نشاهد اليوم
برنامج امساء السبت
تقديم الاعلامى الغنى عن التعريف : عمرو خفاجى
الذى يذاع على قناة OTV
اتمنى مشاهدة ممتعة
برنامج مساء السبت تقديم عمرو خفاجى من قناة ONTV حلقة السبت 12/11/2011 يوتيوب كاملة
مساء السبت: معاً من أجل انتخابات نزيهة تليق بثورتنا
حوالي 3 اسابيع متبقية على اول انتخابات برلمانية بعد ثورة يناير ،، يوم الاثنين 28 نوفمبر حيبدأ التصويت في انتخابات المرحلة الاولى اللي بتضمن 9 محافظات على رأسها القاهرة ،، انتخابات الجميع شايف انها انتخابات مختلفة واستثنائية في كل شئ ،، في توقيتها ،، في الظروف المحيطة بيها ،، في طموح الناس تجاهها .
مصر ،، ويمكن العالم كله ،، في حالة ترقب تجاه هذه الانتخابات اللي شكلها حيحدد بدرجة كبيرة مش مستقبل مصر فقط ،، لكن ربما يكون فيها المعيار حقيقي لنجاح الثورة او لا قدر الله فشلها .
ناس كتير شايفة ان ال20 مليون مصري اللي شاركوا على مدار 18 يوم في ثورة نموذجية شهد بها العدو قبل الصديق ،، الملايين دي كلها وبعد 11 فبراير وبعد ما نظفوا الشوارع ودهنوا الارصفة ،، عادوا لمنازلهم في انتظار انهم يجنوا ثمار ثورتهم وتضحيات شهدائهم .
على مدار شهور طويلة وقوى سياسية بتتصارع ،، وتيارات بتبحث عن دور ،، وفلول بتحاول العودة للمشهد ،، والناس في كل ده بتتفرج ومستنية الوقت المناسب علشان تقول كلمتها في المستقبل ،، واعتقد ان هوه ده الوقت المناسب واننا فعلا عندنا فرصة تاريخية لانجاز تجربة ديموقراطية متميزة تتجاوز في روعتها الثورة ذاتها .
انتخابات بتجري لاول مرة بدون ما يكون في السلطة حزب او تيار بيدرها لمصلحته ،، انتخابات بيتم التصويت فيها ببطاقة الرقم القومي وليس البطاقة الانتخابية الامر اللي بيضمن مشاركة حوالي 45 مليون مصري ،، انتخابات المرة دي بيشرف عليها القضاة من بدايتها لنهايتها ،، شروط كتير كلها ايجابية .
صحيح الاوضاع اللي بنعيشها بتشعرنا بالقلق ،، وخصوصا حالة البلطجة السائدة في الشارع ،، وحوادث العنف الممتدة من بلطيم لدمياط لسوهاج لشبه جزيرة سينا ،، لكن خلونا نكون رغم كل المشاهد دي متفائلين و نعمل سوا من اجل انجاز انتخابات نزيهة ،، والنزاهة هنا معناها المثالية في كل شي بدأ من سلوك المرشح مرورا بالعملية التنظيمية ودور الشرطة والجيش في عمليات التأمين ونهاية بمواقف الناخبين ومشاركتهم بفاعلية ،، واللي الانتخابات دي اساسا قائمة من اجلهم
راي الناس في الانتخابات اللي جاية ودورهم فيها
تعالوا نشوف راي الناس في الانتخابات اللي جاية ودورهم في انجازها على الوجه الامثل
مساء السبت: دور قضاء مصر .. قبل أثناء وبعد الانتخابات
اذا كان ده راي الناس وموقفهم من الانتخابات اللي جاية ،، فأنا وخلال الايام الماضية بتأكد كل لحظة قد ايه ثورتنا دي عظيمة ،، وانها رغم كل شئ لسة مستمرة وان جمرتها لسة حمراء ملتهبة لم يستطيع احد اضفاء جذوتها ،، لما يصدر حكم بحق المصريين في الخارج في المشاركة في الانتخابات والسلطة التنفيذية ترضح لحكم القضاء ،، يبقى لازم نتفائل بأن الثورة مستمرة ،، ولما يصدر اول امبارح حكم في الدقهلية من محكمة القضاء الاداري بمنع اعضاء الحزب الوطني السابق من الترشح بأعتبارهم من المفسدين للحياة السياسية ،، يبقى لازم نتفائل ،، فالثورة لسة منتهتش وان الانجازات مستمرة حتى لو جت بطيئة او متأخرة ،، وبترجع في اغلبها لموقف قضاء مصر الشامخ ،، القضاء اللي دوره في الانتخابات اللي جاية حيكون مختلفة وضامن في كل المراحل سواء قبل الانتخابات او اثناءها او حتى بعدها ،، فللقضاء الكلمة الفصل في صحة العضوية ،، وليس سيد قراره
