برنامج صباح ON حلقة الاحد 30/10/2011 من قناة ONTV يوتيوب كاملة
دورة مياه قطر الصعيد الأسباني السياحي
أول آي ريبورت معانا من قطار الصعيد.. فيديو تم تصويره داخل دورة مياه وغرفة تكييف بالعربة رقم 1 بقطار 872 الاسبانى السياحي .. يعني بيركبه مصريين وأجانب .. الفيديو ده تم تصويره بعد تحرك القطار من محطة قيامه في رمسيس .نشوفه ونرجع تاني..
شايفين العظمة .. شايفين الحلاوة .. دورات المياه بدون مياه وبدون مناديل ومتهالكة والأرضية تكاد تسقط بالراكب و الكارثة الأكبر أن غرفة التحكم والتى تتضمن التحكم فى التكييف والإنارة غير محكمة الغلق ومن السهل فتحها و العبث بالمفاتيح ..
هناك فرق شاسع بين نفس القطار المتجه للصعيد ونفس القطار المتجه إلى الأسكندرية وكأن ركاب خط الصعيد ما بيدفعوش الأجرة وده كان واضح التمييز بين خطي الصعيد وإسكندرية لما وزير النقل افتتح محطة مصر من جهة الخط البحرى بعد التعديلات والإصلاحات بينما لايزال العمل في خطوط و أرصفة الصعيد مستمرا منذ سنوات ولم ولن ينتهى
ماذا يحدث في مدرسة زهراء شبين الكوم
تاني فيديو معانا عنوانه ماذا يحدث في مدرسة زهراء شبين الكوم ؟ السؤال ده هنلاقي إجابته في الفيديو اللي جاي .. نشوفوا سوا.
من دلوقتي .. مبنى حكومي عليه يفط انتخابات
ثالث آي ريبورت معانا صورة تؤكد استغلال بعض مرشحي الانتخابات المباني الحكومية في الدعاية الانتخابية لعضوية مجلسي الشعب والشورى .. أولا الدعاية دي مخالفة لقانون أو ما أقرته اللجنة العليا للانتخابات بعدم بدء الدعاية إلا بعد منح المرشحين الرموز وده ما حصلش وكمان عدم استغلال مباني حكومية في الدعاية .. يعني المرحشين دول مخالفين بالثلث.
مظاهرة لمقاطعة الانتخابات المغربية
ولسه معانا آي ريبورت أخير بس المرة دي من المغرب ودعوات لمقاطعة الانتخابات .. نشوف التقرير ده ونرجع تاني ..
رئيس الوزراء د. عصام شرف شايف شغله وبيتويت
أول خبر معانا يؤكد أن الدكتور عصام شرف شايف شغله كويس لدرجة إنه قال معلومة مهمة جدا على حسابه على تويتر .. رئيس الوزراء قال إيه بقى؟ .. قال إن الثورة مستمرة والانتخابات أهم محطاتها.
وقال إيه كمان .. بينتقد انخفاض عدد الشباب المتقدمين للترشح فى الانتخابات البرلمانية المقبلة رغم خفض سن الترشح إلى 25 سنة، وقال إنه لاحظ أن عدد الشباب الذين رشحوا أنفسهم للانتخابات أقل مما توقع سيادته برغم خفض سن الترشح، مؤكدا ثقته التامة في أن كلمة الحسم بالنسبة لكل المرشحين ستكون للشباب
فضيحة .. حسين سالم حر وعايش حياته في إسبانيا
تاني خبر معانا فضيحة بقى .. حيث قال محمد ريان رئيس الجالية المصرية فى أسبانيا الأمين العام لاتحاد المصريين بالخارج، إن رجل الأعمال المصرى الهارب حسين سالم يتمتع بالحرية الكاملة فى أسبانيا برفقة ابنيه خالد وماجدة، رغم ما يتردد عن تحديد إقامته ومنعه من مزاولة نشاطاته التجارية.
