برنامج بلدنا بالمصرى
تقديم ريم ماجد
على قناة OTV
تقديم ريم ماجد
يأتيكم من الأحد للخميس في الساعة 8:30 مساءا
الإعلامية المتميزة صاحبة الرؤية الثاقبة ريم ماجد تقدم برنامج بلدنا بالمصرى الذى يمزج السياسة بالقضايا الاجتماعية … يناقش القضايا التى تهم المصريين بوجهة نظر مصرية خالصة و يعبر عن رأى رجل الشارع … البرنامج يعيش مشاكل الشارع المصرى و يتكلم بلسانه، يشاغب الضيوف و يحاورهم و يجادلهم و يعبر عن رأى كل المصريين …ريم تكشف المستور من خلال فقرة كلام فى سركم و تقتحم الاسلاك الشائكة لعالم السياسة و تناقش الكبار … بلدنا بالمصرى … لسان المصريين
شارك الخبر مع اصدقائك على الفيس بوك و تويتر و جوجل +1
اتمنى مشاهدة ممتعة
و نبدا
برنامج بلدنا بالمصرى تقديم ريم ماجد على قناة ONTV حلقة الاربعاء 7 مارس 2012 يوتيوب كاملة
بلدنا بالمصري: المبادرة المصرية لحماية الإعلام
يسعد مساكم وحلقة جديدة من بلدنا بالمصري هنبدأها بالمبادرة المصرية لتطوير الاعلام اللي ربما جاءت النهاردة في موعدها مع القدر وفي "وقت بتمر فيه البلاد بمرحلة انتقالية من الدولة الاستبدادية الى ارساء دعائم دولة الحق والقانون" على حد تعبير السطر الأول من البيان التأسيسي للمبادرة اللي دعا ليها مجموعة من ابناء المهنة اللي حاسين بالمسؤولية قبل الخطر واللي بيحلموا بمستقبل اجمل للبلد قبل المهنة واللي ريقهم نشف ينادوا بتطهير وباعادة هيكلة مؤسسات بعينها وعلى راسها الاعلام والداخلية والقضاء والنهاردة قرروا يبدأوا بنفسهم وهم على قناعة ان الارتقاء بأي مهنة هي مهمة أصحابها في المقام الأول وهم أولى بيها، لكن كمان على قناعة تامة ان مش هم الطرف الوحيد المعني والأصيل، فيه طرف تاني معني وأصيل بنفس القدر وهو المواطن بدرجة متلقي وبالتالي فالمبادرة ديه وهي لسة بتقول يا هادي يا رب عينها على الطرفين، لكن في الوقت اللي بتسعي فيه لحماية الطرف التاني اللي هو المتلقي، مش بتسعى لحماية الطرف الأول بس وهو الاعلامي، لكن بتسعى كمان لمحاسبته لما يخطئ مهنياً عن قناعة أخرى وايمان مبدئي بان الحرية مسؤولية.
بلدنا بالمصري: إحالة بلاغ ضد إعلاميين للقضاء العسكري
أثناء الجلسة المغلقة وقبل ما يتم الاعلان عن البيان التأسيسي للمبادرة، جاءنا الخبر التالي منتشر على عدد من المواقع الاخبارية. مع الوضع في الاعتبار انه حتى الآن هو مجرد خبر منتشر على عدد من المواقع الاخبارية ومافيش اي اسم من الاسماء المذكورة تم استدعاءها رسمياً بأي شكل من الأشكال.. لكن مع ذلك الخبر وتداعياته والتوقيت اللي انتشر فيه كان بالتأكيد ليه نصيب خلال المؤتمر الصحفي اللي تم فيه الاعلان عن المبادرة ويا للمفارقة.
