برنامج مال مصر
و الذى يذاع على قناة ONTV
تقديم حازم شريف
يأتيكم السبت في الساعة 8:00 مساءا
الاقتصاد والسياسة وجهان لعملة واحدة, برنامج مال مصر يتناول كل ما يدور في عالم المال و تأثير السياسة على الاقتصاد المصري. تقديم حازم شريف رئيس تحرير جريدة المال
شارك الخبر مع اصدقائك على الفيس بوك و تويتر و جوجل +1 من اعلى الصفحة
مع تمنياتى بمشاهدة ممتعة
و لنبداء
برنامج مال مصر حلقة السبت 24 ديسمبر 2011 من قناة ONTV يوتيوب كاملة
مال مصر: تسليم السلطة يستلزم كشف حساب
هانت أو المفروض انها هانت, فاضل حوالي 6 شهور,دا طبعا زي ما وعدنا المجلس العسكري, على انتهاء المرحلة الانتقالية ,وتسليم ادارة البلاد,لسلطة مدنية منتخبة,أو على وجه الدقة ,تسليم السلطة لرئيس مدني منتخب,غالباهتكون لسه مكملة معاه حكومة الدكتور الجنزوري أو أي حكومة تانية,هيكون كلفها المجلس العسكري مع تطور الآحداث في الفترة اللي جاية.
حد يقولي ليه ما قلتش ان كمان هيكون فيه حكومة منتخبة مع الرئيس المنتخب ,ودا هاضطر افكره وافكركم ,ان الاعلان الدستوري ,لايلزم المجلس العسكري انه يكلف الأغلبية البرلمانية بتشكيل الحكومة. والحقيقة ان انا شخصيا بافضل ان الأغلبية البرلمانية متقعش في فخ تشكيل حكومة في الوقت الحالي.ببساطة لان البرلمان اللي جاي دا ,وبغض النظر عن طبيعة الأغلبية اللي هييجي بيها ,هذا المجلس شئنا أم أبينا,هوا أملنا الوحيد مع ميدان التحرير طبعا ,في انجاز مالم يتحقق من أهداف الثورة.وعلى رأسها انتخاب لجنة تأسيسة لوضع الدستور الجديد اللي المفروض انه هيعبر عن الثورة,ويحط الأساس لاقامة نظام جديد ديمقراطي.
المفروض برضه بحكم ادوار الرقابة والتشريع اللي هتنتقل للبرلمان انه ,يبتدي يحط مشروعات قوانين,يعوض بيها الوقت اللي راح على الفاضي الفترة اللي فاتت,يعني مثلا احنا مستنيين من البرلمان ,انه ينتهي من اصدار قانون استقلال السلطة القضائية,وانه يصدر قانون جديد لتنظيم عمل الصحافة ووسائل الاعلام,وقانون تالت لاعادة هيكلة جهاز الشرطة ,و قانون رابع عملي ناجز سريع للتعامل مع العشرات ممن افسدوا الحياة السياسية,ولسه للاسف بيفسدوها لغاية دلوقتي
مال مصر: دور المرأة في تاريخ الحياة السياسية المصرية
الدور التاريخي للمرأة المصرية في المشاركة السياسية,ضد قوى الاستبداد,سواء كان محتل أجنبي أو أي سلطة غاشمة أخرى.
مال مصر: الإصرار على اغتيال المرأة المصرية
كلنا لسة فكرين انتهاكات وهتك عرض الصحفيات والمتظاهرات عام 2005 على سلم نقابة الصحفيين ،، وده كان في احتجاجات حركة كفاية على التعديلات الدستورية اللي ادخلها نظام مبارك على الدستور ،، وقتها اتهمنا العادلي وبلطجيته بالاجرام ,ووقتها برضه لوفاكرين طلع علينا صحفيين في الاعلام الحكومي اتهموا الضحايا بالتحرش بالأمن أو بافتعال واقعة التحرش المصورة صوت وصورة برضه ،، النهاردة وبعد ثورة 25,اللي شاركت فيها المرأة المصرية مشاركة فاعلة وكاملة من اجل حريتها وحرية كل الشعب المصري ،، النهاردة وبعد حوالي سنة من الثورة دي وللاسف الشديد بنشوف مشاهد العنف ضد المرأة والانتهاكات في الميدان ,ونفس المحاولات لاغتيالها في وسائل الاعلام،، عن ما تتعرض له المرأة المصرية من انتهاكات سواء بدنية في المظاهرات ،، او معنوية في محاولات لقوى عديدة لاقصائها واجهاض دورها في مستقبل مصر ،، عن هذا الموضوع بتدور فقرتنا الاولى الليلة دي واللي بيشرفنا فيها
• د/ كمال الهلباوي المفكر والقيادي الاسلامي
• د/ عزة كامل الكاتبة والناشطة الحقوقية
مال مصر: تأثير خفض التصنيف السيادي لمصر
في أعقاب نجاح الثورة المصرية في 11 فبراير اللي فات ,تبارت مؤسسات التصنيف الدولية وبنوك الاستثمار الدولية في توقع مستقبل باهر للاقتصاد المصري,وتوةقع تدفق الاستثمارت عليه ,للمشاركة في مشروع الثورة,لبناء بلد جديد عصري ديمقراطي..بعد حوالي عشر تشهر من هذه الروح المتفائلة,انقلبت الصورة رأسا على عقب,واصبحت هذه المؤسسات تتنافس,على اصدار التقارير المتشائمة حول وضع ومستقبل الاقتصاد المصري,اكتر من تخفيض اجرته مؤسسة موديز للتصنيف الائتماني للسندات الحكومية المصرية,كان اخرها يوم الاربعاء الماضي,كذلك فعلت مؤسسة ستاندرد اند بورز في اكتر من مناسبة خلال نفس العام...معانا لللتعرف عن الآسباب وراء التدهور في روية هذه المؤسسات وغيرها للاقتصاد المصري..الآستاذ أسامة مراد العضو المنتدب لشركة اراب فينانس والاستاذ محمود عطالله العضو المنتدب لبنك استثمار سي اي كابيتال
ليست هناك تعليقات:
إرسال تعليق