برنامج رمضان بلدنا مع يوسف الحسينى على قناة otv حلقة الثلاثاء 2/8/2011 (رمضان 2011) يوتيوب كاملة
رمضان بلدنا:المؤشرات ترجح عدم حضور مبارك جلسة محاكمته
القرن اللى مافيش سيرة ولا كلام فى مصر كلها إلا عن محاكمة الرئيس السابق حسنى مبارك ونجليه علاء وجمال وحبيب العادلى وزير الداخلية الأسبق ومساعديه ...كافة المؤشرات ترجح عدم حضور الرئيس السابق للمحاكمة فى حين تأكد حضور العادلى ونجلى الرئيس بعدما إستلموا الإخطارات أول أمس، فى سياق متصل مديرية امن جنوب سيناء تلقت اخطارا بترحيل الرئيس السابق حسني مبارك الليلة الى القاهرة لحضور محاكمته المقرر بدء جلساتها غدا . ويقيم الرئيس السابق في مستشفى شرم الشيخ منذ عدة اشهر بعد تقارير صحية عن تدهور حالته الصحية بما يمنع ترحيله للسجن او مستشفى سجن طره.
رمضان بلدنا: الكسب غير المشروع يصرف زوجة نجل عاطف عبيد
قرر المستشار عاصم الجوهرى، مساعد وزير العدل بجهاز الكسب غير المشروع، صرف زوجة نجل عاطف عبيد، رئيس الوزراء الأسبق من سرايا التحقيقات، بعد توقيعها على إقرارات بالكشف عن حساباتها السرية بالداخل والخارج، وذلك لبيان كيفية حصولها على ثروتها.
رمضان بلدنا: مشاجرتان داميتان في السيدة زينب وفيصل
يوسف : إمبارح بالليل كان فيه مشاجرتين فى منطقتى السيدة زينب والتانية فى منطقة فيصل ...المشاجرة الأولى كانت بين أهالى حيين والتانية نفس القصة وطبعا كان فيه جرحى وبالمناسبة ده هيكون حديث فقرتنا الاخيرة النهاردة
رمضان بلدنا: طلعت السادات يخوض انتهابات المحامين
المحامى طلعت السادات عقد النهاردة مؤتمر صحفى للإعلان عن تفاصيل خوضه الإنتخابات على منصب نقيب المحامين ...تعالوا نشوف قال ايه
رمضان بلدنا : الجماعة الإسلامية وفض الميدان
النهردة واتصالا بما جرى بميدان التحرير زادت الدنيا سخونتها شويتين خصوصا مع حالة الجدل اللى صاحبت فض إعتصام ميدان التحرير إمبارح فى الوقت اللى أيدت الجماعة الإسلامية فض الجيش لاعتصام ميدان التحرير ، فى أول أيام شهر رمضان وده وفقا لتصريحات الشيخ عاصم عبد الماجد، المتحدث الرسمى باسم الجماعة، فإن الاعتصام خرج عن إطاره القانونى فى الأيام الأخيرة، وتسبب فى تعطيل الحياة بوسط القاهرة، وتحديدا مجمع التحرير...فى حين كان هناك حالة من الضيق لدى بعض القوى السياسية اللى شايفة إن طريقة فض الإعتصام تمت بشكل عنيف تعالوا نشوف مؤتمر صحفى للتعليق على اللي حصل فى ميدان التحرير.
رمضان بلدنا: توزيع لحوم المنحة السودانية
هنروح دلوقتى نشوف إزاى المجلس الأعلى للقوات المسلحة والحكومة اتعاونوا مع الجمعيات الأهلية فى توزيع لحوم المنحة السودانية اللى أهداها الرئيس عمر البشير للشعب المصرى
رمضان بلدنا: سيناريوهات جلسة محاكمة مبارك غداً
بكرو و لأول مرة في التاريخ المصري هتعقد محاكمة لرئيس ، بكرة اولي جلسات محاكمة الرئيس السابق محمد حسني مبارك و معاه نجليه علا و جمال و وزير الداخلية الاسبق حبيب العادلي و معاونيه و مساعديه ، محاكمة القرن زي ما قالت الصحف الامريكية و زي ما كتب عنها روبرت فيسك الكاتب البريطاني الاشهر المهتم بشئون الشرق الاوسط .
يوسف : بس فيه سؤال لسه بيناوش المصريين ، يا تري مبارك هيجي و لا لا ؟ قلبه هيوجعه و لا السرطان المرة دي هيكون قاسي عليه ؟ اسئلى كتير لسه بتسيطر علي اجواء محاكمة القرن علشان كده معانا في الاستديو المحامى محمد الدماطى رئيس لجنة الحريات بنقابة المحامين و المحامى يسرى عبد الرازق رئيس هيئة الدفاع المتطوعين عن الرئيس المخلوع و الدكتور شريف كامل استاذ القانون الجنائى بجامعة القاهرة
رمضان بلدنا: لماذا أصبح العنف من سمات المصريين
امبارح كان اول ايام شهر رمضان الكريم .. في العصر تم فض اعتصام التحرير ، و علي الرغم من الروايات المختلفة فكان فيه عنف من الطرفين ، و معداش ساعتين على افطار المصريين فى اول ايام الشهر الكريم الا وكان العنف واستخدام السلاح والبلطجة هو سيد الموقف فى اماكن شعبية متفرقة منها منطقة السيدة زينب وابو قتادة ببولاق الدكرور كل ده يخلينا نسأل ايه اللي بيخلق العنف ده ؟ و كان فين ؟ و ليه في السنتين اللي فاتوا العنف و اخذ الحق بالقوة بقت سمة مصرية ..و علشان نجاوب علي السؤال ده معايا في الاستديوالخبير الامنى فؤاد علام و الدكتور مصطفى شاهين امين الجمعية المصرية للطب النفسى
مع أم علياء: حوار بين حزب الكنبة وشباب ميدان التحرير
أول حوار بين حزب الكنبة وشباب ميدان التحرير مع أم علياء
ليست هناك تعليقات:
إرسال تعليق