برنامج مصر فى اسبوع
من قناة ONTV
كاملة يوتيوب
اتمنى مشاهدة ممتعة
برنامج مصر فى اسبوع حلقة الجمعة 4/11/2011 من قناة ONTV كاملة يوتيوب
الناجين يؤكدون الإهمال في حادث العبارة بيلا
حادث حريق العبارة "بيلا" خلا المصريين ينتبهم للتغيير بعد الثورة خصوصا وان المصريين في ذهنهم دايما كوارث العبارات اللي بتواكب مناسبات واعياد المصريين وموسم عودة المصريين بالخارج .. الناجين من العبارة اكدوا في تصريحات ولقاءات صحفية كم الاهمال في العبارة بيلا واتكلموا عن عدم وجود اطواق نجاة كافية او قوارب انقاذ بعدد الركاب .. لكن على أي حال حمدالله على سلامة اهلنا واخواتنا وربنا ما يعيد علينا ايام الكوارث دي تاني .. ونصحى شوية لمراقبة الاهمال اللي بيسبب الكوارث ..
مشاكل الأحزاب الجديدة واللجنة العليا للانتخابات
اللجنة العليا للانتخابات كلمة ومصطلح دخل حياتنا طوال الفترة الماضية الاحزاب القديمة والتقليدية ما عندهاش مشكلة في التعامل مع اللجنة وقرراتها والاحزاب الجديدة كل يوم بتقول في روتين وفي معوقات ايه الموضوع تعالو نعرفه من المحامي احمد فوزي والناشط الحقوقي
الشعرة بين الدعاية والرشاوى الانتخابية
الدعاية الانتخابية بدأت يوم الاربعاء اللي فات ومع حلول العيد اكيد هيكون لها شكل مختلف .. وبما انه في شعره دقيقة بين الدعاية الانتخابية والرشاوي الانتخابية وخصوصا الهدايا اللي بيوزعها المرشحين في دوايرهم .. خلونا نسمع استطلاع راى عن بدء الدعاية الانتخابية للمرشحين
معلومات الشارع عن وثيقة علي السلمي
احنا معانا فقرة عن وثيقة المبادئ الدستورية اللي اثارت بعض الجدل بين القوى السياسية .. لكن المرعب ان المواطن المصري يا ترى عارف ايه هي الوثيقة وهل هي حاكمة ولا عامة ! والاغرب يا ترى عارف ايه المواد الخلافية الي القوى والاحزاب مقطعة بعضيها عليها
أسباب استقالة مكتب حملة دعم البرادعي في الشرقية
النهاردة حملة دعم الدكتور البرادعى فى انتخابات الرئاسة اللى جايه بمحافظة الشرقية استقالوا من المكتب التنفيذى للحملة والسبب انهم مش عارفين يوصلوا للدكتور محمد...علشان منتكلمش كتير علشان معندناش تفاصيل معانا الدكتور محمد حامد منسق الحملة فى الشرقية
شرف بيتصور وأزمة القضاة والمحامين مستمرة
الحقيقة ان الدكتور شرف فاجأ الجميع بعض الصور على صفحته على الفيس بوك وتحتها تعليقات ان العلاقة بين جناحي العدالة عادت الى طبيعتها الغريب ان المستشار احمد الزند رئيس نادي القضاة اطلق تصريح من العيار الثقيل من الاراضي المقدسة وقدم هدية العيد فى بيان رسمى بيقول فيه ان ازمة القضاه والمحامين مازلت مستمرة وان القضاه لن يعودوا الى منصات القضاء الا بعد محاسبة اللى اسئاوا الى القضاء ...طبعا معنى البيان ده ان الدكتور عصام شرف محلش الازمة وان كل اللى عمله قعدة ظريفة وشوية صور وكام استيتوس على الفيس بوك .. خلونا نشوف استطلاع راى حوالين تجدد ازمة المحامين والقضاه
ختام مؤتمر الوحدة العربية وإرادة الشعوب
موئسسة فريدش نومان عملت مؤتمر صحفى فى ختام المؤتمر الدولى عنوان الوحدة العربية وارادة الشعوب تحديات تاريخية ومنظور ليبرالى .. تعالوا نشوف تفاصيل اكتر في التقرير الجاي
حوار مع أحمد زكي عابدين محافظ كفرالشيخ
يتكون شــعار محافظـة كفر الشــيخ من مركب فرعوني يوضح شهرة المحافظة بالصيد، اما السنبلتنان فتشيران الي إنتاج الارز حيث تنتج المحافظة 40% من إنتاج الجمهورية ...النهاردة معانا محافظ كفر الشيخ اللواء مهندس احمد زكي عابدين اللى بيلقب بعمدة محافظين مصر علشان هو اقدم محافظ موجود فى المحافظين ده غير ان المحافظ الوحيد اللى استمر بعد الثورة والغريبة ان مفيش مظاهرات طلعت عليه من اهالى المحافظة تطالب باقالته هيكون لينا معاه حور مطول حوالين مشاكل كفر الشيخ واسباب رفضه تعيين مجالس محلية مؤقتة والخطة اللى عملها علشان تامين الانتخابات اللى جاية
مصر في أسبوع: تعديلات وثيقة المبادىء الأساسية للدستور
أسفرت المناقشات التى أجراها الدكتور علي السلمي، نائب رئيس الوزراء للشئون السياسية، مع الأحزاب والقوى السياسية عن إجراء بعض التعديلات فى وثيقة المبادىء الدستورية، حيث تم تعديل البند التاسع الذى يتعلق بمناقشة ميزانية القوات المسلحة،وتعديل البند العاشر الخاص بتشكيل مجلس الدفاع الوطني
المتخصصين والمحللين السياسيين رأيهم ايه في التعديلات دي والوثيقة بشكل عام ده اللي هنعرفه من ضيوفنا
المستشارة تهانى الجبالى نائب رئيس المحكمة الدستورية العليا
الاستاذ محمد البرغوثي الكاتب الصحفي
معاً من اجل مصر .. حملة لشباب مسلم ومسيحي بتحمل على عاتقها رفع راية الوحدة الوطنية .. ان الدين لله والوطن للجميع وان لكل واحد حقه في حرية الاعتقاد والتدين والعبادة .. ايه حكاية الحركة دي ومين اللي وراها من ولاد مصر ؟ وبيعملوا ايه وازاي نقدر نساهم كلنا معاهم ؟
فؤاد رشاد أبوهميلة صحفى ومؤسس الحركة
مينا كمال لطفى ناشط سياسى وأمين عام الحركة
ليست هناك تعليقات:
إرسال تعليق