تعهدات وزارة الداخلية في الانتخابات القادمة
ضمان وجود انتخابات نزيهة او انتخابات بدون تزوير مرتبطة ايضا إلى جانب جهاز القضاء بالاجهزة الامنية المنوط بيها حماية العملية الانتخابية والتصدي لكل مظاهر الخروج عن الشرعية والقانون ،، صحيح ان جهاز الشرطة في الانتخابات اللي فاتت كان لاعب اساسي في عملية تزييف ارادة الناخبين ،، بداية من اعداد جداول الناخبين اللي كان المتوفيين بيمثلوا فيها الاغلبية ،، مرورا بمنع المرشحين والمندوبين من دخول اللجان ،، وكمان منع الناخبين نفسهم من دخول اللجان علشان تتم عمليات تسويد البطاقات وتقفيل الصناديق وفقا لمطالب الحزب الحاكم ،، اعتقد ان دور وزراة الداخلية المرة دي حيكون مختلف
مساء السبت: الانتخابات قبل ثورة ٢٥ يناير
كيف كانت تسير الانتخابات قبل ثورة ٢٥ يناير في مصر
دور القوى السياسية في إنجاز إنتخابات نزيهة
رغم ان اغلب المراقبين يلقون بمسئولية انجاز انتخابات نزيهة ومثالية على اجهزة الدولة وبخاصة قواها الامنية الا ان تعاطي القوى والاحزاب السياسية مع تلك الانتخابات وتفاعلهم الايجابي مع القواعد المنظمة للعملية الانخابية يمثل المعيار الحقيقي لنجاح الانتخابات عبر منافسة تتوافر فيها الشروط والمعايير الصحيحة
هذا الطموح يصطدم بسلوكيات اعتادت القوى السياسية والاحزاب عليها طوال الانتخابات السابقة فهل تستطيع تلك القوى ان تغيير من نفسها هذه المرة وهل يمكن للقوى السياسية الجديدة ان تلعب دورا ايجابيا
دور المجتمع المدني في التوعية والرقابة على الانتخابات
مصر بعد الثورة مختلفة حتما عن مصرقبلها ،، وانتخابات برلمان الثورة يراها كثيرون انتخابات حاشدة سوف يشارك فيها ملايين المصريين ،، حيث يتوقع المراقبون ان يتخلص المصريون ولأول مرة من سلبياتهم ويشاركوا بإيجابية في مشهد قد يفوق الاقبال في الاستفتاء على التعديلات الدستورية
وفي هذا الاطار يبرز دور منظمات المجتمع الاهلي في التوعية بأهمية تلك الانتخابات والاشتراك الايجابي فيها
التوعية بالمشاركة في الانتخابات يقابلها توعية بكيفية مراقبة سير العملية الانتخابية والتصدي لاي تجاوزات وتزوير
كيف نحظى بانتخابات نزيهة - د. أسامة الغزالي حرب
دور القضاء والاجهزة الامنية ليس كافيا وحده في انجاز انتخابات نزيهة لا تخضع للتزوير بمعناة الواسع وهو تزييف ارادة الناخبين ،، سواء كان بشراء الاصوات ،، او تقديم المنح العينية لتوجيه الناخب لوجهة معينة ،، او برفع شعارات دينية لدغدغة مشاعر المواطنين بعيدا عن حقيقة الصراع السياسي ،، كل دي سلوكيات بيقوم بها المرشحين والاحزاب والقوى السياسية المشاركة في الانتخابات ،، ودى حتكون جزء اساسي من حوارنا اللي حنبدأه بعد الفاصل مع مع د/ اسامة الغزالي حرب استاذ العلوم السياسية والرئيس السابق لحزب الجبهة الديموقراطية
دور المنظمات المدنية والأهلية في الانتخابات
دور المنظمات المدنية والاهلية في التوعية بأهمية الانتخابات اللي جية وازاي نكون حريصين في مراقبتها والتأكد من نزاهتها مع أ. احمد فوزي الامين العام للجميعة المصرية للنهوض بالمشاركة المجتمعية
ليست هناك تعليقات:
إرسال تعليق