برنامج بلدنا بالمصرى
تقديم ريم ماجد
على قناة ONTV
يوتيوب كاملة
تقديم ريم ماجد
يأتيكم من الأحد للخميس في الساعة 8:30 مساءا
الإعلامية المتميزة صاحبة الرؤية الثاقبة ريم ماجد تقدم برنامج بلدنا بالمصرى الذى يمزج السياسة بالقضايا الاجتماعية … يناقش القضايا التى تهم المصريين بوجهة نظر مصرية خالصة و يعبر عن رأى رجل الشارع … البرنامج يعيش مشاكل الشارع المصرى و يتكلم بلسانه، يشاغب الضيوف و يحاورهم و يجادلهم و يعبر عن رأى كل المصريين …ريم تكشف المستور من خلال فقرة كلام فى سركم و تقتحم الاسلاك الشائكة لعالم السياسة و تناقش الكبار … بلدنا بالمصرى … لسان المصريين
شارك الخبر مع اصدقائك على الفيس بوك و تويتر و جوجل +1
اتمنى مشاهدة ممتعة
ونبدا
برنامج بلدنا بالمصرى تقديم ريم ماجد على قناة ONTV حلقة الاربعاء 25 يناير 2012 يوتيوب كاملة
ريم ماجد: تعظيم سلام لـ مصر لسة منورة بأهلها #Jan25
مساء الخير على كل الورد اللي لسة بيفتح في شوارع وميادين مصر.. وتسلم كل الخطاوي العزيزة اللي لسة بتخطي لبكرة بالمشوار واثقة الخطى تمشي ملكاً.. وتعظيم سلام لشعب لا بيكل ولا بيمل ولا بينحني ولسة ما عاش ولا كان اللي يهد حيله أو يكسر عينه أو يجيب مناخيره الأرض.. تعظيم سلام لشعب لسة قادر يكون عند حسن الظن بيه ولسة قادر يخيب ظن كل من يستهون بيه او يفتكر انه يقدر ياخده على قد عقله، لإن عقله في راسه ويوزن بلد بزيها خاصة لما تكون بلد زي بلدنا عجوزة لكن مش كركوبة وعمرها ما تشيب مهما شاب الزمن وعجز، تفضل هي صبية ومعجبانية وبهية.. فتعظيم سلام لبلد لسة منورة بأهلها ولشعب عمره ما خذلها والرهان عليه دايماً كسبان.
طارق الخولي: المصريون اليوم في عرُس #Jan25
معنا عبر الهاتف طارق الخولي المتحدث الرسمي بإسم حركة 6 إبريل الجبهة الديمقراطية واليوم حقيقي هو عرس رأئنا كل أطياف الشعب المصري يعبرون عن فرحتهم بثورتهم مع وجود الحزن والأسى للشهداء ، ونيتنا للإعتصام موتقفة على الثوار .
بلدنا: الإخوان استولوا على ميدان القائد إبراهيم #Jan25
طارق عبدالجابر مراسل أون تي في في الإسكندرية وأحداث ميدان القائد إبراهيم في الإسكندرية في الذكرى الأولى لثورة 25 يناير
السويس تؤكد استمرار الثورة وتطالب بحق الشهداء #Jan25
أهالي السويس الباسلة خرجوا في الذكرى الأولى لثورة 25 يناير مؤكدين على استمرار الثورة ومطالبين بالقصاص لدماء الشهداء
بلدنا: صعيد مصر على الطريق في الذكرى الأولى للثورة #Jan25
أحداث صعيد مصر في الذكرى الأولى لثورة 25 يناير حيث خرج المصرين يؤكدون استمرار الثورة ويرفعون مطالب العيش والحرية والكرامة الإنسانية والعدالة الاجتماعية
بلدنا: إطلالة على سلامة الميدان النهاردة #Jan25
مع سلمية المظتهرات النهاردة دة مامنعش اننا نعرف سلامة الناس النهاردة في الميدان من د/ هشام شيحة وكيل أول وزارة الصحة للطب العلاجي
بلدنا: مسيرات اليوم و قسم الثائر المصري #Jan25
النهاردة كانت كلمة السير فيها المسيرات اللي إتحركت من كذا مكان في مصر و بعد ما المسيرات أتجمعت كل اللي في الميدان أقسمو قسم الثائر المصري
ميدان التحرير من بلدنا بالمصري من سنة فاتت #Jan25
واحنا بنخطي لبكرة مافيش مانع ابداً ويا حبذا اننا نطل طلة على اللي فات وخصوصاً لما تكون الليلة أشبه بالبارحة.. فخلونا نطل طلة على ميدان التحرير من بلدنا بالمصري زي دلوقتي السنة اللي فات.
ثورة مصر في عام .. حتى لا ننسى #Jan25
فعلاً ما أشبه الليلة بالبارحة.. كنا برده حطين ايدينا على قلبنا وخايفين لا تيجي العواقب مش سليمة فتيجي العواقب من ارقى واجمل ما خلق طول ما الشوارع والميادين في حالها، كافية خيرها والشر برة وبعيد.. يا ترى يا هلترى ديه مجرد صدفة ان من السنة لسنة نبات ليلتنا خايفين من النار، فتصبح نور ويصبح نهارنا نادي؟!!! ولا دة التاريخ اللي بيعيد نفسه؟!!!
بلدنا: شهداء عام من الثورة في الذكرى الأولى #Jan25
نعيش وعمرنا ما ننسى الورد اللي فتح في جناين مصر .. سلو بلدنا: لما يروح مننا عزيز نبكي بحرقة ويمكن الصوت يبقى حياني، لكن ما يروح لنا شهيد بنزغرد.. ولما يعدي علينا الاربعين أو الذكرى السنوية نواسي ونصبر بعض بقولة "نعيش ونفتكر"، لكن لما تكون السنوية سنوية شهيد ولما يكون الاربعين اربعين شهيد ولما السنوية والاربعين يوافقوا اليوم المتمم لسنة أولى ثورة دفع الشهيد تمنها من دم قلبه، يبقى مافيش حاجة تصبرنا غير قولة: نعيش وعمرنا ما ننسى واللي ينسى نفكره ان زي النهاردة من اربعين يوم استشهد الشيخ عماد عفت واللي زيه من شهداء أول يوم من ايام مجلس الوزرا.. وزي النهاردة استشهد الشهيد مصطفى رجب أول شهيد في الثورة هو واللي زيه من شهداء السويس وأولادها ونور عينيها .. وزي الايام ديه وتحديدا يوم جمعة الغضب استشهد المهندس طارق عبد اللطيف هو واللي زيه من الورد اللي فتح في جناين مصر.. اما أهاليهم فلسة على العهد وحالفين ما يفرطوا في اللي مات عشانه العزيز والغالي.
بلدنا: مصر تدخل ثاني أعوام الثورة .. ماذا تنتظر؟ #Jan25
بعد النهاردة: بكرة اللي جاي هيفوت هنا امتى وازاي وهيكون فيه ايه من ملامح الميادين؟ مصر تدخل العام الثاني لثورة 25 يناير، هل تستمر الثورة وتحقق أهدافها، أم يحدث غير ذلك؟ وما هو الدور الذي ينتظر المصريون من برلمانهم المنتخب أن يلعبه في قادم الأيام؟
النائب أ. مصطفى الجندي
ليست هناك تعليقات:
إرسال تعليق