برنامج ON Time من قناة ONTV عن اهم اخبار مصر و البورصة المصرية و حركات التداول و مؤشرات البورصة حلقة السبت 15/10/2011 يوتيوب كاملة
ON Time أخبار وفعاليات محافظات وأقاليم مصر 15/10/2011
أخبار وفعاليات أقاليم مصر اليوم من محافظات مصر المختلفة
مال مصر: الفلول بيترشحوا والأحزاب مستنية
الأسبوع اللي فات ,وتحديدا يوم الاربعاء ,تم فتح باب قبول أوراق المرشحين لانتخابات مجلس الشعب.اللطيف في الموضوع ان أغلب اللي قدموا اوراقهم لغاية دلوقتي هم من فلول الحزب الوطني المنحل,في حين انه لسه القوى السياسية باختلاف اطيافها الليبرالية والاسلامية والقومية واليسارية,,ما استقرتش على قوائم مرشحيها النهائية ,في الانتخابات
والحقيقة انا شخصيا باديهم العذر في دا,لان مثلا لغاية النهارده الصبح,كانت لسه القوى دي مستنية اجابات لبعض الأسئلة ,اللي مكانش عندهم عليها اجابات دقيقة من اي جهة,وعلى راسها سؤال المحوري ,,,وهو:هل هينفع,زي ما كنا كلنا فاهمين انه هينفع,ان القوائم الانتخابية ,تبقى باسم التحالفات مش باسم بالاحزاب,يعني هل الناخب لما يخش ينتخب,هيلاقي قدامه مثلا,قائمة التحالف الديمقراطي او الكتلة المصرية وغيرها من قوائم التحالفات علشان يختار مابينها,ولا لازم القائمة تكون باسم حزب معين,زي الحرية والعدالة والغد والديمقراطي الاجتماعي وغيرهم ,والسؤال المحوري دا ,تم الاجابة عليه النهارده الظهر, في صورة تصريحات لرئيس اللجنة العاليا للانتخابات نزلت على بعض المواقع الالكترونية,التصريحات دي قالت انه هينفع تبقى القائمة باسم التحالف الانتخابي .سؤال تاني: هل ينفع ان يبقى فيه حزب, داخل في قايمة تحالف معين,وفي نفس الوقت,ينزل بقائمة تانية باسمه؟ معرفش بس غالبا لا..خد عندك كمان تساؤل تالت ,احنا عارفين ان اي حزب بيخش الانتخابات بقايمة,لازم علشان يحصل على اي مقاعد ,يجيب على الأقل نصف في الميه من اجمالي الاصوات الصحيحة على مستوى الجمهورية,ودي النسبة اللي بيسموها العتبة,طيب السؤال بقى لو عندنا تحالف من عشر احزاب,يبقى العتبة بتاعته علشان يخش البرلمان نصف في المية ولا نصف في الميه مضروب في عشرة يعني 5%...خلي بالكم اسئلة من النوع دا اجاباتها ممكن تقوم تحالفات وتفض تحالفات,وتزود او تنقص تحالفات,وخلي ان الاجابات على اهمها جه متآخر جدا,خاصة لو عرفنا ان باب الترشيخ للانتخابات ,هيتقفل يوم التلات الجاي
مال مصر: المواطن والأمن والبلطجي .. التأمين الحيادي
المشكلة التانية اللي عايز ابشر سيادتكم بيها,علشان نلاقيلها حل من دلوقتي,هي ان الملابسات اللي بتحيط بالانتخابات التشريعية القادمة ,بتؤكد انها ممكن تشهد ازهى عصور البلطجية,واقول لسيادتكم ليه؟..الجهتين الوحيدتين في مصر ,اللي عندهم حصر باسماء البلطجية,هما وزارة الداخلية من ناحية,ودي عندها بالتأكيد حصر تفصيلي باسماء البلطجية في كل قسم ومركز وحي ونقطة,اما الجهة التانية اللي عندهاالحصر فهي المرشحين من فلول الحزب الوطني ,كل واحد فيهم,عارف البلطجية والبلطجيات اللي كان بيستخدمهم ولسه هيستخدمهم في المنطقة بتاعته..ييجي حد يقولي بلطجية ايه؟,ما وزارة الداخلية والحكومة والمجلس الاعلى للقوات المسلحة,اعلنوا انهم هيؤمنوا بمنتهى الحياد اللجان الانتخابية,اللي بيقول كدا ها ارد عليه واقوله,خلي بالك ان خبراتنا السابقة في مسألة التامين الحيادي دي ,مهياش مبشرة على الاطلاق ,سواء قبل الثورة او أثنائها او حتى بعديها
