برنامج من جديد
و الذى يذاع على قناة ONTV
تقديم شريهان أبوحسن
شارك الخبر مع اصدقائك على الفيس بوك و تويتر و جوجل +1 من اعلى الصفحة
مع تمنياتى بمشاهدة ممتعة
و لنبداء
برنامج من جديد تقديم شريهان ابو حسن و حلقة الثلاثاء 28 فبراير 2012 من قناة ONTV يوتيوب كاملة
من جديد: نعمل إيه مع زعابيب أمشير اللي هلت
السلام والتحية على حضراتكو كتير مننا وهو رايح شغله أوراجع منه واجه عاصفة ترابية .. والجو اللي كان الصبح كويس اتقلب لسقعة وكل ده بمناسبة زعابيب امشير.. والمفروض ان الموجة ديه حتستمر عدة أيام، نعمل ايه خلال الكام يو اللي جايين معانا الدكتور علي قطب مدير عام مدير عام مراكز التحاليل بالهيئة العامة الأرصاد الجوية
من جديد: مظاهرات موظفي وزارة العدل
زعابيب أمشير طبعا كانت على كل مصر وبالتزامن معاها زعابيب موظفي وزارة العدل اللي نظموا وقفة احتجاجية ضد اوضاعهم المالية في اكتر من محافظة واكتر من محكمة.
من جديد: إيقاف ٤ ضباط شرطة أطلقوا اللحية
من أزمة وزارة العدل لأزمة وزارة الداخلية واللي حصلت بسبب اطلاق بعض أفراد وضباط الشرطة لحيتهم والنهاردة قرر وزر الداخلية إيقاف 4 ضباط جدد عن العمل بعد اطلاقهم اللحية وده في وقت طلب فيه 85 أمين شرطة اطلاق اللحية رسميا.
من جديد: بما لا يخالف شرع الله في الشورى
بدأ مجلس الشورى أولى جلساته ، اليوم، برئاسة أكبر الأعضاء سناً وهو محمد حسن المليجى، وتم إختيار الدكتور أحمد فهمى عن حزب الحرية والعدالة برئاسة مجلس الشورى بالتزكية بحصوله على 175 صوتا اللي حصل في مجلس الشعب أثناء آداء القسم اتكرر في مجلس الشورى .
من جديد: زويل يؤكد على رفضه للمناصب
النهاردة التقى الدكتور أحمد زويل الدكتور كمال الجنزوري رئيس مجلس الوزراء، وبعد اللقاء زويل جدد كلامه حوالين ترشحيه لرئاسة الجمهورية. زويل أكد انه ما بيفكرشي فى الترشح لرئاسة الجمهورية، أو تولى أى منصب وزاري
من جديد: زويل وإنقاذ البحث العلمي في مصر
النهاردة كان زويل ليه اكتر من نشاط لانه غير لقاء الجنزوري زويل التقى وزير البحث العلمي وأكد زويل أن إنقاذ البحث العلمى فى مصر، يعتمد على 7 عناصر أساسية
من جديد: مشروع د. عمرو خالد لمحو الأمية
الظاهر ان العلم هو المنقذ لمصر وهو الي ممكن يخرج بيها من أزمتها الحالية وغير جامعة زويل فيه مشروع تاني كان اطلقه الدكتور عمرو خالد ضمن مبادرة "العلم قوة" لمحو الأمية بتستهدف توفير الاحتياجات لتعليم 50 ألف أمى مصرى خلال 21 يوما فى 8 محافظات.
من جديد: صالون العلاقات المصرية الأمريكية إلى أين
دار الأوبرا نضمت صالون ثقافي بعنوان " العلاقات المصرية الامريكية .. الى أين "وتم مناقشة طبيعة العلاقات السياسية والاقتصادية بين مصر وأمريكا .
من جديد : حريق ضخم في سيوة
النهارده حصل حريق ضخم في سيوة قضي على 40 فدان , تفاصيل أكثر معانا على الهاتف اللواء أبو بكر محمد مدير الإدارة العامة للحماية المدنية
من جديد: مصر تبحث عن نظام رئاسي
في الفترة اللى فاتت احتدم الجدل وتحديدا بين النخب والمثقفين والقوى السياسية حولين طبيعه نظام الحكم في مصر، أو اية نظام الحكم الامثل للبلد في الفترة الجاية .. الجدل أو الخلاف دة ممكن يكون انعكاس لحالة المجتمع نفسة ورغبته في الاهتمام والمشاركة في مستقبل البلاد ... لكن الخلاف او الاختلاف الاكبر زي ما قولنا لحضرتكو هو بين النخب والقوى السياسية ...
بعض القوى دي شايفين ان النظام الافضل لحكم البلد بعد الثورة هو النظام البرلماني وناس تانية شايفين ان النظام الأفضل هو النظام الرئاسي وده الي كنا عليه في مصر قبل الثورة .. ناس ثالتة شايفين ان الافضل هو النظام المختلط .
احنا النهاردة هناقش مع ضيوفنا ايه النظام السياسي الأفضل لمصر وبنرحب بالدكتور ثروت بدوي الفقية الدستوري واستاذ القانون بجامعه القاهرة ... نرحب ايضا بالنائب حلمي الجزار عضو مجلس الشعب والقيادي بحزب الحرية والعدالة .. اهلا بحضرتكوا في من جديد
ليست هناك تعليقات:
إرسال تعليق