كنت من اكتر الناس اللى مضايقه من النظام الفاسد ده و ليس الرئيس بنفسه طبعا دة مش خوف هو مشى خلاص احنا بتكلم بصراحة
لكن اللى انا كتبته واللى انت هاتقراه ده مش محتاج افهم سياسه او لا
محتاج بس تحكيم عقل واعتراف بالحق
ماهو مش معقوله انا اتولد واعيش واموت تحت ولاية رئيس واحد
وكنت من اكتر الناس اللى اللى بتطالب بانهاء حكم الرئيس ويجى واحد غيره لكبر سنه و حالتة الصحيه فاكرين كنتم عاملين ازاى لما تعب و راح المانيا البلد كلها كانت زعلانة و بتدعيلة و لا انتم معاهم معاهم عليهم عليهم
اهو لعل وعسى الحال ينصلح يبقى لينا كرامة وقيمة
واهو الحال مانصلحش ومجاش حد غير مبارك وفضل مبارك
ويجى الحزب الوطنى باغلبيه ساحقة ومفيش معارضه فى البرلمان
واحمد عز يحط مين ينجح ومين يسقط و مين ياخد كام والكوسة شغاله
كل اللى حصل ده كوم وممكن اصدقه واعقله
اتولد واعيش واموت تحت رئيس واحد ماشى
خلاص دلوقتى انا اصدقها
واعقلها وموافق عليها
يحصل تزوير والحزب يبقى اغلبيه ب 97 فى الميه ماشى
دلوقتى انا اصدقها
دلوقتى انا موافق على الكلام ده
بس مصدقش بعد 30 سنه حكم وقبلهم 30 سنه خدمه فى طيران وجوية وحرب
يمشى الراجل بالطريقة دى
60 سنه يا جماعه بخ كده
تــــــــــــــــــــــاريـــــخ طويــــــــــــــــــــــــــــــــــــــــــــــــل
بحلوه وبمره يضيع كده
يختفى و ينتهى كده بالطريقة البذيئة دى
منكم لله يا ياللى وديتو الراجل فى داهية
منك لله يا جمال يا مبارك
منك لله يا احمد يا عز
منك لله يا صفوت يا شريف
منك لله يا زكريا يا عزمى
منك لله يا بطرس يا غالى
منك لله يا حبيب يا عادلى
منك لله يا عاطف يا عبيد
منك لله يا برادعى
60 سنه يروحو كده اونطه
عمر بحاله يا عالم يا جاحده ينتهى كده
فى نكران للجميل اكتر من كده
ده انت يا عميل معملتش حساب ليوم وقفت فيه وهو بيسلمك الجايزة دى
انا مش مؤيد لمبارك بالمره انا محايد لكى اعرف احكم عقلى
ولكن انت لما تبقى شغال فى شركة 6 سنين مش 60 سنه
وتلاقى المدير تانى يوم يقولك امشى سواء غلطت او ماغلطتش
وانت تقول للمدير ادينى فرصه وانا كده كده ماشى ماشى
وهو يقولك لا بره و حالا ودلوقتى و يهينك وينسى كل اللى عملته سواء حلو او وحش
ساعتها هاتحس انك انت فعلا عمرك ضاع اونطه فى اونطه
رغم انهم 6 سنين مش 60 سنه
وينفع تقول لابوك اخرج بره يا خنزير
وينفع وائل غنيم يقول ارحل يعنى امشى - ياللى مابتفهمشى
ينفع شاب يهزق واحد عنده 83 سنه بالطريقه دى
مين يا جماعه يرضى يتعمل كده فى والده
يرضى مين بس
يبقى هو ده الغباء والهبل و نكران الجميل
يبقى هو ده اللى يستحق انى اكتبه كلمة حق لواحد حرام يضيع تاريخه كده
رغم كرهى الشديد لنظامه الفاسد و ليس له شخصيا انا من اشد المعجبين به
ولكن كلمة حق تقال
يعيش حسنى مبارك
وتحياتى لكل الشهداء اللى ضحوا عشان احنا نعيش
ليست هناك تعليقات:
إرسال تعليق