بلدنا بالمصري: آثار غريبة للغاز المستخدم في 28 يونيو
الآثار الجانبية للغاز المسيل للدموع اللي انضرب على المتظاهرين من يوم التلات اللي فات بالليل ولحد تاني يوم الصبح وعليهم خير.. وبعد ما نرجع عندنا ليكوا حكاية ليها العجب
بلدنا بالمصري: احنا بلطجية وبنحرض على الشرطة
محكمة جنايات السويس ومقرها التجمع الخامس لأسباب أمنية، كانت بتحاكم النهاردة 14 من المتهمين بقتل الثوار قدام شرطة الأربعين في السويس أيام الثورة: 10 ظباط وصاحب معرض وولاده التلاتة.. دفاع المتهمين قال إن الشهدا مسجلين خطر وسوابق وعليهم احكام.. والمحكمة قررت تأجيل القضية ليوم 14 سبتمبر وعلينا وخير واخلاء سبيل كل المتهمين بكفالة 10 آلاف جنيه لكل واحد.. هو الحكم اتنطق من هنا وعينينا ما تشوف إلا النور وقامت الدنيا وما قعدتش.
لكن يمكن يكون اللي برد نار الأهالي مش بس أهالي الشهدا، أهالي مصر كمان، إن النائب العام المستشار عبد المجيد محمود، ما كدبش خبر وطعن على الحكم في ساعتها، والمفروض غن الطعن دة ينظر خلال 48 ساعة قدام دايرة تانية من دواير محكمة جنايات السويس غير الدايرة اللي بتنظر في القضية، حسب تصريحات المستشار عادل السعيد، النائب العام المساعد والمتحدث الرسمي باسم النيابة العامة
بلدنا بالمصري: تقرير لجنة تقصي حقائق أحداث 28 يونيو
تعالوا بقة بالمرة نوصل لحد المجلس القومي لحقوق الإنسان، نعرف بالتفصيل خلاصة النتايج اللي وصلت لها لجنة تقصي الحقايق في أحداث 28 يونية اللي قالت للزمان ارجع يا زمان وهات لي بلد لا ثار ولا اسقط نظام ولا دياوله ولا يحزنون!!!
بلدنا بالمصري: أهالي عزبة أبو قرن وقسم مصر القديمة
يوم الحد بالليل، قوات الأمن والجيش عملت حملة على منطقة عشوائية اسمها عزبة أبو قرن في منطقة أبو السعود في مصر القديمة، وقبضت على حوالي 50 من المتهمين بتجارة المخدرات، من ضمنهم واحد "أبو خنوفة" كان هربان من سجن قسم مصر القديمة من أيام الثورة_دة حسب البيانات الأمنية الرسمية_... المهم، تاني يوم_اللي هو امبارح_ عدد كبير من عائلات المتهمين اقتحموا قسم الشرطة وحصلت اشتباكات بين قوات الأمن وبين الأهالي راح فيها شاب عمره 18 سنة، قبل ما يطلعوا الأهالي على طريق صلاح سالم ويقطعوه يقفلوا نفق الملك الصالح لأكثر من خمس ساعات لحد ما قوات الجيش فتحت الطريق.. النهاردة، نيابة مصر القديمة، أمرت بتشريح جثة الشاب اللي توفى في الاشتباكات وأمرت بضبط وإحضار 13 متهم من اللي اتجمهروا قدام القسم، بتهمة القيام بإعمال شغب.. وتم القبض فعلاً على 8 منهم.. دة غير إنها أمرت بحبس 24 متهم من اللي كان تم القبض عليهم يوم الحد بالليل، وإخلاء سبيل 3 بكفالة على ذمة التحقيقات.
بلدنا بالمصري: براءة الكبار وطعن نيابة الأموال العامة
من ضمن كمان الأخبار اللي استفتحنا بيها اليوم النهاردة، أخبار الأحكام اللي حكمت بيها محكمة جنايات القاهرة في تلات قضايا فساد متهم فيها عدد لا بأس بيه أبداً من نزلاء طرة، من ضمنهم أنس الفقي ويوسف بطرس غالي وأحمد المغربي ومحمد عهدي فضلي ودول كلهم حكمت المحكمة ببراءتهم، قبل ما نيابة الأموال العامة تقرر الطعن على الأحكام، بناءاً على تعليمات من النائب العام وعلى أساس عدم اتفاق أسباب البراءة مع أدلة الاتهام التى اتوفرت من خلال التحقيقات.