يعني قبل الثورة,كان المرشحين بتوع الحزب الوطني,بيجيبوا البلطجية علشان يعتدوا على باقي المرشحين والناخبين بتوعهم ادام اللجان,وكانت الشرطة مابتدخلش بحجة انها محايدة,متقدرش تتدخل في مشاجرة بين فريقين من المواطنين,لانها لو اتدخلت ,المعارضة الوحشة ممكن تتهمها بعدم الحياد
طيب في اثناء الثورة شفنا مرة تانية ,تطبيق نظرية التأمين الحيادي,اثناء موقعة الجمل,لما قوات الجيش لم تتدخل لحماية المتظاهرين من البلطجية وفلول مباحث امن الدولة والحزب الوطني,بحجة انها متقدرش تتدخل في خناقة بين مواطنين مصريين.مش كدا وبس ,كمان بعد الثورة,شفنا نفس القصة بتتكرر,سواء في موقعة العباسية,او في مواقع ماسبيرو المتتالية..بلطجية بيضربوا المتظاهرين,ومحدش بيتدخل.
المال والانتخابات .. شراء الأصوات والرشاوى الانتخابية
في مجتمع بينتشر فيه الفقر وبترتفع فيه نسبة الامية ،،في مجتمع ظل يعاني على مدار عشرات السنين من فساد وافساد متعمد ،، لازم تكون تجارب الممارسة الديموقراطية يشوبها كثير من الاخطاء وربما الخطايا
واعتقد ان من اكثر الجرائم اللي اتعودنا عليها لسنين طويلة ،، هي جريمة استخدام المال لتزوير ارادة الناخبين في أي انتخابات ،، سواء من خلال شراء الاصوات بطريقة مباشرة ،، وكلنا عارفين حكاية الورقة المالية الي بيتم تقسيمها لقسمين يحصل الناخب على نصفها قبل التصويت والنصف الاخر بعده ،
ده طبعا إلى جانب الرشاوى الانتخابية اللي بيقدمها المرشحين في شكل شنط واغذية وملابس وغيرها
النهاردة واحنا على ابواب انتخابات جديدة بعد ثورة على كل الفساد اللي كنا عايشين فيه على مدار سنوات ،، لاي مدى حيفضل المال مؤثر في عمليات التصويت ،، وايه هي القوانين المنظمة لعملية المصروفات الخاصة بالدعاية الانتخابية ،،وايه عقوبة استخدام الرشاوى كوسيلة لحصد الاصوات
عن المال واستخدامه في الانتخابات البرلمانية السابقة بتدور فقرتنا الاولى الليلة واللي يشرفنا فيها كل من
- د/ علي الصاوي استاذ العلوم السياسية جامعة القاهرة
- د/ جمال زهران استاذ علوم سياسية وعضو مجلس الشعب السابق
مال مصر: أزمة قطاع السيارات .. أسباب وحلول
قطاعات الاقتصاد المصري تتراجع خلال الاشهر الماضية,تأثرا بحالة عدم الاستقرار,وعلى راسها السياحة بالطبع.يكاد يكون لايوجد قطاع لم يتآثر,بحالة عدم الاستقرار والانفلات الامني,يكاد يكون لا يوجد قطاع لم يتأثر ايضا بتأثر قطاع اخر أو قطاعات أخرى .من ضمن هذه القطاعات قطاع السيارات,الذي انخفض اجمالي مبيعاته,خلال التمن اشهر الأولى من العام الحالي ,بحوالي 33%,مقارنة بنفس الفترة السنة اللي فاتت
معنا لمناقشة اسباب ازمة قطاع السيارات ,والحلول المقترحة لها كل من
- رامي جاد رئيس قطاع رينو بالشركة المصرية التجارية للسيارات
- خالد حسني المتحدث الرسمي لمجلس معلومات سوق السيارات مدير عام شركة ابو غالي موتورز
ليست هناك تعليقات:
إرسال تعليق