نشاهد اليوم
برنامج صباح ON
و الذى يذاع على قناة ONTV
و تحمل لنا حلقة اليوم اخبار ساخنة كما تعودنا
شارك الخبر مع اصدقائك على الفيس بوك و تويتر و جوجل +1 من اعلى الصفحة
مع تمنياتى بمشاهدة ممتعة
و لنبداء
برنامج صباح ON حلقة الثلاثاء 22 نوفمبر 2011 من قناة ONTV يوتيوب كاملة
صباح الحرية التي لا تمنح #Nov23
صباح الخير يا يوسف .. وصباح الخير على مصر بحالها .. على رجالة التحرير .. على رجالة القائد إبراهيم .. على رجالة المنصورة .. على رجالة كل شبر في مصر بيخرج فيه شباب زي الورد يهزوا أركانه .. صباح الحرية التي لا تمنح .. وصباح الأمل في بكرة أحسن من كل اللي فات مهما حصل .. الناس ما بقتش تخاف .. وأكيد مصر مش هتخاف .
صباح الخير .. صباح مليان غاز وقنابل مسيلة للدموع وشهداء بالعشرات .. ومصابين بالآلاف .. صباح الحرية مش التحرير بس .. هي ليه الأيام دي بقت شبه أيام 25 يناير بجد .. السيناريو شبه اللي حصل بالضبط .. مفيش فرق .. ناس بتخون الثورة لأنهم عاوزين يكسبوا وعاوزين مصلحتهم مش عاوزين البلد تكون في خير .. قوى سياسية لا تعترف ألا بما ستحققه من مكاسب ولتذهب مصر إلى الجحيم عملا بمبدأ لو جالك الطوفان حط ابنك تحت رجليك .. الطوفان هيخلص على كل واحد وقف ضد الثورة الشريفة دي.
فاضل ايه عشان كل الناس تصدق إن اللي في التحرير مش مدسوسين من حد .. فاضل إيه عشان الناس تقتنع إن مفيش أصابع ولا أذرع بتلعب في أمن البلد وإن اللي خربوها هما اللي عاوزين يخربوها من يوم ما المخلوع المتهم ساب كرسيه ..
عصام شرف بيطالب الثوار بالهدوء وبيقول إن الحكومة نفذت مطالب كتير .. بأمارة ايه .. مش مكسوف من نفسك وإنت بتقول كده .. مش مكسوف من إدعاء ما لم تفعله.
إيه اللي اتغير في 10 شهور بعد الثورة .. ولا حاجة .. الأسعار نار .. الأمن مفيش .. الحكومة فاشلة .. التعيين بالعافية .. إيه جد على حياتنا .. مفيش حسنة نفتكرها ليكم .. مفيش إنجاز يحسب لكم .. ده حتى المخلوع الناس فاكراله إنجازات
شائعة وفاة هشام طلعت مصطفى في السجن
قبل ما نبدأ حلقتنا المفعمة بالحديث عن الذي يحدث في التحرير وميادين مصر الأخرى .. عاوزين نتكلم عن شائعة انتشرت وسط كل الأجواء الساخنة دي عن وفاة رجل الأعمال المصري هشام طلعت مصطفى داخل محبسه في سجن طرة وهو المحبوس بتهمة التحريض على قتل سوزان تميم.
صحافة الأربعاء ٢٣ نوفمبر ٢٠١١ - أ. سعد هجرس
إزاي ممكن أي جرنان في الدنيا يتكلم عن حاجة غير ما يحدث في ميدان التحرير وشارع محمد محمود .. عشان نحلل ونتكلم عن الثورة التي ولدت من جديد معانا في الاستديو الكاتب الصحفي الاستاذ سعد هجرس..
رسالة إلي حبيب العادلي ..إنته ربيت يا باشا
يوسف الحسيني يوجه رسالة الي حبيب العادلي ويقوله إنته ربيت يا باشا
صباح ON: وماذا بعد مليونية إنقاذ الثورة
البلد رايحة على فين ؟ مستني مصر إيه في الفترة الجاية ؟.. هل الانتخابات في هذا التوقيت قرار صائب ولا ممكن يقلب البلد رأسا على عقب .. إمبارح ألقى المشير محمد حسين طنطاوى رئيس المجلس العسكرى بيانا .. على خلفية أحداث التحرير .. أكد فيه أن المجلس العسكرى " لا يطمح فى الجلوس على كرسى السلطة " ، وأنه ملتزم بجدول زمنى لتسليم السلطة لمدنيين وأن تتم انتخابات رئيس الجمهورية فى موعد أقصاه 30 يونيو القادم على أن تتم انتخابات مجلس الشعب فى موعدها.
المشير أكد أيضا فى خطابه الذى لاقى رفضا من المعتصمين بالتحرير أن الجيش مستعد أن يتنازل عن إدارة البلاد والعودة لثكناته بعد استفتاء الشعب على ذلك ، وكان قد سبق البيان الذى ألقاه المشير اجتماع للمجلس العسكرى مع القوى السياسية خلص لعدة قرارات أهمها وقف العنف وتشكيل حكومة إنقاذ وطنى .. عشان نعرف مصر رايحة على فين وماذا ينتظرنا معنا اليوم للتعرف على ردود الأفعال بعد بيان المشير ولقاء القوى السياسية مع العسكرى ، وموقف التحرير من كل هذا الأستاذ جورج إسحق عضو المجلس القومى لحقوق الإنسان ، والأستاذ السعيد كامل رئيس حزب الجبهة الديمقراطية و المقدم ياسر أبو المجد أحد أعضاء ائتلاف ضباط الشرطة
ليست هناك تعليقات:
إرسال تعليق