برنامج صباح ON حلقة الاثنين 10/10/2011 من قناة ONTV كاملة يوتيوب
صحافة الإثنين ١٠ أكتوبر ٢٠١١ - أحداث ماسبيرو
الجرايد ركزت على ما شهدته مصر من إمبارح من أحداث مؤسفة وسقوط قتلى وجرحى في مأساة حقيقية .. معانا لقراءة الصحف اليوم الأستاذ عبدالفتاح عبدالمنعم مدير تحرير جريدة اليوم السابع..
صباح ON: خطوات عمل المجلس الانتقالي السوري
سوريا .. دماء تسيل وثورة تفتقد من يحميها .. مجتمع دولي عاجز أمام نظام الأسد .. وجيش وحشي يقتل الأبرياء
الربيع العربي اذا كان مده وصل لوول ستريت في قلب الولايات المتحدة ، لكنه حتى اللحظة دي لسه ما استقرش في دمشق بسوريا .. الثورة السورية ضد نظام الحكم البعثي العائلي مستمرة ، في نفس الوقت اللي السكوت الدولي مستمر الا من صوت همهمة هنا او هناك و في ظل خرس عربي كامل غير مبرر
الغريب ان النظام السوري لسه بيحاول يلعب الاعيب مكشوفة من نوعية الاصلاح الداخلي و الوعد بديمقراطية حقيقية و تداول للسلطة ، في ظل كل ده اصبح الشأن السوري هم عربي بيحاول يتشارك فيه كل الثوار العرب..و احنا من جانبنا هنحاول نقدم بعض الاجوبة من خلال ضيوفنا .. أحمد السيد يوسف، عضو الأمانة العامة للمجلس الوطني السوري و جبر الشوفي ، عضو الأمانة العامة لإعلان دمشق ..
يارب أحمي سوريا من جلادي شعبها .. يا كل عربي حر داق طعم الحرية خليك في ضهر كل سوري بيضحي بحياته عشان باقي الشعب يعيش اللي انت عايشه
أحداث ماسبيرو .. الشيخ مظهر شاهين - القس سامح موريس
مين اللي قال إن مصر مسلم ومسيحي .. ومين اللي فاكر إن البلد دي فيها أقليات .. ومين اللي عاوز يوصل للناس إن مصر مقسومة على نفسها .. الرئيس الراحل أنور السادات قال : مصر دي كل الأديان .. مش بنبالغ ولا بنقول كلام لمجرد حل أزمة مخطط ليها عشان ضرب استقرار البلد دي .. البلد دي بجد مش بتاعة حد ولا يمكن في يوم من الأيام نلاقي المسيحيين فيها أقلية بيدوروا على حقوقهم..
إنتوا مصدقين حكاية مسلم ومسيحي دي ؟ .. مين فيكم ما كلش لقمة حلوة في بيت طنط ميري .. مين ما قضاش طفولته مع مينا وجورج وفادي وماجد وحنا وميخائيل ؟ مين عينيه ما دمعتش لما عم ميلاد مات وراح وراه الكنيسة .. مين ما دخلش الكنيسة في جواز صاحبه بيشوي .. مش مهم الأسماء المهم إننا كلنا واحد .. كلنا ولاد مصر .. من طين مصر .. مدعوكين في هموم مصر وكلنا في مركب واحدة .. عشان نتكلم عن مصر بتاعتنا كلنا مش بتاعة حد معانا في الاستديو القس سامح موريس ، راعي الكنيسة الإنجلية بقصر الدوبارة والشيخ مظهر شاهين خطيب ميدان التحرير وشيخ مسجد عمر مكرم
ليست هناك تعليقات:
إرسال تعليق