ريان كشف عن بدء التنسيق بين جهات التحقيق المصرية والأسبانية فيما يتعلق بالتحرى عن المبالغ المهربة من مصر لأسبانيا، مؤكداً على دور الجاليات المصرية فى أسبانيا وسويسرا للضغط على الحكومتين للتعاون مع الجانب المصرى، فيما يتعلق بإعادة الأموال المهربة للخارج. هو ليه مافيش حد بيتحرك ولا لازم ننضرب على قفانا من الصغير والكبير.
هي فين وزارة الخارجية ولا فين وزارة العدل ولا فين لجنة استرداد الأموال المهربة للخارج .. هي فين الحكومة .. لما حسين سالم اللي ضيع فلوس البلد عايش ميت فل وعشرة ومتهني بفلوسنا .. هو في حد عنده دم يرجع الفلوس دي؟
مدرسة المتفوقين في القرية الكونية
المدارس .. طول الوقت بنتكلم عن سلبيات المدارس التابعة لوزارة التربية والتعليم .. لكن وسط السلبيات دي في مدارس ممكن تكون نواة لتخريج علماء وعباقرة .. بس السؤال هو ليه كل المدارس ما بتقاش زي المدرسة اللي هنشوفها في التقرير اللي جاي .
صحافة ٣٠ أكتوبر ٢٠١١ - أ. جيلان جبر
معاد فقرتنا الصحفية وقراءة الجرايد اللي مالهاش سيرة غير الأزمات ومافيش حاجات منورة على صفحاتها .. معانا لقراءة هذه الصحف الكاتبة الصحفية الأستاذة جيلان جبر ..
صباح ON: التحرك العربي لدعم فلسطين
فلسطين.. الباحثة عن صوت يدعمها في مجلس الأمن .. الراغبة في سيادة وشرعية تمنحها حق تقرير المصير وبناء دولة انتظرها العرب منذ عقود..
تجتمع اليوم فى الدوحة لجنة مبادرة السلام العربية (لجنة المتابعة) لبحث آخر التطورات المتعلقة بالتحرك العربى والفلسطينى فى مجلس الأمن الدولى.. سيستمع المشاركون إلى تقرير مهم من الرئيس الفلسطينى محمود عباس حول الجهد الذى تم فى الفترة الماضية حول التحرك بخصوص طلب العضوية الكاملة لدولة فلسطين فى مجلس الأمن الدولى.
اللجنة هتسمع تقارير من الدول العربية حول تحركاتها واتصالاتها مع عدد من الدول المؤيدة والمعارضة لحصول فلسطين على عضوية كاملة فى الأمم المتحدة.. وتضم اللجنة كلاً من: فلسطين، ومصر، والأردن، والبحرين، والسعودية، وسوريا، ولبنان، والمغرب، واليمن، والجزائر، وتونس، والسودان، وقطر، والأمانة العامة للجامعة.. ويسعدنا اليوم أن يكون معنا فى الاستديو لمناقشة التحرك العربى لدعم فلسطين الأستاذ زياد عبدالفتاح، المحلل السياسى الفلسطيني
فلسطين بحاجة لكل صوت حتى تصبح دولة كاملة السيادة .. لا يعنينا وقوف أمريكا العنصرية ضد مساعيها لأننا على حق
صباح ON: تفاقم أزمة القضاة والمحامين
لقضاة و المحامون طرفي العدالة في مصر ، كل طرف يشكل كفة في ميزان العدالة ، قبل الثورة كانت هناك مناوشات و ازمة بين القضاة و المحاميين بسبب أزمة اتنين من المحامين في طنطا و النهارده أزمة جديدة بسبب قانون السلطة القضائية اللي كتير من المحاميين شايفين انه متجاوز حقوقهم..
الأزمة خطيرة فعلا وتستحق أن يتدخل طرف ثالث لحلها .. لا يجوز أن تتعطل مصالح المواطنين .. ولا يصح أن يدخل جناحا العدالة في صراع نتائجه ستكون كارثية .. عشان نعرف ابعاد الأزمة معانا في الاستديو المستشار حازم جاد الحق رئيس محكمة .. والأستاذ ناصر أمين رئيس المركز العربي لاستقلال القضاء والمحاماة علشان نعرف تفاصيل اكتر عن الازمة دي
ليست هناك تعليقات:
إرسال تعليق