بلدنا: جبهة الأبداع المصري تتضامن مع إعلامي مصر
ومع انه مازال مجرد خبر منتشر على المواقع الاخبارية الا ان ردود الأفعال عليه ما كدبتش خبر ومن ضمنها: بيان من جبهة الأبداع المصري تضامناً مع إعلامي مصر
مقدم البلاغ ضد أسماء محفوظ: جريدة البديل كاذبة
أما أسماء محفوظ، الناشطة السياسية وواحدة من اللي اسمهم مكتوب في الخبر، النهاردة ولا الفقي لما يسعد.. غير اسمها المكتوب، محكمة جنح مصر الجديدة حكمت عليها النهاردة غيابياً الحبس لمدة سنة وغرامة ألفين جنيه بتهمة الاعتداء على مواطن. و إحنا معانا الواطن المعتدي عليه أ/ عبد العزيز فهمي
بلدنا بالمصري: حكم بحبس أسماء محفوظ سنة غيابياً
أما أسماء محفوظ، الناشطة السياسية وواحدة من اللي اسمهم مكتوب في الخبر، النهاردة ولا الفقي لما يسعد.. غير اسمها المكتوب، محكمة جنح مصر الجديدة حكمت عليها النهاردة غيابياً الحبس لمدة سنة وغرامة ألفين جنيه بتهمة الاعتداء على مواطن.
بلدنا بالمصري: براءة .. حتى السني أمين الشرطة الهربان
هنرجع تاني للقضايا والمحاكم، النهاردة محكمة جنايات القاهرة حكمت ببراءة محمد السني، أمين الشرطة المتهم بقتل المتظاهرين والمتهم الوحيد اللي كان تم الحكم عليه بتهمة قتل المتظاهرين وفضل هربان من الحكم لحد ما خد براءة النهاردة هو وبقية المتهمين في نفس القضية بتهمة قتل المتظاهرين قدام قسم الزاوية الحمرا يوم جمعة الغضب الأولى و لمزيد من التفاصيل إحنا معانا أ/ عمرحسانين رئيس قسم الحوادث بالمصري اليوم
بلدنا: تضامن الجبهة القومية للعدالة مع زياد العليمي
النائب زياد العليمي، واحد كمان من اللي اسماءهم مكتوبة في الخبر، لكن من قبل اذاعة الخبر كانت الجبهة القومية للعدالة والديمقراطية بتدعو وبتنظم لمؤتمر بكرة الساعة 11 الصبح في ساقية الصاوي للتضامن معاه.. في ايه بقة ولا ايه دة اللي هنعرفه من: أ/ محمد واكد عضو الجبهة القومية للعدالة
بلدنا بالمصري: منصور حسن يعلن ترشحة لرئاسة الجمهورية
النهاردة أنضم للمرشحين للرئاسة شخصية جديدة و هو منصور حسن رئيس المجلس الإستشاري ل يعلن ترشحة لرئاسة الجمهورية رسمياً
فايزة أبو النجا: البرلمان ميقدرش يسحب الثقة من الحكومة
تصريحات فايزة ابو النجا للدستور عن ان مجلس الشعب مش من حقه سحب الثقة
أكدت فايزة أبو النجا وزيرة التخطيط والتعاون الدولي علي أنه لا علاقة بين قرار سفر الأجانب المتهمين في قضية منظمات التمويل الأجنبي والمساندات المالية التي قد تمنحها الولايات المتحدة لمصر وذلك ردا علي سؤال «الدستور الأصلي» حول ما اذا كانت هناك مؤشرات ايجابية علي الوفاء بمساندات كانت قد وعدت بها بعض الدول لمصر بعد قرار سفر الأجانب والسبب الذي لم يجعل الحكومة تخرج وتدين ما حدث من تدخل في القضاء. وقالت أبوالنجا أن ذلك لا علاقة بين سفرهم وحزمة المساعدات وما وعدت به عدد من الدول الشقيقة وهذان موضوعان منفصلان تماما ولكن هناك تشاور مع الأشقاء بالدول العربية وباقي الأطراف الأخرى الي جانب حزم الاتفاقات التي تتشاور بشأنها مع البنك الدولي والبنك الافريقي والخطط الداخلية بطرح أراضي للمصريين بالخارج وترشيد الانفاق. وقالت حول عدم ادانة ما حدث أن رئيس الوزراء قد أوضح هذا الأمر في المؤتمر الصحفي وقال أنه امر يخص القضاء
بلدنا بالمصري: خطوات ائتلاف أنا ضابط شرطة ملتحي
ائتلاف "أنا ضابط شرطة ملتحى"، بدأ في اتخاذ خطوات جديدة للتنسيق فى جميع مديريات الأمن في الوزارة على مستوى الجمهورية، تحت مسمى "نصرة دين الله والدعوة إلى الله تعالى"، بالتوازي مع اعداد الائتلاف لقانون جديد لهيئة الشرطة.