بلدنا بالمصري: لقاء ف سامي عنان رؤساء الأحزاب المصرية
احنا لحد دلوقتي لسة مش باين لنا إيه هي بالظبط الخطوات اللي هنخطيها في الفترة اللي جاية ولا الخريطة اللي هنمشي على هداها والكل بيحاول بطريقته يهتدي لملامح المشوار.. ويمكن من هنا كان اللقاء اللي تم النهاردة بين الفريق سامى عنان، رئيس أركان حرب القوات المسلحة، مع رؤساء 15 حزب حوالين الاستعداد للانتخابات اللي جاية وأشياء أخرى
بلدنا بالمصري: علاوة للعاملين بالدولة وأصحاب المعاشات
بعد كتر الكلام في اليومين اللي فاتوا حوالين زيادة المعاشات في الموازنة الجديدة من عدمه، وزارة المالية أصدرت بيان النهاردة نصه كالآتي: رئيس المجلس الأعلى للقوات المسلحة المشير محمد حسين طنطاوى أصدر النهاردة ، مرسوما بقانون رقم 102 لسنة 2011، والذى ينص على تعديل القانون رقم 114 لسنة 2008، والخاص بمنح علاوة اجتماعية للعاملين فى الدولة وأصحاب المعاشات.وقالت وزارة المالية فى بيان لها إن المرسوم العسكرى الجديد ينص على تعديل العلاوة الاجتماعية لأصحاب المعاشات والمستحقين عنهم لتكون 30% من الأجر الأساسى بدلا من 20%، مع إلغاء الحد الأقصى الذى كان منصوصا عليه.وأضافت أن هذا المرسوم يأتى تنفيذاً لسياسة الدولة التى تستهدف التخفيف عن كاهل أصحاب المعاشات والمستحقين عنهم، وزيادة دخولهم بما يمكنهم من مواجهة متطلبات الحياة، خاصة فى ظل الظروف السياسية والاقتصادية الحالية، وأيضا لسياسة وزارة المالية والخاصة بالالتزام بمبادئ العدالة الاجتماعية. كما يأتى القرار أيضا تنفيذا لما أقرته المحكمة الدستورية العليا فى نهاية عام 2008 بشأن علاوة 2004 من مبادئ بشأن عدم دستورية وضع حد أقصى لزيادة المعاشات، أسوة بعدم وضع حد أقصى للعلاوات الخاصة المماثلة التى تتقرر للعاملين بالدولة والقطاع العام، وذلك لعدم التفرقة بين المواطنين من أصحاب المعاشات والعاملين فى الدولة.
بلدنا بالمصري: أجواء انتخابات نقابة الصيادلة على أشدها
تعالوا بقة نروح لحد نقابة الصيادلة لليوم التاني على التوالي، لإن الظاهر كدة إنها واقفة على قدم وساق وسخونة اجواء الاانتخابات على أشدها
بلدنا بالمصري: مستقبل التنظيمات النقابية المستقلة
من أهم الحاجات اللي خادناها من الثورة، إننا أخيراً بقى عندنا حاجة اسمها حريات نقابية ونقابات مستقلة بتتاسس بالساهل مش بالضالين ومش مغضوب عليها وما حدش واقف لها على الواحدة وبالمرصاد.. لكن أصلاً إيه أهمية إن يكون عندنا نقابات مستقلة في التقرير اللي جاي
بلدنا بالمصري: الديموقراطية بعد الربيع العربي
بجملة الوعود اللي بنوفيها النهاردة، تعالوا نروح لحد اليونسكو في باريس نشوف ونسمع خلاصة القول اللي اتقال عن الديمقراطية بعد الربيع العربي.. وأهوه منها كمان حضراتكوا تتاكدوا إننا كنت هناك ولما غبت عنكوا لا كنت مقموصة ولا كنت مزعلة حد!!!
بلدنا بالمصري: هل نحن قادرون على عقد الانتخابات
هل نحن قادرون على عقد الانتخابات؟ .. في بلدنا بالمصري
د. سمير عليش عضو جماعة من أجل انتخابات حرة نزيهة
ل. د. طارق خضر رئيس قسم القانون العام بأكاديمية الشرطة
أ. جمال غيطاس رئيس تحرير مجلة لغة العصر
بلدنا بالمصري: مقترحات أ. جمال عيد لإصلاح جهاز الشرطة
أ. جمال عيد بعد لقائه وزير الداخلية وتقديم مقترحاته لإصلاح جهاز الشرطة .. في بلدنا بالمصري
ليست هناك تعليقات:
إرسال تعليق