برنامج مال مصر
و الذى يذاع على قناة ONTV
تقديم حازم شريف
يأتيكم السبت في الساعة 8:00 مساءا
الاقتصاد والسياسة وجهان لعملة واحدة, برنامج مال مصر يتناول كل ما يدور في عالم المال و تأثير السياسة على الاقتصاد المصري. تقديم حازم شريف رئيس تحرير جريدة المال
شارك الخبر مع اصدقائك على الفيس بوك و تويتر و جوجل +1 من اعلى الصفحة
مع تمنياتى بمشاهدة ممتعة
و لنبداء
برنامج مال مصر حلقة السبت 10 ديسمبر 2011 من قناة ONTV يوتيوب كاملة
مال مصر: تحذير للي هيستلموا السلطة
عايز اعترف لكم النهارده,ان انا كنت واحد من الأقلية البائسة, ال 22,5 % من الشعب المصري ,اللي قالوا لأ في الاستفتاء على التعديلات الدستورية يوم 19 مارس الماضي ,يعني من حوالي 9 أشهر,إلا 9 أيام بالتمام والكمال. عايز أعترف برضه ان انا احترمت مرغما نتيجة الاستفتاء ,اللي جت لصالح الموافقة عالتعديلات,ودا أولا,علشان اثبت لتفسي ان أنا راجل ديمقراطي,ثانيا وبصراحة اكتر علشان ,الواحد مش ناقص ,ان الاخوة من التيارات السياسية اللي وافقت عالتعديلات,يفضلوا يجلدوا فيه,لوفتحت بقي بكلمة,ويتهموني إن انا ما باأحترمش الارادة الشعبية,أو إن أنا لاسمح الله متعالي على الارادة الشعبية.
والحقيقة اني لازم برضوا اعترفلكم النهارده , أن مفيش حاجة في حياتي رفضتها ,وأتأكدلي كل يوم اني كان عندي حق لما رفضتها,أد التعديلات الدستورية.
كانوا بيقولولنا وافقوا عالتعديلات علشان الاستقرار...وزي ماحنا كلنا شايفين أحنا شبعنا استقرار خلال الفترة اللي فاتت اد ايه.
مال مصر: كيف نتحول إلى التصويت الإلكتروني
زي ما قلنا الحلقة اللي فاتت ان المرحلة الأولى من الانتخابات البرلمانية,شهدت عدد من الظواهر السلبية,بجانب طبعا الايجابيات اللي كان أهمها الاقبال الكبير من جانب المواطنين...لكن زي ماقلنا برضه ان الاقبال الكبير دا,اصطدم بالبدائية الشديدة جدا للنظام الانتخابي في كل اجراءاته,وكانت نقطة الذروة في هذا النظام ,هي هذه المشاهد المخجلة اللي شفناها كلنا,في لجان الفرز العامة,واللي كان الفرز فيها بيتم بطريقة يدوية في ظروف غالبا غير أدمية...على أي حال معانا النهارده المهندس عمرو رجائي صاحب مبادرة تفعيل الخدمات الحكومية والخاصة باستخدام شهادات التوقيع الالكتروني,واللي هيقولنا أخبار كويسة ,عن امكانية التحول قريبا من نظام التصويت الورقي البدائي الحالي ,إلى نظام التصويت الألكتروني ,مهندس عمرو بأرحب بيك ,بس خلينا,قبل ما نسمع منك, نروح نفتكر معا بعض ازاي التصويت الورقي اتسبب في مشاكل كتيرة في المرحلة الأولى من الانتخابات البرلمانية
مال مصر: مواجهة بين السلفية ودعم السياحة
صحيح ان ناس كتير في مصر شايفة ان الخوف من الصعود الكبير للتيارات الاسلامية في المرحلة الاولى من الانتخابات ،، امر مبالغ فيه وليس له ما يبرره ،، لكن في الحقيقة ان شريحة كبيرة من المصريين ,وفي مقدمتهم العاملين في صناعة السياحة ،، انتابهم فزع حقيقي وخوف ربما يكون مبرر من مواقف وتصريحات,لبعض قادة تيارات الاسلام السياسي وخصوصا التيارات السلفية ،، واللي بتطالب بإعادة النظر في طبيعة السياحة الموجودة في مصر ،، عن موقف التيارات السلفية من صناعة السياحة أحد الروافد الاساسية للاقتصاد المصري بتدور هذه الفقرة,واللي بيشرفنا فيها كل من:
- د/ طارق شعلان القيادي بحزب النور السلفي
- الاستاذ ايهاب موسى رئيس ائتلاف دعم السياحة
ليست هناك تعليقات:
إرسال تعليق