بلدنا: حزب الوفد بين تأييد منصور حسن أوعمرو موسى
نرجع للمرشحين المحتملين للرئاسة حالياً في إجتماع داخل حزب الوفد لبحث من سوف يدعمونه ليكون المرشح المحتمل للرئاسة
بلدنا: وفاة مريض نتيجة تهجم بلطجية على مستشفى إمبابة
توفى مريض داخل العناية المركزة بمستشفى إمبابة العام "مستشفى الموظفين" بعد تهجم ثلاثة من البلطجية المسلحين على وحدة العناية المركزة. وصرح الدكتور حامد اللطيف، مدير المستشفى، أن هؤلاء البلطجية قاموا بالتهجم على وحدة العناية المركزة بعد سماع نبأ وفاة قريب لهم صباح اليوم داخل المستشفى ويدعى إكرامى جمال عبد المنعم، والذى دخل العناية المركزة إثر حادث موتوسيكل يوم 26 من شهر فبراير الماضى، والذى ظل يتلقى العلاج فى العناية المركزة لمدة 10 أيام وتوفى اليوم لأن حالته كانت غير مستقرة. لتفاصيل أكثر أحنا معانا على الهاتف محافظ الجيزة د / علي عبد الرحمن
بلدنا: أسيوط كان ناقصها الإعتداء على المستشفيات
من إمبابة لأسيوط، أهالي المحروسة هناك حطوا صوابعهم العشرة في الشق من قصة الانفلات الأمني والاعتداء على المستشفيات.. يعني مش كفاية حال المستشفيات اللي لا يسر عدو ولا حبيب والعلاج اللي بالضالين ويا صابت وانكتب للعيان عمر جديد يا خابت والأعمار بيد الله.. لأ كمان انفلات أمني عشان تكمل.
بلدنا بالمصري: المصرية الجدعة بنت البلد رايحة على فين
دلوقتي الست المصرية الجدعة بنت البلد اللي دفعت كتير في ثورة قامت تنادي بعلو الصوت على العيش والحرية والعدالة الاجتماعية والكرامة الانسانية وياما وقفت وقفات ب100 رجل ونضرب بيها بدل المثل الوفات، خدت ايه من الثورة ولحد امتى هتفضل كدة على الحميد المجيد؟!
آدي مجرد عينة من اللي عملته الست المصرية بنت البلد في الثورة وما خفي ومااحناش داريانين بيه يمكن لسة أعظم وأجدع وأنبل.. لكن السؤال النهاردة وبعد سنة أولى ثورة وليلة ما العالم كله هيحتقل بيوم المرأة العالمي، الست المصرية جاية منين ورايحة على فين: بتخطي لقدام ولا محلك سر ولا بترجع لورا بفعل فاعل ومع سبق الاصرار والترصد.. والأهم من كدة هي تستاهل بجد تكون فين وبتحلم بايه وهتحققه ازاي؟!!! كل ديه اسئلة هنطرحها على ضيوفنا
المناضلة شاهندة مقلد
د. ايناس مكاوي: مؤسسة جمعية بهية يا مصر
مهندس محمد بهاء الدين شعبان
ليست هناك تعليقات:
إرسال تعليق