جه في إطار تسريبات بعد اجتماع المشير بالقوى السياسية والحديث عن ضرورة كتابة الدستور قبل الانتخابات الرئاسية لكن سريعا تم نفي الكلام ده واللوا ممدوح شاهين أكد في مجلس الشعب اجراء الانتخابات في موعدها.
طبعا ده ملخص لاهم الاحداث من ساعة ما سيبناكو وطبعا فيه تطورات كتيرة حتكون معانا في سياق حلقتنا معاكو .. بنرحب بيك يا دكتور عمار وأول أسئلتنا هل كنت تتوقع شطب 10 مرشحين بينهم 3 مرشحين او 4 نقدر نقول عليهم بوزنهم السياسي .. تقال ؟
حيثيات استبعاد أبو إسماعيل
النهاردة اللجنة العليا للانتخابات نشرت الحيثيات الخاصة بكل مرشح رئاسي وبالتأكيد من أهمها هي الخاصة بحازم ابو اسماعيل والتفاصيل حنعرفها من ابراهيم قاسم الصحفي في اليوم السابع اللي انفردت بنشر وثائق جنسية والدة الشيخ حازم ابو اسماعيل
غضب أنصار أبو إسماعيل ومؤامرة استبعاده
أكيد حضرتكوا وطبعا حضرتك يا دكتور متابعي اللى بيعملوه انصار حازم ابو اسماعيل بعد عملهم بنبأ استبعادة .. امبارح حاولو اقتحام اللجنة العليا واشتبكوا مع قوات الامن المكلفه بالحراسة .. والنهاردا احتشدوا بالميدان في انتظار قرار من الشيخ حازم لاعلان اعتصامهم بالميدان
خيرت الشاطر يفتح النار على العسكري
النهاردة المهندس خيرت الشاطر واحد من المستعدين من الانتخابات الرئاسية فتح النار على المجلس العسكرى خلال مؤتمر صحفي اتهم فيه الشاطر المجلس العسكري بانه معندهوش نية لعملية النقل الحقيقى للسلطة..
هل استبعاد الشاطر استبعاد سياسي
جماعه الاخوان بتقول ان استبعاد الشاطر من السابق هو استبعاد سياسي .. هل تتفق مع هذا الرأي .. وكيف تقرأ رد فعل الجماعة في الفترة الجاية وهل تتوقع لجوءها للعنف .. خاصة في ظل الحديث عن اللجوء للكفاح المسلح اللى الجماعه نفتة بعد كده وأكدت تمسكها بالنضال السلمي ؟
هل تضحية العسكري بسليمان صفقة
دكتور عمار .. هل تتوقع ان العسكري يكون ضحى باستبعاد عمر سليمان في اطار صفقة او اتفاق ما، لاستبعاد الشاطر وابو اسماعيل من السباق ؟
فرص مرسي بعد إستبعاد الشاطر
كيف ترى فرص محمد مرسي -- المرشح الاستبن لجماعة الاخوان- بعد استبعاد الشاطر من السباق ... وهل تعتقد ان الغالبية من اصوات الاخوان هتروح لمرسي ولا لابو الفتوح ؟
هل تسحب جماعة الإخوان محمد مرسي
بمناسبة مرسي .. بعض القوى السياسية شايفه ان استمرار مرسي في السابق هيكون المسمار الاخير في نعش الجماعه .. هل تتفق معهم ؟
هل تعتقد ان جماعة الاخوان المسلمين تسحب مرشحها الدكتور مرسي من سباق الرئاسة .. خاصة وان دا مطلب العديد من القوى السياسية .. ولو افترضنا ان ده حصل يا ترى هتروح اصوات الاخوان لمين من المرشحين ؟
فكرة المشروع الرئاسي للثورة
دكتور عمار .. حضرتك لك تصريح على الفيس بوك بتقول فيه : ان حمدين صباحى أبدى استعداده لتشكيل فريق رئاسى منحاز للثورة ... خلينى اسألك في الاول : الى اي مدى تتوقع نجاح فكرة المشروع الرئاسى للثورة ، وياريت لو توضح للمشاهد الاول اية هي فكرة المشروع الرئاسى ومين هم اعضاء لجنة المائة اللى بتعكف على هذا الطرح ؟
عمرو موسى يعلن إعادة بناء مصر
من ضمن أخبار مرشحي الرئاسة الرسميين فالسيد عمرو موسى المرشح لرئاسة الجمهورية أعلن النهادرة عن برنامجه الإتتخابي تحت عنوان "إعادة بناء مصر" خلال مؤتمر صحفى، عقده بعزبة الهجانة بالقاهرة ...
اسرائيل بتتكلم على ان عمر موسى هو الاقرب للسابق لانة هيحصل على اصوات الحائرين .. وطبعا ما اكثر هؤلاء دلوقتي ؟
مليونية ٢٠ أبريل ضد العسكر والفلول
الحديث مرة تانية عن مليونيات وشوفنا الجمعة اللى فاتت مليونية لكن مكنش فيها كل القوى السياسية لكن المليونية الجاية هتكون موجودة الجمعة الجاية هتكون فيها مجموعة من القوى السياسية زى 6 أبريل
هل يمثل البرلمان في التأسيسية
دكتور وحيد .. حضرتك على مدار اليومين اللى فاتو كنت بتحضر اجتماعات بين القوى السياسية والحزبية وممثلين من البرلمان للتوافق على شكل وملامح الجمعية التأسيسية للدستور ... اية اخر التطور في الموضوع دة ، وهل هيحصل توافق فعلا بين القوى السياسية على شكل الدستور ولا لا واية هي النسبة اللى تم توافق عليها لحد دلوقتي بخصوص اعضاء تاسيسية الدستور .. فية كلام كتير عن استبعاد اعضاء البرلمان من الجمعية او تمثيلهم ولكن بنسبة ضئيلة جدا .. اية صحة الكلام ده ؟
ليست هناك تعليقات:
إرسال تعليق